जगन्नाथ मंदिर पुरी  हिन्दी देवनागरी में पढ़ें।

jagannath mndir puri
jagannath mndir, puri
varnan udisa rajy ke puri shahar men jagannath mndir sthit hai. yah mndir bhagavan jagannath (shrikrishn) ko samarpit hai.
sthan puri
nirmata raja indradyumn
devi-devata shrikrishn, balabhadr v unaki bahan subhadra
bhaugolik sthiti uttar- 19° 48' 17.00", poorv- 85° 49' 6.00"
snbndhit lekh gundicha mandir
manachitr link googal manachitr
any janakari pauranik katha ke anusar, in moortiyon ki pran pratishtha raja indradyumn ne mntrochcharan v vidhi - vidhan se ki thi.
adyatan‎

jagannath mndir (angrezi: Jagannath Temple, Puri) udisa ke tatavarti shahar puri men sthit hai. yah mndir bhagavan jagannath (shrikrishn) ko samarpit hai. 'jagannath' shabd ka arth "jagat ka svami" hota hai. inaki nagari hi jagannathapuri ya puri kahalati hai. is mndir ko hinduon ke char dham men se ek gina jata hai. yah vaishnav sampraday ka mndir hai, jo bhagavan vishnu ke avatar shrikrishn ko samarpit hai. mndir ka varshik rathayatra utsav prasiddh hai. isamen mndir ke tinon mukhy devata- bhagavan jagannath, unake bade bhrata balabhadr aur bhagini subhadra, tinon tin alag-alag bhavy aur susajjit rathon men virajaman hokar nagar ki yatra ko nikalate hain. madhy kal se hi yah utsav ati harshollas ke sath manaya jata hai. isake sath hi yah utsav bharat ke dheron vaishnav krishn mndiron men manaya jata hai evn yatra nikali jati hai.

itihas

is mndir ka sabase pahala praman mahabharat ke vanaparv men milata hai. kaha jata hai ki sabase pahale sabar adivasi vishvavasu ne nilamadhav ke roop men inaki pooja ki thi. aj bhi puri ke mndiron men kee sevak hain, jinhen daitapati ke nam se jana jata hai.

mndir nirman

raja indradyumn malava ka raja tha, jinake pita ka nam bharat aur mata sumati thin. raja indradyumn ko sapane men jagannath ke darshan huye the. kee grnthon men raja indradyumn aur unake ygy ke bare men vistar se likha hai. unhonne yahan kee vishal ygy kie aur ek sarovar banavaya. ek rat bhagavan vishnu ne unako sapane men darshan die aur kaha nilanchal parvat ki ek gupha men meri ek moorti hai, use nilamadhav kahate hain. ‍tum ek mndir banavakar usamen meri yah moorti sthapit kar do. raja ne apane sevakon ko nilanchal parvat ki khoj men bheja. usamen se ek tha brahman vidyapati. vidyapati ne sun rakha tha ki sabar kabile ke log nilamadhav ki pooja karate hain aur unhonne apane devata ki is moorti ko nilanchal parvat ki gupha men chhupa rakha hai. vah yah bhi janata tha ki sabar kabile ka mukhiya vishvavasu nilamadhav ka upasak hai aur usi ne moorti ko gupha men chhupa rakha hai. chatur vidyapati ne mukhiya ki beti se vivah kar liya. akhir men vah apani patni ke jarie nilamadhav ki gupha tak pahunchane men saphal ho gaya. usane moorti chura li aur raja ko lakar de di.[1]

vishvavasu apane aradhy dev ki moorti chori hone se bahut du:khi hua. apane bhakt ke du:kh se bhagavan bhi du:khi ho ge. bhagavan gupha men laut ge, lekin sath hi raja indradyumn se vada kiya ki vah ek din unake pas zaroor lautenge basharte ki vah ek din unake lie vishal mndir banava de. raja ne mndir banava diya aur bhagavan vishnu se mndir men virajaman hone ke lie kaha. bhagavan ne kaha ki tum meri moorti banane ke lie samudr men tair raha ped ka bada tukada uthakar lao, jo dvarika se samudr men tairakar puri a raha hai. raja ke sevakon ne us ped ke tukade ko to dhoondh liya, lekin sab log milakar bhi us ped ko nahin utha pae. tab raja ko samajh a gaya ki nilamadhav ke anany bhakt sabar kabile ke mukhiya vishvavasu ki hi sahayata lena padegi. sab us vakt hairan rah ge, jab vishvavasu bhari-bharakam lakadi ko uthakar mndir tak le ae.

ab bari thi, lakadi se bhagavan ki moorti gadhane ki. raja ke karigaron ne lakh koshish kar li, lekin koee bhi lakadi men ek chhaini tak bhi nahin laga saka. tab tinon lok ke kushal karigar bhagavan vishh‍vakarma ek boodhe vyakti ka roop dharakar ae. unhonne raja ko kaha ki ve nilamadhav ki moorti bana sakate hain, lekin sath hi unhonne apani shart bhi rakhi ki ve 21 din men moorti banaenge aur akele men banaenge. koee unako banate hue nahin dekh sakata. unaki shart man li gee. logon ko ari, chhaini, hathaudi ki avajen ati rahin. raja indradyumn ki rani gundicha apane ko rok nahin paee. vah daravaje ke pas gee to use koee avaj sunaee nahin di. vah ghabara gee. use laga boodha karigar mar gaya hai. usane raja ko isaki soochana di. andar se koee avaj sunaee nahin de rahi thi to raja ko bhi aisa hi laga. sabhi sharton aur chetavaniyon ko darakinar karate hue raja ne kamare ka daravaja kholane ka adesh diya. jaise hi kamara khola gaya to boodha vyakti gayab tha aur usamen tin adhoori ‍moortiyan padi milin. bhagavan nilamadhav aur unake bhaee ke chhote-chhote hath bane the, lekin unaki tangen nahin, jabaki subhadra ke hath-panv banae hi nahin ge the. raja ne ise bhagavan ki ichchha manakar inhin adhoori moortiyon ko sthapit kar diya. tab se lekar aj tak tinon bhaee bahan isi roop men vidyaman hain.

vartaman men jo mndir hai, vah 7vin sadi men banavaya tha. halanki is mndir ka nirman eesa poorv do men bhi hua tha. yahan sthit mndir tin bar toot chuka hai. 1174 eesvi men odisha ke shasak anng bhimadev ne isaka jirnoddhar karavaya tha. mukhh‍y mndir ke asapas lagabhag 30 chhote-bade mndir sthapit hain.

mahattvapoorn tathy

  1. jagannath mndir ke shikhar par sthit jhnda hamesha hava ki viparit disha men laharata hai.[2]
  2. mndir ke shikhar par ek sudarshan chakr bhi hai. is chakr ko kisi bhi disha se khade hokar dekhane par aisa lagata hai ki chakr ka munh apaki taraf hai.
  3. mndir ki rasoee men prasad pakane ke lie 7 bartan ek-doosare ke oopar rakhe jate hain. yah prasad mitti ke bartanon men lakadi par hi pakaya jata hai. is dauran sabase oopar rakhe bartan ka pakavan pahale pakata hai phir niche ki taraf se ek ke bad ek prasad pakata jata hai.
  4. sinhadvar se pahala kadam andar rakhane par hi bhakt samudr ki laharon se ane vali avaj ko nahin sun sakate. ashchary men dal dene vali bat yah hai ki jaise hi mndir se ek kadam bahar rakhenge, vaise hi samudr ki avaj sunaee dene lagati hai. yah anubhav sham ke samay aur bhi alauki‍k lagata hai.
  5. jyadatar mndiron ke shikhar par pakshi baithe aur udate dekhe ja sakate hain. jagannath mndir ki yah bat chaunkane vali hai ki isake oopar se koee pakshi nahin gujarata. yahan tak ki havaee jahaj bhi mndir ke oopar se nahin nikalata.
  6. mndir men har din banane vala prasad bhakton ke lie kabhi kam nahin padata. sath hi mndir ke pat bnd hote hi prasad bhi khatm ho jata hai.
  7. din ke kisi bhi samay jagannath mndir ke mukhy shikhar ki parachhaee nahin banati.
  8. ek pujari mndir ke 45 mnjila shikhar par sthit jhnde ko roj badalata hai. aisi manyata hai ki agar ek din bhi jhnda nahin badala gaya to mndir 18 varshon ke lie bnd ho jaega.
  9. amataur par din men chalane vali hava samudr se dharati ki taraf chalati hai aur sham ko dharati se samudr ki taraf. chakit kar dene vali bat yah hai ki puri men yah prakriya ulti hai.

rathayatra

bhagavan jagannath ki rathayatra pratyek varsh ashadh mas men shukl dvitiya ko hoti hai. yah ek vistrit samaroh hai. jisamen bharat ke vibhinn bhagon se ae log sahabhagi hote hain. das din tak yah parv manaya jata hai. is yatra ko 'gundiy yatra' bhi kaha jata hai. gundich ka mandir bhi hai.


panne ki pragati avastha
adhar
prarambhik
madhyamik
poornata
shodh

vithika

snbndhit lekh

  1. jagannath mndir ke das chamatkar (hindi) webdunia.com. abhigaman tithi: 05 joon, 2017.
  2. chaunka dengi jagannath puri mndir se judin ye baten (hindi) aajtak.intoday.in. abhigaman tithi: 05 joon, 2017.

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah