भोजपुर मध्य प्रदेश  हिन्दी देवनागरी में पढ़ें।

shiv mandir, bhojapur

bhojapur, bhopal se 15 mil dakshin ki or is madhyakalin nagar ke khandahar hain. ab yah chhota sa gram hai. nagar vetravati ya betava nadi ke tat par sthit tha. bhojapur ka kshetr pathar hai aur yah nirjan aur shushk dikhaee deta hai.

itihas

bhojapur, betava nadi ke thik poorv men aitihasik mahattv ka ganv, madhy pradesh, madhy bharat men sthit hai. utkrisht naqqashi vale shiv mandiron ke bhagnavasheshon ke lie prasiddh is aitihasik ganv ka nirman paramparik manyata ke anusar, ek paramar rajapoot raja bhoj ne 11vin shatabdi men kiya tha. adhik sambhavana isake 12vin ya 13vin sadi ke hone ki hai. kaha jata hai ki is nagar ka nam malava ke prasiddh raja bhoj ke nam par pada hoga. apani ayojana men yah ayatakar hai, jisake char vishal stambh behatarin naqqashi evn kalakari se susajjit ek adhoore gumbad ko sahara dete khade hain. yahan par 2.3 mitar ooncha shivaling hai. samip hi 6 mitar oonche jain tirthakar adinath ki moortiyukt tatkalin arddh nirmit jain mandir hai. isake pashchim men 15vin sadi men nirmit do prachin bandhon ke bhagnavashesh bhi dekhane ko milate hain, jinase pata chalata hai ki vahan par kabhi ek bada jalashay tha.

shiv mandir

bhojapur ka mukhy aitihasik smarak yahan ka bhavy shiv mandir hai. jisaka oopari bhag door-door tak dikhaee deta hai. isaka nirman raja bhoj ke hi samay men hi hua tha aur is prakar yah aj se prayah ek sahasr varsh prachin hai. mandir apani moolavastha men bahut hi bhavy tha tatha vishal raha hoga—yah anuman usaki vartaman dasha se bhali-bhanti kiya ja sakata hai. isaki vartaman oonchaee 50 phut hai, kintu oonchaee ke anupat men usaki chaudaee adhik hai, jisase jan padata hai ki prachin samay men isaki oonchaee ab se bahut adhik rahi hogi. mandir ki rachana vishal prastar khandon se ki gee, jisamen se kee aj bhi asapas khade hain. ye patthar masale se jude the, jo ab pattharon ke bich-bich men se nikal gaya hai. mandir ka praveshadvar bhoomi se prayah 7phut ooncha hai. sidhiyan patthar ki bani hain. dvar ke donon or devi-devataon ki moortiyan hain, jo sambhavatah uttar guptakalin hain.

ek chhota mandir sidhiyon se oopar hai, jo mukhy mandir ki divar men hi kata hua hai. isamen ek vishnu moorti pratishthapit hai. yah vishnu mandir do stambhon par adharit hai. stambhon ki vastukala uchchakoti ki hai. vishnu ki pratima ke bhinn angon ka anupat, bhavabhngima aur khade hone ki mudra—ye sabhi shilpashastr ki drishti se sundar evn sutathy hain. moorti par jin abhooshanon ka ankan hai ve sabhi guptakal men prachalit the. praveshadvar se niche utarane ke lie anek sidhiyan hain, jo bhoomital tak bani huee hain. mandir andar se chatushkon hai, yadyapi bahar se aisa nahin jan padata. isaka farsh patthar ka bana hai. isake kendr sthan men us adhar stambh ki rachana ki gee hai, jis par shivaling sthapit hai. is adhar stambh men tin chakr pahanae ge hain. niche se tisare ke bich men shivaling sthapit hai. yah adhar stambh bhoomi se lagabhag das phut ooncha hai. kale patthar ke bane hue shivaling ki oonchaee ath phut hai aur paridhi bhi kafi chaudi hai. kaha jata hai ki itana vishal shivaling bharat men anyatr nahin hai. shivaling aur usaki adhar shilaen is prakar judi hain ki ve ek hi patthar men se kati pratit hoti hain. mandir ke bahy bhag ka shilp bhi sarahaniy hai. isaki chaukor chhat par, jo ab nasht ho gee hai, adabhut karigari hai. kuchh vidvanon ka vichar hai ki devagadh ke guptakalin mandir ki tulana men bhojapur ka mandir shreshth jan padata hai. yadyapi isaki khyati devagadh ke mandir ki bhanti n ho saki. chhat ki naqqashi ke lie bhojapur ke shilpiyon ne use kee vritton men vibhajit kiya hai aur isamen se pratyek ke andar kalatmak alnkaranon ke jal piroe hue hain. yah chhat char vishal prastar stambhon par tiki hai. jinaki motaee aur oonchaee paryapt adhik hai. inaki tulana sanchi tatha tiganv ke stambhon se ki ja sakati hai. inaka nimn bhag apekshakrit sadharan hai, kintu jaise-jaise drishti oopar jati hai inaki kala ka saundary badhata jata hai aur sarvochch bhag par pahunchate-pahunchate kala ki parakashtha dikhaee padati hai. mandir ki bahy bhittiyan sadi hain. isamen pradakshinapath bhi nahin hai. is shiv mandir se thodi hi door par ek chhota sa jain mandir hai jo prachin hote hue bhi aisa nahin dikhata, kyonki paravarti kal men isaka kee bar punarnirman hua tha. yah mandir chaukor hai aur isaki chhat bhi guptakalin mandiron ki chhaton ki bhanti sapat hain. mandir kisi jain tirthakar ka hai. isaki moorti vivastr hai aur prayah bis phut oonchi hai. moorti ke donon or yaksh-yakshiniyon ki pratimaen hain.

tika tippani aur sndarbh

  • aitihasik sthanavali se pej snkhya 680-682 | vijayendr kumar mathur | vaigyanik tatha takaniki shabdavali ayog | manav snsadhan vikas mntralay, bharat sarakar
  • bharat gyanakosh se pej nn.240

 

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah