bharatakosh ke snsthapak/snpadak ke fesabuk laiv ke lie yahan klik karen.

नरेन्द्र मोदी  हिन्दी देवनागरी में पढ़ें।

narendr modi
Narendra-Modi.jpg
poora nam narendr damodaradas modi
janm 17 sitnbar, 1950
janm bhoomi vadanagar, mehasana zila, gujarat
abhibhavak shri damodaradas moolachnd aur shrimati hiraben
pati/patni jashodaben chimanalal
nagarikata bharatiy
parti bharatiy janata parti (bhajapa)
pad bharat ke vartaman pradhanamntri, gujarat ke poorv mukhyamntri
kary kal pradhanamntri- 22 mee, 2014 se ab tak; mukhyamntri (gujarat)- 7 aktoobar, 2001 se 21 mee, 2014 tak.
shiksha em. e. (rajaniti shastr)
vidyalay gujarat vishvavidyalay
bhasha hindi, angrezi, gujarati
puraskar-upadhi desh ke sabase shreshth ee-gavarnd rajy ka ELITEX 2007- puraskar bharat ki kendr sarakar ki or se prapt.
adhikarik vebasait narendr modi, bharatiy pradhanamntri
any janakari narendr modi svatantr bharat men janm lene vale pahale aise vyakti hain, jo 13 varsh tak gujarat ke mukhyamntri rahane ke bad aur bharat ke pradhanamntri bane.
adyatan‎

narendr modi (angrezi: Narendra Modi, janm: 17 sitnbar, 1950) bharat ke vartaman pradhanamntri hain. narendr modi bharatiy janata parti ke prasiddh neta aur gujarat ke poorv mukhyamntri hain. 'keshubhaee patel' ke istiphe ke bad narendr modi gujarat ke mukhyamntri bane. narendr modi gujarat ke sabase zyada lnbe samay tak shasan karane vale mukhyamntri hain. narendr modi 7 aktoobar, 2001 se 21 mee, 2014 tak lagatar gujarat ke mukhyamntri pad par virajaman rahe. narendr modi ko varsh 2014 ke lokasabha chunav men bharat ki pramukh parti bharatiy janata parti ki or se pradhanamantri pad ka pratyashi ghoshit kiya gaya tatha inhonne uttar pradesh ki sanskritik nagari varanasi evn apane griharajy gujarat ke vadodara snsadiy kshetr se chunav lada aur donon jagah se chunav bhari maton ke antar se jita. narendr modi svatantr bharat men janme pahale vyakti hain jo bharat ka pradhanamantri niyukt hue hain. inhonne 26 mee, 2014 sham 6 baje rashtrapati bhavan men bharat ke pradhanamntri pad ki shapath li.

jivan parichay

narendr modi ka janm 17 sitnbar, 1950 ko gujarat ke vadanagar men any pichhada varg ke ek madhyam vargiy parivar men hua tha. ve damodaradas moolachnd modi aur unaki patni hiraben ke chhah bachchon men se tisare hain. bachapan se hi ve rashtriy svaynsevak sngh se jude rahe hain aur kishoravastha se hi unaka rajaniti ke prati jhukav tha. narendr modi poori tarah se shakahari vyakti hain. ek yuva ke taur par ve akhil bharatiy vidyarthi parishad se jude rahe hain, lekin isase bhi pahale sath ke dashak men bharat-pak yuddh ke dauran kishor narendr modi relave steshanon se gujarane vale sainikon ki madad karane ke lie ek svaynsevak ke roop men sakriy rahe hain.
balyavastha men narendr modi
sabhar- aeebien
ek kishor ke taur par unhonne apane bhaee ke sath ek ti stal bhi chalaya hai. unhonne apani skooli shiksha vadanagar men hi rahakar poori ki. bad men, unhonne gujarat vishvavidyalay se rajaniti shastr men mastar digri li.[1]

narendr modi ko apane balyakal se kee tarah ki vishamataon evn viparit paristhitiyon ka samana karana pada hai kintu apane udatt charitrabal evn sahas se unhonne tamam avarodhon ko avasar men badal diya, visheshakar jab unh‍honne uchch shiksha hetu kaaulej tatha vishvavidyalay men pravesh liya. un dinon ve kathor sndyarsh evn darun man:tap se ghire the, parantuh apane jivan- samar ko unhonne sadaiv ek yoddha-sipahi ki tarah lada hai. age qadam badhane ke bad ve kabhi pichhe mud kar nahin dekhate, sath-sath parajay unhen svikary nahin hai. apane vh‍yakh‍tith‍v ki inh‍hin visheshataon ke chalate unhonne rajaniti shastr vishay ke sath apani em.e. ki padhaee poori ki.[2]

rajanitik jivan

1984 men desh ke prasiddh samajik-sanskritik sngathan, rashtriy svaynsevak sngh (ar.es.es) ke svayn sevak ke roop men unhonne apane jivan ki shuruat ki. yahin unhen nisvarthata, samajik dayitvabodh, samarpan aur deshabhakh‍ti ke vicharon ko atm sat karane ka avasar mila. apane sngh kary ke dauran narendr modi ne kee maukon par mahattvapoorn bhoomikaen nibhaee hain. phir chahe vah 1974 men bhrashtachar ke khilaf chalaya gaya andolan ho, ya 19 mahine (joon 1975 se janavari 1977) chala atynt pratadi़t karane vala 'apat kal' ho.
yuvavastha men narendr modi
sabhar- aeebien

bhajapa men pravesh

1987 men bhajapa (bharatiy janata parti) men pravesh kar unhonne rajaniti ki mukhyadhara men qadam rakha. sirf ek sal ke bhitar hi unako gujarat ikaee ke pradesh mahamntri (janaral sekretari) ke roop men padonnat kar diya gaya. tab tak unhonne ek atynt hi karyaksham vyavasthapak ke roop men pratishtha hasil kar li thi. parti ko sngathit kar usamen nee shakti ka snchar karane ka chunautipoorn kam bhi unhonne svikar kar liya. is dauran parti ko rajanitik gati prapt hoti gee aur aprail, 1990 men kendr men sajha sarakar ka gathan hua. halanki yah gathabndhan kuchh hi mahino tak chala, lekin 1995 men bhajapa apane hi balaboote par gujarat men do tihaee bahumat hasil kar satta men aee. varsh 1998 men parti ke sabase bade neta lalakrishn adavani ne tab unase gujarat aur himachal pradesh men chunavon ki kaman snbhalane ko kaha tha.

gujarat ke mukhyamntri

narendr modi apani man hiraben ke sath

vishvavidyalay ki apani shiksha ke dauran hi modi sngh ke poorn kalik pracharak ban ge the. bad men unhonne rajy men parti karyakartaon ko ekajut kiya tha aur shnkar sinh vaghela ke sath milakar gujarat men bhajapa karyakartaon ka ek majaboot adhar taiyar kiya. shuruati dinon men jahan vaghela ko janata ka neta mana jata tha vahin modi ki khyati ek kushal rananitikar ki thi. aprail 1990 men jahan parti ko kendr men gathabndhan sarakar banane ka mauka mila. kendr men sarakar bhale hi lambe samay tak nahin chal saki ho lekin 1995 men gujarat men bhajapa ne do tihaee bahumat hasil kiya. lal krishn adavani ne narendr modi ko do mahatvapoorn kamon ki jimmedari saunpi. ek thi ki somanath se ayodhya tak rath yatra ki taiyari karana. isi tarah ka doosara march kanyakumari se kashmir tak ke lie rakha gaya. rajy men shnkar sinh vaghela ke parti se nikal jane ke bad keshubhaee patel ko mukhyamntri banaya gaya aur narendr modi modi ko parti ka mahasachiv banakar nee dilli bhej diya gaya. par 2001 men parti ne narendr modi ko keshoobhaee ka uttaradhikari chun liya. narendr modi ne chunav jita aur ve gujarat ke mukhyamntri bane rahe. tab unhonne rajy ki 182 vidhan sabha siton men se parti ko 122 siton par jit dilaee. tab se abatk narendr modi hi rajy ke mukhyamntri bane hue hain. gujarat men 2012 men hue vidhanasabha chunavon men bhi narendr modi ka hi jadoo chala aur ve apani parti ko satta men banae rakhane men kamayab rahe. maninagar sit se unhonne kangres ki pratyashi shveta bhath‍t (aeepies adhikari snjiv bhath‍t ki patni) ko 86 hajar se adhik voton se haraya. rajy ke mukhyamntri ke taur par videshon se nivesh akrisht karane ke lie narendr modi chin, singapur aur japan ki yatraen kar chuke hain.[1]

lokasabha chunav 2014

8 aprail, 2014 ko karnatak men bharat vijay raili ke dauran sabha ko snbodhit karate narendr modi

gova men bhajapa karyasamiti dvara narendr modi ko 2014 ke lokasabha chunav abhiyan ki kaman saunpi gayi thi. 13 sitambar, 2013 ko huee snsadiy bord ki baithak men agami lokasabha chunavon ke liye pradhanamantri pad ka ummidavar ghoshit kar diya gaya. is avasar par parti ke shirshasth neta lalakrishn adavani maujood nahin rahe aur parti adhyaksh rajanath sinh ne isaki ghoshana ki. narendr modi ne pradhanamantri pad ka ummidavar ghoshit hone ke bad chunav abhiyan ki kaman rajanath sinh ko saunp di. narendr modi ko pradhanamantri pad ka ummidavar banaye jane ke bad modi ki pahali raili hariyana prant ke revadi shahar men huee. raili ko sambodhit karate hue unhonne do took shabdon men kaha ki bharat, pakistan aur bangladesh ko apas men ladane ki bajay garibi aur ashiksha se ladana chahiye. ek sansad ummidavar ke roop men unhonne desh ki do lokasabha siton varanasi tatha vadodara se chunav lada aur donon nirvachan kshetron se bhari maton se vijayi hue.

lokasabha chunav 2019

lokasabha chunav 2019 men prachnd bahumat pakar narendr modi ek bar phir satta men laute hain. sal 2014 ke chunav men jahan en.di.e. ko 336 siten mili thin, vahin 2019 ke chunav men NDA ko 353 siten milin. akele bhajapa ko hi is lokasabha chunav men 303 siten mili hain, jo bahumat ke ankade se kaphi age hai. yah lagatar doosari bar hai jab kisi parti ko akele bahumat mila hai. 30 mee 2019 ko shapath lekar unhonne doosari bar desh ke pradhanamntri pad ki kaman snbhali. modi varanasi lokasabha sit se doosari bar sansad chune ge hain.[3]

janata ne dekha adbhut chunav prachar

bharatiy janata parti ki or se pradhanamantri pratyashi ghoshit kiye jane ke bad narendr modi ne poore bharat ka bhraman kiya. is dauran 3 lakh kilomitar ki yatra kar poore desh men 437 badi chunavi railiyan, 3-di sabhaen v chay par charcha adi ko milakar kul 5827 karyakram kiye. chunav abhiyan ki shuruat unhonne 26 march 2014 ko man vaishno devi ke ashirvad ke sath jammoo se ki aur samapan mngal pande ki janmabhoomi baliya (uttar pradesh) men kiya. svatantrata prapti ke pashchath bharat ki janata ne ek adbhut chunav prachar dekha.

saphalata ka bana naya rikard

narendr modi ke netritv men bharatiy janata parti ne 2014 ke chunavon men abhootapoorv saphalata bhi prapt ki. chunav men jahan rashtriy janatantrik gathabndhan (enadie) 336 siten jitakar sabase bade snsadiy dal ke roop men ubhara vahin akele bharatiy janata parti ne 282 siton par vijay prapt ki. kangres keval 44 siton par simat kar rah gayi aur usake gathabndhan ko keval 59 siton se hi santosh karana pada.
rashtrapati bhavan men narendr modi ka svagat karate hue bharatiy rashtrapati pranab mukharji
narendr modi svatantr bharat men janm lene vale aise vyakti hain jo san 2001 se 2014 tak lagabhag 13 varsh gujarat ke 14ven mukhyamantri rahe aur bharat ke 15ven pradhanamantri bane. ek aitihasik tathy yah bhi hai ki neta-pratipaksh ke chunav hetu vipaksh ko ekajut hona padega kyonki kisi bhi ek dal ne kul lokasabha siton ke 10 pratishat (54 sit) ka ankada hi nahin chhua.

bhajapa snsadiy dal ke neta bane

20 mee 2014 ko snsad bhavan men bharatiy janata parti dvara ayojit bhajapa snsadiy dal evn sahayogi dalon ki ek snyukt baithak men jab log pravesh kar rahe the to narendr bhaee modi ne pravesh karane se poorv snsad bhavan ko thik vaise hi zamin par jhukakar pranam kiya jaise kisi pavitr mandir men shraddhalu pranam karate hain. snsad bhavan ke itihas men unhonne aisa karake samast sansadon ke liye udaharan pesh kiya. baithak men narendr bhaee modi ko sarvasammati se n keval bhajapa snsadiy dal apitu rashtriy janatantrik gathabndhan (enadie) ka bhi neta chuna gaya. bhajapa sahit samast sahayogi dalon dvara rashtrapati pranab mukharji ko patr saunpe jane ke pashchath jab narendr modi rashtrapati se milane rashtrapati bhavan gaye to pranab mukharji ne unaka svagat kiya aur bhari bahumat se vijayi hone ki badhaee bhi di. rashtrapati bhavan se vapasi men rashtrapati ne narendr modi ko bharat ka 15van pradhanamantri niyukt karate hue is ashay ka vidhivat patr saunpa.

bharat ke pradhanamntri

narendr modi rashtrapati pranab mukharji ke samaksh pradhanamntri pad ki shapath lete hue
narendr bhaee modi ne somavar 26 mee, 2014 ko sham 6 baje pradhanamantri pad ki shapath li. snsad bhavan ke kendriy kaksh men bhajapa ke snsadiy dal ka neta chune jane par bolate hue narendr bhaee modi ne desh ki janata ko yah vishvas dilaya ki unhen aj jo dayitv saunpa gaya hai use vah poori nishtha aur parishram ki parakashtha se nibhayenge. is avasar par unhonne yah bhi kaha ki unaki sarakar garibon, ganvavasiyon, daliton, shoshiton aur vnchiton ke utthan ke liye poore samarpan se kam karegi. karmath, samarpit aur dridh-nishchayi narendr modi 100 karod bharatiyon ke sapanon aur akankshaon ke lie asha ki ek kiran ban kar ae hain. vikas par unaki paini nazar aur parinam hasil karane ki unaki pramanik kshamata ne unhen bharat ke sabase lokapriy netaon men se ek banaya hai. unaka ek aise rashtr ke nirman ka snkalp hai jo mazaboot, khushahal aur samaveshi ho aur jahan pratyek bharatiy apani ashaon aur akankshaon ko phalibhoot hote hue dekh sakata ho. narendr modi ne chauthi bar pashchimi rajy gujarat ke mukhyamntri ke roop men bharat aur vishvabhar men apani chhap chhodi hai. is rajy men ve janahitaishi sushasan dvara logon ke jivan men bhari badalav lae, jahan sarakar ne sadagi aur eemanadari se logon ki seva ki. unhonne vinashakari bhooknp ke dushparinamon se joojh rahe gujarat ki kayapalat ki aur use vikas men agrani banaya jisane bharat ke sarvangin vikas men majaboot yogadan diya.
narendr modi abhineta salaman khan ke sath
sabhar- aeebien
hamesha age akar netritv snbhalane vale aur gujarat ke chahunmukhi vikas ke lie kam karane vale narendr modi ne rajyabhar men bada buniyadi dhancha taiyar kiya. unhonne sarakar ke naukarashahi tntr ko naya svaroop pradan kiya aur use asan banaya taki vah kushalatapoorvak, eemanadari se aur manaviy bhavana se kam kar sake. unake netritv men gujarat sarakar ne rashtriy aur antarrashtriy star par snyukt rashtr sngh jaisi snsthaon se 300 se adhik puraskar prapt kie. ve ek aise 'jan neta' hain, jo logon ke kalyan ke lie samarpit hain. narendr modi ke lie isase sukhad aur kuchh nahin ki ve am logon ke bich rahen, unaki khushahali dekhen aur unake dukhon ko door karen. unaki mazaboot aaunalain upasthiti, jahan ve bharat ke ek aise sarvadhik praudyogiki moolak soch rakhane vale neta ke roop men jane jate hain jo praudyogiki ka istemal logon se judane aur unake jivan men badalav lane ke lie karate hain, ne unake vyaktigat snpark ko auramajabooti di hai. ve phesabuk, tvitar, googal+ aur any mnchon sahit soshal midiya par kafi sakriy hain. narendr modi ek aise vyakti hain jinamen sahas, snvedanashilata aur dridh nishchay koot-kootakar bhare hain aur jinhen desh ne is ummid ke sath janadesh diya hai ki ve bharat men nee oorja ka snchar karenge aur use vishv ka pathapradarshak banaenge.[4]

vyaktitv

narendr modi

narendr modi ki chhavi ek kathor prashasak aur kade anushasan ke agrahi ki mani jati hai, lekin sath hi apane bhitar ve mriduta evn samarthy ki apar kshamata bhi snjoye hue hain. narendr modi ko shiksha-vyavastha men poora vishvas hai. ek aisi shiksha-vyavastha jo manushy ke antarik vikas aur unnati ka madhyam bane evn samaj ko andhere, mayoosi aur garibi ke vishachakr se mukti dilaye. vigyan aur praudyogiki men narendr modi ki gahari dilachaspi hai. unhonne gujarat ko ee-gavarnd rajy bana diya hai aur praudyogiki ke kee navonmeshi prayog sunishchit kiye hain. ‘svagat aaunalain’ aur ‘teli phariyad’ jaise navinatam prayason se ee-paradarshita aee hai, jisamen am nagarik sidha prashasan ke uchchatam karyalay ka snpark kar sakata hai. janashakti men akhand vishvas rakhane vale narendr modi ne bakhoobi qarib panch lakh karmachariyon ki mazaboot tim ki rachana ki hai. narendr modi yatharthavadi hone ke sath hi adarshavadi bhi hain. unamen ashavad kootakoot kar bhara hai. unaki hamesha ek udatt dharana rahi hai ki asaphalata nahin, balki udeshy ka anudatt hona aparadh hai. ve manate hain ki jivan ke pratyek kshetr men saphalata ke lie spasht drishti, uddeshy ya lakshy ka parigyan aur kathor adhyavasay atynt hi avashyak gun hain.[2]narendr modi ko mitavyayi aur mitahari ke taur par jana jata hai. unake niji staph men keval tin log hain. antarmukhi modi ko hamesha hi kam karate rahane vale vyakti ke taur par bhi jana jata hai. ve kabhi-kabhi bijanes soot pahane bhi najar ate hain lekin bahut kam avasaron par. unhonne apane rajy men bina sarakari anumati ke bane bahut sare mndiron ko bhi girane ka adesh diya tha jisaki vishv hindoo parishad ne alochana ki thi. par ve apane virodhiyon ko jyada tarajih nahin dete hain. rajaniti ke alava, narendr modi ki ruchi lekhan men hai. unhonne vibhinn vishayon par kee kitaben likhi hain aur ve kavitaen bhi likhate hain. unake din ki shuruat hamesha yog se hoti hai, jo ati sakriy dinacharya men unhen shanti pradan karata hai.

kavi ke roop men

narendr modi dvara rachit 'ankh ye dhany hai' ka mukhaprishth

narendr modi ne gujarati bhasha men anek kavitaain likhi hai jinamen se chuninda 67 kavitaon ka snkalan ankh a dhany chhe nam se ek snkalan ke roop men 2007 men prakashit hua tha jinaka anuvad anjana sndhir dvara kiya gaya aur "ankh ye dhany hai" nam se hindi kavita sngrah ke roop men prakashit kiya hai. narendr modi ne apani kavitaon ki rachanashilata ke snbndh men ek kavita men badi safagoee aur nishchhalata ke sath likha hai:-

abhi to mujhe ashchary hota hai
ki kahan se phootata hai yah shabdon ka jharana
kabhi anyay ke samane
meri avaz ki ankh oonchi hoti hai
to kabhi shabdon ki shant nadi
shanti se bahati hai
---
itane sare shabdon ke bich
main bachata hoon apana ekant
tatha maun ke garbh men pravesh kar
leta hoon annd kisi sanatan mausam ka.[5]

spashth hai ki roz-roz ki ye sabha, logon ki bhid, fotographaron ka samooh, bhashan- in sabake bich bhi narendr modi ka kavi roop apana ekant bacha leta hai.

samman aur puraskar

mukhyamntri narendr modi ne karyakal ke dauran rajy ke prithak-prithakh kshetron men 60 se adhik puraskar prapt kiye hain. unamen se kuchh ka ullekh niche kiya ja raha hai- [6]

dinank puraskar
16-10-2003 apada prabndhan aur khatara talane ki disha men snyukt rashtr ki or se sasakava puraskar.
aktoobar-2004 prabndhan men navinata lane ke lie ‘kaaumanavelth esosieshans’ ki or se CAPAM gold puraskar.
27-11-2004 ‘indiya intaraneshanal tred pheyar-2004 men indiya tred pramoshan aaurgenaizeshan phaaur gujarats ekselans’ ki or se ‘speshal kamendeshan gold medal’ diya gaya.
24-02-2005 bharat sarakar ki or se gujarat ke rajakot zile men seniteshan suvidhaon ke lie ‘nirmal gram’ puraskar diya gaya.
25-04-2005 bharat sarakar ke soochana aur takaniki mntralay aur vigyan-takaniki mntralay dvara ‘bhaskarachary instityoot aauph spes eplikeshan’ aur ‘jio-inpharmetiks’, gujarat sarakar ko "PRAGATI" ke lie ‘eliteks’ puraskar diya gaya.
21-05-2005 rajiv gandhi phaundeshan nee dilli ki or se ayojit sarvekshan men desh ke sabhi rajyon men gujarat ko shreshth rajy ka puraskar mila.
01-06-2005 bhooknp ke dauran kshatigrast hue gurudvara ke punahsthapan ke lie yoonesko dvara ‘eshiya pesiphik heritej’ avard diya gaya.
05-08-2005 ‘indiya tude’ dvara shreshth nivesh paryavaran puraskar diya gaya.
05-08-2005 ‘indiya tude’ dvara sarvadhik arthik svatntry puraskar diya gaya.
27-11-2005 nee dilli men ayojit antarrashtriy vyapar mele men gujarat peviliyan ko pratham puraskar mila.
14-10-2005 gujarati saptahik chitralekha ke pathakon ne shri narendr modi ko ‘parsan oph d iyar’ chuna. is men tenis star saniya mirza doosare kram par aur suparastar amitabh bachchan tisare sthan par rahe. ye puraskar dinank 18-05-2006 ko diye gaye.
12-11-2005 indiya tek phaundeshan ki or se oorja kshetr men sudhar aur navinata ke lie indiya teknoloji ekselans avard diya gaya.
30-01-2006 indiya tude dvara desh vyapi star par karaye gaye sarvekshan men shri narendr modi desh ke sarvashreshth mukhyamntri chune gaye.
23-03-2006 seniteshan suvidhaon ke lie kendr sarakar dvara gujarat ke kuchh ganvon ko nirmal gram puraskar diye gaye.
31-07-2006 bis sootriy karyakram ke amalikaran men gujarat ek bar phir pratham sthan par raha.
02-08-2006 sarv shiksha abhiyan men gujarat desh ke 35 rajyon men sabase pratham kramank par raha.
12-09-2006 ahalyabaee neshanal avard phnkshan, indaur ki or se puraskar.
30-10-2006 chirnjivi yojana ke lie ‘vol strit jarnal’ aur ‘phainansiyal eksapres’ ki or se (prasooti samay jachcha-bachcha mrityu dar kam karane le lie) singapur men ‘eshiyan innoveshan avard’ diya gaya.
04-11-2006 bhoo-rikards ke kampyootaraijeshan ke lie chal rahi ee-dhara yojana ke lie ee-gavarnans puraskar.
10-01-2007 desh ke sabase shreshth ee-gavarnd rajy ka ELITEX 2007- puraskar bharat ki kendr sarakar ki or se prapt.
05-02-2007 indiya tude-oaraji marg ke deshavyapi sarvekshan men tisari bar shreshth mukhyamntri chune gaye. panch sal ke karyakal men kisi bhi mukhyamntri ke lie yah anokhi siddhi thi.



bharat ke pradhanamntri
Arrow-left.png poorvadhikari
manamohan sinh
narendr modi uttaradhikari
Arrow-right.png


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 narendr modi : prophail (hindi) vebaduniya hindi. abhigaman tithi: 18 mee, 2014.
  2. 2.0 2.1 adhikarik vebasait (hindi, angrezi). . abhigaman tithi: 24 sitnbar, 2010.
  3. narendr modi (hindi) jagaran. abhigaman tithi: 11 sitambar, 2019.
  4. mananiy pradhan mntri ka snkshipt parichay (hindi) bharat ke pradhanamntri. abhigaman tithi: 22 mee, 2014.
  5. sanatan mausam, prishth 94-95
  6. narendr modi avard (hindi). . abhigaman tithi: 24 sitnbar, 2010.

snbndhit lekh

narendr modi ka kaibinet mntrimandal

kramank mntri nam mntralay
pradhanamntri
narendr modi karmik, lok shikayat aur penshan mntralay; paramanu oorja vibhag; antariksh vibhag; tatha sabhi mahatvapoorn nitigat mudde
kaibinet mntri
1. rajanath sinh raksha mntralay
2. amit shah grih mntralay
3. es. jayashnkar videsh mntralay
4. nitin gadakari parivahan mntri, sookshm, laghu aur madhyam udyam mntri
5. di. vi. sadannd gauda rasayan aur urvarak mntri
6. nirmala sitaraman vitt mntri, kaauporet mamalon ki mntri
7. ramavilas pasavan upabhokta mamale, khady aur sarvajanik vitaran mntri
8. narendr sinh tomar krishi aur kisan kalyan mntri, gramin vikas mntri; tatha pnchayati raj mntri
9. ravi shnkar prasad kanoon aur nyay mntri, snchar mntri; tatha ilektraauniks aur soochana praudyogiki mntri
10. harasimarat kaur badal khady prasnskaran udyog mntri
11. thavar chnd gahalot samajik nyay aur adhikarita mntri
12. ramesh pokhariyal 'nishnk' manav snsadhan vikas mntri
13. arjun munda janajatiy mamalon ke mntri
14. smriti eerani mahila aur bal vikas mntri; aur kapada mntri
15. daau. harshavardhan svasthy aur parivar kalyan mntri; vigyan aur praudyogiki mntri; tatha prithvi vigyan mntri
16. prakash javadekar paryavaran, van aur jalavayu parivartan mntri; tatha soochana aur prasaran mntri
17. piyoosh goyal rel mntri; tatha vanijy aur udyog mntri
18. dharmendr pradhan petroliyam aur prakritik gais mntri; tatha ispat mntri
19. mukhtar abbas naqavi alpasnkhyak mamalon ke mntri
20. prahlad joshi sndiy karyamntri, koyala mntri; tatha khan mntri
21. mahendr nath pandey kaushal vikas aur udyamita mntri
22. aravind savnt bhari udyog aur sarvajanik udyam mntri
23. gajendr sinh shekhavat jal shakti mntri
24. giriraj sinh pashupalan, deyari aur matsy palan mntri
rajy mntri (svatntr prabhar)
1. sntosh kumar gngavar shram aur rojagar mntralay
2. rav indrajit sinh sankhyiki aur karyakram karyanvayan mntralay
3. shripad yesso nayak ayurved, yog aur prakritik chikitsa, yoonani, homyopaithi mntralay
4. daau. jitendr sinh rajy mntri PMO, poorvottar vikas, spes, paramanu oorja
5. kiran rijijoo yuva mamale, khel aur alpasnkhyak
6. prahalad sinh patel snskriti aur paryatan
7. rajakumar sinh bijali, akshay oorja, skil divelapament
8. haradip sinh puri avas aur shahari mamalon ke mntralay ke rajy mntri
9. manasukh mndaviya shiping aur rasayan v urvarak rajy mntri
rajy mntri
1. phaggan sinh kulaste stil mntralay
2. ashvini kumar chaube svasthy aur parivar kalyan
3. arjun ram meghaval snsadiy kary mntri, bhari udyog
4. janaral vi. ke. sinh sadak evn parivahan
5. krishn pal gurjar samajik nyay evn adhikarita
6. ravasaheb dadarav danave upabhokta mntralay
7. ji. kishan reddi grih mntralay
8. purushottam roopala krishi aur kisan kalyan
9. ramadas athavale samajik nyay evn adhikarita
10. nirnjan jyoti gramin vikas
11. babul supriyo paryavaran, jngal aur jalavayu parivartan
12. snjiv kumar balayan pashupalan, deyari, matsy palan
13. snjay dhotre HRD, snchar, IT
14. anurag thakur vitt/kaauraporet apheyars
15. suresh angadi relave
16. nityannd ray grih
17. ratan lal katariya jal shakti/samajik nyay adhikarita
18. vi. muralidharan videsh/snsadiy kary
19. renuka sinh saruta anusoochit janajati kalyan
20. som prakash vanijy evn udyog
21. rameshvar teli khady prasnskaran
22. pratap chandr sarngi sookshm evn laghu udyog
23. kailash chaudhari krishi evn kisan kalyan
24. debashri chaudhari mahila evn bal vikas

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah