सेवाग्राम आश्रम  हिन्दी देवनागरी में पढ़ें।

sevagram ashram
gandhi kuti, sevagram ashram
vivaran 'sevagram ashram' maharashtr ke vardha men sthit mahatma gandhi se sambandhit prasiddh ashram hai. gandhiji ne 'sabaramati ashram' ke bad isaki sthapana ki thi.
rajy maharashtr
zila vardha
nirmata mahatma gandhi
bhaugolik sthiti sevagram (vardha zila, maharashtr)
prasiddhi is ashram men mahatma gandhi ke jivan se judi kee mahattvapoorn smritiyan hain.
kya dekhen adi nivas, bapoo kuti, bapoo daphtar, ba kuti, akhiri nivas aur prarthana bhoomi, mahadev kuti, parachure kuti, rustam bhavan adi.
snbndhit lekh mahatma gandhi, sabaramati ashram, gujarat, maharashtr
any janakari 'sevagram ashram' men kee kutiyaen hain, jahan svayn gandhiji evn unake sahayogi raha karate the. sab kutiyaen apane ap men anokhi hain aur gandhiji ki tatkalin jivan shaili samete huee hain.
bahari kadiyan yah kaha jata hai ki 1930 men jab gandhiji ne sabaramati ashram se dandi tak padayatra prarnbh ki thi, tab unhonne shapath li thi ki jab tak bharat svatntr nahi ho jata, ve sabaramati men kadam nahi rakhenge.

sevagram ashram maharashtr rajy ke vardha zile men sthit sevagram namak ganv men hai. pahale sevagram ganv ko 'sheganv' nam se jana jata tha. rashtrapita mahatma gandhi ne hi is ganv ka nam badalakar sevagram rakha. sevagram ashram bharat men gandhiji dvara sthapit doosara mahatvapoorn ashram hai. isase poorv gandhiji ne gujarat men sabaramati ashram ki sthapana ki thi. ye ashram gandhiji ke rachanatmak karyakramon evn unake rajanitik andolan adi ke snchalan ka kendr hua karate the. yah vah sthan hai, jahan mahatma gandhi 13 varsh, san 1936 se 1948 tak rahe. aisa vishvas hai ki 1930 men jab gandhiji ne sabaramati ashram se dandi tak padayatra prarnbh ki thi, tab unhonne shapath li thi ki jab tak bharat svatntr nahi ho jata, ve sabaramati men kadam nahi rakhenge.

sthiti tatha prasiddhi

mahatma gandhi ka gujarat men sthit sabaramati ashram duniya bhar men prasiddh hai. lekin utana hi prasiddh unaka 'sevagram ashram' bhi hai, jo vardha (maharashtr) men sthit hai. is ashram ki visheshata hai ki gandhiji ne apane sndhya kal ke antim 12 varsh yahin bitae the. vardha shahar se 8 ki.mi. ki doori par 300 ekad ki bhoomi par phaila yah ashram itani atmik shanti deta hai, jise shabdon men varnan nahin kiya ja sakata. ashram ki aur bhi kee khasiyat hain. gandhiji ne yahan kee rananiti banaeen, keeyon se mile aur bahuton ke jivan ko nee disha di. yahan akar aisa lagata hai, jaise kisi mndir men pahunch ge hon. sab kuchh shant aur saumy. ashram ko samajhane par gandhiji ka vyaktitv bhi samajh a jata hai. yah ashram bapoo ke vyaktitv ka darpan hai. yahan akar hi pata chal jata hai ki ham ek aise mahanh shakhs ka uthana-baithana dekh-samajh rahe hain, jisane bharat ki ajadi ka ninv rakhi.[1]

gandhiji ka snkalp

yadi koee vyakti vastav men mahatma gandhi ko, unake darshan ko aur unake jivan ko samajhana chahata hai to use 'sevagram ashram' avashy dekhana chahie. yahan ab bhi charakhe par soot kata jata hai. parnparikata yahan aj bhi jivant hai. svayn gandhiji bhi jivant hain. gandhiji ke sabaramati se sevagram pahunchane ki kahani bhi kafi rochak hai. 12 march, 1930 ko 'bharatiy itihas' men prasiddh 'namak satyagrah' ke lie sabaramati ashram se apane 78 sathiyon ke sath gandhiji 'dandi march' par nikale the. vahan se chalate samay unhonne snkalp liya tha ki 'svarajy' lie bina ashram men nahin lautoonga. 6 aprail, 1930 ko gujarat ke dandi samudr tat par gandhiji ne namak ka kanoon toda aur 5 mee, 1930 ko unhen giraphtar kar bina mukadama chalae yaravada jel men dal diya gaya. 1933 men jel se riha hone ke bad gandhiji deshavyapi harijan yatra par nikal ge. svarajy mila nahin tha, isalie ve vapas sabaramati laut nahin sakate the. atah unhonne madhy bharat ke ek ganv ko apana mukhyalay banane ka nishchay kiya. 1934 men jamanalal bajaj evn any sathiyon ke agrah se ve vardha ae aur maganavadi men rahane lage. 30 aprail, 1936 ko gandhiji pahali bar maganavadi se sheganv (ab sevagram) rahane chale ae. jis din ve sheganv ae, unhonne vahan chhota-sa bhashan dekar sevagram men bas jane ka apana nishchay ganv valon ko bataya.

sevagram namakaran

aj ke sevagram ka nam shuroo men sheganv tha. isi kshetr men nagapur-bhusaval relave lain par sheganv nam ke relave steshan vala ek bada ganv hone se gandhiji ki dak men bahut gadabadi hoti thi. atah suvidha ke lie 1940 men gandhiji ki ichchha evn salah se 'sheganv' ka nam 'sevagram' kar diya gaya.[1]

vibhinn kutiyaen

sevagram ashram men kee kutiyaen hain, jahan svayn gandhiji evn unake sahayogi raha karate the. yah sab kutiya apane ap men anokhi hain aur gandhiji ki tatkalin jivan shaili samete huee hain. unaka vivaran is prakar hai-

adi nivas

yahan shuruat men gandhiji samet sabhi log raha karate the. tab yahi ekamatr kuti thi. yahan kastooraba aur bapoo ke alava pyarelal ji, snt tukadoji maharaj, khan abdul gaffar khan ke sath doosare ashramavasi tatha mehaman thaharate the. gandhiji se milane ane ane vale sab neta bhi unase yahin milate the. 'bharat chhodo andolan' ki pratham sabha 1942 ko isi jagah huee thi. 1940 ke 'vyaktigat satyagrah' ki prathamik taiyari bhi isi jagah huee thi.

bapoo kuti aur bapoo daphtar

in donon kutiyon men gandhiji rahate the tatha logon se milate the. bapoo kuti aur bapoo daphtar bad men bani. aj jaisi ye dikhati hain, pahale isake mukabale yah kahin adhik chhoti thin. bapoo daphtar vali kuti men gandhiji logon se mntrana karate the. unaki madad karane vale log unake daen or baithate the. mahadev bhaee ya doosare mntri unaki baeen or baithate the.

ba kuti

ashram men anek purushon ka rahana tatha ana-jana hota tha. is vajah se 'ba' (kastooraba gandhi) ki pareshani ko dekhate hue jamanalal bajaj ne ba ki sahamati se unake lie ek alag kuti banava di. aj vah 'ba kuti' ke nam se jani jati hai.

sevagram ashram

akhiri nivas

yah kuti jamanalal bajaj ne svayn ke rahane ke lie banavaee thi. lekin aisa avasar na a saka. yah kuti any kee mehamanon ke rahane ke kam men ati rahi.

prarthana bhoomi

yah sevagram ashram ke bichon bich ek badi bhoomi hai, jo prarthana ke lie kam ati thi. is par aj bhi pratharna hoti hai.

in kuchh pramukh kutiyon aur sthanon ke atirikt bhi sevagram ashram men aur bhi kee mahattvapoorn sthan hain. inamen mahadev kuti, bhojan sthan, rasoee ghar, kishor nivas, parachure kuti, rustam bhavan, nee talim parisar, gaushala, antararashtriy chhatravas, dakaghar, yatri nivas adi shamil hain.[1]

gandhi chitr pradarshani

ashram ke pashchim men, mukhy sadak ke us par sthit 'gandhi chitr pradarshani' men bapoo ka snpoorn jivan kram chitron ke madhyam se pradarshit kiya gaya hai. yah chitr pradarshani kafi adbhut hai aur ashram men ane vale pratyek vyakti ko ise avashy dekhana chahie. ise dekhate samay bapoo ka poora jivan samane jivant ho uthata hai. yahan chitron ke atirikt mahatma gandhi ke jivan men ghatit ghatanaon ko moortiyon dvara tatha unake avas adi ko pratikriti ke madhyam se pradarshit kiya gaya hai. isase bapoo ke jivan kram v kary ko samajhane v janane men bahut asani hoti hai.

ashramavasiyon ke lie soochanaen

gandhiji ek pothi men samay-samay par ashramavasiyon ke lie soochanaen likhakar rakha karate the. pothi ke prarnbh men likha rahata tha- "sheganv sevakon ke lie". is pothi men bahut hi adbhut baten likhi rahati thin, jo anukaraniy hain. unamen se kuchh baten is prakar hain-

  • thook bhi mal hai. isalie jis jagah ham thooken ya maile hath dhoven vahan bartan kabhi saph na karen. (dinank - 6.8.1936)
  • meri salah hai ki sab niyam poorvak sootraygy karen. us bat men hamen bahut savadhan rahana chahie. (dinank - 6.1.1940)
  • sab kam savadhani se hona chahie, ham sab ek kutumb hain, isi bhavana se kam lena avashyak hai. (dinank - 21.1.1940)
  • namak bhi jitana chahie, utana hi leven. pani tak nikamma kharch n karen. main asha karata hoon ki sab (log) ashram ki har ek chij apani aur garib ki hai, aisa samajhakar chalenge. (dinank - 30.1.1940)

gandhiji ka kathan

sevagram men rahate hue mahatma gandhi ne 1937 men kaha tha-

"ap yah vishvas rakhen ki main jis tarah se rahana chahata hoon, thik usi tarah se aj rah raha hoon. jivan ke prarnbh men hi agar mujhe adhik spasht darshan hota to main shayad jo karata, vah ab jivan ke sndhya kal men kar raha hoon. yah mere jivan ki antim avastha hai. main to ninv se nirman karake oopar tak jane ke prayas men laga hoon. main kya hoon, yah yadi ap janana chahate hain to mera yahan (sevagram) ka jivan ap dekhie tatha yahan ke vatavaran ka adhyayan kijie."

yadi koee vastav men gandhiji ko, unake darshan ko aur unake jivan ko samajhana chahata hai to use 'sevagram ashram' zaroor dekhana chahie. vahan ab bhi charakhe par soot kata jata hai. parnparikata vahan jivant hai. svayn gandhiji bhi vahan jivant hain. ashram dekhakar sahasa vishvas karana mushkil ho jata hai ki koee mahanh purush is sadagi se bhi rah sakata hai. vishv ke mahanh vaigyanik albart ainstain ne bhi ek bar gandhiji ke bare men kaha tha ki- "main gandhi ko hamare yug ka ekamatr sachcha mahapurush manata hoon. ane vali pidhiyan kathinaee se yah vishvas kar paengi ki gandhi jaisa had-mans ka bana vyakti sachamuch is dharati par kabhi tahalata tha."[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 bapoo ke jivan ka darpan- sevagram ashram (hindi). . abhigaman tithi: 11 aktoobar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah