बाँस गीत  हिन्दी देवनागरी में पढ़ें।

bans git chhattisagadh ki yadav jatiyon dvara bans ke bane hue vady yntr ke sath gaya jane vala lokagit hai. yah git chhattisagadh ka bahu prachalit lokagit hai. ek tarah se yah yadav samaj ki niji dharohar hai, kyonki is vidha men yadav bndhu hi parngat hote hain. yadav moolat: pashu palak hote hain, vaidik kal se lekar ab tak adhikansh yadavon ka mukhy vyavasay pashupalan hi hai. ye apane pashuon ko charane ke lie jngalon men jate the aur vahin nivas karate the. jngalon men manornjan ka koee sadhan nahin hone ke karan man-bahalane ke lie prakritik snsadhanon se yukt is vidha ka janm hua hoga.

shuruat

bans git ke gayak mukhyat: ravat ya ahir jati ke log hain. chhattisagadh men rauton ki snkhya bahut hai. raut jati ko yaduvnshi mana jata hai. arthath inaka poorvaj krishn ko mana jata hai. aisa lagata hai ki jab ve log gay ko jagnlon men charane ke lie le jate the, usi vakt ve bans ko dhire-dhire vady yntr ke roop men istemal karane lage the. is git ki shuruat shayad is prakar huee thi- gay ghas khane men mast rahati thi aur raut yuvak bans ke tukade ko uthakar koshish karata ki usamen se koee dhun nikale, aur phir achanak ek din vah srijanashil yuvak bans ko badi masti se bajane lag gaya.[1]

bans ka chunav

is lokagit men bans bajaya jata hai. chhattisagadh men malin jati ke bans ko sabase achchha mana jata hai. is bans men svar bhng nahin hota hai. bich se bans ko pola karake us men char surakh banaye jate hain, jaise bansuri vadak ki ungaliyan surakhon par nachati hain, usi tarah bans vadak ki ungaliyan bhi surakhon par nachati hain aur vah vishesh dhun nikalane lagati hain.[1]

shnkh ki tarah phoonkakar bans bajane vale ko 'bnsakahar' ki sngya di jati hai aur samaj men inaka vishisht sthan hota hai. bnsakahar bans ka marmgy hota hai, vah jngal ya ganv se, jahan bans ka bhira upalabdh ho, vahan se aise bans ka chunav karata hai jo n to jyada mota ho aur n hi patala, aur jo age ki or jara-sa muda hua hota hai. aise bans ko sthaniy bhasha men 'thedagi bans' ki sngya di jati hai. isaka lagabhag tin phit lnba tukada ari se katakar laya jata hai.[2] chhattisagadhi lok giton men bans git bahut mahattvapoorn shaili hai. yah bans ka tukada karib char phut lamba hota hai. yah bans apani vishesh dhun se logon ko mohit kar deta hai.

vady nirman

jo bans katakar laya jata hai, vah pola hota hai, lekin usamen ganth hote hain, jise lohe ki sariya ko garm kar bheda jata hai taki svar asani se par ho sake. isake bad lagabhag chh: inch ki doori men ek bada chhed banaya jata hai, jise 'brahmarndh' kaha jata hai. ise mom lagakar do bhagon men vibhakt kiya jata hai tatha talapatr se adha achchhadit kiya jata hai, jisase vishesh svar sphutan ho. bans ke madhy men kramash: char chhidr kiye jate hain. akhiri chhidr ko bujurgon ke kathananusar, dharm, arth, kam evn moksh ka parichayak bataya gaya hai aur is tarah shuroo hota hai nad brahm ko sadhane ka upakram.

git gayan

bans git ke gayan men mukhyat: char logon ki bhoomika hoti hai-

  1. bans ko bajane vala 'bnsakahar'.
  2. git gane vala gayak, jise 'git gayak' kaha jata hai.
  3. gayak ka sath dene vala 'ragi', jo gayak ke svar se svar milata hai.
  4. git ki samapti par ramaji-ramaji ka udghosh karane vala, jise 'tehikar' kaha jata hai.

tehikar vishesh gun aur svar pratibha snpann vyakti hota hai jo lokokti evn muhavaron tatha svarachit dohon ko pirokar shrotaon ko mugdh kar bandhane ka kary karata hai. vaise to bans git parinayotsav, mangalik parv par ayojit hote hain, kintu yah ek aisa lokagit hai, jo adhikansh shokamay vatavaran dashagatr evn terahavin ke samay bhi ayojit hote hain. isaka manovaigyanik tathy hai ki jo parivar shok sntapt hota hai, in giton menn samahit adhyatmik evn upadeshatmak tathyon ke dvara unake janajivan ko samany banane ka abhisht kary snpann kiya jata hai.[2]

vishayavastu

bans git men chhattisagadh ke janajivan se snbndhit git, yadav viron ki gatha, ramayan ke dohe, kabir ke dohe tatha adhyatmik giton ka samavesh hota hai. in giton men lokabhasha men goodh rahasyon ka bhi pratipadan kiya jata hai, jo vidvanon ke lie bhi ashchary ka vishay prastut karati hai. bans git matr lokagit hi nahin apitu hamare saral, sahaj, sadagi poorn snskar ka bhi dyotak hai. isake shrotaon men mahilaen, bachche, purush sabhi hote hain.

ayojan

bans git ke ayojan men kisi vishesh prayas ya arthik prayojanon ki avashyakata nahin hoti. ek dari bichhakar bans git ke kalakaron ko sammanapoorvak virajit kara diya jata hai aur unake sammukh shrotaganon ko bitha diya jata hai aur shuroo ho jata hai rasasvadan ka daur. sarvapratham gitagayan dvara apane eesht dev evn devataon ka smaran kiya jata hai taki usake uttaradayitv ke nirvahan men koee vyavadhan utpann n ho, yatha-

anthe ma bithai guru kntha n to, jibhiya ma gauri ganesh.
jyon-jyon akshar bhool bisarau mata, bhoole akshar deve sam jhay..

ise 'sumarani' kahate hain. tatpashchath gayak dohon ke madhyam se apane kul gaurav ka bhi bakhan karate hain, jaise-

koone diyana tore din ma bare, kune diyana bare rat
koone diyana ghar angana ma bare, koone diya darabar ho..
surooj diyana tore din ma bare, chnda diyana bare rat.
saina diyana ghar angana ma bare, bhaee diyana darabar ho.

isi prakar in lokagiton men ramayan ke prasngon ko bhi rochak dhng se prastut kiya jata hai, jaise sita haran ke prasng men jatayu sita ji se poochhate hain-

kakhar hau tum dhiya patohiya, kakhar hau bhaujaee.
kakhar hau tum prem sundari, koon haran leee jaee..
dasharath ke main dhiya patohiya, lachhaman ke bhaujaee.
ramachandr ke prem sundari, ravan har le jaee..

git ka pad samapt hote hi tehikar apani pratibha ka pradarshan karate hue tehi lagata hai. vah 'ramaji-ramaji saty' hai aur hasy utpann karane ke lie svarachit ashu kavita uddhrit karata hai.[2]

ravat-ravataeen se juda bans git

chhattisagadh men ravat log bahut mehanati hote hain. subah 4 baje se pahale uthakar janavaron ko lekar charane ke lie nikal jate hain. sndhya ke pahale kabhi bhi ghar vapas nahin lautate. ghar lautakar bhi bakari, bhed, gay ki dekhabhal karate hain. pati ko nirantar vyast dekhakar ravataeen kabhi-kabhi naraz ho jati hai aur apane pati se janavaron ko bech dene ko kahati hai. is sandarbh men ravat aur ravataeen ke vartalap se juda ek bans git is prakar hai[1]-

ravataeen-
chheri la bechav, bhendi la bechnv, bechav kariya dhan
gayak gothan l bechav dhani mor, sovav god lamay

ravat-
chheri la bechav, n bhedi la bechav, ni bechav kariya dhan
jada kahibe to tola bechnv, i kori khan khan

ravataeen-
kon karahi tor ram rasoiya, kon karahi jevanas
kon karahi tor palng bichhauna, kon johi tor bat

ravat-
daee karahi ram rasoiya, bahini ha jevanas
sularavi cheriya, pnlag bichhahi, bnsi johi bat

ravataeen-
daee bechari tor mar har jahi, bahini pathoh sasurar
sulakhi cheriya l hat ma bechnv, basi dhilavn mnjhadhar

ravat-
daee rakhen v amar khava ke bahini rakhenv chhe mas
sulakhi beriya l chhanv ke rakhenv, bnsi jiv ke sath

lokakathaon men pramukhata

chhattisagadh men sabhi prakar ke lokagit, jaise- suva, dnda, karama, dadariya, bans git men gaye jate hain. parantu maulikata ke adhar par dekha jaye to lokakathaon men bans git ki hi pramukhata hai. bahut sari lok kathaen hain, jinamen 'shit basant', 'bhains son sagar', 'chanda gvalin ki kahani', 'ahira rupeechnd', 'chanda lorik ki kahani' bahut prasiddh hain. ravat jati ke log hi bans git gaya karate hain, isiliye git ke patr, git ka nayak-nayika ravat, ahir hi hote hain. gay bhains par adharit kathaon ki snkhya adhik hai.

'bhains son sagar' ki kahani

bans giton men kahani hone ke karan ek hi kahani poori rat tak chalati hai. kabhi-kabhi to kee raton tak chalati hai. ravat log ek bhains ki kahani ko gate hain, jisaka nam hai "bhains son sagar". kahani is prakar hai[1]-

raja mahar sinh ke pas lakh ke karib maveshiyon ki jhund thi. unamen se ek thi 'son sagar' nam ki bhains. son sagar har sal janmashtami ke din sone ka bachcha paida karati thi. parantu vah sone ka bachcha kisi ko bhi dikhaee nahin deta tha. raja mahar sinh ne ek bar ghoshan ki ki agar koee vyakti unhen sone ka bachcha dikha de, to usako apana adha rajy, adhi maveshiyan de dega aur apani bahan khoilan ke sath vivah bhi kara dega. kintu jis vyakti ko asaphalata milegi, use karagar men dal diya jayega. n jane kitane ravat ahir aye, par kisi ko bhi saphalata nahin mili. sabhi ko karagar men band kar diya gaya. ant men aye tin bhaee, jo bahut kam ayu ke the. bada 'kathaita' 12 varsh ka tha, 'selhan' 9 sal ka aur sabase chhota 'kaubiya' jo sirf 6 sal ka tha.

raja ko bada du:kh hua. usane tinon bhaeeyon ko samajhane ki koshish ki, "tum tinon bhaee kyon karagar men jana chahate ho?" par tinon ne kaha ki ve kaushish karenge ki unhen karagar men n jana pade. isake bad tinon bhaee son sagar bhains ko doosare janavaron ke sath charane lage. dekhate hi dekhate janmashtami ki rat a gee. tinon bhaeeyon ne son sagar bhains ke gale men ghnti bandh di. rat badhati gee. bhains ek dabare ke andar chali gee. bada bhaee kathaita bhains par nazar rakh raha tha aur selhan v kaubiya vahin par so ge. par jaise-jaise rat badhati gee, kathaita ko bhi badi zor ki nind lagi aur vah bhi so gaya. son sagar bhains usi vakt dabare se nikalakar shiv mandir men chali gee. har sal janmashtami ki rat men rajakumari khoilan usi mandir men pooja karane ati thi aur jaise hi son sagar sone ke bachche ko janm deti, rajakumari khoilan use kalash ki tarah chadhati thi. use bhagavan shnkar ne ashirvad diya tha ki janmashtami men use apana pati milega. rajakumari nahane ja rahi thi. son sagar bhains ne jaise hi sone ke bachche ko janm diya, rajakumari khoilan turant use apani sadi men chhipakar nahane chali gee.

son sagar bhains usi dabare men vapas chali gee. kathaita ki sabase pahale nind khul gee. vah turant dabare ke bhitar gaya aur phir hairan khada rah gaya. selhan aur kobiya bhi nind khulate hi andar ge aur kathaita ko hairan dekhakar hi sab samajh gaye. ab kya hogo? tinon bhaee bade du:khi hokar khade rah gaye. isake bad kathaita nee buddhimatta ka parichay diya. usane dhyan se jamin ki or dekha. ye to son sagar ke panv ka nishan hai, to isaka matalab hai ki vah kahin bahar gee thi. selhan aur kobiya us dabare ke bhitar hi dhoondh rahe the, shayad sone ka bachcha unhen vahin kahin mil jaye. idhar kathaita son sagar ke panv ke nishan ke sath chalata gaya. jab vah shiv mandir tak pahunch gaya to dekha ki rajakumari khoilan nahakar a rahi thi. kathaita ko laga ki rajakumari kuchh chhipakar le ja rahi hai. usane rajakumari se poochha to rajakumari bahut naraz ho gee. donon jhagad hi rahe the ki achanak sone ka bachcha gir gaya. rajakumari ko achanak yad aya ki bhagavan shnkar ne to mujhe varadan diya tha ki mujhe mera pati yahin milega. usane kathaita ko poori bat bata di. kathaita bada khush hokar sone ke bachche ko lekar raja ke pas pahuncha. raja pahale to ashchary chakit rah gaye. usake bad apana vachan poora kiya. is tarah kathaita aur khoilan ka vivah ho gaya.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 bans git (hindi) ignika. abhigaman tithi: 10 joon, 2015.
  2. 2.0 2.1 2.2 chhattisagadh ka anootha lokagit bans git (hindi) yaduvnsh. abhigaman tithi: 09 joon, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah