bharatakosh ke snsthapak/snpadak ke fesabuk laiv ke lie yahan klik karen.

वामनराव बलिराम लाखे  हिन्दी देवनागरी में पढ़ें।

vamanarav baliram lakhe
vamanarav baliram lakhe
poora nam vamanarav baliram lakhe
any nam rayapur, chhattisagadh
janm 17 sitambar, 1872
janm bhoomi 21 agast, 1948
abhibhavak pandit balirav govindarav lakhe
pati/patni janaki baee
nagarikata bharatiy
prasiddhi svatntrata senani
dharm hindoo
vishesh yogadan apane rayapur men 'e.vi.em. skool' ki sthapana men mahatvapoorn yogadan diya, jise bad men inaki mrityu ke pashchath nam badalakar 'shri vamanarav lakhe uchchatar madhyamik shala' kar diya gaya.
any janakari 1922 men vamanarav lakhe 'rayapur zila kangres' ke adhyaksh nirvachit hue the. isi samay men unhonne niyamit khadi vastr pahanane tatha videshi vastuon ke bahishkar ka snkalp liya.
vamanarav baliram lakhe (angrezi: Wamanrao Baliram Lakhe, janm- 17 sitambar, 1872, rayapur, chhattisagadh; mrityu- 21 agast, 1948) bharat ki azadi ke lie sngharsh karane vale chhattisagadh rajy ke svatntrata senaniyon men se ek the. 1913 men lakhe ji ne apana kary kshetr sahakari andolan ko banaya tha, jisase ve jivan paryant jude rahe. sahakarita andolan ke dvara du:khi aur shoshit kisanon ki seva tatha sahayog karana unaka pramukh uddeshy tha. san 1915 men rayapur men 'homarool lig' ki sthapana ki gee thi. vamanarav baliram lakhe ji usake snsthapak the. chhattisagadh men shuroo men jo rajanitik chetana phaili, usamen lakhe ji ka bahut bada yogadan tha. unhonne apana sara jivan rashtriy andolan aur sahakari sngathan men bitaya.

janm

vamanarav baliram lakhe ka janm 17 sitambar, 1872 ko rayapur, chhattisagadh men hua tha. unake pita pandit balirav govindarav lakhe garib vyakti the, kintu kathor parishram se unhonne kee gram kharid liye the. jab vamanarav baliram lakhe ka janm hua, us samay tak unake parivar ki ganana samriddh gharanon men hone lagi thi.[1]

shiksha

vamanarav baliram lakhe ne rayapur se maitrik uttirn kiya. madhavarav sapre bhi us samay usi skool men padhate the. donon men dosti ho gee. san 1900 men jab madhavarav sapre ne 'chhattisagadh mitr' nam se masik patrika ka prakashan kiya to lakhe ji us patrika ke prakashak the. chhattisagadh ki yah pahali patrika thi. sirph tin sal tak yah patrika chali, par un tin salon ke bhitar hi us patrika ke madhyam se rashtriy jagaran ka yug arambh ho gaya tha.

vivah tatha vakalat

maitrik pas hote hi vamanarav baliram lakhe ka vivah janaki baee ke sath kara diya gaya tha. vivahoparant ve uchch shiksha hetu nagapur gaye. san 1904 men qanoon ki pariksha pas karake rayapur men vakalat karane lage. vakalat ke sath hi sath unhonne sarvajanik, samajik v rajanitik karyon men bhag lena prarnbh kar diya tha. lakhe ji ne jab rayapur men vakalat shuru ki to unaka uddeshy tha logon ke lie kuchh mahatvapoorn kam karana, taki unaki dasha men sudhar ho. unaka uddeshy paise arjan karana nahin tha. unaki patni ne bhi hamesha unaka sath diya.

sahakarita andolan

varsh 1913 men vamanarav baliram lakhe ne apana karyakshetr sahakari andolan ko banaya, jisase ve jivan paryant jude rahe. sahakarita andolan ke dvara is anchal ke du:khi aur shoshit kisanon ki seva tatha sahayog karana unaka pramukh uddeshy tha. 1913 men hi unhonne rayapur men 'ko-aparetiv sentral baink' ki sthapana ki thi, jisake ve 1936 tak avaitanik sachiv ke pad par rahakar kathor parishram tatha nishtha ke sath kary karate rahe aur snstha ko unnati ke sarvochch shikhar tak pahuncha diya. 1937 se 1940 tak ve is snstha ke adhyaksh pad par rahe. unake prayas se hi 1930 men baink ka apana svayn ka bhavan banaya gaya tha.[1]

patrika 'chhattisagadh mitr'

chhattisagadh men patrakarita ka itihas 120 sal purana hai. us yug men aj ki tarah kampyootaron aur atyadhunik upakaranon se susajjit printing pres the aur n hi intaranet aur mobail phon jaise tivr gati ke snchar upakaran. suvidhavihin us yug men chhattisagadh jaise ilake men aur is ilake ke pendra jaise adivasi bahul pichhade anchal se hindi masik patrika 'chhattisagadh mitr' ka prakashan ek badi aitihasik ghatana thi. janavari 1900 men prarnbh yah chhattisagadh ki pahali masik patrika thi, jisake madhyam se rajy men patrakarita ki buniyad rakhi gayi.

pndit vamanarav baliram lakhe is patrika ke prakashak the. suprasiddh sahityakar pndit madhavarav sapre aur unake sahayogi ramarav chincholakar 'chhattisagadh mitr' ke sampadak the. yah masik patrika rayapur ke ek printing pres men chhapati thi. sampadan ka mukhy dayitv sapre ji nibhate the. svatntrata sngram ke us daur men chhattisagadh sahit poore desh men sahity aur patrakarita ke madhyam se rashtriy chetana ka vikas is patrika ke prakashan ka mukhy uddeshy tha. halanki arthik samasyaon ke karan isaka prakashan sirph tin sal tak ho paya, lekin us jamane men chhattisagadh men patrakarita ke itihas ka pahala adhyay "chhattisagadh mitr' ke madhyam se likha gaya. isamen prakashak ke roop men vaman baliram lakhe ki bhi badi bhoomika thi.

karmathata aur sngathan kshamata

poore desh men azadi ke andolan ki tarngen umad rahi thin. lakheji ne un dinon yahan ke kisanon ko sngathit kar sahakarita andolan ka bhi shnkhanad kiya. rajadhani rayapur ka 107 sal purana jila sahakari kendriy baink aur balauda bajar sthit 75 varsh purana sahakari kisan rais mil lakheji ki yadagar karmathata aur sngathan kshamata ki nishaniyan hain. unhonne varsh 1913 men rayapur men jila sahakari kendriy baink aur varsh 1945 men balauda bajar men sahakari kisan rais mil ki sthapana ki. rajadhani rayapur ke ek shasakiy uchchatar madhyamik vidyalay ka namakaran unake nam par kiya gaya hai, jo vigat kee dashakon se saphalatapoorvak snchalit ho raha hai. mahatma gandhi ke ahvan par lakheji 1920 men angrez hukoomat ke khilaph asahayog andolan se jud ge.

svatntrata andolan men bhoomika

varsh 1941 men vyaktigat satyagrah ke dauran unhen simaga men giraphtar kiya gaya aur char mahine ki kaid ki saja huee. tab vah 70 sal ke the. unhen nagapur jel men rakha gaya tha. isake pahale arng ki ek am sabha men lakheji ne angrejon ki hukoomat ko 'gundon ka shasan' batate hue kaha ki ab is videshi sarakar ko zyada samay tak ham nahin chalane denge. unhonne am sabha men janata se isake lie azadi ke andolan men adhik se adhik snkhya men shamil hone ka ahvan kiya. is par 25 joon 1930 ko british sarakar ne unhen giraftar kar liya. lakheji ko ek sal ki saja sunaee gayi aur 300 rupe ka arthadand bhi lagaya gaya. unhen nagapur jel men rakha gaya tha.

svargiy shri hari thakur ne apane granth 'chhattisagadh gaurav gatha' men likha hai- 'san 1922 men rayapur men jila rajanitik parishad ka ayojan kiya gaya tha. lakheji is parishad ke pramukh ayojakon men se the. usi varsh lakheji rayapur jila kangres kameti ke adhyaksh nirvachit hue. unhonne kangres sngathan ko rayapur jile men sudridh karane ke lie kathor parishram kiya. san 1924 men lakheji ne kangres sngathan ke bhitar chhattisagadh ko prithak pradesh ka darja dene ki mang ki, jo prantiy kangres dvara amany kar di gayi. rayapur jile men kangres sngathan ki ninv rakhane vale, rashtriy jagaran ke purodha ke roop men lakheji ka sthan sarvopari hai. ve is jile men sahakarita andolan ke pitamah the'. yah bhi ullekhaniy hai ki lakhe ji do bar rayapur nagar palika ke nirvachit adhyaksh rah chuke the.

'rayasahab' ki upadhi

san 1915 men rayapur men 'homarool lig' ki sthapana ki gee thi. lakhe ji usake snsthapak the. chhattisagadh men shuroo men jo rajanitik chetana phaili thi, usamen lakhe ji ka bahut bada yogadan tha. unhonne apana sara jivan rashtriy andolan aur sahakari sngathan men bitaya. 1915 men balauda bazar men 'kisan ko-aparetiv rais mil' ki sthapana unhonne ki thi. lakhe ji ko angrez hukoomat ne kisanon ki sevaon ke lie 1916 men 'rayasahab' ki upadhi di thi.

khadi ka prachar

san 1921 men madhavarav sapre ne rayapur men 'rashtriy vidyalay' ki sthapana ki. us vidyalay ke mntri lakhe ji bane. lakhe ji khadi ka prachar karane lage. 1921 men aktoobar ke mahine men rayapur men "khadi saptah" manaya gaya tha, jisake pramukh snyojakon men se ek the lakhe ji. n jane kitane log us vakt utsah ke sath khadi pahanane lage the. 1922 men vamanarav baliram lakhe 'rayapur zila kangres' ke adhyaksh nirvachit hue aur isi samay men unhonne niyamit khadi vastr pahanane ka snkalp liya tatha videshi vastuon ke bahishkar ka snkalp liya.

panch pandav

1930 men jab mahatma gandhi ne andolan shuroo kiya to rayapur men is andolan ka netritv vamanarav baliram lakhe, thakur pyarelal sinh, maulana ruf, mahnt lakshminarayan das aur shivadas daga kar rahe the. ye panchon rayapur men svadhinata ke andolan men 'panch pandav' ke nam se vikhyat ho gaye the[1]-

bhaiya panchon pandav kahie jinako nam sunaoon
lakhe vamanarav hamare dharmaraj ko hai avatar
bhimasen avatari jano, lakshminarayan jinako nam
daga sahadev nam se jahir ruph nakul ko hai avatar
thakur arjun ke avatari yoddha pyarelal sakar

giraftari

vamanarav baliram lakhe ne jab ek sabha men 'angrezi shasan ko gundon ka rajy' kaha to unhen giraftarakar liya gaya aur unhen ek sal ki saza tatha 3000 rupaye jurmana hua. 1941 men vyaktigat satyagrah men lakhe ji ko simaga men satyagrah karate hue giraftar kiya gaya aur char mahinon ki saja di gee. unhen nagapur jel men rakha gaya tha. us vakt lakhe ji 70 varsh ke the. chh: sal bad jab azadi mili to 15 agast ko rayapur ke gandhi chauk men vamanarav baliram lakhe ne tirnga jhnda pharahaya.

skool ki sthapana

rayapur men shiksha ke vikas men vamanarav baliram lakhe ne apana sakriy sahayog pradan kiya. unhonne rayapur men 'e.vi.em. skool' ki sthapana men mahatvapoorn yogadan diya, jise bad men unaki mrityu ke pashchath nam badalakar 'shri vamanarav lakhe uchchatar madhyamik shala', rayapur kar diya gaya. unhonne nagar ki any shikshan snsthaon se apana sakriy snbndh banakar rakha evn unhen har prakar se sahayog karate rahe.

nagarapalika adhyaksh

lakhe ji budhapara vard se kee bar rayapur nagarapalika ke sadasy tatha do bar rayapur nagarapalika ke adhyaksh chune gaye the. apane adhyaksh kal men ve nagar palika ke karyalay tak paidal hi ghar se ana-jana karate the. raste men tamam log unase apani samasyaon ko lekar milate aur lakhe ji bade gaur se unaki baten sunate aur samasyaon ke nirakaran hetu pahal karate. unaka jivan nagar palika ke adhyaksh ke roop men ekadam paradarshi tha.[1]

nidhan

vamanarav baliram lakhe ji ka nidhan 21 agast, 1948 ko hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 pn. vamanarav baliram lakhe (hindi) rayapur siti. abhigaman tithi: 18 pharavari, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah