खेड़ा सत्याग्रह  हिन्दी देवनागरी में पढ़ें।

kheda satyagrah rashtrapita mahatma gandhi dvara prarambh kiya gaya tha. 'champaran satyagrah' ke bad gandhiji ne 1918 ee. men kheda (gujarat) ke kisanon ki samasyaon ko lekar andolan shuroo kiya. kheda men gandhiji ne apane pratham vastavik 'kisan satyagrah' ki shuruat ki thi. kheda satyagrah gujarat ke kheda zile men kisanon ka angrez sarakar ki kar-vasooli ke viruddh ek satyagrah (andolan) tha. yah mahatma gandhi ki prerana se vallabh bhaee patel evn any netaon ki aguvaee men hua tha.

shuruat

kheda ke kunabi-patidar kisanon ne 1918 ee. men angrez sarakar se lagan men rahat ki mang ki thi, kyonki gujarat ki poore varsh ki fasal mari gee thi. kisanon ki drishti men fasal chauthaee bhi nahin huee thi. aisi sthiti ko dekhate hue lagan ki maphi honi chahie thi, par sarakari adhikari kisanon ki is bat ko sunane ko taiyar nahin the. kisanon ki jab sari prarthanaen nishphal ho geen, tab mahatma gandhi ne 22 march, 1918 ee. men 'kheda andolan' ki ghoshana ki aur usaki bagador sambhal li.

gandhiji ki apil

is samay gandhiji ne logon se svayn sevak aur karyakarta banane ki apil ki. gandhiji ki apil par saradar vallabhabhaee patel apani achchhi khasi chalati huee vakalat chhod kar samane ae. yah unake sarvajanik jivan ka shriganesh tha. unhonne ganv-ganv ghoom-ghoom kar kisanon se pratigya patr par hastakshar karaya ki ve apane ko jhootha kahalane aur svabhiman ko nasht kar jabardasti badhaya hua kar dene ki apeksha apani bhoomi ko jabt karane ke liye taiyar hain.

satyagrah ki saphalata

angrez sarakar ki or se kar ki adayagi ke lie kisanon ke maveshi tatha any vastuen kurk ki jane lagin. kisan apani pratigya par dridh rahe. unhen adhik dridh banane ke lie mahatma gandhi ne kisanon se kaha ki "jo khet beja kurk kar lie ge hain, usaki fasal kat kar le aen". gandhiji ke is adesh ka palan karane mohanalal pndya age badhe aur ve ek khet se pyaj ki fasal ukhad lae. is kary men kuchh any kisanon ne bhi unaki sahayata ki. ve sabhi pakade ge, muqadama chala aur unhen saja huee. is prakar kisanon ka yah 'satyagrah' chal nikala aur saphalata ki or badhane laga.

kisanon ki naitik vijay

yah satyagrah gandhiji ka pahala andolan tha. sarakar ko apani bhool ka anubhav hua, par use vah khul kar svikar nahin karana chahati thi. at: usane bina koee sarvajanik ghoshana kie hi garib kisanon se lagan ki vasooli bnd kar di. sarakar ne yah kary bahut der se aur beman se kiya aur yah prayatn kiya ki kisanon ko yah anubhav n hone pae ki sarakar ne kisanon ke satyagrah se jhukakar kisi prakar ka koee samajhauta kiya hai. isase kisanon ko adhik labh to nahin hua, par unaki naitik vijay ho chuki thi.

'kheda satyagrah' ke phalasvaroop gujarat ke janajivan men ek naya tej aur utsah utpann hua aur atmavishvas jaga. yah satyagrah yadyapi sadharan-sa tha, tathapi bharatiy chetana ke itihas men isaka mahatv 'chnparan satyagrah' se kam nahin hai. gandhiji ke satyagrah ke age vivash hokar british angrez sarakar ne yah adesh diya ki vasooli samarth kisanon se hi ki jay.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah