सत्याग्रह आन्दोलन  हिन्दी देवनागरी में पढ़ें।

satyagrah andolan, mahatma gandhi

satyagrah ek hindi shabd hai, jisaka arth hai saty ke lie agrah. isaka sootrapat sarvapratham mahatma gandhi ne 1894 ee. men dakshin afrika men kiya tha. vyavahar men yah buraee vishesh ke prati dridh, lekin ahinsak pratirodh ke roop men prakat hua. british upaniveshavad ke viruddh bharatiy janata ke sngharsh men satyagrah margadarshak tha.

satyagrah se abhipray

satyagrah ka arth 'saty ke prati samarpan' ya 'saty ki shakti' ho sakata hai. satyagrah ka anuyayi satyagrahi ahinsa ka palan karate hue shanti v prem ka lakshy samane rakhakar saty ki khoj dvara kisi buraee ki vasvavik prakriti ko dekhane ki sahi ant:drishti prapt kar leta hai. isaka abhipray samajik evn rajanitik anyayon ko door karane ke lie saty aur anhisa par adharit atmik bal ka prayog tha. yah ek prakar ka nishkriy pratirodh tha, jo vyaktigat athava samoohik roop se kasht sahan dvara virodhi ka hriday parivartan karane men saksham ho. dakshin afrika men is andolan ko atyadhik saphalata mili. janaral smats ko pravasi bharatiyon ke andolan ka auchity svikar karana pada aur bharat ke vaisaray laaurd harding ne bhi unake prati sahanubhooti prakat ki. antat: is andolan se dakshin afrika ke bharatiyon ki anek shiqayaten door hueen.

saty-bodh pradata

is andolan dvara satyagrahi ko nirapeksh saty ka bodh hota hai. galat ke prati samarpan ya usase kisi prakar ke sahayog se apane inakar se satyagrahi is saty ko sthapit karata hai. buraee se, apane sngharsh men use apane ahinsa ke marg par bane rahana chahie, kyonki hinsa virodhi ka sahara lena uchit ant:drishti ka kho dena hoga. satyagrahi hamesha hi apane virodhi ko apane iradon ki poorv chetavani deta rahata hai. satyagrah keval savinay avgya hi nahin hai; isaki poorn kary-paddhatiyon men uchit dainik jivan nirvah se lekar vaikalpik rajanitik aur arthik snsthanon ka nirman tak a jata hai. satyagrah hriday parivartan ke zariye jitane ka prayas karata hai; jisake ant men koee har ya jit nahin hoti, balki ek ne samnjasy ka uday hota hai.

satyagrah ka mool

mahatma gandhi ne liyo taaulstaauy aur henari devid thoro ke lekhan, eesaeeyon ki baibil, bhagavadagita aur any hindoo shastron se satyagrah ki apani avadharana ko sootrabaddh kiya. satyagrah ka mool hindoo avadharana ahinsa men hai. gandhi ji ne dakshin afrika ke transaval men aupaniveshik sarakar dvara eshiyaee logon ke sath bhedabhav ke qanoon ko parit kiye jane ke khilaf 1906 ee. men pahali bar satyagrah ka prayog kiya.

bharat men satyagrah

bharat men pahala satyagrah andolan 1917 ee. men nil ki kheti vale champaran zile men hua. isake bad ke varshon men satyagrah ke tariqon ke roop men upavas aur arthik bahishkar ka upayog kiya gaya. vyavaharik drishti se ek sarvabhaumik darshan ke roop men satyagrah ki prabhavotpadakata par prashnachihn lagae ge hain. satyagrah apratyaksh roop se yah svikar karata jan padata hai ki virodhi paksh kisi n kisi star ki naitikata ka palan karega, jise satyagrahi ka saty antat: shayad prabhavit kar jae. lekin svayn gandhi ji ka manana tha ki satyagrah kahin bhi sambhav hai, kyonki yah kisi ko bhi parivartit kar sakata hai.

svaroop parivartan

1920 ee. ke rashtriy andolan men isaka prayog bharat men angrez shasan ke viruddh ahinsatmak asahayog andolan ke roop men hua. tatpashchath isaka svaroop savinay avgya andolan men parivartit ho gaya. nishchay hi is andolan ne bharatiyon ko angrezi shasan ka ant karane ke lie kritasnkalp kiya. is prakar bharat ki svatntrata prapti men isaka thos yogadan raha hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah