एरण  हिन्दी देवनागरी में पढ़ें।

eran madhy pradesh ke sagar zile men vidisha ke nikat betava nadi ke kinare vindhyachal parvatamalaon ke uttar men ek pathar par sthit ek vaishnav kshetr hai, jo mndiron ki ek mahanh shrnkhala ke roop men jana jata hai. is sthal par char sanskritik star mile hain. pratham tamrashmiy kalin, dvitiy lauhayugin tatha any do paravarti hain. yahan se pnchamark sikkon ke bhari bhandar mile hain.

itihas

eran guptakal men ek mahattvapoorn nagar tha. yahan se guptakal ke anek abhilekh prapt huye hai. gupt samrat samudragupt ke ek shilalekh men eran ko 'erakin' kaha gaya hai. is abhilekh ko kaningham ne khoja tha. yah vartaman men kolakata sngrahalay men surakshit hai. yah bhagnavastha men hain. phir bhi jitana bacha hai, usase samudragupt ke bare men kafi janakari prapt hoti hai. isamen samudragupt ki virata, sampatti-bhandar, putr-pautron sahit yatraon par usaki virochit dhak ka vishad varnan hai.

yahan gupt samrat buddhagupt ka bhi abhilekh prapt hua hai. isase gyat hota hai, ki poorvi malava bhi usake samrajy men shamil tha. isamen kaha gaya hai ki buddhagupt ki adhinata men yamuna aur narmada nadi ke bich ke pradesh men 'maharaj surashmichandr' shasan kar raha tha.

eran pradesh men usaki adhinata men matrivishnu shasan kar raha tha. yah lekh ek stambh par khuda hua hai, jise dhvajastambh kahate hain. isaka nirman maharaj matrivishnu tatha usake chhote bhaee dhanyagupt ne karavaya tha. yah aj bhi apane sthan par akshunn hai. yah stambh 43 phut ooncha aur 13 phut vargakar adhar par khada kiya gaya hai. isake oopar 5 phut oonchi garud ki dorukhi moorti hai, jisake pichhe chakr ka ankan hai.

sati abhilekh

eran se ek any abhilekh prapt hua hai, jo 510 ee. ka hai. ise 'bhanugupt ka abhilekh' kahate hain. anuman hai ki bhanugupt rajavnsh se sambandhit tha. yah lekh maharaj bhanugupt ke amaty goparaj ke vishay men jo us sthan par bhanugupt ke sath sambhavatah kisi yuddh men aya tha aur viragati ko prapt hua tha. goparaj ki patni yahan sati ho gee thi. is abhilekh ko eran ka sati abhilekh bhi kaha jata hai. eran se prapt ek varah moorti ke abhilekh men hoon shasak toraman aur usake pratham varsh ka ullekh hai. isamen divngat maharaj matrivishnu ke chhote bhaee dhanyavishnu dvara varah vishnu ke nimitt mandir nirman karavane ka ullekh hai. eran men guptakalin nrisinh mandir, varah mandir tatha vishnu mandir paye gaye hain. ye sab ab dhvast avastha men hain.

vastushilp

eran ke mandiron men utkirn moortikala gupt kal ke dauran vikasit ki gayi thi. eran men mile abhilekh, samudragupt ke shasanakal se lekar chhathi shatabdi ke prarnbh men hoon akraman ke samay ki kalatmak gatividhiyon ke dastavej hai. yahan mili varah ki vrihadh moorti panchavi shatabdi ke prarnbh men eran v udayagiri ke madhy kalatmak vikas v moortikala ke paraspar snbndhon ko darshati hai. jisamen devi-devataon ki shakti ko poori tarah se sharir ke bhav aur usaki bhngima dvara pradarshit kiya gaya hai.

erakin guptakal men avashy hi mahatvapoorn nagar raha hoga. isako ek lekh men svabhoganagar bhi kaha gaya hai. yah nam shayad samudragupt ne eran ko diya tha. sthaniy janashruti ke anusar is sthan par mahabharat kal men viratanagar ki sthiti thi. aj bhi anek prachin khndahar yahan bikhare pade hain. pichhale varshon men sagar vishvavidyalay ne yahan utkhanan dvara anek mahatvapoorn aitihasik tathyon ka udghatan kiya hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  • aitihasik sthanavali | prishth snkhya= 111-112| vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar


snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah