रामानाथन कृष्णन  हिन्दी देवनागरी में पढ़ें।

ramanathan krishnan
ramanathan krishnan
poora nam ramanathan krishnan
janm 11 aprail, 1937
janm bhoomi nagarakoil, tamilanadu
abhibhavak pita: ti. ke. ramanathan
sntan putr: ramesh krishnan
karm bhoomi bharat
khel-kshetr tenis
shiksha arthashastr men em.e.
vidyalay madras vishvavidyalay
puraskar-upadhi arjun puraskar’ (1961‌), ‘padmabhooshan’ (1967‌), ‘padmashri’ 1962
prasiddhi tenis khiladi
nagarikata bharatiy
snbndhit lekh vijay amritaraj
vishesh yah vishv ke das sarvashreshth khiladiyon men se ek rahe hai, jahan koee bharatiy tenis khiladi nahin pahunch saka hai.
any janakari ramanathan krishnan ne vinbaladan khel ke jooniyar ekal mukabale ke phainal men eshali koopar ko hara diya tha, yah aisi jit hasil karane vale pratham bharatiy hi nahin, balki pratham eshiyaee bhi the.
adyatan‎ 04:20, 11 navambar-2016 (IST)

ramanathan krishnan (angrezi: Ramanathan Krishnan, janm- 11 aprail, 1937, nagarakoil, tamilanadu) bharat ke sarvashreshth khiladiyon men se hai. unaki jaisi oonchaee tak bharat ka koee any tenis khiladi nahin pahunch saka. vah vishv ke sarvashreshth 10 khiladiyon men apana sthan bana sake. vinbaladan men vah chauthi sid ke khiladi bane. yadi ramanathan krishnan ko svatantrata ke bad bharatiy tenis ka arkitekt kaha jae to shayad atishoyokti nahin hogi. unhen 1961 men ‘arjun puraskar’, 1962 men ‘padmashri’ tatha 1967 men ‘padmabhooshan’ pradan kiya gaya tha.

parichay

ramanathan krishnan ka janm 11 aprail san 1937 ee. men tamilanadu ke nagarakoil men hua tha. unako tenis khelane ki prerana apane pita ti. ke. ramanathan se mili, jo tenis ke chainpiyan rahe the. krishnan ne apane pita ke nirdeshan men age badhate hue shighr hi khel men nipunata hasil kar li. unhonne madras vishvavidyalay se arthashastr men em.e. kiya tha. unhonne tenis men ek kushal khiladi ki bhanti apane lie shighr hi jagah bana li aur bahut jaldi tenis ki ek jani-mani hasti ban ge. unhonne 8 varsh tak lagatar tenis ki jooniyar tatha siniyar rashtriy chainpiyanaship jitin.[1]

isake pashchath unhonne kuchh aisi dhak jamaee ki vah bharatiy tenis ka aeena ban ge. unhonne lagabhag 13 varshon tak apani kushalata ko pradarshit kar apana uchch sthan banae rakha. vah vishv reting men us sthan tak pahunche jahan bharat ka koee khiladi nahin pahunch saka. unaki upalabdhi tak unake bad ke khiladi vijay amritaraj bhi nahin pahunch sake. alag-alag panch avasaron par ramanathan krishnan ko vishv ke 10 sarvashreshth khiladiyon men sthan diya gaya. phir 1962 ke vinbaladan men vah 4 sided khiladi the. tab unhen takhane ki chot ke karan. khel se hatana pada.

antararashtriy shuruat

ramanathan krishnan ne ek 16 varshiy khiladi ke roop men antararashtriy shuruat karake apani bahut achchhi pahachan banaee. vah tab tak itani kam umr men rashtriy chainpiyan ban chuke the. 1953 men devis kap toornament men beljiyam ke viruddh khelate hue unhonne shanadar pradarshan kiya. yadyapi us samay bharat 0-5 se har gaya, lekin krishnan ne 5 seton ke romanchakari mukabale men apane khel ki jabaradast chhap chhodi. tabhi panch seton ke any mukabale men sumant mishra ke sath dabals khelate hue shanadar pradarshan kiya. devis kap khelane vale ati yuva khiladiyon men se ek krishnan ka ek-ek strok atyant prabhavashali tha. baik haind se khela gaya unaka strok unaki pahachan tha. vah atmavishvas se poorn the aur unhen vishvas tha ki devis kap khelane ke agale hi varsh vah vinbaladan men bhi bhag le sakenge aur agale varsh unhonne vinbaladan men jooniyar ekal mukabale men phainal men eshali koopar ko hara diya. vah aisi jit hasil karane vale pratham bharatiy hi nahin, pratham eshiyaee bhi the.

isake pashchath ramanathan krishnan ka kairiyar oopar uthata chala gaya. yadyapi vah kabhi bhi vinbaladan nahin jit sake, lekin vah darshakon ke bich behad lokapriy khiladi the. vah vinbaladan ke semiphainal tak do bar pahunche, us vakt tak bhi vah vahan tak pahunchane vale ekamatr bharatiy the. vaise donon hi mukabalon men antat: unhen har ka munh dekhana pada aur 1960 men nile phrejar chainpiyan ban ge tatha 1961 men raaud (raauket) levar chainpiyan bane tathapi devis kap toornament men unaka behatarin pradarshan sadaiv yad kiya jaega. vah tim mukabale men ekal mukabale se behatar pradarshan kar sake. ekal spardha men ramanathan krishnan ne 69 men se 50 mukabale jite tatha dabals mukabalon men 29 men se 19 mukabale unhonne jite. dabals mukabale unhonne jayadip mukharji ke sath jodi bana kar khele.[1]

1966 ke chailenj raund men bharat ko le jane men bhi krishnan ka hi hath raha, yadyapi tim ant men aaustreliya ke hathon har gee. ramanathan krishnan ne apane khel kairiyar men anekon bar saphalata paee. inamen se kuchh mukabale aise rahe, jinamen krishnan ne vijay paee aur vah unhen shayad kabhi nahin bhula sakenge. ek mukabala tha-jab amerika ke brukalin men 1959 men vah devis kap jonal phainal men aaustreliya ke raaud levar ke viruddh khelate hue jite the. doosara mukabala tha-jab vah 1966 men kalakatta men 5 ven rabar men brajil ke thamas koch se mukabala jite the. yah krishnan ke lie bhi avishvasaniy-sa tha, jab vah do seton men se ek men har rahe the, phir chauthe set men 15-30 se har rahe the, lekin panch seton ke mukabale men unhonne baji palat dali aur vah khel jitane men saphal rahe.

puraskar v samman

ramanathan krishnan ki khel upalabdhiyon ko dekhate hue unhen 1961 men ‘arjun puraskar’ dekar sammanit kiya gaya. isake pashchath 1962 men bharat sarakar ne unhen ‘padmashri’ dekar sammanit kiya. phir 1967 men ramanathan krishnan ko ‘padmabhooshan’ pradan kiya gaya.

tenis ke prati samarpan

unake khelon se ritayar hone ke pashchath unhonne tenis ke prati samarpan ka bhav nahin chhoda. unake putr ramesh krishnan ne tenis men khoob dhak jamaee.[1]

upalabdhiyan

  1. vah vishv ke das sarvashreshth khiladiyon men se ek rahe jahan koee bharatiy tenis khiladi nahin pahunch saka hai.
  2. 1962 men vibnladan men vah 4 sided khiladi rahe.
  3. devis kap men khelane vale krishnan sabase kam umr ke khiladi the.
  4. vah vibnladan ke phainal tak pahunchane vale pratham bharatiy hi nahin, pratham eshiyaee the.
  5. krishnan ko 1961 men ‘arjun puraskar’ se sammanit kiya gaya.
  6. 1962 men unhen ‘padmashri’ se sammanit kiya gaya.
  7. 1967 men krishnan ko ‘padm bhooshan’ samman pradan kiya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 ramanathan krishnan ka jivan parichay (hindi) kaise aur kya. abhigaman tithi: 30 sitambar, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah