कोणार्क  हिन्दी देवनागरी में पढ़ें।

konark
Sun-Temple-Konark.jpg
vivaran konark poorvi-madhy udisa rajy, poorvi bharat, bngal ki khadi ke tat par bhuvaneshvar se sadak marg dvara 65 kilomitar aur puri se samudri marg dvara 35 kilomitar ki doori par sthit hai.
rajy udisa
zila puri zila
bhaugolik sthiti uttar- 19.90°, poorv- 86.12°
prasiddhi konark soory mandir ke lie vishv prasiddh hai.
kab jaen navambar se aprail
kaise pahunchen bas, rel, havaee jahaz adi se pahuncha ja sakata hai.
havaee adda nazadiki bhuvaneshvar havaee adda
relave steshan nazadiki puri relave steshan
bas adda konark bas adda
kya dekhen soory mndir
kahan thaharen hotal, atithi grah, dharmashala
es.ti.di. kod 06758
Map-icon.gif googal manachitr
adyatan‎

konark poorvi-madhy udisa rajy, poorvi bharat, bngal ki khadi ke tat par bhuvaneshvar se sadak marg dvara 65 kilomitar aur puri se samudri marg dvara 35 kilomitar ki doori par sthit hai. konark udisa prant men puri ke nikat, chilka jhil se prachi nadi tak phaili huee retili patti ke uttari chhor par samudr tat par sthit hai. konark shahar udisa rajy ki prachin rajadhani tha. kinvadanti ke anusar chakrakshetr (jagannathapuri) ke uttarapoorvi kon men yahan ark ya soory ka mandir sthit hone ke karan is sthan ko konark kaha jata tha. konark ka nam do shabdon ko jod kar bana hai- kon jisaka arth hai kona aur ark jisaka arth hai soory. yah hindoo mandir ke lie prasiddh hai, jo bharatiy sthapaty ka sarvashreshth namoona hai. mndir men sthapit konark ki moorti ke nam par hi is shahar ka nam konark pada hai.

itihas

konark nagar pahale ek aitihasik ganv ke roop men vikhyat tha. puranon men konark ko maitreyavan aur padmakshetr bhi kaha gaya hai. ek kinvadanti hai ki konark ka prachin nam konakon tha. soory (ark) ke mandir ban jane se yah nam konark ya konark ho gaya.

soory mndir

konark apane 13vin shatabdi ke soory mndir, soory deula ke lie prasiddh hai. pahale ‘kale paigoda’ kahalane vale is mndir ka upayog kalakatta (vartaman kolakata) ki or yatra kar rahe navikon dvara jahazarani simachihn ke roop men kiya jata tha. yah kahana galat hai ki yah kabhi poora nahin bana tha. itihasakar ke. es. behora, jinhonne konark par shodh kiya tha, ke anusar soory mndir narasinh pratham (1238-41) ne 13vin shatabdi men poorn karavaya aur devata ki pran-pratishtha ki. yahan 16vin shatabdi tak pooja bhi ki gee, snbhavatah us samay ayi kisi gnbhir prakritik apada ke karan bad men pooja rok di gee.

vastukala

vastukala ki udisa shaili ke utkrishtatam namoone is mndir ke bhagnavasheshon ka bad men jirnoddhar kiya gaya. yah mndir soory devata ko samarpit hai. isaki abhikalpana unake rath ko pratibinbit karane ke lie ki gee thi. jisamen adhar par utkirnit patthar ke 12 vishal pahie aur sat patthar ke ghode hain. soory deula ki oonchaee lagabhag 30 mitar hai aur poorn hone par yah 60 mitar se adhik ooncha ho jata hai. bahari bhag susajjit moortiyon se yukt hain. jinamen se anek men pranay drishyon ka chitran hai. basti aur mndir bhagavan krishn ke putr sanb ki kinvadnti se jude hain. jo soory dev ke ashirvad se kodhamukt hue the. bharatiy puratattv sarvekshan ke soory mndir sngrahalay men mndir ke bhagnavasheshon ke moortishilpon ka achchha sngrah hai.

katha

ek katha men varnan hai ki is kshetr men sooryopasana ke phalasvaroop shrikrishn ke putr sanb ka kushth rog door ho gaya tha aur yahin chndrabhaga men bahate hue kamal patr par use soory ki pratima mili thi. aina-e-akabari men abul fazal likhata hai ki yah mandir akabar ke samay se lagabhag sat sau tis varsh purana tha, kintu mndalapnji namak udisa ke prachin itihas-grnthon ke adhar par yah kahana adhik samichin hoga ki is mandir ko gngavnshiy langul narasinh dev ne bngal ke navab tuganakhan par apani vijay ke smarak ke roop men banavaya tha. isaka shasan kal 1238-1264 ee. men mana jata hai. ek aitihasik anushruti men mandir ke nirman ki tithi shak snvat 1204 (=1126 ee.) mani gee hai. jan padata hai ki moolaroop men isase bhi pahale is sthan par prachin soory mandir tha. satavin shati ee. men chini yatri yuvanachvang konark aya tha. usane is nagar ka nam chelitalon likhate hue usaka ghera 20li bataya hai. us samay yah nagar ek rajamarg par sthit tha aur samudrayatra par jane vale pathikon ya vyapariyon ka vishram sthal bhi tha. mandir ka shikhar bahut ooncha tha aur usamen anek moortiyan pratishthit thin. jagannathapuri mandir men surakshit udisa ke prachin itihas grnthon se pata chalata hai ki soory aur chndr ki moortiyon ko bhayavnshiy naresh nrisinhadev ke samay (1628-1652) men puri le jaya gaya tha.

yatayat aur parivahan

vayu marg

konark ka nazadiki havaee adda 64 kilomitar ki doori par bhuvaneshvar men sthit hai. yah havaee adda kolakata, dilli, haidarabad, chainnee aur nagapur se sidhi havaee seva dvara juda hua hai.

rel marg

puri men konark ka nikatatam relave steshan hai jo 31 kilomitar ki doori par sthit hai. yah relave steshan bharat ke mahattvapoorn shaharon se anek relagadiyon dvara juda hai.

sadak marg

rashtriy rajamarg aur rajy rajamarg se konark pahuncha ja sakata hai. samudr ke kinare basa konark puri se 35 kilomitar aur bhuvaneshvar se 65 kilomitar ki doori par hai. puri, bhuvaneshvar aur udisa ke anek shaharon se sadak marg se konark pahunch sakate hain.

paryatan

ark tirth ke nam se vikhyat udisa ka konark mool roop se apane soory mndir ke lie vishv prasiddh hai. konark samudr tat par sooryoday ka drishy manohari hota hai aur ab isane tatiy nrity mahotsav ke lie antarrashtriy khyati arjit kar li hai. yah mahotsav us sthan par ayojit kiya jata hai, jahan ab vilupt ho chuki chndrabhaga nadi sagar men milati thi. samudr tat par 10 kilomitar ki doori par kushabhadra nadi, jo vahan sagar men milati hai ke kinare prasiddh ramachndi mndir sthit hai. adhyatmik drishtikon se konark bharat ka pramukh paryatan sthal hai. ab isake bhagnavashesh hi upalabdh hain. yah mandir 875 phut lambe aur 540 phut chaude prangan men banaya gaya hai, is mandir ka ahata ek divar se parivritt hai, aur isaka mukhy pravesh dvar poorv men hai. sampoorn mandir pahiyon vale rath ki akriti men banaya gaya hai, jise soory ke sat ghode khinch rahe hain. anlakrit ghode aise dikhayi dete hain, jaise apane bhari bojh ko age khinchane ke prayas men ve apane pichhale donon pair utha rahe hain, tatha ainth rahe hain. isamen adhar par barah pahiye ya chakr nirmit hain. barah chakr barah rashiyon ke pratik hain aur soory ke sat ghode usaki kiranon ke rngon ke pratik hain. soory mandir ke do bhag hain- rekha aur bhadr. mandir ke donon bhag purush aur stri ke vastu pratik hain, jo abhinn rup se jude hain. rekha bhag 180 phut aur bhadr 140 phut ooncha hai. mukhy dvar par hathi ki pith par asin sinhon ki moortiyan nirmit hain. dakshini pravesh dvar par do ashv moortiyan aur uttari dvar par manushyon ko soond par uthaye do hathi pradarshit hain. pahale sabhi dvaron par moortiyan utkirn thin, kintu ab keval poorvi dvar ki hi naqqashi shesh hai. yah mandir bharatiy vastu shilpiyon ke sabase sundar vastu kalatmak prayason men se ek hai. yah mandir pharsh se chhat tak itane jatil aur sookshm shailpik alnkaran se achchhadit hai ki pratyek patthar ek anupam abhooshan jaisa pratit hota hai. abul fazal ne aine-akabari men is mandir ke sthapaty ki prashnsa ki hai.

janasnkhya

2001 ki janaganana ke anusar is shahar ki janasnkhya 15,015 hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah