गेंदालाल दीक्षित  हिन्दी देवनागरी में पढ़ें।

gendalal dikshit
gendalal dikshit
poora nam pndit gendalal dikshit
janm 30 navambar, 1888
janm bhoomi bah, agara, uttar pradesh
mrityu 21 disambar, 1920
abhibhavak pita- pndit bholanath dikshit
nagarikata bharatiy
prasiddhi svatntrata senani
dharm hindoo
vishesh gendalal dikshit ji "uttar bharat ke krantikariyon ke dronachary" kahe jate the.
any janakari gendalal dikshit bharatiy svatntrata sngram ke apratim yoddha, mahan krantikari v utkat rashtrabhakt the, jinhonne am adami ki bat to door, dakuon tak ko sngathit karake british samrajy ke viruddh khada karane ka dussahas kiya.

gendalal dikshit (angrezi: Gendalal Dixit, janm- 30 navambar, 1888, agara; mrityu- 21 disambar, 1920) bharat ke prasiddh krantikari the. vah 'bngal vibhajan' ke virodh men chal rahe jan andolan se bahut prabhavit hue the. unhonne kranti ke lie 'shivaji samiti' ki sthapana ki thi. isake bad shikshit logon ka ek sngathan banaya aur unhen astron-shastron ki shiksha pradan ki.

parichay

pndit gendalal dikshit ka janm 30 navambar sanh 1888 ko zila agara, uttar pradesh ki tahasil bah ke mee namak ganv men hua tha. unake pita ka nam pndit bholanath dikshit tha. gendalal dikshit ki ayu mushkil se 3 varsh ki rahi hogi ki mata ka nidhan ho gaya. bina man ke bachche ka jo hal hota hai, vahi inaka bhi hua. hamumr bachchon ke sath nirnkush khelate-koodate kab bachapan bit gaya, pata hi n chala; parantu ek bat avashy huee ki balak ke andar prakritik roop se apratim virata ka bhav pragadh hota chala gaya. ganv ke vidyalay se hindi men praimari pariksha pas kar itava se midil aur agara se maitrikuleshan kiya. age padhane ki ichchha to thi, parantu paristhitivash uttar pradesh men auraiya zile ki dievi pathashala men adhyapak ho gaye.

giraftari

san 1905 men bngal vibhajan ke bad jo deshavyapi 'svadeshi andolan' chala, usase ve atyadhik prabhavit hue. unhonne 'shivaji samiti' ke nam se dakuon ka ek sngathan banaya aur shivaji ki bhanti chhapamar yuddh karake angreji rajy ke viruddh uttar pradesh men ek abhiyan prarambh kiya; kintu dal ke hi ek sadasy dalapatasinh ki mukhabiri ke karan giraphtar karake gendalal dikshit ko pahale gvaliyar laya gaya, phir vahan se agara ke qile men kaid karake sena ki nigarani men rakh diya gaya. agara qile men ramaprasad bismil ne akar gupt roop se mulakat ki aur snskrit men sara vartalap kiya, jise angrez paharedar bilakul n samajh paye. agale din gendalal dikshit ne yojananusar pulis guptacharon se kuchh rahasy ki baten batalane ki ichchha jahir ki. adhikariyon ki anumati lekar unhen agara se mainapuri bhej diya gaya, jahan bismil ki snstha 'matrivedi' ke kuchh sathi navayuvak pahale se hi havalat men band the.

muqadama tatha saza

gendalal dikshit bharatiy svatntrata sngram ke apratim yoddha, mahan krantikari v utkat rashtrabhakt the, jinhonne am adami ki bat to door, dakuon tak ko sngathit karake british samrajy ke viruddh khada karane ka dussahas kiya. dikshit ji "uttar bharat ke krantikariyon ke dronachary" kahe jate the. unhen 'mainapuri shadyntr' ka sootradhar samajh kar pulis ne giraphtar kar liya aur bakayada charjashit taiyar ki gayi aur mainapuri ke maijistret bi. es. kris ki adalat men gendalal dikshit sahit sabhi navayuvakon par samrat ke viruddh sajish rachane ka mukadama dayar karake mainapuri ki jel men dal diya gaya. is mukadame ko bharat ke svatantrata sngram ke itihas men 'mainapuri shadyntr kes' ke nam se jana jata hai.

jel se pharar

gendalal dikshit apani soojhaboojh se jel se nikal bhage. sath men ek sarakari gavah ko bhi le ude. sabase maje ki bat yah ki pulis ne sare hathakande apana liye, parantu unhen ant tak khoj nahin payi. akhir men kort ko unhen pharar ghoshit karake mukadame ka phaisala sunana pada. mukadame ke dauran gendalal dikshit ne ek aur chal chali. jelar se kaha ki "sarakari gavah se unake dostana tallukat hain, at: yadi donon ko ek hi bairak men rakh diya jaye to kuchh aur shadyantrakari girapht men a sakate hain." jelar ne dikshit ji ki bat ka vishvas karake siaeedi ki dekharekh men sarakari gavahon ke sath havalat men bhej diya. thanedar ne ehatiyat ke taur par dikshit ji ka ek hath aur sarakari gavah ka ek hath apas men ek hi hathakadi men kas diya taki rat men havalat se bhag n saken. kintu gendalal ji ne vahan bhi sabako dhata bata di aur raton-rat havalat se bhag nikale. keval itana hi nahin, apane sath band us sarakari gavah ramanarayan ko bhi uda le gaye, jisaka hath unake hath ke sath hathakadi men kasakar jakad diya gaya tha. sare adhikari, siaeedi aur pulis vale unaki is harakat ko dekh hath malate rah gaye.

gharavalon ki berukhi

jel se bhagakar pndit gendalal dikshit apane ek snbndhi ke pas kota pahunche; par vahan bhi unaki talash jari thi. isake bad ve kisi tarah apane ghar pahunche; par vahan gharavalon ne saph kah diya ki ya to ap yahan se chale jaen, anyatha ham pulis ko bulate hain. atah unhen vahan se bhi bhagana pada. tab tak ve itane kamajor ho chuke the ki das kadam chalane matr se moorchhit ho jate the. kisi tarah ve dilli akar pet bharane ke lie ek pyaoo par pani pilane ki naukari karane lage. kuchh samay bad unhonne apane ek snbndhi ko patr likha, jo unaki patni ko lekar dilli a gaye. tab tak unaki dasha aur bigad chuki thi. patni yah dekhakar rone lagi. vah boli ki 'mera ab is snsar men kaun hai?' pndit ji ne kaha- 'aj desh ki lakhon vidhavaon, anathon, kisanon aur dasata ki bedi men jakadi bharat mata ka kaun hai? jo in sabaka malik hai, vah tumhari bhi raksha karega.'

mrityu

aharnish kary karane v ek kshan ko bhi vishram n karane ke karan gendalal dikshit ko kshay rog ho gaya. paise ke abhav men gharavalon ne unako dilli ke ek sarakari aspatal men bharti kara diya, lekin bach nahin sake aur aspatal men hi 21 disambar, 1920 ko dopahar bad do baje unaka dehant ho gaya. bharat ki azadi ke lie samarpit ek mahan krantikari is duniya se is prakar uth gaya ki koee yah jan nahin saka ki vah kaun tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah