ब्रजनन्दन सहाय  हिन्दी देवनागरी में पढ़ें।

brajanandan sahay
brajanandan sahay
poora nam brajanandan sahay
janm 1874 ee.
karm bhoomi bharat
mukhy rachanaen 'saundaryopasak', 'radhakant', 'rajendr malati' tatha 'lalachin' adi.
bhasha bngala
shiksha bi.e.
prasiddhi sahityakar v upanyasakar
nagarikata bharatiy
any janakari upanyason ke prati brajanandan sahay ka akarshan arambh se hi tha. inaka sarvashreshth upanyas 'saundaryopasak' hai, jisane hindi upanyas men ek naye adhyay ka shriganesh kiya.
inhen bhi dekhen kavi soochi, sahityakar soochi

brajanandan sahay (janm- 1874 ee.) prasiddh sahityakar tatha upanyasakar the. hindi sahity ko samriddh banane tatha vikasit karane men inaka mahattvapoorn yogadan raha hai. inhonne kee prasiddh upanyason ki rachana ki hai.[1]

upanyason ke prati akarshan

brajanandan sahay ne bi.e. tak shiksha prapt ki thi. upanyason ke prati akarshan arambh se hi tha. kavy koti men ane vale bhavapradhan upanyas, jinamen bhavon ya manovikaron ki pragalbh aur vegavati vynjana ka lakshy pradhan ho, charitrachitran ya ghatana vaichitry ka lakshy nahin, hindi men n dekh aur bngabhasha men kafi dekh baboo brajanandan sahay bi.e. ne do upanyas is dhng ke prastut kiye-

  1. 'saundaryopasak'
  2. 'radhakant'[2]

inake upanyason par bngala ke 'udbhrant prem' jaise upanyason ka prabhav spashtat: parilakshit hota hai. alnkrit gady men katha ya akhyayika kahane ka prachalan is desh men prachin kal se chala a raha hai. 'kadambari' isaka jvalnt udaharan hai. is paripati ko hindi men jagamohan sinh ne 'shyamasvapn' men nibhane ki koshish ki, kintu yah paddhati bahut door tak chal n saki. bngala men bhavakul lalit gady men upanyas likhane ka prachalan bahut pahale hi ho chuka tha. hindi par usaka prabhav bhi padane laga tha. gady kavy ka adhunik roop bhi hindi men bngala ki hi den hai. brajanandan sahay ne is shaili ko apana kar kee upanyas likhe. inamen sarvashreshth upanyas 'saundaryopasak' hai, jisane hindi upanyas men ek naye adhyay ka shriganesh kiya.[1]

'saundaryopasak' upanyas

hindi men ab tak ghatanabahul, chamatkarik tatha charitr-vaishishty ko upasthit karane vale upanyas likhe jate the. inamen vibhinn prakar kin bhavanaon aur anubhootiyon ka n to vishleshan ho pata tha, n prem ke vibhinn pakshon ka adhunik dhng se akalan hi kiya jata tha. 'shyamasvapn' men yadyapi bhavapradhan shaili avashy apanaee gayi, par bhavon ke chitran men vahan parampara ka andh anukaran hi dikhaee padata hai. 'saundaryopasak' is drishti se hindi ka ek mahattvapoorn upanyas kaha jayega.

is upanyas ka nayak apane vivah ke samay apani sali ke roop-saundary se akrisht hokar usase prem karane laga. yah prem saphal n hua. sali, jo apane bahanoee ko prem karati thi, any vyakti ko byah di gayi. vishay-prem ki is darun vyatha men donon premi ghulate rahe. prem ki vyatha dhire-dhire sali ke sharir aur man ko jarjar bana deti hai aur vah yakshma ke rog ka shikar ho jati hai. saundaryopasak ki patni is bhed se aparichit n rahi aur pati tatha chhoti bahan ke prem ke is ant se vah nirntar du:khi rahane lagi aur ek din vah bhi yah snsar chhod kar chal basi. patni aur priyatama ke viyog ke is duhare shok ko saundaryopasak ajanm dhota raha. isi du:khant katha par 'saundaryopasak' adharit hai, jisamen yathavasar lekhak ne milan aur virah ki vibhinn avasthaon ka bada sookshm aur karunapoorn varnan kiya hai.[1]

brajanandan sahay ne aur bhi kee upanyas likhe hain. isi dhng par unhonne ek doosara upanyas 'rajendr malati' likha tha. unaka 'lalachin' ek aitihasik upanyas hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 hindi sahity kosh, bhag 2 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma |prishth snkhya: 394 |
  2. 'hi. sa. i.': ramachandr shukl, chhatha snskaran 501

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah