सानिया मिर्ज़ा  हिन्दी देवनागरी में पढ़ें।

saniya mirza
saniya mirza
poora nam saniya mirza
janm 15 navambar, 1986
janm bhoomi mumbee
abhibhavak imaran mirza (pita)
pati/patni shoeb malik
karm bhoomi bharat
khel-kshetr tenis
puraskar-upadhi padmashri, arjun puraskar
nagarikata bharatiy
any janakari 2006 men use 'padmashri' samman pradan kiya gaya. saniya yah samman pane vali sabase kam umr ki khiladi hai.
bahari kadiyan adhikarik vebasait
adyatan‎

saniya mirza (angrezi: Sania Mirza, janm: 15 navambar, 1986 mumbee) prasiddh bharatiy tenis khiladi hain. saniya mirza ne 18 varsh ki ayu men jo prasiddhi bharat men hi nahin, apitu vishv men prapt ki, vah kisi khiladi ke lie atynt garv ki bat hai. 2006 men use 'padmashri' samman pradan kiya gaya. saniya yah samman pane vali sabase kam umr ki khiladi hai. use 2006 men hi amerika men vishv ki tenis ki diggaj hastiyon ke bich dablootie ka 'most impresiv nyoo kamar evard' diya gaya.

jivan parichay

saniya mirza ne chhah varsh ki umr men tenis khelana shuroo kiya. mahesh bhoopati ke pita si. ke. bhoopati ki dekharekh men usaki tenis shiksha shuroo huee. haidarabad ke nizam klab se shuruat karane ke bad vah amerika ki es tenis ekredemi gee. 1999 men usane jooniyar star par pahali bar bharat ka pratinidhitv kiya. saniya jab 14 varsh ki bhi nahin thi tab usane pahala aee.ti.eph. jooniyar toornament islamabad men khela tha. 2002 men bharat ke shirsh tenis khiladi liendar pes ne busan eshiyad ke poorv 16 varshiy saniya mirza ko khelate dekha aur nishchay kiya ki vah saniya mirza ke sath dabals men utarenge. phir is desh ko kansy padak dilaya. usake bad saniya ne 17 varsh ki umr men vinbaladan ka jooniyar dabals chainpiyanaship khitab jita tha.

parivarik sahayog

saniya mirza ke pita imaran mirza aksar usake abhyason ke dauran usake sath rahate hain. kabhi man to kabhi pita saniya ke sath rahate hain, atah mata-pita donon sath-sath kam hi rah pate hain. saniya poore varsh ghar se bahar rahati hai. imaran mirza ka manana hai ki saniya ko khiladi banane ke lie unake parivar ko bahut yogadan dena pada hai. vaise to kisi bhi khiladi ko shirsh par pahunchane ke lie usake pichhe kee logon ka yogadan hota hai. saniya mirza ke lie yah kary usake parivar ne kiya. usake parivar ne use badhane ke lie athak mehanat ki hai. usake mata-pita ne phaisala kiya tha ki ve apani ko tenis khiladi banaenge. ve use stephi graph jaisi banana chahate the. is kishori ko shirsh ki or le jane ke lie usaki parivarik prishthabhoomi ka bhi yogadan hai. usaka parivar khelon se juda raha hai. usake pita imaran mirza prakhyat kriket khiladi gulam ahamad ke rishte ke bhaee hain aur vah svayn bhi haidarabad siniyar divizan lig ke khiladi rah chuke hain. saniya mirza ke mama phaiyaz haidarabad ranaji tim men viket kipar the.

kirtiman

saniya mirza 'bharat ki pahali mahila tenis khiladi' hai jisane graind slaim khitab jita hai. vibnladan ka yah khitab jit kar usane itihas rach dala hai. saniya se sakshatkar ke dauran yah poochhe jane par ki bharatiy mahilaen aj tak tenis men apaki tarah age kyon nahin badh sakin, kaha ki bharatiy ladakiyon ki prayah kam umr men shadi ho jati hai aur khelane ke samay achchhe spansar nahin mil pate. saniya apana adarsh stephi graph ko manati hai. haidarabad ki 18 varshiya saniya mirza ne janavari 2005 men bharatiy tenis ke itihas men ek naya sunahara adhyay jod diya. vah astreliyan opan men hngari ki petra maindula ko harane ke sath hi kisi graind slaim toornament ke tisare raund men pahunchane vali bharat ki pahali mahila khiladi ban geen. vah us vakt bharat ke akhabaron ki surkhiyon men chha geen.

khel jivan

saniya mirza ka muqabala satavin variyata prapt serena viliyams se tha jab ki saniya ka us vakt 16 van sthan tha. hngari ki maindula bhi 84 variyata prapt khiladi thi, jise unhonne haraya tha. yadyapi serena viliyams se muqabale men saniya mirza har gee parntu darshakon v midiya se use khoob sarahana mili. mee, 2006 men panchavin variyata prapt saniya mirza ko 2 lakh ameriki dalar vali instabul kap tenis ke doosare hi raund men har ka munh dekhana pada. phir bhi saniya ki lokapriyata bharat men dinon-din badhati ja rahi hai. disambar 2006 men doha men hue eshiyaee khelon men saniya mirza ne liendar pes ke sath mishrit yugal ka svarn padak jita. mahilaon ke ekal muqabale men doha eshiyaee khelon men saniya ne rajat padak jita. mahila tim ka rajat padak bhi bharatiy tenis tim ke nam raha- jisamen saniya ke atirikt shikha oberay, ankita mnjari aur isha lakhani thin.

lokapriyata

8 agast, 2004 ko saniya mirza khelon ki surkhiyon men rahin. unaka pradarshan v kamayabi is qadar charcha men rahi ki use bharat men sachin tendulakar ke bad sabase bada star mana jane laga. varsh ke shuroo men unaki vishv rainking 166 par thi to vah pratham sau men ana chahati thi lekin 1 varsh ke antaral men hi usane saphalata ki sidhiyan chadhate hue pratham 50 rainking men sthan pa liya. yah upalabdhi keval saniya ke lie hi nahin, bharat ke lie bhi mahattvapoorn hai. 2004 ki shuruat men unaki rainkig 470 se shuroo huee thi jo saniya ki mehanat v saphalata se disambar 2005 men 34 tak pahunch gee. aj har bharatiy ke dimag men yahi saval hai ki saniya mirza kahan tak jaegi. pichhale 20 varshon men koee bhi bharatiy tenis khiladi 50 ke niche nahin a paya hai. liendar pes 73 se age nahin badh pae the. 1980 men vijay amritaraj 16 tak ja pahunche the. usake panch varsh bad 1985 men ramesh krishn 23 ki rainking tak chale ge the, jabaki 60 ke dashak men ramanathan krishnan nambar tin par the. abhi saniya ko ramesh krishnan ki barabari karani hai. vijay amritaraj aur ramanathan to abhi bahut door hain.

vishv rainking

saniya ki sarvashreshth vishv rainkig 31 tak pahunch chuki hai jo japan men achchhe radarshan ke bad mili thi. 2006 ke pratham chhah mahine men hi usaki rainking punah 50 ke oopar chali gee kyonki vah anek bade mukabalon ke doosare-tisare raund men har gee. ab dekhana yah hai, vah vishv rainking men pratham das men sthan kab tak pati hai. yon to pichhale bis varsh men koee bharatiy khiladi 50 ki rainking ke niche nahin a paya. liendar pes 73 tak pahunche the. 1980 men vijay amritaraj 16 tak ja pahunche the. panch varsh bad ramesh krishnan 23 tak chale ge the. ramanathan krishnan sath ke dashak men nnbar tin tak pahunch ge the. saniya ko pahale ramesh krishnan ki barabari karani hai arthat 25 se niche ana hai.

upalabdhiyan

  • navambar 1999 - pakistan intel ji 5 men saniya mirza ne yugal muqabala jita v ekal men phainal tak pahunchi.
  • sitambar 2000 - bharat ke aee ti eph- mumbee ji-4 muqabale men ekal muqabala jita v yugal ke semiphainal men pahunchi.
  • aktoobar 2000- pakistan intel jooniyar chainpiyanaship ji 5 muqabale men ekal v yugal muqabala jita.
  • yugal muqabalon men usaki jodi pakistan ke jahara umar khan ke sath thi.
  • janavari 2001- bharat ke aee ti eph jooniyar ek ke nee dilli ji eph muqabale men saniya mirza ne yugal muqabala jita v ekal muqabale men kvartar phainal tak pahunchi.
  • janavari 2001 men hi aee ti eph 11 ke chndigadh ji-4 muqabale men ekal v yugal muqabale jite.
  • faravari 2001 men bangladesh intel ji-3 men ekal, julaee 2001 men moov end pik intel ji-3 men ekal v yugal, smaish intail ji-4 men julaee 2001 men yugal muqabala jita.
  • janavari 2002 men viktoriyan chainpiyanaship aee ti eph ji-2 muqabale men yugal pratiyogita jiti.
  • julaee 2002 men pi aee si pritoriya aee ti eph ji-2 muqabale men yugal pratiyogita jiti.
  • agast 2002 men sauth saintral aphrika sarkit botsvana aee ti eph ji-3 muqabale men ekal v yugal muqabala jita.
  • disambar 2002 men eshiyaee jooniyar tenis chainpiyanaship men aee ti eph ji bi-2 muqabale men ekal muqabala jita v yugal ki semiphainal men pahunchi.
  • varsh 2005 men saniya mirza ne dabloo ti e ka haidar opan ka khitab bhi jita tha. isi varsh saniya mirza apane uttam tenis khel pradarshan ke karan bharat tatha vishv men charcha ka vishay bani. usane varsh 2005 men vishv ke sarvashreshth khiladiyon ko yoo.es. opan men hara kar chauthe raund men pravesh kiya. yadyapi chauthe raund men saniya mariya sharapova se har gee, parntu is sthan tak pahunchane vali vah pratham bharatiy mahila khiladi thi.
  • disambar 2006 men doha men hue eshiyaee khelon men saniya mirza ne liendar pes ke sath mishrit yugal ka svarn padak jita. mahilaon ke ekal muqabale men doha eshiyaee khelon men saniya ne rajat padak jita. mahila tim ka rajat padak bhi bharatiy tenis tim ke nam raha- jisamen saniya ke atirikt shikha oberay, ankita mnjari aur isha lakhani thin.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah