भगवतीचरण वर्मा  हिन्दी देवनागरी में पढ़ें।

bhagavaticharan varma
bhagavaticharan varma
poora nam bhagavaticharan varma
janm 30 agast, 1903
janm bhoomi unnav zila, uttar pradesh
mrityu 5 aktoobar, 1981
karm bhoomi lakhanoo
karm-kshetr sahityakar
mukhy rachanaen 'chitralekha', 'bhoole bisare chitr', 'sidhe sachchi baten', 'sabahi nachavat ram gusaee', 'agyat desh se ana', 'aj manav ka sunahala prat hai', 'meri kavitaen', 'meri kahaniyan', 'morchabandi', 'vasiyat'.
vishay upanyas, kahani, kavita, snsmaran, sahity alochana, natak, patrakar.
bhasha hindi
vidyalay ilahabad vishvavidyalay
shiksha bi.e., el.el.bi.
puraskar-upadhi sahity akadami puraskar, padmabhooshan
prasiddhi upanyasakar
nagarikata bharatiy
inhen bhi dekhen kavi soochi, sahityakar soochi
bhagavaticharan varma ki rachanaen

bhagavaticharan varma (angrezi: Bhagwaticharan Verma, janm- 30 agast, 1903, uttar pradesh; mrityu- 5 aktoobar, 1981) hindi jagath ke pramukh sahityakar the. unhonne lekhan tatha patrakarita ke kshetr men hi pramukh roop se kary kiya. kavi ke roop men bhagavaticharan varma ke rediyo roopak 'mahakal', 'karn' aur 'dropadi'- jo 1956 ee. men 'tripathaga' ke nam se ek snkalan ke akar men prakashit hue, unaki vishisht kritiyan hain. yadyapi unaki prasiddh kavita 'bhainsagadi' ka adhunik hindi kavita ke itihas men apana mahattv hai.

jivan parichay

hindi ke prasiddh sahityakar bhagavaticharan varma ka janm 30 agast, 1903 ee. men unnav zile, uttar pradesh ke shaphipur ganv men hua tha. inhonne ilahabad vishvavidyalay se bi.e., el.el.bi. ki pariksha uttirn ki. bhagavaticharan varma ji ne lekhan tatha patrakarita ke kshetr men hi pramukh roop se kary kiya. isake bich-bich men inake film tatha akashavani se bhi sambaddh rahe. bad men yah svatntr lekhan ki vritti apanakar lakhanoo men bas gaye. inhen rajyasabha ki manad sadasyata prapt karayi gee.

bhagavaticharan varma ji ne ek bar apane sambandh men kaha tha-
main mukhy roop se upanyasakar hoon, kavi nahin-aj mera upanyasakar hi sajag rah gaya hai, kavita se lagav chhoot gaya hai.
koee unase sahamat ho ya n ho, yah mane ya n mane, ki ve mukhyat: upanyasakar hain aur kavita se unaka lagav chhoot gaya hai. unake adhikansh bhavak yah svikar karenge ki sachamuch hi kavita se varmaji ka sambandh vichchhinn ho gaya hai, ya ho sakata hai. unaki atma ka sahaj svar kavita ka hai, unaka vyaktitv shayarana alhadapan, rngini aur masti ka sudhara-snvara hua roop hai. ve kisi 'vad' vishesh ki paridhi men bahut dinon tak giraftar nahin rahe. yon ek-ek karake pray: pratyek 'vad' ko unhonne tatola hai, dekha hai, samajhane-apanane ki cheshta ki hai, par unaki sahaj svatantryapriyata, roomani baicheni, alhadapan aur masti, har bar unhen 'vadon' ki divaren todakar bahar nikal ane ke lie prerana deti rahi aur prerana ke sath-sath use karyanvit karane ki kshamata aur shakti bhi. yahi alhadapan aur roomani masti inake krititv men kisi bhi vidha ke antargat kyon n ho jahan ek or pran phoonk deti hai, vahin doosari or usake shilp paksh ki or se unhen kuchh-kuchh laparavah bhi bana deti hai. ve chhandobaddh kavita ke hami hain, usi ko kavita manate hain, par yah unaki sahaj svatantryapriyata ke prati niyati ka halka, mitha sa parihas hi hai.

visheshata

bhagavaticharan varma upadeshak nahin hain, n vicharak ke asan par baithane ki akanksha hi kabhi unake man men uthi. ve jivan bhar sahajata ke prati asthavan rahe, jo chhayavadottar hindi sahity ki ek pramukh visheshata rahi. ek ke bad ek 'vad' ko thok-bajakar dekhane ke bad jyon hi unhen vishvas hua ki usake sath unaka sahaj sambandh nahin ho sakata, use chhodakar gate-jhoomate, hnsate-hnsate age badhe. apane prati, apane 'ahn' ke prati unaka sahaj anurag akshunn bana raha. anek tedhe-medhe raston se ghumata hua unaka 'ahn' unhen apane sahajadharm aur sahajadharm ki khoj men jane kahan-kahan le gaya. unaka sahityik jivan kavita se bhi aur chhayavadi kavita se arambh hua, par n to ve chhayavadi kavyanubhooti ke ashariri adharon ke prati akarshit hue, n usaki atishay mridulata ko hi kabhi apana sake. isi prakar any 'vadon' men bhi kabhi poori tarah aur chirakal ke lie apane ko bandh nahin paye. apane 'ahn' ke prati itane eemanadar sadaiv rahe ki zabaran bndhane ki koshish nahin ki. kisi doosare ki manyataon ko bina svayn un par vishvas kiye apani manyataen nahin samajha. kahin se vichar ya darshan unhonne udhar nahin liya. jo the, usase bhinn dekhane ki cheshta kabhi nahin ki.

pramukh kritiyan

kavi ke roop men bhagavaticharan varma ke rediyo roopak 'mahakal', 'karn' aur 'dropadi'- jo 1956 ee. men 'tripathaga' ke nam se ek snkalan ke akar men prakashit hue hain, unaki vishisht kritiyan hain. yadyapi unaki prasiddh kavita 'bhainsagadi' ka adhunik hindi kavita ke itihas men apana mahattv hai. manavavadi drishtikon ke tatv, jinake adhar par pragativadi kavyadhara jani-pahachani jane lagi, 'bhainsagadi' men bhali-bhanti ubhar kar samane aye the. unaka pahala kavita sngrah 'madhukan' ke nam se 1932 ee. men prakashit hua. tadanantar do aur kavy sngrah 'prem sngit' aur 'manav' nikale. inhen kisi 'vad' vishesh ke antargat manana galat hai. roomani masti, niyativad, pragativad, antat: manavavad inaki vishishtata hai.

kritiyan
upanyas any kritiyan
apane khilaune meri kahaniyan (kahani)
patan morchabandi (kahani)
tin varsh meri kavitaen (kavita)
chitralekha atit ki gart se (snsmaran)
bhoole bisare chitr sahity ke siddhant tatha roop (sahity alochana)
tedhe medhe raste mere natak (kavita)
sidhi sachchi baten vasiyat (kavita)
samarthy aur sima 'instalament'
rekha 'do banke'
vah phir nahin aee 'rakh aur chinagari' (kahani 1953 ee.)
sabahin nachavat ram gosaeen 'rupaya tumhen kha gaya' (natak 1955 ee.)
prashn aur marichika 'vasavadatta' (sinariyon)
yuvaraj choonda -
dhuppal -

sngit

varmaji ka sngit vina ya sitar ka nahin, harmoniyam ka sngit hai, usase gamak ki mang karana zyadati hai.

upanyasakar

bhagavaticharan varma mukhyataya upanyasakar hon ya kavi, nam unaka upanyasakar ke roop men hi adhik hua hai, visheshataya 'chitralekha' ke karan. 'tin varsh' nayi sabhyata ki chakachaundh se pathabhrasht yuvak ki manasik vyatha ki kahani hai. tin varsh aur tedhe-medhe raste rajanitik aur samajik prishthabhoomi men pray: yntravath parichalit patron ke madhyam se lekhak yah dikhane ki cheshta karata hai ki samaj ki drishti men oonchi aur udatt jan padanevali bhavanaon ke pichhe jo preranaen hain, ve aur kuchh nahin keval atyant samany svarthaparata aur lobh ki adham manovrittiyon ki hi den hain. akhiri danv ek juari ke asaphal prem ki katha hai aur apane khilaune (1957 ee.) nayi dilli ki 'maaurdan sosayati' par vyngyasharavarshan hai. inaka brihattam aur sarvadhik saphal upanyas bhoole bisare chitr (1959) hai, jisamen anubhooti aur snvedana ki kalatmak satyata ke sath unhonne tin pidhiyon ka, bharat ke svatntry andolan ke tin yugon ki prishthabhoomi men marmik chitran kiya hai.

puraskar

bhagavaticharan varma ko bhoole bisare chitr par sahity akadami puraskar aur padmabhooshan se sammanit kiya gaya.

mrityu

bhagavaticharan varma ka nidhan 5 aktoobar, 1981 ee. ko hua tha.

rachanaen
tum mriganayani

tum mriganayani, tum pikabayani
tum chhavi ki parinita-si,
apani besudh madakata men
bhooli-si, bhayabhita si .

tum ullas bhari aee ho
tum aeen uchchhh‌vas bhari,
tum kya jano mere ur men
kitane yug ki pyas bhari .

shat-shat madhu ke shat-shat sapanon
ki pulakit parachhaeen-si,
malay-vichumbit tum oosha ki
anurnjit arunaee-si ;

tum abhiman-bhari aee ho
apana nav-anurag lie,
tum kya jano ki main tap raha
kis asha ki ag lie .

bhare hue soonepan ke tam
men vidyut ki rekha-si;
asaphalata ke pat par ankit
tum asha ki lekha-si ;

aj hriday men khinch aee ho
tum asim unmad lie,
jab ki mit raha tha main til-til
sima ka apavad lie .

chakit aur alasit ankhon men
tum sukh ka snsar lie,
mnthar gati men tum jivan ka
garv bhara adhikar lie .

dol rahi ho aj hat men
bol pyar ke bol yahan,
main divana nij pranon se
karane aya mol yahan .

arun kapolon par lajja ki
bhini-si muskan lie,
surabhit shvason men yauvan ke
alasae-se gan lie ,

baras padi ho mere maroo men
tum sahasa rasadhar bani,
tumamen lay hokar abhilasha
ek bar sakar bani .

tum hnsati-hnsati aee ho
hnsane aur hnsane ko,
main baitha hoon pane ko phir
pa karake lut jane ko .

tum krida ki utsukata-si,
tum rati ki tanmayata-si;
mere jivan men tum ao,
tum jivan ki mamata-si.[1]

kal sahasa yah sandesh mila

kal sahasa yah sandesh mila.
soone-se yug ke bad mujhe॥
kuchh rokar, kuchh krodhit ho kar.
tum kar leti ho yad mujhe॥

girane ki gati men milakar.
gatimay hokar gatihin hua॥
ekakipan se aya tha.
ab soonepan men lin hua॥

yah mamata ka varadan sumukhi.
hai ab keval apavad mujhe॥
main to apane ko bhool raha.
tum kar leti ho yad mujhe॥

pulakit sapanon ka kray karane.
main aya apane pranon se॥
lekar apani komalataon ko.
main takaraya pashanon se॥

mit-mitakar mainne dekha hai
mit janevala pyar yahan॥
sukumar bhavana ko apani.
ban jate dekha bhar yahan॥

uttapt maroosthal bana chuka.
vismriti ka visham vishad mujhe॥
kis asha se chhavi ki pratima.
tum kar leti ho yad mujhe॥

hns-hnsakar kab se masal raha.
hoon main apane vishvason ko॥
pagal banakar main phenk raha.
hoon kab se ulate panson ko॥

pashuta se til-til har raha.
hoon manavata ka danv are॥
nirday vyngon men badal rahe.
mere ye pal anurag-bhare॥

ban gaya ek astitv amit.
mit jane ka avasad mujhe॥
phir kis abhilasha se roopasi.
tum kar leti ho yad mujhe॥

yah apana-apana bhagy, mila.
abhishap mujhe, varadan tumhen॥
jag ki laghuta ka gyan mujhe.
apani guruta ka gyan tumhen॥

jis vidhi ne tha snyog racha.
usane hi racha viyog priye॥
mujhako rone ka rog mila.
tumako hnsane ka bhog priye॥

sukh ki tanmayata tumhen mili.
pida ka mila pramad mujhe॥
phir ek kasak banakar ab kyon.
tum kar leti ho yad mujhe॥[2]

agyat desh se ana

main kab se dhoondh raha hoon.
apane prakash ki rekha॥

tam ke tat par ankit hai.
niahsim niyati ka lekha॥

dene vale ko ab tak.
main dekh nahin paya hoon॥

par pal bhar sukh bhi dekha.
phir pal bhar du:kh bhi dekha॥

kis ka alok gagan se.
ravi shashi udugan bikharate॥

kis andhakar ko lekar.
kale badal ghir ate॥

us chitrakar ko ab tak.
main dekh nahin paya hoon॥

par dekha hai chitron ko.
ban-banakar mit-mit jate॥

phir uthana, phir gir padana.
asha hai, vahin nirasha॥

kya adi-ant snsriti ka.
abhilasha hi abhilasha॥

agyat desh se ana.
agyat desh ko jana॥

agyat are kya itani.
hai ham sab ki paribhasha॥

pal-bhar parichit van-upavan.
parichit hai jag ka prati kan॥

phir pal men vahin aparichit.
ham-tum, sukh-sushama, jivan॥

hai kya rahasy banane men.
hai kaun saty mitane men॥

mere prakash dikhala do.
mera bhoola apanapan॥[3]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bhagavaticharan varma (hindi) phan daaut. abhigaman tithi: 19 aprail, 2011.
  2. bhagavaticharan varma (hindi) (ech ti em el) hindikunj. abhigaman tithi: 19 aprail, 2011.
  3. bhagavaticharan varma (hindi) hindikunj. abhigaman tithi: 19 aprail, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah