कोनेरू हम्पी  हिन्दी देवनागरी में पढ़ें।

koneroo hampi
koneroo hampi
poora nam koneroo hampi
janm 31 march 1987
janm bhoomi vijayavada, andhr pradesh
abhibhavak koneroo ashok aur koneroo lata
khel-kshetr shatarnj
vidyalay rejideshinyal skool, guntoor
puraskar-upadhi arjun puraskar, padm shri
nagarikata bharatiy
any janakari bharat ki ekamatr mahila shatarnj khiladi hone ke atirikt purushon ka graindamastar nam bhi pa chuki hain.
adyatan‎

koneroo hampi (angrezi: Koneru Humpy, janm: 31 march 1987) 9 varsh ki umr men koneroo hampi ne rashtriy shatarnj chainpiyanaship men svarn padak jit kar apane khiladi jivan ki behatarin shuruat kar di. vah mahila graind mastar ka khitab bhi pa chuki hain. 1996 men 9 varsh se kam ayu varg ki ladakiyon ki rashtriy shatarnj chainpiyanaship men mumbee men hampi ne svarn padak hasil kiya. usake pashchath 1997 men das varsh se kam ayu varg ki ladakiyon ki rashtriy raipid shatarnj chainpiyanaship men chennee men usane svarn padak prapt kiya.

jivan parichay

koneroo hampi ki shiksha chalapathi rejideshinyal skool, guntoor men huee. usaki mata ka nam koneroo lata hai tatha bahan ka nam koneroo chandr hasa hai. ashok ne apani beti ka nam hampi isalie rakha kyonki isaka ek videshi bhasha men arth hota hai 'chaimpiyan'. isake pichhe usaki apani ek ichchha aur ek drishtikon tha ki usaki beti badi hokar vishv chaimpiyan banegi aur usake adhoore sapanon ko poora karegi. bad men usane nam ki speling ko badal (Humpi) kar diya taki vah roosi nam jaisa pratit ho. kuchh varshon pahale jab koneroo ke pita ashok v man lata ne apane madhyavargiy jivan men ek telivizan ke sthan par kampyootar kharida to sabhi ne unaka khoob mazak udaya. hampi ki man lata ko aj bhi yad hai ki hamare kapyootar kharidane ke nirnay ki logon ne kis tarah hnsi udaee thi lekin aj jab koneroo vishv chainmpiyan ban gee hai to mata-pita ko doosaron ke drishtikon par hnsi ati hai. jab hampi matr 5 varsh ki thi tab shatarnj ke moharon v unaki chalon ki janakari use di jane lagi thi. ek bar jab ashok shatarnj khel rahe the tab 6 varshiy hampi ne ek chal bataee. ashok hairan rah ge ki vah chal ek-dam satik thi. phir unhonne usaki pratibha ko kee bar janchane ki koshish ki, vah adhikanshatah sahi thi. tab ashok ne hampi ki ruchi dekhate hue usaki koching arambh kar di. usake sath vah any 10 balakon ko bhi koching diya karate the. tab 9 varsh ki chhoti si avastha men koneroo 1996 men rashtriy chaimpiyan bani.

koch

koneroo hampi ke pita shri koneroo ashok hi hampi ke koch hain. koneroo ke pita ne hi apani beti hampi ki itani achchhi koching di hai ki andhr pradesh sarakar ne unhen rajy koch ka darja dene ka nirnay kiya. isake atirikt achchhi koching kshamata ke lie ashok ko panch lakh rupaye ka nakad inam dene ka phaisala kiya. ashok ne svayn do bar shatarnj ki rajy chaimpiyan jiti hai. 1985 men guntoor men dakshin bharat ki opan chaimpiyanaship bhi unhonne jiti thi. ashok batate hain ki unaka aur hampi ka rishta dronachary aur arjun ka hai. jahan adhikansh abhibhavak apane bachche ko age badhana chahate hain parntu usake lie sarthak prayas nahin karate, vahan hampi ke pita ashok ne usako age badhane ke prayas usake bachapan se hi arambh kar die the. usake poorv ashok rasayan vigyan ke adhyapak the, parntu 1995 men 8 varsh se kam ayu varg men hampi ke chauthe sthan par rahane par pita ashok ne shikshan kary chhod hampi ka prashikshan arambh kar diya.

antarrashtriy pratiyogita

antararashtriy pratiyogitayon men hampi ki eelo reting badhane ke lie ashok ke age arthik samasya ade aee kyonki tab tak koee bhi use spansar karane ko taiyar nahin tha. tabhi baink aauf badauda ne use spansar kar diya aur hampi age badhati gee. hampi ka kahana hai ki main apane pita ki koching ke bina itana age kabhi nahin badh sakati thi.

khel jivan

hampi ne shatarnj ke kshetr men bharat ka nam roshan kar ke antararashtriy khyati prapt ki hai. 1998 men hampi ne tin pratiyogitaon men svarn padak hasil kar apane padakon ki snkhya men vriddhi ki. 1998 me 6 ladakiyon ki 12 varsh se kam ayu varg men guntoor men hone vali rashtriy raipid shatarnj chainpiyanaship men pratham sthan prapt kiya. phir 1998 men hi 15 varsh se kam ayu ki ladakiyon ki rashtriy shatarnj chainpiyanaship men svarn hasil kiya. usake bad 1998 men hi aurngabad ke rashtriy shatarnj chainpiyanaship men 15 varsh se kam ayu varg men svarn padak prapt kiya.

  • varsh 2000 men 14 varsh se kam ayu ke balakon ki rashtriy shatarnj toornament men hampi ne ahamadabad men svarn padak prapt kiya.
  • 16 varsh ki ayu men hampi ne varsh 2002 men vishv kap shatarnj toornament men haidarabad men bhag liya. prarambhik daur men jit ke pashchath vah pratham semi phainal maich men 0.5-1.5 se chin ki joo yoohua se har gee. is khel ke pashchath hampi ke pita evn koch koneroo ashok ne kaha- hampi ne kuchh chalen galat khel din. shayad vah shuruat men apani chal men badalav karana chahati thi. apani kuchh galatiyon v aniyamit chalon ke karan use gem khona pada.
  • itani kam umr men hampi itana kuchh pa chuki hai ki age usake lie khula akash hai. apani mehanat ke bal par ek din vishv chainpiyan ban kar dikhaegi.

shauq aur pasnd

hampi ko shatarnj khelane ke atirikt ti.vi. dekhana pasand hai, jisamen vah hindi v telugu filmen dekhati hai. isake atirikt pustaken padhane men usaki ruchi hai. vah vishvanathan annd ko apana adarsh manati hai.

ekamatr mahila grand mastar

bharat ki sabase kam umr ki mahila grand mastar koneroo hampi ki vishv men variyata kram nambar do tak pahunch gee phir bhi use koee spansar nahin mil paya. inhin paristhitiyon ke chalate vijayavada ki is khiladi ko agast 2006 men o en. ji. si. men parsanal edaministretar ki naukari leni padi. koneroo ka manana hai ki shatarnj ek mnhaga khel hai jisake lie khiladi ko toornamenton men bhag lene ke lie anekon bar videsh yatra karani padati hai. koneroo ne naukari isilie ki hai taki usake yatra kharche knpani vahan kar sake. adhikansh knpaniyan kriket khiladiyon ko spansar karana chahati hain. bharat ki ekamatr mahila shatarnj khiladi hone ke atirikt purushon ka graindamastar nam pa jane vali koneroo ek videshi koch pane ko mohataj rahi. use yahi soch kar sntosh karana pada ki vah apane pita ki koching se hi vishv ki nambar do rainkig vali khiladi ban gee hai. agast 2006 men koneroo ki eelo reting 2545 thin.

pradarshan

2006 ke disambar men hue doha eshiyaee khelon men koneroo hampi ne shanadar pradarshan kiya. mahilaon ke repid ches men koneroo ne svarn padak jita. usake bad tim ivent, klaausikal svis raund men bhi svarn padak jit liya. doha eshiyaee khelon men svarn padak ka agaz bhi shatarnj se hua aur ant bhi shatarnj ke svarn se hi hua. koneroo hampi ne ke. shashikiran v harikrishna ke sath milakar tim ka svarn padak jita. graindamastar ke. shashikiran, ji. harikrishna aur koneroo hampi ki tikadi ne lagatar ath muqabale jitakar nau daur ki ivent men apane ankon ki snkhya ko 21 tak pahuncha diya aur chin se panch ankon ki badhat hasil kar li. ke. shashikiran ne yootet ediyanto ko mat di. doosare bord par harikrishna ki susanto megaranto se bazi dra rahi. mahilaon ke muqabale men hampi ne irin kharasiyama ko asani se mat di. is prakar bharat ne indoneshiya ko adhe ank ke muqabale dhaee ankon se harakar ek raund ke rahate gold medal jita.

upalabdhiyan

  • hampi purushon ka graind mastar jitane vali sabase kam umr ki pratham bharatiy ladaki hai. isake poorv hngari ki pratham bharatiy ladaki hai. isake poorv hngari ki judit polagar ne yah khitab jita tha, vah us vakt 15 varsh 4 mah 27 din ki thin.
  • koneroo hampi ne 15 varsh 1 mah 27 din ki ayu men purushon ka graind mastar khitab jita jo ek rikard hai.
  • hampi purush graind mastar jitane vali pratham bharatiy mahila hai.
  • koneroo hampi do bar graind mastar banane vali pratham bharatiy ladaki hai.
  • hampi taaup 20 khiladiyon men vishv ki nambar ek khiladi banane vali pratham bharatiy ladaki hai.
  • vishv ki taaup 50 mahilaon ki soochi men 16 van sthan pane vali koneroo pratham bharatiy ladaki hai.
  • ee el o reting men itana ooncha sthan pane vali hampi bharatiy shatarnj ke itihas ki pratham bharatiy ladaki hai.
  • vishv jooniyar mahila shatarnj chaimpiyanaship men jitane vali hampi ek-matr bharatiy ladaki hai.
  • shatarnj men vishv khitab jitane vali pratham bharatiy ladaki hai.
  • vishv chainpiyanaship muqabalon men das, barah v chaudah varsh ke ayu varg men lagatar vijeta rahi hai.
  • eshiyan jooniyar shatarnj chainpiyanaship ki vah vijeta hai.
  • briten ke 61 varsh ke itihas men hampi sabase kam umr ki british mahila shatarnj chainpiyanaship ki vijeta hai.
  • hampi 12 varsh se kam ayu varg men ladakon ki eshiyaee shatarnj chainpiyanaship ki ekamatr ladaki vijeta hai.
  • hampi 14 varsh se kam ayu varg ke ladakon ke rashtriy khitab ko ahamadabad men jitane vali ekamatr khiladi hai.
  • hampi eshiya ki sabase kam umr ki antararashtriy mahila mastar hai.
  • hampi ko 1997 v 1998 ka sports star 'yng achivar evard' diya gaya.

pratiyogitaon men vijay

  • ethens (gris) men 2001 men vijay jooniyar garls shatarnj chainpiyanaship men svarn padak.
  • spen men vishv shatarnj chainpiyanaship men 2000 men 14 varsh se kam ayu varg men svarn padak.
  • 1999 men spen men vishv shatarnj chainpiyanaship men 12 varsh se kam ayu varg men rajat padak.
  • 1998 men spen me 12 varsh se kam ayu varg men garls shatarnj chainpiyanaship men svarn padak.
  • 10 varsh se kam ayu varg men ladakiyon ki vishv shatarnj chainpiyanaship men phrans men svarn padak.
  • smith end viliyan san british chainpiyanaship 2002 men vijay.
  • hngari ka 2001 ka hotal lipa graind mastars shatarnj toornament men svarn padak.
  • sangali men varsh 2000 men kaman velth shatarnj chainpiyanaship men mahila v 16 varsh se kam ayu ladakiyon ke muqabale men kramashah kansy v svarn padak.
  • british vimen chainpiyanaship 2000 men somaraset, inglaind men svarn padak.
  • mumbee men 2000 men eshiyan jooniyar shatarnj chainpiyanaship men svarn padak.
  • kamanavelth shatarnj chainpiyanaship (19 varsh se kam ayu ladakiyan) 1999 men bikaner men svarn padak, isi varsh is muqabale ke mahila varg men kansy padak.
  • 1999 ke mahilaon ki rashtriy pratiyogita, kalikat men vooman mastar khitab hasil.
  • 1999 men lndan men 21 varsh se kam varg ke maind sports olnpiyad men svarn padak. isi varsh mahila varg men bhi svarn padak hasil.
  • ahamadabad men 1999 men 12 varsh se kam ayu ke ladakon ki eshiyaee shatarnj pratiyogita men svarn padak.
  • koneroo hampi ki varsh 2003 ki shatarnj upalabdhiyon ke lie unhen 21 sitambar 2004 ko 'arjun puraskar' se sammanit kiya gaya.
  • hiro honda sports akadami ne varsh 2004 ke lie koneroo hampi ko shatarnj ki shreshthata khiladi ke lie namankit kiya.
  • 2007 men koneroo hampi ko 'padmashri puraskar' pradan kiya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah