कजरी  हिन्दी देवनागरी में पढ़ें।

kajari ya 'kajali' mahilaon dvara gaya jane vala lokagit hai, jo uttar pradesh men kafi prachalit hai. parivar men kisi mangalik avasar par mahilaen samooh men kajari gayan karatin hain. mahilaon dvara samooh men prastut ki jane vali kajari ko 'dhunamuniyan kajari' kaha jata hai. bharatiy pnchang ke anusar bhadrapad mas, krishn paksh ki tritiya ko sampoorn poorvanchal men 'kajari tij' parv dhoomadham se manaya jata hai. is din mahilaen vrat karatin hain. shakti svaroopa man vindhyavasini ka poojan-archan karati hain aur 'ratajaga'[1] karate hue samooh bana kar poori rat kajari gayan karati hain. aise ayojan men purushon ka pravesh varjit hota hai. yadyapi purush varg bhi kajari gayan karata hai, kintu unake ayojan alag hote hain.

utpatti

'kajari' ki utpatti kab aur kaise huee, yah kahana kathin hai, parantu yah to nishchit hai ki manav ko jab svar aur shabd mile, aur jab lok jivan ko prakriti ka komal sparsh mila hoga, usi samay se lokagit hamare bich hain. prachin kal se hi uttar pradesh ka mirjapur janapad man vindhyavasini ke shaktipith ke roop men astha ka kendr raha hai. adhisnkhy prachin kajariyon men shaktisvaroopa devi ka hi gunagan milata hai. aj kajari ke varny-vishay kafi vistrit hain, parantu kajari gayan ka prarambh devi git se hi hota hai.[2]

varsha ritu ka chitran

bharat ke har prant ke lokagiton men varsha ritu ko mahattvapoorn sthan prapt hai. uttar pradesh ke prachalit lokagiton men braj ka malar, pataka, avadh ki savani, bundelakhand ka rachhara tatha mirjapur aur varanasi ki 'kajari'. lok sngit ke in sab prakaron men varsha ritu ka mohak chitran milata hai. in sab lok shailiyon men 'kajari' ne desh ke vyapak kshetr ko prabhavit kiya hai.

vikas yatra

kajari ke varny-vishay ne jahan ek or bhojapuri ke sant kavi lakshmisakhi, rasik kishori adi ko prabhavit kiya, vahin amir khusaro, bahadurashah zaphar, suprasiddh shayar saiyad ali muhammad 'shad', hindi ke kavi ambikadatt vyas, shridhar pathak, dvij baladev, badarinarayan upadhyay 'premadhan' adi bhi kajari ke akarshan mukt nahin rah sake. yahan tak ki bharatendu harishchandr ne bhi anek kajariyon ki rachana kar lok-vidha se hindi sahity ko susajjit kiya. sahity ke alava is lokagit ki shaili ne shastriy sngit ke kshetr men bhi apani amad darj karaee. unnisavin shatabdi men upashastriy shaili ke roop men thumari ki vikas yatra ke sath-sath kajari bhi isase jud gee. aj bhi shastriy gayak-vadak, varsha ritu men apani prastuti ka samapan prayah kajari se hi karate hain.[2]

vishay

'kajari' ke vishay paramparagat bhi hote hain aur apane samakalin lok jivan ka darshan karane vale bhi. adhikatar kajariyon men shrringar ras[3] ki pradhanata hoti hai. kuchh kajari paramparagat roop se shakti svaroopa man vindhyavasini ke prati samarpit bhav se gayi jati hain. bhaee-bahan ke prem vishayak kajari bhi savan men behad prachalit hai. parantu adhikatar kajari nanad-bhabhi ke sambandhon par kendrit hoti hain. nanad-bhabhi ke bich ka sambandh kabhi katutapoorn hota hai to kabhi atyant madhur bhi hota hai.

prachinata

kajari git ka ek prachin udaharan terahavin shatabdi ka, aj bhi n keval upalabdh hai balki gayak kalakar isako apani prastutiyon men pramukh sthan dete hain. yah kajari amir khusaro ki bahuprachalit rachana hai, jisaki pnktiyan hain-

"amma mere baba ko bhejo ji ki savan aya...."

bharat men antim mugal badashah bahadurashah zaphar ki ek rachana- "jhoola kin daro re amaraiyan..." bhi behad prachalit hai. bharatendu harishchandr ki kee kajari rachanaon ko vidushi girija devi aj bhi gatin hain. bharatendu ne braj aur bhojapuri ke alava snskrit men bhi kajari rachana ki hai. lok sngit ka kshetr bahut vyapak hota hai. sahityakaron dvara apana liye jane ke karan kajari gayan ka kshetr bhi atyant vyapak ho gaya. isi prakar upashastriy gayak-gayikaon ne bhi kajari ko apanaya aur is shaili ko ragon ka bana pahana kar kshetriyata ki sima se bahar nikal kar rashtriyata ka darza pradan kiya. shastriy vadak kalakaron ne kajari ko samman ke sath apane sajon par sthan diya, visheshatah sushir vady ke kalakaron ne. sushir vadyon- shahanaee, bansuri adi par kajari ki dhunon ka vadan atyant madhur anubhooti deta hai. 'bharataratn' samman se alnkrit ustad bismilla khann ki shahanaee par to kajari aur adhik mithi ho jati thi.[2]

filmon men prayog

ritu pradhan lok-gayan ki shaili kajari ka filmon men bhi prayog kiya gaya hai. hindi filmon men kajari ka maulik roop kam milata hai, kintu 1963 men pradarshit bhojapuri film 'bidesiya' men is shaili ka atyant maulik roop prayog kiya gaya. is kajari git ki rachana apane samay ke jane-mane lok gitakar ramamoorti chaturvedi ne ki thi aur ise sngitabaddh kiya es.en. tripathi ne. yah git mahilaon dvara samooh men gayi jane vali 'dhunamuniya kajari' shaili men maulikata ko baraqarar rakhate hue prastut kiya gaya. is kajari git ko gayika gita datt aur kaumudi majumadar ne apane svaron se filmon men kajari ke prayog ko maulik svaroop pradan kiya tha.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. ratri jagaran
  2. 2.0 2.1 2.2 2.3 kajari (hindi). . abhigaman tithi: 12 aktoobar, 2012.
  3. snyog aur viyog

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah