राजा महेन्द्र प्रताप  हिन्दी देवनागरी में पढ़ें।

raja mahendr pratap
raja mahendr pratap
poora nam raja mahendr pratap
any nam khadagasinh[1]
janm 1 disambar 1886
janm bhoomi murasan, uttar pradesh
mrityu 29 aprail, 1979
abhibhavak raja bahadur ghanashyam sinh
nagarikata bharatiy
prasiddhi sachche deshabhakt, krantikari, patrakar aur samaj sudharak

raja mahendr pratap (janm: 1 disambar, 1886, murasan, uttar pradesh; mrityu: 29 aprail, 1979) ek sachche deshabhakt, krantikari, patrakar aur samaj sudharak the. ye 'aryan peshava' ke nam se prasiddh the.

jivan parichay

raja mahendr pratap ka janm murasan naresh raja bahadur ghanashyam sinh ke yahan 1 disambar san 1886 ee. ko hua tha. raja ghanashyam sinh ji ke tin putr the, dattaprasad sinh, baldev sinh aur khadagasinh, jinamen sabase bade dattaprasad sinh raja ghanashyam sinh ke uparant murasan ki gaddi par baithe aur baldev sinh baldevagadh ki jagir ke malik ban ge. khadagasinh jo sabase chhote the vahi hamare charit nayak raja mahendr pratap ji hain. murasan rajy se hatharas god ane par unaka nam khndagasinh se mahendr pratap sinh ho gaya tha, mano khadag unake vyaktitv men sakar pratap banakar hi ekibhoot ho gee ho. kunvar baldev sinh ka raja sahab (mahendr pratap ji se) bahut ghanishth sneh tha aur raja sahab bhi unhen sada bade adar ki drishti se dekhate the. umr men sabase chhote hone ke karan raja sahab apane bade bhaee ko 'bade dadaji' aur kunvar baldevasinh ji ko 'chhote dadaji' kahakar snbodhit kiya karate the.

bachapan

jab raja sahab keval tin varsh ke hi the, tabhi unhen hatharas naresh raja harinarayan sinh ji ne god le liya tha, kintu raja sahab 7-8 varsh ki avastha tak murasan men hi rahe. isaka karan yah tha ki raja ghanashyamasinh ko yah dar tha ki kahin raja harinarayan sinh ki vishal sampatti par lalach ki drishti rakhane vale lobhiyon dvara balak ka koee anisht n ho jae.

vidyarthi jivan

raja sahab pahale kuchh din tak aligadh ke gavarnament skool men aur phir aligadh ke em.e.o. kaaulej men padhe. yahi kaaulej bad men aligadh muslim vishvavidyalay ke roop men vikasit hua. raja sahab ko aligadh men padhane sar saiyad ahamad khan ke agrah par bheja gaya tha, kyonki raja sahab ke pitaji raja ghanashyam sinh ki saiyad sahab se vyaktigat mitrata thi. is snstha ki sthapana ke lie raja bahadur ne yathesht dan bhi diya tha. usase ek pakka kamara banavaya gaya, jis par aj bhi raja bahadur ghanashyam sinh ka nam likha hua hai. raja sahab svayn hindoo vatavaran men pale parantu em.e.o. kaaulej men padhe. isaka ek sukhad parinam yah hua ki muslim dharm aur musalaman bandhuon ka nikat sampark unhen mila aur ek vishisht varg ke (rajakumaron ki shreni ke) vyakti hone ke karan tab unase milana aur unake sampark men ana sabhi hindoo muslim vidyarthi ek gaurav ki bat manate the. isaka parinam yah hua ki raja sahab ka muslim vatavaran tatha musalaman dharm ki achchhaiyon se sahaj hi parichay ho gaya aur dharmik snkirnata ki bhavana se vah sahaj men hi oonche uth ge. bad men jab raja sahab desh ko chhod kar videshon men svatntrata ka alakh jagane gaye, tab musalaman badashahon se tatha muslim deshon ki janata se unaka hardik bhaeechara har jagah svayn ban gaya. hamari ray se raja sahab ke vyaktitv ki yah visheshata unhen is shiksha snsthan ki hi den hai.

svatntrata senani ki bhavana

raja sahab jab vidyarthi the, unamen jahan sab dharmon ke prati sahaj anurag jaga vahan shiksha dvara jaise-jaise buddhi ke kapat khule vaise-vaise hi angrezon ki samrajy lipsa ke prati unake man men kshobh aur vidroh bhi bhadaka. vrindavan ke raj mahal men prachalit thakur dayaram ki virata ke kisse bade boodhon se sunakar jahan unaki chhati phoolati thi, vahan jis anyay aur nichata se goron ne unaka rajy hadap liya tha, use sunakar unaka hriday krodh aur kshobh se bhar jata tha aur vah unase takkar lene ke mnsoobe bandha karate the. jaise-jaise unaki buddhi vikasit hoti gee, vaise angrezon ke prati inaka virodh bhi man hi man tivr hota chala gaya.

angrez pulis kaptan se mulakat

raja sahab jab aligadh men vidyarthi the, unake chhote bhaee dada (bich ke bhaee) kunvar baldev sinh pray: unase milane aligadh ate rahate the. ek din vah unhen apane sath aligadh ke angrez pulis suparintendent se milane le ge. us samay raja sahab 19 ya 20 varsh ke navayuvak the. jab pulis suparintendent se mulakat huee, to kunvar baldev sinh ne use salam kiya parantu raja sahab ne aisa n karake usase keval hath milaya. bad men jab batachit ka silasila chala to raja sahab ne pulis suparintendent ko kisi prasng men yah bhi havala diya ki hamare dada angrezon se lade the. yah sunakar suparintendent kuchh samay ke lie sann rah gaya aur kuchh minaton tak vichar-magn raha. jab bad men batachit ka prasng badala tab vah samany sthiti men a saka. is prakar nirbhikatapoorvak apani spasht bat kah dene ki adat raja sahab men bachapan se hi rahi.

vivah

raja sahab ke bade bhaee kunvar baldev sinh ji ki shadi pharidakot men badi shan se huee thi aur use dekhakar unake man men bhi yah gupt lalasa jag uthi thi ki mera vivah bhi aisi hi shan aur tadak-bhadak se ho. raja sahab ke vidyarthi jivan men hi san 1901 men jab vah keval 14 varsh ke the, yah avasar bhi a gaya. jind naresh maharaj ranavirasinh ji ki chhoti bahin balavir kaur se unaki sagaee bade samaroh se vrindavan men pakki ho gee aur vivah ki taiyari hone lagi. parantu isi bich ek mahanh durghatana ghat gee. jis din raja sahab ka tel chadha tha, usi din durbhagy se mathura vrindavan marg par sthit jayasinhapura vali kothi men unake poojy pita raja bahadur ghanashyamasinh ji ka svargavas ho gaya. is durghatana ke karan vivah ko bhi sthagit karane ka bhi vichar hone laga, kintu ant men yahi tay hua ki kyonki raja mahendr pratap god a gaye hain, at: dehari badal jane ke karan ab vivah nahin roka ja sakata.

rel gadiyon men gee barat

raja mahendr pratap ji ka vivah jind men badi shan se hua. do speshal rel gadiyon men barat mathura steshan se jind gee. is vivah par jind naresh ne tin lakh pichahattar hazar (3,75,000) rupaye vyay kie the. yah us saste yug ka vyay hai, jab 1 rupaye ka 1 man gehoon ata tha. vivah men itana adhik dahej aya tha ki vrindavan ke mahal ka vishal angan usase khachakhach bhar gaya. is dahej ka bahut sa saman maharaj ne isht mitron aur janata ko bant diya. vivah ke samay raja sahab ki ayu keval 14 varsh ki thi aur unaki maharani unase tin varsh badi thin. is chhoti avastha men bhi maharaj men danavritti aur tyagavritti vidyaman thi. vah rajyadhikar prapt hone par bhi yathavat bani rahi, varanh kahana chahie ki unamen paropakar ki bhavana nirntar vikasit hoti rahi.

murasan rajy

raja mahendr pratap ke samman men jari dak tikat

murasan rajy ke snsthapak nandaram sinh apane paradada makhanasinh ki tarah asim sahasik tatha rananiti aur rajaniti men parngat the. aurngazeb ko nandaram sinh ne apane karanamon se itana atnkit kar diya, jisase mugal darabar men nandaram sinh ko faujadar ki upadhi dekar sntosh ki sans li. nandaram sinh ne pahali bar murasan ka ilaka bhi apane adhikar men kar liya aur ve ek riyasatadar ke roop men prasiddh hue. inake chaudah putr the, jinamen se jalakaran sinh, khushalasinh, jaisinh, bhojasinh, chooraman, jasavantasinh, adhikaranasinh aur vijayasinh in ath putron ke nam hi gyat ho sake hain. pahale jalakaranasinh aur unaki mrityu ke bad khushalasinh nandaram sinh ke uttaradhikari hue. inhonne apane pita ki upasthiti men hi murasan men sudridh qila banavaya[2] aur pita ke uparjit ilake men bhi vriddhi ki. sadatulla se bahut sa ilaka chhin kar mathura, aligadh, hatharas ke antavarti pradesh ko bhi inhonne apane rajy men mila liya, ghode aur topon ki snkhya men bhi vriddhi ki. shesh bhaiyon men se chooraman, jasavntasinh, adhikaranasinh aur vijayasinh ne kramash: tochhigadh, baharamagadhi, shrinagar aur haramapur men apana adhikar sthapit kiya. nandaram sinh ne apani ankhon se hi apani sntati ke hathon apane rajy-vaibhav ki vriddhi hoti dekhi.[3] yah 40 varsh rajy karake san 1695 ee. men svarg sidhare.

rajyadhikar

raja haranarayan ji ki mrityu ke samay san 1895 ee. men raja sahab navalig the, at: rajy ka prabndh sarakar ne kort af vards ko saunp diya, parantu unake valig hone se ek varsh poorv hi san 1906 men riyasat unake adhikar men a gee. isaka karan yah hua ki riyasat korat hote samay rajy ke karmachariyon ne riyasat shighr hi laut sake, is drishti se raja sahab ki ayu ek varsh adhik likha di thi. is bhanti 20 varsh ki ayu men hi raja sahab ka adhikar riyasat par ho gaya aur tabhi unaki padhaee band ho gee. aligadh men unaki shiksha ef.e. tak huee. ef.e. men vah sains ke vidyarthi the. raja sahab ko hisab men vishesh yogyata prapt huee, parantu angrezi unaki bahut achchhi n thi. bi.e. ke pratham varsh men vah fel ho ge aur tabhi rajy prapti ke bad unaki padhaee samapt ho gee.

raja ki upadhi

is prakar yadyapi raja sahab ko rajyadhikar prapt ho gaya tha, parantu angrezon ne unhen raja ki upadhi nahin di. raja sahab ke janmadata murasan rajavnsh men 'raja bahadur' ki upadhi parnparagat aur janmajat thi, jo gaddi par baithane vale ko svayn prapt ho jati thi.[4] hatharas rajavnsh ki sthiti isase bhinn thi. yahan raja ki upadhi angrezon dvara di jati thi. raja sahab ke pita haranarayan bhi raja sahab ki bhanti hi god aye the, parantu unhen angrezi sarakar ne raja svikar kar liya tha. at: unake uparant jab raja mahendr pratap murasan se god aye the to angrezon ko raja haranarayan ki bhanti hi unhen bhi raja ki upadhi deni chahie thi, parantu n to raja sahab ne kabhi us samay ki angrez sarakar se yah upadhi mangi aur n unhonne hi unhen apani or se yah samman pradan kiya.

janata ka raja

raja haranarayan ki mrityu ke uparant janata ne svayn unhen apane pyar ke karan bachapan se hi raja kahana prarambh kar diya tha aur vah janata ke hridayasan par aj tak raja ke roop men hi vidyaman hain. is prakar raja mahendr pratap ji ki 'raja ki upadhi' janata janardan dvara pradatt hai. vah unhen angrezi dasata ki virasat se prapt upadhi nahin hai. sarakari kagazon men angrez unhen sada kunvar hi likhate rahe.

vyaktitv

raja mahendr pratap ka jivan-kram arambh se hi jahan ek toophan ke saman nirntar vegavan tha, vahin vah astha, vishvas aur paropakar ki surabhi se surabhit bhi raha. maulik chintan, dridh nishchay, adamy utsah aur ek-ek kshan ke sadupayog ki prabal utkntha unamen kishoravastha se hi apane rajyadhikar prapti kal men bhi vidyaman thi. prachinata ke prati shraddha aur eeshvar ke prati atoot vishvas rakhate hue bhi navin yug ki nav chetana ko bachapan se hi unhonne age badhakar apanaya. andh vishvason ke lie unake man men kabhi koee moh nahin raha aur kadachit kisi atnk se darana unaki janmaghutti men hi nahin tha. bachapan se hi yah aise dridh nishchayi the ki ek bar jo bat man men jam gee, usase hatana ya vichalit hona, vah janate hi nahin.

samaj sudharak

vrindavan men shravan ki hariyali tij ka jhoola-utsav bharat prasiddh hai. vrindavan ke adhishtata bhagavan banke bihari ji varsh men keval usi din jhoola jhoolate hain. isi hariyali tij ke avasar par maharaj ne apane pratham putr ka janmotsav manane ka nirnay liya. samast isht mitr v snbndhiyon ko amntran bhej diye ge. mahamana malaviy ji sahit raja sahab ke snbndhi aur mitr gahane kapade aur bhent ki samagri lekar janmotsav men bade utsah se padhare. sabhi ka yathayogy svagat samman kiya gaya. ek vishal ygy mndap men pnditon ne ygy karaya. ygy ke uparant ek badhaee sabha huee. is sabha men raja sahab ne bhashan dete hue kaha ki mere aj jo putr hua hai, vah ek audyogik shikshan snsthan hai. ap sab use ashirvad den. yah sunakar sabha men halachal mach gee. kuchh vyakti raja sahab ki sarahana karane lage to kuchh is prakar ki galataphahami paida karane ke lie naraj bhi hue. raja sahab ke ek vayopriddh garib adhyapak altaj ali jo bachche ke lie bade ullas se jebar v kapada lekar aye the, raja sahab ko dantane lage. raja sahab ki donon mataen yah samachar sunakar du:khi ho geen. udhar sabha men vidyalay ke namakaran par vichar hone laga. yah sujhav bhi aya ki raja sahab ke poojy pitaji ke nam par vidyalay ka nam ho, kisi ne kaha, svayn raja sahab ke nam par vidyalay ka namakaran ho. kisi ne kaha 'jat vidyalay' ho, par raja sahab ne kaha shri krishn ko premavatar bhi kahate hain aur yah unhin ki lila bhoomi hai, isilie isaka nam 'prem mahavidyalay' rakhana chahie. sabane bade harsh se yah prastav svikar kiya aur is vichar ki prashnsa ki.

prem mahavidyalay ki sthapana

raja sahab apani sampoorn sampatti prem vidyalay ko dan karana chahate the, parantu mahamana malaviy ji ke yah samajhane par ki yah pushtaini riyasat hai, ap sab dan nahin de sakate, raja sahab ne apani adhi sampatti (panch ganv aur do mahal) vidyalay ko dan kar diye. apani mataon ke nivas ke lie vidyalay ko dan di gee sampatti men se hi raja sahab ne 10,000 rupaye dekar apani hi kelakunj ko vidyalay se pun: kharida aur vahan mataon ke rahane ki vyavastha ki. ek trast banakar san 1909 men vidyalay ke lie sampatti ki rajistri kara di gee aur maharani viktoriya ke janm din[5] par is vidyalay ko shuroo kiya gaya.

shiksha snsthaon ko dan

apane shasan kal men raja sahab ne shiksha snsthaon aur garibon ki or vishesh dhyan diya. unake lie apake dvar sada khule rahate the. aligadh ke di.e.bi. kaaulej aur kayasth pathashala ke lie apane bhoomi dan men di thi aur hindoo vishvavidyalay, kashi ko bhi bhent di thi. isalie ap vishvavidyalay ke bord ke sadasy bhi the. bulandashahar zile men raja sahab ki kafi badi jamindari thi. vahan bhi apane anek snsthaon ko hriday kholakar dan die. raja sahab ne mathura ke ziladhikari ko us saste jamane men das hazar rupaye dan die the ki is rakam se baink kholakar usase unake mathura zile ke prajajan kisanon ko sahayata di jaye. isi prakar apane 25 hazar rupaya dekar mathura zile ke apani zamidari ke ganvon men prarnbhik pathashalaain bhi khulavaeen.

chhuachhoot ke shatru

raja sahab jati ke adhar par chhuachhoot ke us samay bhi ghor virodhi the, jab mahatma gandhi is desh men laute bhi n the. gandhi ji ke achhootoddhar andolan arambh hone se bahut pahale hi apane vrindavan jaisi puran pnthi vaishnavi nagari men rahakar bhi is anyay poorn pratha ke viruddh jihad bol diya tha. is snbndh men kuchh ghatana yahan di ja rahi hain. yah vah yug tha, jab sanatani log achhooton ki chhaya se bhi chhoo jana pap manakar snan karate the aur unhen bahut hi hey aur ghrina ki drishti se dekha jata tha. parantu raja sahab ne san 1911 men jab ve svasthy labh ke lie almoda gaye the, ek tamata ke sath bhojan kar liya. tamata aisi ek achhoot jati thi, jisaki chhooee huee vastu apavitr manakar phenk di jati thi. aise vyakti ke sath raja sahab bhojan karen, yah bat unake kisi sathi ko pasand n thi. at: charon aur kafi kanaphoonsi huee, parantu raja sahab ne us or koee dhyan nahin diya.

rajaniti men

raja sahab ne rajaniti men bhi apana dabadaba banaya aur svatntr roop se 1957 ka mathura snsadiy kshetr se lokasabha chunav jitakar snsad pahunche.

kangres adhiveshan

raja sahab men desh bhakti ki bhavana arambh se hi thi. san 1906 men ap apane sale jind naresh ke virodh ke bavajood bhi kalakatta kangres men shamil hue the. isake uparant prem mahavidyalay ke chhatron ke ek dal ke sath ek speshal baigan buk karakar ap san 1910 ki prayag kangres men bhi sammilit hue. sab vidyarthiyon ko ekasi tanidar nichi bagalabandi dharan kara kar brajavasi veshabhoosha men yah dal prayag pahuncha tha. is varsh kangres adhiveshan ke sath usi mndap men maharaj ek shikshan sammelan bhi karana chahate the, parantu shri motilal neharoo unhen kangres ka pndal upayog ke lie dene ko sahamat n hue. tab raja sahab ne 500 rupaye men ek naya shamiyana kharida, jisamen lagabhag 400 vyakti baith sakate the aur kangres ke sath hi prayag men ek akhil bharatiy shiksha sammelan bhi ayojit kiya gaya, jisaki adhyakshata jhalavad naresh ne ki thi.

9 9 9 ka chakkar

san 1914 se pahale turki snsar ke char bade samrajyon men se ek tha, parantu san 1912 men hi usake vighatan ke lakshan prakat hone lage. bulgariya aur gris se turki ka yuddh raja sahab ke thik hone ke bad hi prarambh ho gaya tha aur aligadh ke kuchh muslim chhatron ke sath daauktar ansari vahan turki ke ghayalon ki seva karane ke lie gaye hue the. raja sahab ne jab yah suna to ap bhi turant ghayalon ki seva karane ke lie 9 din ki yatra karake turki ja pahunche. konsatentinopil pahunch kar apane jab turki men pravesh karana chaha to ap rok diye ge. kathinaee se apako kuchh samay vahan thaharane ki agya mili. daauktar ansari ke dal ko vahan apane khoja, parantu vah yuddh morche par ja chuka tha, isalie apane svayn hi vahan ke ek adhikari ko apani sevaen prastut kin. usane apako gaur se dekha aur nam poochha to apane use mahendr pratap sinha nam batala diya. cheshta karane par bhi vah adhikari svayn is nam ka uchcharan nahin kar saka to usane poochha 'parantu yah muslim nam to nahin hai.' usaka yah uttar sunakar raja sahab phir vahan nahin thahare. unhen vahan rahate hue poore nau din ho chuke the. ratri bhar unake hotal men morche par ag ugalati topon ki dhany-dhany ki avaz sunaee padati thi. bandaragah par bhi sab kamare ghayalon se pate pade the, parantu musalaman n hone ke karan vahan unaki seva bhavana ka mahattv nahin anka gaya. 9 din ki vapasi ki yatra karake pun: vrindavan laut aye. is prakar turki ki is yatra men unhen tin 9 arthath 27 din lage.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

raja mahendr pratap |prakashak: chaudhari digambar sinh |snpadan: ram narayan agraval |prishth snkhya: 91, 104, 106, 108, 116 |

  1. raja ghanashyam sinh ji ke tin putr the, dattaprasad sinh, baldev sinh aur khadagasinh. inamen se khadagasinh hi raja mahendr pratap the.
  2. murasan ka yah qila aurngazeb ki mrityu ke uparant san 1716 men banavaya gaya tha. aurngazeb ki mrityu ke bad 'murasan' ek rajy ke roop men poori tarah astitv men a gaya.
  3. apane vaibhav kal men murasan rajy ki sima sonkh tatha sadabad tak thi.
  4. us samay uttar pradesh men keval do hi 'raja bahadur' the. ek murasan naresh aur doosare avadh naresh. baki chhoti riyasaton ko angrez raja nahin manate the. yadyapi braj kshetr men hi avagadh rajy ki ay murasan se kahin adhik thi, parantu raja bahadur ki upadhi unhen prapt n thi.
  5. raja sahab ke hriday men desh ke lie kuchh kar dalane ki jo tis thi, usaka pratham phal prem mahavidyalay ke roop men 1909 men sakar hua, parantu vidyalay ka arambh maharani viktoriya ke janm divas par kiya jana yah spasht karata hai ki tab tak unamen angrezon ke prati katuta ka bhav nahin tha. yadyapi ap desh bhakti ki aur desh seva ki bhavana se abhibhoot the.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah