के एस सुदर्शन  हिन्दी देवनागरी में पढ़ें।

ke es sudarshan
ke es sudarshan
poora nam kuppahali sitaramaiya sudarshan
janm 18 joon, 1931
janm bhoomi rayapur, madhyapradesh (ab chhattisagadh)
mrityu 15 sitnbar, 2012
mrityu sthan rayapur, chhattisagadh
abhibhavak sitaramaiya
shiksha bi.ee
vidyalay sagar vishvavidyalay, jabalapur
nagarikata bharatiy
any janakari ke es sudarshan rashtriy svaynsevak sngh ke panchaven sarasnghachalak the.

kuppahali sitaramaiya sudarshan (angrezi: Kuppahalli Sitaramayya Sudarshan, janm: 18 joon, 1931 - mrityu: 15 sitnbar, 2012) rashtriy svaynsevak sngh (ar.es.es.) ke panchaven sarasnghachalak the. march 2009 men mohan bhagavat ko chhathavan sarasnghachalak niyukt kar svechchha se padamukt ho gaye.

jivan parichay

sudarshan moolatah tamilanadu aur karnatak ki sima par base kuppahalli (maisoor) gram ke nivasi the. kannad parampara men sabase pahale ganv, phir pita aur phir apana nam bolate hain. ke es sudarshan ke pita shri sitaramaiya van-vibhag ki naukari ke karan adhikansh samay madhyapradesh men hi rahe aur vahin tatkalin madhyapradesh (maujooda chhattisagadh) ki rajadhani rayapur zile men ek brahman parivar men 18 joon, 1931 ko shri sudarshan ji ka janm hua. ajivan avivahit rahe sudarshan ke parivar men unase chhoti bahan vatsala, bahanoee, chhota bhaee ramesh aur bhabhi hain. tin bhaee aur ek bahin vale parivar men sudarshan ji sabase bade the.

shiksha

sudarshan ki prarnbhik shiksha rayapur, damoh, mndala aur chndrapur men huee. mahaj 9 sal ki umr men hi unhonne pahali bar areses shakha men bhag liya. unhonne varsh 1954 men jabalapur ke sagar vishvavidyalay (injiniring kalej) se doorasnchar vishay (telikam/ telikamyunikeshns) men bi.ee ki upadhi prapt kar vo 23 sal ki umr men pahali bar sudarshan areses ke poornakalik pracharak bane. sngh men parnpara hai ki poornakalik pracharak vivah nahin karate hain. unhonne bhi is parnpara ka nirvah karate hue sara jivan desh aur sngathan ko samarpit kar diya. sarvapratham unhen rayagadh bheja gaya.

vyaktitv

sudarshan ji gyan ke bhndar, anek vishayon evn bhashaon ke janakar tatha adbhut vaktritv kala ke dhani the. kisi bhi samasya ki gaharaee tak jakar, usake bare men moolagami chintan kar usaka sahi samadhan dhoondh nikalana unaki visheshata thi. pnjab ki khalistan samasya ho ya asam ka ghusapaith virodhi andolan, apane gahan adhyayan tatha chintan ki spasht disha ke karan unhonne inake nidan hetu thos sujhav diye. sath hi sngh ke karyakartaon ko us disha men sakriy kar andolan ko galat disha men jane se roka. pnjab ke bare men unaki yah soch thi ki hindoo aur sikhon men koee antar nahin hai. har keshadhari hindoo hai tatha pratyek hindoo dason guruon v unaki pavitr vani ke prati astha rakhane ke karan sikh hai. is soch ke karan khalistan andolan ki charam avastha men bhi pnjab men grihayuddh nahin hua. isase andolan ke videshi akaon ko bahut nirasha huee.

bahuayami vyaktitv ke dhani

sudarshan ji achchhe vakta ke sath hi achchhe lekhak bhi the. yadyapi pravas ke karan unhen likhane ka samay kam hi mil pata tha, phir bhi unake kee lekh vibhinn patron ne pramukhata se prakashit kiye. apane dharapravah udbodhan men dohe, kundali, shlok tatha kavitaon ke uddharan dekar ve shrotaon ke man par amit chhap chhodate the. sudarshan ji ka ayurved par bahut vishvas tha. lagabhag 20 varsh poorv bhishan hridayarog se pidit hone par chikitsakon ne baipas sarjari hi ekamatr upay bataya; par sudarshan ji ne lauki ke taje ras ke sath tulasi, kali mirch adi ke sevan se svayn ko thik kar liya. kadambini ke tatkalin sampadak rajendr avasthi sudarshan ji ke sahapathi the. unhonne is prayog ko do bar kadambini men prakashit kiya. atah is prayog ki desh bhar men charcha huee.

rashtriy svaynsevak sngh ke sath

shri sudarshan ji ko sngh-kshetr men jo bhi dayitv diya gaya, usamen apani nav-navin soch ke adhar par unhonne naye-naye prayog kiye. 1969 se 1971 tak un par akhil bharatiy sharirik pramukh ka dayitv tha. is dauran hi khadg, shool, chhurika adi prachin shastron ke sthan par niyuddh, asan, tatha khel ko sngh shiksha vargon ke sharirik pathyakram men sthan mila. aj to pratahkalin shakhaon par asan tatha vidyarthi shakhaon par niyuddh evn khel ka abhyas ek samany bat ho gayi hai. apatakal ke apane bandivas men unhonne yogachap (lejam) par naye prayog kiye tatha usake svaroop ko bilkul badal dala. yogachap ki lay aur tal ke sath hone vale sngitamay vyayam se 15 minat men hi sharir ka pratyek jod anand evn navasphoorti ka anubhav karata hai. 1977 men unaka kendr kolakata banaya gaya tatha sharirik pramukh ke sath-sath ve poorvottar bharat ke kshetr pracharak bhi rahe. is dauran unhonne vahan ki samasyaon ka gahan adhyayan karane ke sath-sath bangla aur asamiya bhasha par bhi achchha adhikar prapt kar liya.

akhil bharatiy bauddhik

1979 men ve akhil bharatiy bauddhik pramukh bane. shakha par bauddhik vibhag ki or se hone vale dainik karyakram (git, subhashit, amritavachan) saptahik karyakram (charcha, kahani, prarthana abhyas), masik karyakram (bauddhik varg, samachar samiksha, jigyasa samadhan, git, subhashit, ekatmata stotr adi ki vyakhya) tatha shakha ke atirikt samay se hone vali masik shreni baithakon ko suvyavasthit svaroop 1979 se 1990 ke kalakhnd men hi mila. shakha par hone vale ‘pratahsmaran’ ke sthan par naye ‘ekatmata stotr’ evn ‘ekatmata mantr’ ko bhi unhonne prachalit karaya. 1990 men unhen sah sarakaryavah ki jimmedari di gayi. desh ka buddhijivi varg, jo kamyunist andolan ki viphalata ke karan vaicharik snbhram men doob raha tha, usaki soch evn pratibha ko rashtravad ke pravah ki or modane hetu ‘prgya-pravah’ namak vaicharik sngathan bhi aj desh ke buddhijiviyon men lokapriy ho raha hai. isaki ninv men shri sudarshan ji hi the. sngh-kary tatha vaishvik hindoo ekata ke prayason ki drishti se unhonne briten, halaind, kenya, singapur, maleshiya, thaeelaind, hangakang, amerika, kanada, trinidad, tubaigo, guyana adi deshon ka pravas bhi kiya.

prarambhik jila, vibhag pracharak adi ki jimmedariyon ko saphalatapoorvak nibhane ke bad 1964 men rayagadh zile men sudarshan bataur sngh ke pracharak banae ge. bad men ve madhy pradesh ke prant pracharak bane. isake bad sngh men unhonne kee tarah ki aham jimmedariyan snbhali. 1969 men unhen aaul indiya argenaijeshan ka knvenar banaya gaya. vah is pad par qarib unnis varsh tak rahe. 1990 men unhen sngh ka mahasachiv niyukt kiya gaya. sudarshan qarib chhah dashakon tak ar es es pracharak rahe.

sarasnghachalak ki bhoomika

sngh kary men sarasnghachalak ki bhoomika badi mahattvapoorn hai. chauthe sarasnghachalak pro. rajendr sinh ko jab laga ki svasthy kharabi ke karan ve adhik sakriy nahin rah sakate, to unhonne varishth karyakartaon se paramarsh kar 10 march, 2000 ko akhil bharatiy pratinidhi sabha men shri sudarshan ji ko yah jimmedari saunp di. nau varsh bad sudarshan ji ne bhi isi parampara ko nibhate hue 21 march, 2009 ko sarakaryavah shri mohan bhagavat ko chhathe sarasnghachalak ka karyabhar saunp diya. sudarshan sngh pramukh ke pad se hatane ke bad se bhopal men rah rahe the aur sngh ke vibhinn karyon men margadarshak ki bhoomika men the. dimenshiya se pidi़t sudarshan kuchh samay se bimar chal rahe the aur unaki dekhabhal ke lie ek atendent rakha gaya tha.

nidhan

ke es sudarshan ka 15 sitambar 2012 ko rayapur men dil ka daura padane se nidhan hua tha. vah 81 varsh ke the. sudarshan ka subah lagabhag 6:30 baje ar es es ke prantiy karyalay jagriti mndal men nidhan hua. vah roj ki tarah subah sair karake ar.es.es ke daftar men akar baithe the, tabhi unhen dil ka daura pad gaya. vah kafi lnbe samay se bimar chal rahe the. daauktaron ne bataya ki unhonne us samay antim sans li jab vah subah ke samay 40 minat ki niyamit sair ke bad apane kaksh men pranayam kar rahe the. vah 13 sitnbar se rayupar pravas par the. unhonne poorv sansad gopal vyas dvara likhit pustak ‘satyamev jayate’ ka vimochan 14 sitambar 2012 ko kiya tha. marane se poorv unhonne apani ankh madhav aee baink ko dan men de di thi.


panne ki pragati avastha
adhar
prarambhik
madhyamik
poornata
shodh

tika tippani aur sndarbh


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah