महात्मा गाँधी का परिचय  हिन्दी देवनागरी में पढ़ें।

mahatma gandhi vishay soochi
mahatma gandhi ka parichay
Mahatma-Gandhi-2.jpg
poora nam mohanadas karamachnd gandhi
any nam bapoo, mahatma ji
janm 2 aktoobar, 1869
janm bhoomi porabndar, gujarat
mrityu 30 janavari, 1948
mrityu sthan nee dilli
mrityu karan hatya
abhibhavak karamachnd gandhi, putalibaee
pati/patni kastooraba gandhi
sntan harilal, manilal, ramadas, devadas
smarak rajaghat (dilli), birala haus (dilli) adi.
parti kangres
shiksha bairistar
vidyalay bnbee yoonivarsiti, samaladas kaaulej
snbndhit lekh gandhi yug, asahayog andolan, namak satyagrah, bharat chhodo andolan, dandi march, vyaktigat satyagrah, savinay avgya andolan, khilafat andolan
mahatma gandhi bharat evn bharatiy svatntrata andolan ke ek pramukh rajanaitik evn adhyatmik neta the. ve satyagrah (vyapak savinay avgya) ke madhyam se atyachar ke pratikar ke agrani neta the, unaki is avadharana ki ninv sampoorn ahinsa ke siddhant par rakhi gayi thi, jisane bharat ko azadi dilakar poori duniya men janata ko nagarik adhikaron evn svatantrata ke prati andolan ke liye prerit kiya. unhen duniya men am janata mahatma gandhi ke nam se janati hai. snskrit bhasha men 'mahatma' athava 'mahan atma' ek samman soochak shabd hai. gandhi ji ko mahatma ke nam se sabase pahale 1915 men rajavaidy jivaram kalidas ne snbodhit kiya tha. unhen 'bapoo' ke nam se bhi yad kiya jata hai.

janm tatha parivarik parichay

mahatma gandhi ka janm 2 aktoobar, 1869 ee. ko gujarat ke porabndar namak sthan par hua tha. unake mata-pita kattar hindoo the. inake pita ka nam karamachnd gandhi tha. mohanadas ki mata ka nam putalibaee tha, jo karamachnd gandhi ji ki chauthi patni thin. mohanadas apane pita ki chauthi patni ki antim sntan the. unake pita karamachnd (kaba gandhi) pahale british shasan ke tahat pashchimi bharat ke gujarat rajy men ek chhoti-si riyasat ki rajadhani porabndar ke divan the aur bad men kramashah rajakot (kathiyavad) aur vankaner men divan rahe. karamachnd gandhi ne bahut adhik aupacharik shiksha to prapt nahin ki thi, lekin vah ek kushal prashasak the aur unhen sanaki rajakumaron, unaki duahkhi praja tatha sattasin kattar british rajanitik adhikariyon ke bich apana rasta nikalana ata tha.

balyavastha, mahatma gandhi

gandhi ji ki man putalibaee atyadhik dharmik thin aur bhog-vilas men unaki zyada ruchi nahin thi. unaki dinacharya ghar aur mandir men bnti huee thi. vah niyamit roop se upavas rakhati thin aur parivar men kisi ke bimar padane par usaki seva sushrusha men din-rat ek kar deti thin. mohanadas ka lalan-palan vaishnav mat men rame parivar men hua aur un par kathin nitiyon vale bharatiy dharm jain dharm ka gahara prabhav pada, jisake mukhy siddhant, ahinsa evn vishv ki sabhi vastuon ko shashvat manana hai. is prakar, unhonne svabhavik roop se ahinsa, shakahar, atmashuddhi ke lie upavas aur vibhinn pnthon ko manane valon ke bich paraspar sahishnuta ko apanaya.

bhaee-bahan

mahatma gandhi, karamachand gandhi ki chauthi patni putalibaee ki sabase chhoti sntan the. karamachnd gandhi ki pahali patni se ek beti mooli ben huee, doosari patni se panakunvar ben huee, tisari patni se koee sntan nahin huee aur chauthi patni putalibaee se char bachche hue. sabase bade lakshmidas, phir raliyat ben, karasanadas aur sabase chhote mohanadas jinhen bharatavasi pyar se bapoo kahate hain.[1]

vivah

mohanadas karamachnd jab keval terah varsh ke the aur skool men padhate the, porabndar ke ek vyapari ki putri kastoorabaee (kastooraba) se unaka vivah kar diya gaya. var-vadhoo ki avastha lagabhag saman thi. donon ne 62 varsh tak vaivahik jivan bitaya. 1944 ee. men poona ki british jel men kastooraba ka svargavas hua tha. gandhi ji atharah varsh ki ayu men hi ek putr ke pita ho gaye the. gandhi ji ke char putr hue jinake nam the:- harilal, manilal, ramadas, devadas.

yuvavastha

mohanadas ek ausat vidyarthi the, halanki unhonne yada-kada puraskar aur chhatravrittiyan bhi jitin. ek satrant-pariksha ke parinam men - angrezi men achchha, ankaganit men thik-thak bhoogol men kharab, chal-chalan bahut achchha, likhavat kharab ki tippani ki gee thi. vah padhaee v khel, donon men hi prakhar nahin the. bimar pita ki seva karana, ghareloo kamon men man ka hath bntana aur samay milane par door tak akele sair par nikalana, unhen pasnd tha. unhin ke shabdon men unhonne 'badon ki agya ka palan karana sikha, unamen minamekh nikalana nahin.' vah kishoravastha ke vidrohi daur se bhi guzare, jisamen gupt nastikavad, chhoti-moti choriyan, chhipakar dhoomrapan aur vaishnav parivar men janme kisi ladake ke lie sabase zyada chaunkane vali bat - mans khana shamil tha. unaki kishoravastha unaki ayu aur varg ke adhikansh bachchon se adhik halachal bhari nahin thi. unaki yuvavastha ki nadaniyon ka antim bindu asadharan tha. har aisi nadani ke bad vah svayn vada karate 'phir kabhi aisa nahin karoonga' aur apane vade par atal rahate. unamen atmasudhar ki lau jalati rahati thi, jisake karan unhonne sachchaee aur balidan ke pratik prahlad aur harishchndr jaise pauranik hindoo nayakon ko sajiv adarsh ke roop men grahan kiya.



pichhe jaen
mahatma gandhi ka parichay
age jaen


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mahatma gandhi ke kitane bhaee-bahan (hindi) bbc.com. abhigaman tithi: 11 aktoobar, 2017.

snbndhit lekh

suvyavasthit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah