गाँधी-इरविन समझौता  हिन्दी देवनागरी में पढ़ें।

gandhi-iravin samajhauta 5 march, 1931 ee. ko hua tha. mahatma gandhi aur laaurd iravin ke madhy hue is samajhaute ko 'dilli paikt' ke nam se bhi jana jata hai. gandhi ji ne is samajhaute ko bahut mahattv diya tha, jabaki pndit javahar lal neharoo aur netaji subhashachandr bos ne isaki kadi alochana ki. kangresi bhi is samajhaute se poori tarah asntusht the, kyonki gandhi ji bharat ke yuva krantikariyon bhagat sinh, rajaguru aur sukhadev ko phansi ke phnde se bacha nahin pae the.

iravin ka prayas

laaurd iravin ne bharat sachiv ke sahayog se inglaind men 12 sitambar, 1930 ee. ko 'pratham golamej sammelan' ka ayojan karane ka phaisala kiya. kangres ne apane ap ko is sammelan se alag rakhane ka nirnay kiya. iravin ne 26 janavari, 1931 ee. men gandhi ji ko jel se riha karake desh men shanti v sauhard ka vatavaran utpann karane ki koshish ki. tezabahadur suproo evn jayakar ke prayason se gandhi ji evn iravin ke madhy 17 faravari se dilli men varta prarambh huee. 5 march, 1931 ee. ko antatah ek samajhaute par hastakshar hua. is samajhaute ko "gandhi-iravin samajhauta' kaha gaya.

samajhaute ki sharten

is samajhaute ki sharten nimnalikhit thin-

  1. kangres v usake karyakartaon ki jabt ki gee sampatti vapas ki jaye.
  2. sarakar dvara sabhi adhyadeshon evn apoorn abhiyagon ke mamale ko vapas liya jaye.
  3. hinsatmak karyon men lipt abhiyukton ke atirikt sabhi rajanitik qaidiyon ko mukt kiya jaye.
  4. aphim, sharab evn videshi vastr ki dukanon par shantipoorn dhng se dharane ki anumati di jaye.
  5. samudr ke kinare basane vale logon ko namak banane v use ekatrit karane ki chhoot di jaye.
  • mahatma gandhi ne kangres ki or se nimn sharten svikar kin-
  1. 'savinay avgya andolan' sthagati kar diya gaya jayega.
  2. 'dvitiy golamej sammelan' men kangres ke pratinidhi bhi bhag lenge.
  3. pulis ki jyadatiyon ke khilaf nishpaksh nyayik janch ki mang vapas le li jayegi.
  4. namak qanoon unmoolan ki mang evn bahishkar ki mang ko vapas le liya jayega.

gandhi ji ki alochana

is samajhaute ko gandhi ji ne atyant mahatv diya, parantu javaharalal neharoo evn subhashachandr bos ne yah kahakar mridu alochana ki ki gandhi ji ne poorn svatntrata ke lakshy ko bina dhyan men rakhe hi samajhauta kar liya. ke.em. munshi ne is samajhaute ko bharat ke sanvidhanik itihas men ek yug pravartak ghatana kaha. yuva kangresi is samajhaute se isalie asntusht the, kyonki gandhi ji tinon krantikariyon bhagat sinh, rajaguru evn sukhadev ko phansi ke phnde se nahin bacha sake. in tinon ko 23 march, 1931 ee. ko phansi par lataka diya gaya tha.

gandhi ji ko kangres men vamapnthi yuvaon ki tikhi alochana ka shikar hona pada. badi kathinaee se is samajhaute ko kangres ne svikar kiya. kangres ke 'karachi adhiveshan' men yuvaon ne gandhi ji ko 'kale jhande' dikhaye. is adhiveshan ki adhyakshata saradar vallabh bhaee patel ne ki. 'gandhi-iravin samajhaute' ke svikar kiye jane ke sath-sath isi adhiveshan men 'maulik adhikar aur kartavy' shirshak prastav bhi svikar kiya gaya. isi samay gandhi ji ne kaha tha ki "gandhi mar sakate hain, parantu gandhivad nahin."


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah