ओरछा  हिन्दी देवनागरी में पढ़ें।

orachha
rajamahal, orachha
vivaran 'orachha' madhy pradesh men betava nadi ke kinare sthit hai. mugal badashah akabar men yahan ke raja madhukar shah the.
rajy madhy pradesh
sthapana 1531 ee.
havaee adda gvaliyar
snbndhit lekh virasinhadev bundela, chhatrasal, jahangir, aurngazeb
any janakari orachha ki riyasat vartaman kal tak bundelakhnd men apana vishesh mahattv rakhati aee hai. yahan ke rajaon ne hindi ke kaviyon ko sada prashray diya hai. mahakavi keshavadas virasinhadev ke rajakavi the.

orachha madhy pradesh ke bundelakhand sambhag men betava nadi ke kinare sthit hai. madhy kal men yahan parihar rajaon ki rajadhani thi. mugal badashah akabar men yahan ke raja madhukar shah the, jinhonne mugalon ke sath kee yuddh kie the. aurngazeb ke rajy kal men chhatrasal ki shakti bundelakhand men badi huee thi. orachha ke rajaon ne kee hindi kaviyon ko ashray pradan kiya tha. aj bhi yahan purani imaraton ke khndahar bikhare pade hain.

itihas

parihar rajaon ke bad orachha chandelon ke adhikar men raha tha. chandel rajaon ke parabhav ke bad orachha shrihin ho gaya. usake bad men bundelon ne orachha ko rajadhani banaya aur isane punah apana gaurav prapt kiya. raja rudrapratap (1501-1531 ee.) vartaman orachha ko basane vale the. 1531 ee. men is nagar ki sthapana ki gee aur qile ke nirman men ath varsh ka samay laga. orachha ke mahal bharatichand ke samay 1539 ee. men banakar poorn hue aur rajadhani bhi isi varsh purani rajadhani gadhakundar se orachha layi gayi. akabar ke samay yahan ke raja madhukar shah the jinake sath mugal samrat ne kee yuddh kie the. jahangir ne virasinhadev bundela ko, jo orachha rajy ki badauni jagir ke svami the, poore orachha rajy ki gaddi di thi. virasinhadev ne hi akabar ke shasan kal men jahangir ke kahane se akabar ke vidvanh darabari abulaphajal ki hatya karava di thi. shahajahan ne bundelon se kee asaphal ladaiyan ladin. kintu ant men jujhar sinh ko orachha ka raja svikar kar liya gaya. bundelakhand ki lok-kathaon ka nayak haradaul virasinhadev ka chhota putr evn jujhar sinh ka chhota bhaee tha. aurngazeb ke rajyakal men chhatrasal ki shakti bundelakhnd men badhi huee thi. orachha ki riyasat vartaman kal tak bundelakhnd men apana vishesh mahattv rakhati aee hai. yahan ke rajaon ne hindi ke kaviyon ko sada prashray diya hai. mahakavi keshavadas virasinhadev ke rajakavi the.
orachha ka ek drishy (1818)

sthapana

orachha ki sthapana snbndhi janashrutiyan bhi kafi rochak hain. ek janashruti ke anusar maharaj rudrapratap orachha ke samipasth raj kundar se akhet ki talash men ghoomate hue maharshi tung ke ashram tungarany tak a ge. tabhi unhen pyas lagi aur ve machhali bhavan daravaje se bavali men utare, kintu jal atyadhik gnda tha. unake sathiyon ne maharaj ko bataya ki thodi door par pavan salila betava (betravati nadi) bahati hai vahin chalakar jal piya jae. maharaj nadi par ge, anjali men lekar jal piya. pyas se tripti pakar lautate samay maharshi tung ke darshan kie. rishi ne maharaj se yachana ki ki savan tij ko bavali ke samip mela lagata hai. vahan par chor bhole-bhale dukanadaron ko pareshan kiya karate hain, yadi ap raksha karen to ati kripa hogi. maharaj ne vichar kiya ki yahan bavali ke samip to gond rajy ki sima lagi huee hai isalie bina nagar basae raksha karana snbhav n ho sakega. is par rishi ne anurodh kiya ki kuchh bhi ho apako yah pavan kary karana hi hoga. maharaj ne unhen raksha karane ka vachan de diya aur apane sathiyon ko adesh diya ki is sthan par virat durg ki ninv dali jae. nagar ka nam kya rakhana chahiye yah tay nahin ho pa raha tha. sabhi pun: rishi ke samip pahunche aur is vishay men unaki ray janani chahi. us samay ve snanadi se nivritt hokar laut rahe the. snyog se jis samay maharaj ne prashn kiya ki nagar ka nam kya hona chahie usi samay rishi ko thokar lagi aur unake munh se nikala ‘ochchha'. yah sunakar maharaj yahan se laut ae aur ‘ochchha’ nam se nagar basana prarnbh kar diya. yahi ‘ochchha’ shabd age chalakar parimarjit hua aur ‘orachha’ men parivartit ho gaya. [1]

sthapaty kala

lakshminarayan mndir, orachha (1869)

orachha apane men bharatiy snskriti ka prachin itihas chhupae hue apoorv shanti aur niravata men sthit hazaron darshakon ko desh-videsh se apani or akrisht karata rahata hai. orachha prarnbh se hi viron aur kalakaron ki janmasthali raha hai. maharaj bharati chndr madhukar shah, ramashahavir dev aur chnpataray ne jahan apani virata aur shauryapoorn karyon se snpoorn bharat men khyati arjit ki, vahin kavipriya evn rasikapriya jaise uchch koti ke ras se vibhor kavyon ka srijan karane vale kavindr keshav tatha apane roop-lavany, vidvatta git madhury evn anupam nrity se bharat ke shahnshah akabar ko bhi apane samaksh natamastak hone ke lie vivash kar dene vali ray pravin jaisi nrityangana evn kavayitri ko apani kokh se janm dene vali orachha ki dharati aj bhi svayn par gauravanvit hai. kalinjar ke mahanh senapati sherashah soori ko yahan ke bahaduron ne parast kar vijay prapt ki thi. jab akabar ne apane sarvadhik vishvasapatr senapati abul fazal ko dedh lakh sainikon sahit bundelakhnd ko fatah karane ke lie bheja to orachha ke shasak virasinh dev ne morcha lekar use khatm kar diya. akabar jaise mahanh samrat ke chhakke chhuda die. yah tathy bhi itihas vidit hai ki yadi virasinh dev ne jahangir ki sahayata nahin ki hoti, to vah bharat ka samrat kabhi nahin ban sakata tha. orachha ke prachin mahal aur imaraten aj bhi in mahanh shooraviron ki virata aur shauryapoorn karyon ke mook git gate hue ab tak hue utthan aur patan ki gavahi de rahe hain. desh-videsh se ane vale paryatak orachha ki manohari prakriti-chhata evn aitihasikata ke praman ko dekhakar itane mohit ho jate hain ki yahan anindy drishyon ki chhavi unake manas patal par se jivan paryant mit nahin pati. prachin nadi betava kal-kal ka pyara sa ninad karati huee snpoorn orachha ko apane agosh men samete yahan ki prakritik sundarata men char chand laga rahi hai.
kal ke kathor aghaton se svayn ki raksha karate hue yahan ke jahangir mahal, shishamahal aur rajamahal adi paryatakon ko barabas hi apani or akarshit kar lete hain. vastu kala, sthapaty kala evn naipuny ke karan inaka sthan bharat ki un gini-chuni imaraton men hai jin par yahan ke puratatv vibhag ko garv raha hai. orachha men anek darshaniy aitihasik sthal hain jinhen dekhane ke lie yatriyon ka man lalayit rahata hai.[1]

lakshminarayan mndir, orachha

aitihasik imaraten

orachha men jin purani imaraton ke khndahar hain, unamen mukhy hain-

jahangir mahal

jahangir mahal ko virasinhadev ne jahangir ke lie banavaya tha, yadyapi jahangir is mahal men virasinhadev ke jivan kal men kabhi nahin thahar saka. jahangir tatha virasinh dev ki pragadh maitri itihas prasiddh hai. mahal ka pravesh dvar poorv ki or tha kintu bad men pashchim ki or se ek pravesh dvar banavaya gaya hai. ajakal poorv vala pravesh dvar bnd rahata hai tatha pashchim vala pravesh dvar paryatakon ke avagaman ke lie khol diya gaya hai. paryatakon ke vishesh agrah par puratatv vibhag ke karmacharigan poorv vala pravesh dvar bhi kabhi khol dete hain jahan se manohari drishyon ka avalokan kar man prakriti men doob sa jata hai. yahan se nadi, pahad evn orachha ke saghan vanon ke aise ramy drishy dikhaee dete hain ki paryatakon ki sari thakan svat: hi door ho jati hai.

shishamahal

shishamahal ajakal madhy pradesh paryatan ke adhin hai. nigam ne isaki kaya palat karane ke drishtikon se kafi kary kiya hai. snpoorn mahal ki putaee v penting adi bhi karayi gayi hai jisamen kee lakh rupaya vyay hua hai. mahal ke prangan ke niche vishalatam ghar hai. sthapaty kala evn vastukala ka yah mahal sarvadhik srijanatmak evn utkrisht udaharan hai.

rajamahal

apane prachin vaibhav ka nirntar bakhan karata hua orachha ka vishal rajamahal apani misal hai. is aitihasik mahal ka nirman bhi maharaj virasinh joo dev ne sanh 1616 ee. men karavaya tha. is mahal ki sudridhata evn akarshak bhavyata us samay ke karigaron evn shilpiyon ki adbhut pratibha v anoothi nirman kala ka praman hai. mahal ke andar anaginat vishal kaksh hain. is mahal ke darabare- am ki bhavyata dekhakar tatkalin shasakon ke shahi thath-bat ka sahaj abhas ho uthata hai. is mahal ke niche vishalatam ghar hai bahut samay se talagharon ki saphaee n hone ke karan ve khataranak ho ge hain.

kaise pahunchen

dilli, bhopal, indaur aur munbee se indiyan eyaralains ki niyamit udanen gvaliyar ko jodati hain, jo najadiki havaee adda hai. yah dilli-munbee aur dilli-chennee mukhy relave lainon par sthit hai. uttar pradesh men jhansi (19 ki.mi.) orachha ke lie najadiki relave steshan hai.[2]

havaee marg

najadiki eyaraport khajuraho hai, jo yahan se qarib 180 kilomitar door hai.

rel marg

najadik ka relave steshan jhansi hai, jo yahan se 16 kilomitar door hai. dilli ke alava any shaharon se bhi orachha rel marg ke jarie juda hua hai.

sadak marg

jhansi se yahan aauto aur taiksi badalate hue pahuncha ja sakata hai. khajuraho se yahan ke lie niyamit basen hain. gvaliyar se bhi har samay orachha ke lie basen chalati hain.


panne ki pragati avastha
adhar
prarambhik
madhyamik
poornata
shodh

vithika

tika tippani aur sndarbh

  1. 1.0 1.1 sinh, daau. vibha. orachha : sthapaty kala ka ajab namoona (hindi) dainik tribyoon. abhigaman tithi: 14 faravari, 2015.
  2. orachha (hindi). . abhigaman tithi: 24 julaee, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah