शनि मन्दिर, शिंगणापुर  हिन्दी देवनागरी में पढ़ें।

shani mandir, shinganapur
shinganapur men shani pratima
vivaran 'shinganapur ka shani mandir' bharat men bhagavan shani dev ke sarvapramukh mandiron men gina jata hai. yah mandir maharashtr ke pramukh dharmik sthalon men se ek hai.
rajy maharashtr
zila ahamadanagar
prasiddhi hindoo dharmik sthal
havaee adda munbee, aurngabad ya pune
relave steshan ahamadanagar, munbee
yatayat es.ti. bas, jip, taiksi, aauto adi.
vishesh shani shinganapur ganv ki khasiyat hai ki yahan ke gharon men daravaze nahin hain. log gharon men kundi tatha kadi adi lagakar tala nahin lagate. manyata hai ki aisa shani dev ki agya se kiya jata hai. ganv men kahin par bhi chori adi ki ghatana nahin hoti.
any janakari shani dev ke is mandir men striyon ka pratima ke pas jana varjit hai. mahilaen door se hi shani dev ke darshan karati hain. subah ho ya sham, sardi ho ya garmi, yahan sthit shani pratima ke samip jane ke lie purushon ka snan kar pitambar dharan karana atyavashk hai.

shinganapur ka shani mandir bhagavan shani dev se sambandhit vikhyat dharmik sthal hai. hinduon ka yah prasiddh dharmik sthan maharashtr rajy ke ahamadanagar zile ki nevasa taluka ke ganv shani shinganapur sonaee men sthit hai. vishv prasiddh is shani mandir ki visheshata yah hai ki yahan sthit shani dev ki pratima bagair kisi chhatr ya gunbad ke khule asaman ke niche ek sngamaramar ke chabootare par virajit hai. yah shani mandir shiradi ke saeen baba mandir se qarib 65 kilomitar ki doori par sthit hai. shani shinganapur ganv ki khasiyat yahan ke kee gharon men daravajon ka na hona hai. yahan ke gharon men kahin bhi kundi tatha kadi lagakar tala nahin lagaya jata. manyata hai ki aisa shani dev ki agya se kiya jata hai. ganv men kahin par bhi chori adi ki ghatana nahin hoti.

pratima

shinganapur ke is chamatkari shani mandir men sthit shani dev ki svaynbhoo pratima kale rng ki hai, jo lagabhag panch phit nau inch oonchi v lagabhag ek phit chhah inch chaudi hai aur sngamaramar ke chabootare par virajaman hai. yahan shani dev asht prahar dhoop ho, andhi ho, toophan ho ya jada ho, sabhi rituon men bina chhatr dharan kie khade hain. rajaneta v prabhavashali vargon ke log bhi yahan niyamit roop sadharan bhakton ke saman hi darshanarth pratidin ate hain. desh-videsh se shraddhalu yahan akar shani dev ki is durlabh pratima ka darshan labh lete hain. yahan shani dev ki sakar moorti roop n hokar ek badi kali shila ke roop men hain, jise svaynbhoo mana jata hai. isake pichhe ek prachalit katha hai ki bhagavan shani dev ke roop men yah shila ek gadariye ko mili thi. us gadariye se svayn shani dev ne kaha ki is shila ke lie bina koee mndir banae isi khule sthan par is shila ka tel abhishek aur pooja-archan shuroo kare. tab se hi yahan ek chabootare par shani ke poojan aur tel abhishek ki parnpara jari hai.

lok katha

yahan ek lok katha ke anusar ek bar shani dev ek brahman ke ghar kusht rogi banakar ae. us brahman ki tin bahuen thin. jinamen se do ne shani dev ko rogi manakar upekshit kiya. kintu tisari bahoo ne shani dev ki seva kar dharm nibhaya, jisase shani dev ne prasann hokar usake sare manorath poore kie aur un donon bahuon ko galat bhavon ke karan du:kh sahan karana pade.

darshan ki vyavastha

yadi koee vyakti pahali bar shani shinganapur ja raha hai to yahan bhakton ki shraddha v vishvas ka nazara dekhakar vah ashcharyachakit ho jayega. keval bade-bujurg hi nahin apitu tin-char varsh ke shishu bhi is shital jal se snan kar shani dev ke darshan ke lie apane pita ke sath chal padate hain. shani mandir men darshan karane vala har purush shraddhalu yahan pitambaradhari hi najar ata hai. shani mandir ka ek vishal prangan hai, jahan darshan ke lie bhakton ki kataren lagati hain. mandir prashasan dvara ‍shani dev ke darshanon ki behatar vyavasthaen ki gee hain, jisase bhakton ko yahan darshan ke lie dhakka-mukki jaisi kisi bhi sthiti ka samana nahin karana padata hai. jab yahan sthit vishal shani pratima ke darshan hote hain to yatri svayn soory putr shani dev ki bhakti men ram jata hai. pratyek shanivar, shani jaynti v shanaishchari amavasya adi avasaron par yahan bhakton ki bhari bhid umadati hai.

bhagavan shani dev ke is mandir men striyon ka shani pratima ke pas jana varjit hai. mahilaen door se hi shani dev ke darshan karati hain. subah ho ya sham, sardi ho ya garmi, yahan sthit shani pratima ke samip jane ke lie purushon ka snan kar pitambar dhoti dharan karana atyavashk hai. aisa kie bagair purush shani pratima ka sparsh nahin par sakate hain. is hetu yahan par snan aur vastradi ki behatar vyavasthaen hain. khule maidan men ek tnki men kee sare nal lage hue hain, jinake jal se snan karake purush shani dev ke darshanon ka labh le sakate hain. poojanadi ki samagri ke lie bhi yahan as-pas bahut sari dukanen hain, jahan se poojan samagri lekar shani dev ko arpit kar sakate hain.[1]

shanidev ka poojan

shanivar ke din ane vali amavasya ko tatha pratyek shanivar ko maharashtr ke kone-kone se darshanabhilashi is mandir men ate hain tatha shani bhagavan ki pooja, abhishek adi karate hain. pratidin pratah 4 baje evn sayn kal 5 baje yahan arati hoti hai. shani jaynti par jagah-jagah se prasiddh brahmanon ko bulakar 'laghurudrabhishek' karaya jata hai. yah karyakram pratah 7 se sayn 6 baje tak chalata hai.

mahima

prangan men sthit shani pratima

maharshi parashar ne kaha tha ki shani jis avastha men hoga, usake anuroop phal pradan karega. jaise prachnd agni sone ko tapakar kundan bana deti hai, vaise hi shani bhi vibhinn paristhitiyon ke tap men tapakar manushy ko unnati path par badhane ki samarthy evn lakshy prapti ke sadhan upalabdh karata hai. navagrahon men shani ko sarvashreshth isalie kaha jata hai, kyonki yah ek rashi par sabase jyada samay tak virajaman rahata hai. shani devata atynt jajvalyaman aur jagrit devata hain. ajakal shani dev ko manane ke lie pratyek varg ke log inake darabar men niyamit hajiri dete hain.

shinganapur ganv

lagabhag tin hazar ki janasnkhya vale shani shinganapur ganv men kisi bhi ghar men daravaza nahin hai. kahin bhi kundi tatha kadi lagakar tala nahin lagaya jata. itana hi nahin, ghar men log alamari, sootakes adi nahin rakhate. aisa shani bhagavan ki agya se kiya jata hai. log ghar ki moolyavan vastuen, gahane, kapade, rupe-paise adi rakhane ke lie thaili tatha dibbe ya tak ka prayog karate hain. keval pashuon se raksha ho, isalie bans ka dhnkana daravaze par lagaya jata hai. ganv chhota hai, par log samriddh hain. isalie anek logon ke ghar adhunik takanik se eent-patthar tatha siment ka istemal karake banae ge hain. phir bhi daravajon men kivad nahin hain. yahan dumnjila makan bhi nahin hai. yahan par kabhi chori nahin huee. yahan ane vale bhakt apane vahanon men kabhi tala nahin lagate. kitana bhi bada mela kyon n ho, kabhi kisi vahan ki chori ki ghatana aj tak ghatit nahin huee hai.[2]

kaise pahunchen

  1. sadak marg - yatri aurngabad-ahamadanagar rajamarg snkhya 60 par ghodeganv men utarakar vahan se 5 kilomitar par shani shinganapur ya manamad-ahamadanagar rajamarg snkhya 10 par rahuri utarakar vahan se 32 kilomitar par sthit shinganapur ke lie bas ya shatal seva le sakate hain.
  2. rel marg - bharat ke kisi bhi kone se shinganapur ane ke lie relave seva ka upayog bhi kiya ja sakata hai, jisake lie shraddhaluon ko ahamadanagar, rahuri, shriramapur (belapur) utarakar es.ti. bas, jip, taiksi adi ki seva se shinganapur pahunch sakate hain.
  3. havaee marg - havaee marg se yahan pahunchane vale shraddhalu munbee, aurngabad ya pune akar age ke lie bas ya taiksi seva le sakate hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shani dev ka dham- shani shinganapur (hindi). . abhigaman tithi: 16 sitambar, 2013.
  2. shani mandir, shinglapur (hindi). . abhigaman tithi: 16 sitambar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah