जे. बी. कृपलानी  हिन्दी देवनागरी में पढ़ें।

je. bi. kripalani
je. bi. kripalani
poora nam achary jivataram bhagavanadas kripalani
any nam achary kripalani
janm 11 navambar, 1888
janm bhoomi haidarabad
mrityu 19 march, 1982
abhibhavak kaka bhagavan das (pita)
pati/patni sucheta kripalani
nagarikata bharatiy
prasiddhi svatntrata senani aur rajanitigy
parti kangres, kisan mazadoor praja parti
pad kangres ke adhyaksh
shiksha em. e.
vidyalay fargyoosan kaaulej, pune
any janakari san 1927 ke bad achary kripalani ka jivan poorn roop se svadhinata sngram aur gandhiji ki rachanatmak pravrittiyon ko age badhane men hi bita. unhonne khadi aur gram udyogon ko purn:jivit karane ke lie uttar pradesh men 'gandhi ashram' namak ek snstha ki sthapana bhi ki.

jivataram bhagavanadas kripalani (angrezi: Jivatram Bhagwandas Kripalani, janm- 11 navambar, 1888 ; mrityu- 19 march, 1982) bharat ke prasiddh svatntrata senani aur rajanitigy the. unhonne ek shikshak ke roop men apana vyavasayik jivan prarambh kiya tha. rashtrapita mahatma gandhi se unaka nikat sampark tha. ve 'gujarat vidyapith' ke prachary bhi rahe the, tabhi se unhen 'achary kripalani' pukara jane laga tha. harijan uddhar ke lie kripalani ji nirntar gandhiji ke sahayogi rahe. ve 'akhil bharatiy rashtriy kangres' ke mahamntri tatha varsh 1946 ki merath kangres ke adhyaksh bhi rahe the. unaki patni sucheta kripalani bhi uttar pradesh ki mukhyamntri rahi thin.

janm tatha shiksha

je. bi. kripalani ka janm 11 navambar, 1888 ko haidarabad (sindh) men hua tha. ve kshatriy parivar se sambandh rakhate the. unake pita kaka bhagavan das tahasiladar ke pad par niyukt the. kripalani ji ki shiksha sindh aur munbee ke 'vilsan kaaulej' men arnbh huee. unhonne em. e. tak ki shiksha pune ke 'fargyoosan kaaulej' se prapt ki thi, jisaki sthapana lokamany tilak aur unake sathiyon ne ki thi. kripalani ji ne ek shikshak ke roop men apana vyavasayik jivan anrabh kiya tha. san 1912 se 1917 tak ve bihar ke mujaffarapur kaaulej men angrezi aur itihas ke prophesar rahe.

je.bi. kripalani aur sucheta kripalani

jivataram bhagavanadas kripalani aur sucheta majoomadar[1] ki pahali mulakat kahan huee ye kahana mushkil hai lekin ye jaroor kaha ja sakata hai ki banaras hindoo vishvavidyalay kahin n kahin unake pyar ki dhuri bana tha. bad men mahatma gandhi ke sath kam karate hue donon najadik ate ge, lekin gandhiji yah janakar hairan rah ge ki unhin ke ashram men un donon ka pyar phala-phoola. donon kangres ke diggaj neta the lekin ane vale salon men unaki bhoomika aisi badali ki vo virodhi kainpon men shamil ho ge. kripalani sindh ke haidarabad men paida hue the. asadharan taur par padhane men behad kushagr aur kuchh tarah se sochane vale shakhs the. aise shakhs bhi jo apane ap men rahana jyada pasnd karate the. unake bare men kaha jata tha ki vo bahut asani ke sath apane priy logon se khud ko alag kar lete the. kripalani ko jo bhi janate hain vo manate the vo behad anushasit aur adarshon ke pakke shakhs the. striyon se khud ko hamesha door rakhane vale the. ye mana jane laga tha ki vivah unaki dikshanari men nahin hai. kripalani azadi se pahale lnbe samay tak kangres ke mahasachiv rahe aur 1947 jab desh azad ho raha tha tab vah is parti ke adhyaksh the. halanki azadi ke bad sthitiyan aisi banin ki kangres virodh aur vipaksh ki rajaniti karane lage. ajivan aisa karate rahe. vahin sucheta bad men kangres men mntri bhi banin aur mukhyamntri bhi.

sucheta kripalani se prem

kripalani banaras hindoo vishvavidyalay men itihas ke prophesar banakar ae, halanki vah yahan ek hi sal rahe, lekin vo ek sal hi us vishvavidyalay par unaka prabhav chhodane ke lie kaphi tha. isake bad unhonne gandhiji ke asahayog andolan ke lie naukari chhod di. isake kuchh sal bad banaras hindoo vishvavidyalay ke itihas vibhag men sucheta majumadar prophesar banakar aeen. unake kanon men aksar achary kripalani ki baten sunaee padati thin. khasakar unake jiniyas tichar hone ki aur phir unake gandhiji ke khas sahayogi ban jane ki. unhin dinon kripalani jab kabhi banaras ate to biechayoo ke itihas vibhag jaroor jate. usi dauran unaki mulakat sucheta se huee, jinamen ek prakharata bhi thi aur azadi andolan se judane ki tivrata bhi. kaha ja sakata hai ki kripalani kahin n kahin is bngali yuvati se prabhavit ho ge the. donon men kaphi baten hone lagin. jab kuchh mulakaton ke bad sucheta ne unase gandhiji se judane ki ichchha jahir ki to kripalani isamen sahayak bhi bane. halanki vah unhen rajaniti men ane se lagatar hatotsahit bhi karate the, kyonki unhen lagata tha ki mahilaon ko rajaniti men daman saph bachakar rakhana mushkil hota tha. isalie vah unase lagatar kahate bhi the apana daman saph rakhana. achary kripalani unake margadarshak aur vishvast ban ge. samay ke sath jab donon ka kaphi samay ek doosare ke sath bitane laga to vo karib ane lage, halanki kisi ko bhi andaza nahin tha ki kripalani jaise shakhs ke jivan men bhi prem dastak de sakata hai aur dabe panv unake man ke ghar par kabja kar sakata hai. kripalani lnbe kad ke sudarshan vyaktitv ke dhani the to sucheta sadharan kad kathi vali thin, lekin kuchh to tha unake vyaktitv men jisane kripalani jaisi shakhsiyat ko unake pyar men bandh liya tha. donon jab ek doosare ke pyar men pade to unhen kabhi umr ka lnba phasala apane bich mahasoos nahin hua, han lekin jab unhonne apas men shadi karane ki ichchha apane parivaron ke samane jahir ki to toophan a gaya. apane gharon men unhen gusse aur virodh ka samana karana pada.

gandhiji bane virodhi

sucheta ne apani kitab 'sucheta en anaphinishd aautobaauyographi' men likha, gandhiji ne unake vivah ka virodh kiya tha, unhen lagata tha ki parivarik jimmedariyan unhen azadi ki ladaee se vimukh kar dengi. gandhi ne kripalani se kaha, agar tum usase shadi karoge to mera dayan hath tod doge. tab sucheta ne unase kaha, vah aisa kyon sochate hain balki unhen to ye sochana chahie ki unhen azadi ki ladaee men ek ki bajae do karyakarta mil jaenge. kripalani is bat se nakhush to bahut the ki gandhi unake vyaktigat mamalon men dakhal de rahe hain lekin isake bad bhi unhonne unaki bat karib-karib man hi li, sucheta bhi is par sahamat ho geen. lekin isake bad gandhiji ne jo kuchh kiya, usane unake apas me shadi karane ke vichar ko majaboot kar diya. sucheta apani baauyographi men likhati hain, gandhi chahate the ki vah kisi aur se shadi kar len. unhonne isake lie dabav bhi dala. maine ise ekasire se kharij kar diya. maine unase kaha, jo prastav vah de rahe hain vo anyayapoorn bhi hai aur anaitik bhi. sucheta jo khushavnt sinh ke kahane par ilaistreted vikali maigajin men apani atmakatha likhane par raji ho geen thin. bad men yahi unaki atmakatha ke roop men ahamadabad ke navajivan pablishing haus ne varsh 1978 men prakashit ki. isamen unhonne likha, jab gandhi ne mere samane aisa prastav rakha to main unaki or palati, unase kaha ki jo vo kah rahe hain vah galat hai. gandhi ke pas isaka koee javab nahin tha. hamari bat vahin khatm ho gee. javaharalal neharoo ki sahanubhooti hamare sath thi. unhonne gandhi se hamari shadi ke bare men bat ki.

umr men tha 20 sal ka phasala

1936 men gandhi ne sucheta aur achary kripalani ko bulava bheja. gandhi ne unase kaha ki unhen unaki shadi se koee dikkat nahin hai lekin vah unhen arshivad nahin de sakenge. gandhi ne kaha ki vah unake lie prarthana karenge. sucheta ne apani kitab men likha, ham unaki prarthana bhar se sntusht the. aprail 1936 men sucheta aur achary kripalani ne shadi kar li. us samay kripalani 48 sal ke the to sucheta matr 28 sal ki thin.

virodhi hokar bhi sath-sath rahe

bad men halat ne aisi karavat li ki donon virodhi dalon men shamil ho ge. rahate donon sath the lekin ek kangres men raha to doosara ajivan kangres virodh ki rajaniti karata raha. achary kripalani aksar majak men kaha karate the ki kangresi itane badamash hain ki vo meri patni hi bhaga le ge. beshak donon pati-patni the lekin unamen dosti ka bhav jyada tha. sucheta azadi ke andolan men shamil un tin bangla mahilaon men thin, jo uchch shikshit thin aur jinhonne poore jor-shor azadi ki ladaee men hissa liya aur tinon ne apana karyakshetr uttar pradesh ko banaya. tinon ne dharm jati ki paravah nahin karate hue apane jivanasathi chune. azadi ke bad badale halat men achary kripalani ne jahan kangres se alag hokar pahale apani kisan majadoor praja parti banaee aur phir ram manohar lohiya ke sath praja soshalist parti ki sthapana ki. sucheta ne 1950 men dilli se lokasabha chunav kisan majadoor parti se lada. chunav jita, lekin isake bad vah kangres men chali geen aur bad uttar pradesh ki mukhyamntri bhi banin. 1971 men jab tak vah rajaniti men sakriy rahin tab tak kangres men shamil rahin. varsh 1971 men rajaniti se ritayar hone ke bad vah achary kripalani ke sath dilli ke apane bngale men rahane lagin. ek patni ke nate unhonne apane pati ka poora khyal rakha.[2]

gandhiji ke sahayogi

samman men jari dak tikat

inhin dinon gandhiji ne champaran ki prasiddh yatra ki thi aur je. bi. kripalani unake nikat snpark men ae. varsh 1919-1920 men ve kuchh samay tak 'kashi hindoo vishvavidyalay' men bhi rahe aur gandhiji ke 'asahayog andolan' ke samay vahan se hat ge. 'asahayog andolan' anrabh hone par vidyalayon ka bahishkar karane vale chhatron ke lie gandhiji ki prerana se kee pradeshon men vidyapith sthapit kie the. je. bi. kripalani 1920 se 1927 tak 'gujarat vidyapith' ke prachary rahe. tabhi se ve 'achary़ kripalani' ke nam se prasiddh hue.

krantikari gatividhiyan

san 1927 ke bad achary kripalani ka jivan poorn roop se svadhinata sngram aur gandhiji ki rachanatmak pravrittiyon ko age badhane men hi bita. unhonne khadi aur gram udyogon ko purn:jivit karane ke lie uttar pradesh men 'gandhi ashram' namak ek snstha ki sthapana bhi ki. harijanon ke uddhar ke lie gandhiji ki deshavyapi yatra men ve barabar unake sath rahe aur is disha men nirntar apane prayatn jari rakhe. ye unaki samaj seva ki bhavana hi thi, jo unhen rashtrapita ke itane qarib le aee. desh aur samaj seva ki ni:svarth bhavana ne unhen desh ki janata ke bich lokapriy bana diya tha.

uchch pad prapti

1935 se 1945 tak unhonne kangres ke mahasachiv ke roop men kam kiya. varsh 1946 ki merath kangres ke ve adhyaksh chune ge the. kee prashnon par pndit javaharalal neharoo se matabhed ho jane karan unhonne adhyakshata chhod di aur 'kisan mazadoor praja parti' banakar vipaksh men chale ge. ve ekadhik bar lok sabha ke sadasy bhi rahe.

nidhan

je. bi. kripalani ne sabhi andolanon men bhag liya tha aur jel ki sazaen bhogin. desh ki azadi men mahattvapoorn yogadan dene vale achary kripalani ji ka 19 march, 1982 men nidhan hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. vivah poorv nam
  2. vo kangres adhyaksh jinaki shadi se gandhi ko tha etaraz (hindi) nyooz 18. abhigaman tithi: 6 faravari, 2018.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah