सुहासिनी गांगुली  हिन्दी देवनागरी में पढ़ें।

suhasini ganguli
suhasini ganguli
poora nam suhasini ganguli
any nam suhasini didi
janm 3 faravari, 1909
janm bhoomi khulana, bngal
mrityu 23 march, 1965
abhibhavak pita- avinash chandr ganguli, mata- saralasundari devi
nagarikata bharatiy
prasiddhi svatntrata senani
jel yatra hijali jel men 1930 se 1938 tak rahin.
any janakari san 1942 ke andolan men bhi suhasini ganguli ne bhag liya aur phir jel geen. isake bad 1945 men chhootin.

suhasini ganguli (angrezi: Suhasini Ganguly, janm- 3 faravari, 1909; mrityu- 23 march, 1965) bharatiy svatntrata senani thin. bharatavarsh ki azadi unake jivan ka sabase bada sapana tha, jisako poora karane men unhonne apana poora jivan laga diya. unake is tyagamay jivan aur sahasik kary ko samman dene ke lie kolakata ki ek sadak ka nam 'suhasini ganguli sarani' rakha gaya hai. rachana bhola yamini ne apani pustak 'svatntrata sngram ki krantikari mahilaen' men unake jivan charitr ka varnan kiya hai.

parichay

suhasini ganguli ka janm 3 faravari san 1909 men khulana, bngal men hua tha. unaka paitrik ghar dhaka, zila vikramapur ke baghiya namak ganv men tha. pita avinash chandr ganguli aur mata saralasundari devi ki beti suhasini 1924 men dhaka eedan haeeskool se maitrik pas karake eedan kalej se snatak banin. ek tairaki skool men ve kalyani das aur kamala dasagupta ke sampark men aeen aur krantikari dal ka sath dene ke lie prashikshan lene lagin. 1929 men viplavi dal ke neta rasik lal das se parichay hone ke bad to vah poori tarah se dal men sakriy ho geen. hemant taraphadar ne bhi unhen is or protsahit kiya.

adhyapan kary

san 1930 ke 'chataganv shastragar kand' ke bad bahut se krantikari british pulis ki dhar-pakad se bachane ke lie chandranagar chale gaye the. suhasini ganguli in krantikariyon ko suraksha dene ke lie kalakatta se chndranagar pahunchin. isake pahale vah kalakatta men goonge-bahare bachchon ke ek skool men kary kar rahin thin. chandranagar pahunchakar unhonne vahin ke ek skool men adhyapan-kary le liya. sham se subah tak vah krantikariyon ki sahayak unaki priy suhasini didi thin. din bhar ek samany adhyapika ke roop men kam par jati thin aur ghar men shashidhar achary ki chhadm patni banakar rahati thin taki kisi ko sndeh n ho aur yah ghar ek samany grihasth ka ghar lage aur vah krantikariyon ko suraksha bhi de saken. ganesh ghosh, lokanath bal, jivan ghoshal, hemant taraphadar adi krantikari bari-bari se yahin akar thaharate the.

giraftari

yah sab karane par bhi british adhikariyon ko suhasini ganguli par sndeh ho gaya. us ghar par chaubison ghnte nigah rakhi jane lagi. phir 1 sitambar, 1930 ko us makan par ghera dal diya gaya. amane-samane ki muthabhed men jivan ghoshal goli se mare ge. anant sinh pahale hi pulis ko atm samarpan kar chuke the. shesh sathi aur suhasini ganguli apane tathakathit pati shashidhar achary ke sath giraphtar ho geen. unhen hijali jel bhej diya gaya, jahan indumati sinh bhi thin. ath sal ki lambi avadhi ke bad ve 1938 men riha ki geen.

svatntrata sngram men yogadan

san 1942 ke andolan men unhonne phir se svatntrata sngram men bhag liya phir jel geen aur 1945 men chhootin. hemant taraphadar tab dhanabad ke ek ashram men snnyasi bhesh men rah rahe the. rihaee ke bad suhasini ganguli bhi usi ashram men pahunch geen aur ashram ki mamatamayi suhasini didi banakar vahin rahane lagin. baki ka apana jivan unhonne isi ashram men bitaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah