दाग़ देहलवी  हिन्दी देवनागरी में पढ़ें।

dag dehalavi
dag dehalavi
poora nam navab mirza khan
janm 25 mee, 1831
janm bhoomi dilli
mrityu 1905
mrityu sthan haidarabad
abhibhavak shamsuddin khan, vajir begam
karm bhoomi bharat
karm-kshetr urdoo shayari
mukhy rachanaen 'gulajare dag', 'mahatabe dag', 'afatabe dag', 'yadagare dag', 'yadagare dag- bhag-2', jinamen 1038 se zyada gazalen, anekon muktak, rubaeeyan, salam marsiye adi shamil the.
bhasha urdoo
prasiddhi shayar
nagarikata bharatiy
any janakari dag dehalavi ki gazal ke naye roop ne bhasha ko vah mnjhav aur paradarshita di, jisame bariq se bariq khyal ke izahar ki nayi sambhavanaen thin. galib bhi dag ke is andaj se prabhavit hue bina nahin rah sake.
inhen bhi dekhen kavi soochi, sahityakar soochi
dag dehalavi ki rachanaen

dag dehalavi (vastavik nam:navab mirza khan, angrezi: Daagh Dehlvi, janm- 25 mee, 1831, dilli; mrityu- 1905, haidarabad) ko urdoo jagath men ek shayar ke roop men bahut ooncha sthan prapt hai. unake jivan ka adhikansh samay dilli men vyatit hua tha, yahi karan hai ki unaki shayariyon men dilli ki tahazib nazar ati hai. dag dehalavi ki shayari ishq aur mohabbat ki sachchi tasvir pesh karati hai.

parivarik parichay

mugal badashah shahalam, jo ki andha ho chuka tha, usake akhiri zamane men pathanon ka ek khanadan samaraknd se apani roji-roti ki talash men bharat aya tha. yah khanadan kuchh mahine tak zamin-asaman ki khoj men idhar-udhar bhatakata raha aur phir dilli ke ek mohalle ballimaran men bas gaya. is khanadan ki doosari pidhi ke ek naujavan ahamad bakhsh khan ne alavar ke raja bakhtavar sinh ke us phauji daste ki saradari ka farz nibhaya, jo raja ki aur se bharatapur ke raja ke khilaf angrezon ki madad ke lie bheja gaya tha. ladaee ke maidan men ahamad bakhsh khan ne apani jan ko danv par lagakar ek angrez ki jan bachaee thi. usaki is vafadari ke lie laaurd lek use firojapur aur jharaka ki jagiren inam men de deta hai.[1]

pita ki phansi

ahamad bakhsh khan ka bada ladaka shamsuddin khan, jo usaki alavar ki mevatan bivi se utpann hua tha, usane jagir men nainsafi ke lie angrezon ke khilaf avaz uthaee. vah british rejident ke qatl ki bhi sajish rachane laga. lekin usaki is sajish ka pata angrez sarakar ko lag gaya aur use 1835 ee. men phansi de di gee. dag dehalavi isi shamsuddin khan ki pahali aur antim sntan the, jo bad men urdoo gazal ke itihas men navab mirza khan dag dehalavi ke nam se prasiddh hue. apane pita ki phansi ke samay dag dehalavi matr char sal aur char mahine ke the. angrezon ke bhay se dag dehalavi ki man vajir begam kee varshon tak chhip kar rahin aur is dauran dag dehalavi apani mausi ke jahan rahe.

shiksha-diksha

kee varshon ke bhatakav ke bad jab vajir begam ne akhiri mugal badashah bahadurashah zaphar ke putr aur uttaradhikari mirza fakharoo se vivah kar liya, tab dag dehalavi bhi lal qile men rahane lage. yahan inaki shiksha-diksha adi ka achchha prabandh ho gaya tha. dag dehalavi ne lal qile men barah varsh bitae, lekin yah sab vilasita mirza fakharoo ke dehant ke bad inake pas nahin rahi. boodhe badashah bahadurashah zaphar ki javan malika jinatamahal ki rajaniti ne lal qile men unhen rahane nahin diya. is bar unake sath unaki mata vajir begam aur sath hi mata ki kuchh jayaz[2] aur najayaz sntane bhi thin. mirza fakharoo se mirza mohammad khurshid ke atirikt, aga turab ali se, jinake yahan vajir begam shamsuddin khan ki phansi ke bad kuchh din chhupi thin aga mirza shagil aur jayapur ke ek angrez se bhi ek ladaka amir mirza aur ek ladaki badashah begam shamil thin.[1]

shayari ki shuruat

lal qile men barah varsh rahate hue dag dehalavi ne apani shayari se us yug ke bujurg shayaron, jaise- galib, maumin, jauk, shefta ko hi nahin chaukaya apitu apani sidhi-sahaj bhasha aur usake natakiy akarshan ne am logon ko bhi unaka prashnsak bana diya. inaki gazal ke is roop ne bhasha ko vah mnjhav aur paradarshita di, jisame bariq se bariq khyal ke izahar ki nayi sambhavanaen thin. galib bhi dag ke is andaj se prabhavit hue bina nahin rah sake. dag ke ek jivani lekhak nisar ali shoharat se unhonne ek bar kaha tha- "dag bhasha ko n sirf pal raha hai, balki use talim bhi de raha hai."

rachanatmak kshamata

dag dehalavi ki rachanatmak kshamata apane samakalin urdoo shayaron se kahin adhik thi. unaka ek 'divan'[3] 1857 ki lootamar ki bhet chadh gaya tha. doosara unake haidarabad ke nivas ke dauran kisi ke hath ki saphaee ka shikar ho gaya. in do divanon ke kho jane ke bavajood dag dehalavi ke panch divan 'gulajare dag', 'mahatabe dag', 'afatabe dag', 'yadagare dag', 'yadagare dag- bhag-2', jinamen 1038 se zyada gazalen, anekon muktak, rubaeeyan, salam marsiye adi shamil the, isake atirikt ek 838 sheron ki masanavi[4] bhi 'phariyade dag' ke nam se prakashit huee. itane bade shayari ke saramaye[5] men sirf unaki mohabbat ki bazariyat ko hi unaki shayari ki pahachan samajhana sabase badi bhool hogi. yahan tak ki firaq gorakhapuri jaisa samajhadar alochak bhi hua. isase inkar karana kathin hai ki lal qile ke mujaron, kavvaliyon, ayyashiyon, aphim sharab ki rngarnliyon se jinaki oopari chamak-damak men us samay ki dam todati tahajib ki antim hichakiyan saph sunaee deti thin, dag ke bachapan aur javani ke shuruati varshon men prabhavit hue the. is daur ka sanskritik patan unake shuroo ke ishq ke raveye men saph nazar ata hai. unaki gazal ki nayika bhi is asar ke tahat bazar ka khilauna thi, jisase vo bhi un dinon ki parampara ke anusar khoob khele. lekin dag dehalavi ka kamal yah hai ki vah yahin tak simit hokar nahin rahe the. unaki shayari men unake vyaktitv ki bhanti, jisamen ashik, najarabaz, soofi, phanakar, duniyadar, atit, vartaman ek sath jite-jagate hain, kee dishaon ka sapharanama hai. ye shayari jinda adami ke virodhabhason ka bahumukhi roop hai, jise kisi ek chehare se pahachan pana mushkil hai.[1]

kabe ki hai havas kabhi kooe butan ki hai
mujhako khabar nahin, meri mitati kahan ki hai.

dag ka ishq

dag dehalavi varsh 1857 ki tabahiyon se gujare the. dilli ke gali-mohallon men lashon ka nazara unhonne dekha tha. lal qile se nikalakar tinaka-tinaka jodakar jo ashiyana unhonne banavaya tha, use bikharate hue bhi dekha. apane das-barah sal ke kalam ki barbadi ke vah matr ek majaboor tamashaee banakar rah gaye the. qile se nikale abhi mushkil se ath-no mahine hi hue the ki is tabahi ne unhen gher liya. dilli ke hngamon se gujar kar dag dehalavi ne ramapur men panah li. ramapur se unaka snbndh unaki mausi umda begam ke pati ramapur ke navab yusoof ali khan ke samay se tha. dilli ke ujadane ke bad ramapur un dinon asir, amir, jahir, nizam aur jalala jaise ustadon ki avajon se abad tha. navab shayaron ka kadradan tha. yahan dag dehalavi ki shayari bhi khoob phali-phooli aur unaki ashiqana tabiyat bhi.

munnibaee hijab nam ki ek gayika aur tavayaf se dag dehalavi ka mashahoor ishq isi mahaul ki den tha. unaka yah ishq ashiqana kam aur shayarana athik tha. dag dehalavi us vakt adhi sadi se adhik umr ji chuke the, jabaki munnibaee har mahafil men jane-mahafil hone ka jashn mana rahi thi. apane is ishq ki dastan ko unhonne 'pharayade dag' men maje ke sath doharaya hai. munnibaee se dag ka yah lagav jahan rngin tha, vahin thoda-sa sngin bhi. dag dehalavi unake husn par kurban the aur vah navab ramapur ke chhote bhaee haidarali ki daulat par meharaban thi.[1] ramapur men haidarali ka raqib[6] banakar dag dehalavi ke lie mushkil tha. jab ishq ne dag dehalavi ko adhik sataya to unhonne haidarali tak apana paigam[7] bhijava diya- "dag hijab ke tire nazar ka ghayal hai. ap ke dil bahalane ke aur bhi saman hain, lekin dag bechara hijab ko n pae to kahan jae." navab haidarali ne dag ki is gustakhi[8] ko n sirf kshama kar diya, balki unake khat ka javab khud munnibaee un tak lekar aee. navab haidarali ka javab tha ki- "dag sahab, apaki shayari se zyada hamen munnibaee ajiz nahin hai."

sabase tum achchhe ho tumase meri kismat achchhi
ye hi kamabakht dikha deti hai soorat achchhi

haidarabad gaman

munnibaee ek deredar tavayaf thi. usake pas abhi umr ki poonji bhi thi aur roop ka khazana[9] bhi tha. vah ghar ki chahar divari men simit hokar pachas se age nikalati huee gazal ka vishay banakar nahin rah sakati thi. vah dag dehalavi ke pas aee, lekin jald hi dag ko chhodakar vapas kalakatta (vartaman kolakata) ke bazar ki zinat[10] ban gayi. navab ramapur kalbe ali khan ke dehant ke bad dag dehalavi ramapur men adhik samay tak nahin rah sake. samay ne phir se unase chhedachhad shuroo kar di thi. lal qile se nikalane ke pashchath chain ki jo chnd sanse asaman ne unake nam likhi thi, vah ab poori ho rahi thin. vah budhape men ne sire se munasib zamin-asaman ki talash men kee shaharon ki dhool chhan kar navab mahaboob ali khan ke pas haidarabad men chale ae.[1]

tadabir se kismat ki buraee nahin jati
bigadi huee takadir banayin nahin jati

ustad ki padavi

dag dehalavi ab dhalati umr se nikalakar budhape ki sima men dakhil ho chuke the. unhen kee bimariyon ne gher liya tha. haidarabad men dag ko panv jamane men sadhe tin sal se zyada ka samay laga. us jamane ke haidarabad ke rees raja giradhari prasad baqi, maharaj kishan prasad shad ne unake lie bahut koshishen kin, lekin dag dehalavi ko rozagar ki fauri[11] zarurat thi aur navab ko koee qadam uthane se pahale lnbi chhanabin karane ki adat thi. yah samay dag dehalavi par bada bhari pada. vah apane ghar se alag budhape men javanon ki tarah rozagar ki talash men hath-pair mar rahe the. navab aur unake mitron ki shan men qaside[12] likh rahe the. mazaron ki chaukhaton par duaen mang rahe the. doston ki madad ke sahare unaka samay kat raha tha. jab vakt ne kee bar pariksha lekar bhi unhen mayoos hote nahin dekha to majaboori ne unhen navab ke mahal tak pahuncha diya aur ab ve navab ke ustad niyukt ho ge.

munnibaee ki vapasi

dag dehalavi ke is samman ki shoharat ne munnibaee ke dil men us zamane ki yadon ko phir se jaga jaga diya, jinako bhulakar vah apane kisi sazinde[13] ke nikah[14] men a chuki thi. vah apane pati se talaq lekar dag dehalavi ke pas haidarabad chali aee. vah jis samay haidarabad aee thi, us samay dag dehalavi 72 varsh ke ho chuke the aur munnibaee balon men khizab[15] aur munh men nakali dat lagane lagi thi. lekin dag dehalavi ki munh boli beti aur unake pati sael dehalavi ki andarooni rajaniti ke karan ye milan jaldi hi shako-subah[16] ka shikar hokar hamesha ke lie samapt ho gaya.[1]

'dag yug' sahityik drishti se do dishaon men vibhajit tha. ek taraf sar saiyyad aur unake sathi hali, shibali aur azad the, jo sahity ko desh aur kaum[17] ke sudhar ka madhyam banana chahate the. ve kathy tatha kahane men ne prayog kar rahe the, nazir akabarabadi ke sau varsh bad kavita phir se samoohik jivan se jud rahi thi. isamen men hali ki avaz zyada oonchi aur rachanatmak thi. daauktar iqabal, simab, jigar muradabadi ke alava unake shishyon ki tadad do hazar se adhik thin. inamen se sabhi dag dehalavi ki gazal se kisi n kisi star par prabhavit the. urdoo ki nayi gazal jo firaq gorakhapuri se vartaman yug men aee, us par bhi dag dehalavi ki gazal ke prabhav ko saph dekha ja sakata hai.

tavayafon ka sath

dag dehalavi ka budhapa arthik snpannata ke hote hue bhi aram se vyatit nahin hua. bivi ke dehant ne unake akelepan ko adhik gahara kar diya tha, jise bahalane ke lie vah ek sath kee tavayafon ko naukar rakhe hue the. inamen sahibjan, umdajan, ilahijan, jaddanabaee., soorat ki akhtar jan khas thin. ye sab dag dehalavi ke darabar ki mulajim[18] thin. dag dehalavi se in tavayafon ka rishta sham ki mahafilon tak hi tha. unako shayari ke sath sngit ka bhi shauq tha. ye sab tavayafen apane daur ki prasiddh gayikaen bhi thin. dag dehalavi ki gazalon ki shauharat men in surili avazon ka bhi bada yogadan tha.

nidhan

dag dehalavi ki apani koee sntan nahin thi. patni ke dehant ke bad door-pas ke rishtedar, jinako dag dehalavi pal rahe the, ve unake ghar ko apasi matabhed ka mahabharat banaye hue the. sabaki nazaren keval maut ki aur badhate hue dag dehalavi ke budhape par thi. haidarabad men hi 71-72 varsh ki umr men unaka varsh 1905 men nidhan ho gaya.[1]

kya mila hamako zindagi ke siva
vah bhi dushvar, natamam[19], kharab.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 1.4 1.5 1.6 parichay- dag dehalavi (hindi). . abhigaman tithi: 12 march, 2013.
  2. uchit
  3. gazalon ki kitab
  4. khndakavy
  5. poonji
  6. kisi stri se prem karane vale do purush
  7. sandesh
  8. dhrishtata, du:sahas, bebaki, badatamizi
  9. nidhi, kosh, bhndar
  10. sajavat, raunak, shobha
  11. shighr, tvarit, fauran
  12. padyatmak rachana, nazm ki ek qism, jisamen kisi mahanh vyakti ki prashnsa ki jati hai.
  13. saz bajane vala, vadak, tntri
  14. panigrahan, vivah, byah
  15. balon ko rngane ka masala
  16. sandeh
  17. jati
  18. naukarani, dasi
  19. apoorn, adhoora

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah