जानकी वल्लभ शास्त्री  हिन्दी देवनागरी में पढ़ें।

janaki vallabh shastri
janaki vallabh shastri
poora nam janaki vallabh shastri
janm 5 pharavari 1916
janm bhoomi gaya, bihar
mrityu 7 aprail 2011
mrityu sthan muzaphpharapur, bihar
abhibhavak pita- ramanugrah sharma
pati/patni chhaya devi
karm bhoomi bharat
karm-kshetr sahity
mukhy rachanaen 'radha', 'kakali', 'kalidas' adi.
bhasha hindi
puraskar-upadhi 'rajendr shikhar puraskar', 'bharat bharati puraskar', 'shiv sahay poojan puraskar'
prasiddhi kavi, lekhak
nagarikata bharatiy
any janakari janaki vallabh shastri ka pahala git 'kisane bansuri bajaee' bahut lokapriy hua.
adyatan‎
inhen bhi dekhen kavi soochi, sahityakar soochi

janaki vallabh shastri (angrezi: Janaki Ballabh Shashtri, janm: 5 pharavari 1916 - mrityu: 7 aprail 2011) prasiddh kavi the. unhen uttar pradesh sarakar dvara 'bharat bharati puraskar' se sammanit kiya gaya tha. ve un thode-se kaviyon men rahe, jinhen hindi kavita ke pathakon se bahut man-samman mila. achary janaki vallabh shastri ka kavy snsar bahut hi vividh aur vyapak hai. prarnbh men unhonne snskrit men kavitaen likhin. phir mahakavi nirala ki prerana se hindi men ae.

janm

janaki vallabh shastri ka janm 5 pharavari 1916 men bihar ke maigara ganv men hua tha. inake pita sv. ramanugrah sharma tha. unhen pashuon ka palan karana bahut pasnd tha. unake yahan darjanon guen, sand, bachhade tatha billiyan aur kutte the. pashuon se unhen itana prem tha ki gay kya, bachhadon ko bhi bechate nahin the aur unake marane par unhen apane avas ke parisar men dafan karate the. unaka dana-pani jutane men unaka pareshan rahana svabhavik tha.

shiksha

janaki vallabh shastri ne matr 11 varsh ki vay men hi inhonne 1927 men bihar-udisa ki prathama pariksha (sarakari snskrit pariksha) pratham shreni men uttirn ki. shastri ki upadhi 16 varsh ki ayu men praptakar ye kashi hindoo vishvavidyalay chale ge. ye vahan 1932 se 1938 tak rahe. unaki vidhivath shiksha-diksha to snskrit men hi huee thi, lekin apane shram se unhonne angrezi aur bangla ka prabhoot gyan prapt kiya. vah ravindranath ke git sunate the aur unhen gate bhi the.

karyakshetr

atynt baly-vay men hi inako apane mata ki snehil-chhaya se vnchit ho jana pada. arthik samasyaon ke nidan hetu inhonne bich-bich men naukari bhi ki. 1936 men lahaur men adhyapan kary kiya aur 1937-38 men rayagadh (madhy pradesh) men rajakavi bhi rahe. 1934-35 men inhonne sahityachary ki upadhi svarnapadak ke sath arjit ki aur poorvabng sarasvat samaj dhaka ke dvara sahityaratn ghoshit kie ge. 1940-41 men rayagadh chhodakar mujaphpharapur ane par inhonne vedantashastri aur vedantachary ki parikshaen bihar bhar men pratham akar pas ki. 1944 se 1952 tak gavarnament snskrit kaaulej men sahity-vibhag men pradhyapak, punah adhyaksh rahe. 1953 se 1978 tak bihar vishvavidyalay ke ramadayalu sinh kaaulej, mujaphpharapur men hindi ke pradhyapak rahakar 1979-80 men avakash grahan kiya.[1]

rachanaen

janaki vallabh shastri ka pahala git 'kisane bansuri bajaee' bahut lokapriy hua. pro. nalin vimochan sharma ne unhen prasad, nirala, pnt aur mahadevi ke bad panchavan chhayavadi kavi kaha hai, lekin sachaee yah hai ki ve bharatendu aur shridhar pathak dvara pravartit aur vikasit us svachchhnd dhara ke antim kavi the, jo chhayavadi atishay lakshanikata aur bhavatmak rahasyatmakata se mukt thi. shastriji ne kahaniyan, kavy-natak, atmakatha, snsmaran, upanyas aur alochana bhi likhi hai. unaka upanyas 'kalidas' bhi brihat prasiddh hua tha.

pahali rachana 'govindaganam'

inhonne solah-satrah ki avastha men hi likhana prarnbh kiya tha. inaki pratham rachana ‘govindaganamh‌’ hai jisaki padashayya ko kavi jayadev se abodh sparddha ki viparinati manate hain. ‘roop-aroop’ aur ‘tin-tarng’ ke giton ke pashchath‌ ‘kalan’, ‘aparna’, ‘lilakamal’ aur ‘banson ka jhuramut’- char katha sngrah kamashah prakashit hue. inake dvara likhit char samikshatmak grnth-’sahityadarshan’, ‘chintadhara,’ ‘trayi’ , aur ‘prachy sahity’ hindi men bhavatmak samiksha ke sarjanatmak roop ke karan samadrit hua.1945-50 tak inake char giti kavy prakashit hue-’shipra’, ‘avantika’,’ meghagit’ aur ‘sngam’. kathakavy ‘gatha’ ka prakashan samajik drishtikon se krantikari hai. inhonne ek mahakavy ‘radha’ ki rachana ki jo sanh‌ 1971 men prakashit huee. ’hns balaka’ gady mahakavy ki inaki rachana hindi jagath ki ek amooly nidhi hai. chhayavadottar kal men prakashit patr-sahity men vyaktigat patron ke svatntr snkalan ke antargat shastri dvara snpadit ‘nirala ke patr’ (1971) ullekhaniy hai. inaki pramukh kritiyan snskrit men- ’kakali’, ‘bndimndiram’, ‘lilapadh‌mamh‌’, hindi men ‘roop-aroop’, ‘kanan’, ‘aparna’, ‘sahityadarshan’, ‘gatha’, ‘tir-tarng’, ‘shipra’, ‘avantika’, ‘meghagit’, ‘chintadhara’, ‘prachyasahity’, ‘trayi’, ‘pashani’, ‘tamasa’, ‘ek kiran sau jhaiyan’, ‘smriti ke vatayan’, ‘man ki bat’, ‘hns balaka’, ‘radha’ adi hain.[1]

janaki vallabh shastri ki rachanaen
kavy sngrah
  • balalata
  • ankur
  • unmesh
  • roop-aroop
  • tir-tarng
  • shipra
  • avantika
  • meghagit
  • gatha
  • pyasi-prithvi
kavy sngrah
  • sngam
  • utpaladal
  • chandan van
  • shishir kiran
  • hns kinkini
  • surasari
  • git
  • vitan
  • dhoopatari
  • bndi mndiramh‌
samiksha
  • sahity darshan
  • trayi
  • prachy sahity
  • sthayi bhav aur samayik sahity
  • chintadhara
sngitika
  • pashani
  • tamasa
  • iravati
natak
  • devi
  • zindagi
  • adami
  • nil-jhil
upanyas
  • ek kiran : sau jhaniyan
  • do tinakon ka ghonsala
  • ashvabuddh
  • kalidas
  • chanaky shikha (adhoora)
kahani sngrah
  • kanan
  • aparna
  • lila kamal
  • satyakam
  • banson ka jhuramut
gazal sngrah
  • sune kaun nagama
mahakavy
  • radha
snskrit kavy
  • kakali
snsmaran
  • ajanta ki or
  • nirala ke patr
  • smriti ke vatayan
  • naty samrat prithviraj kapoor
  • hns-balaka
  • karm kshetre maru kshetr
  • anakaha nirala
lalit nibndh
  • man ki bat
  • jo n bik sakin

bhasha aur shaili

achary janaki vallabh shastri kisi khas vicharadhara ke kavi nahin hain. unaki rachanaon men sahity ki sabhi dharayen samahit hain. moolat: snskrit bhasha aur sahity ke achary rahe achary janakivallabh shastri ji angrezi-banglahindi adi anek bhashaon ke vidvanh hai. raka aur bela jaisi patrikaon ka snpadan kiya. darshanikata aur sngit unake giton ko lokapriy banate hain. ras aur annd ki unaki kavitaon, giton men pramukhata rahi hai. rag kedar unaka priy rag raha hai. unake giton men jivan ka vah pahaloo hai jo shanti aur sthirata ka kayal hai. ve kahate hain gol gol ghoomana isamen nahin hai. bahar se kuchh chhin jhapatakar le ane ki khushi nahin apane ko pane ka annd hai. unase bat-chit ke kram men hamen unaki darshanikata aur unaki jivan shaili vaidik rishi parnpara ki yad dilati rahi. shastri ji ne apane jivan ke manak svayn gadhe hain.

sab apani apani kahate hai.
koee n kisi ki sunata hai,
nahak koee sir dhunata hai.
dil bahalane ko chal phir kar,
phir sab apane men rahate hai.

sabake sir par hai bhar prachur,
sabaka hara bechara ur
ab oopar hi oopar hnsate,
bhitar durbhar du:kh sahate hai.

dhruv lakshy kisi ko hai n mila,
sabake path men hai shila shila
le jati jidhar baha dhara,
sab usi or chup bahate hain.[2]

'nirala' bane preranasrot

sahaj git achary janakivallabh shastri ki pahachan hai. unhonne chhndobaddh hindi kavita likhi hain. prarnbh men ve snskrit men kavita karate the. snskrit kavitaon ka snkalan kakali ke nam se 1930 ke asapas prakashit hua. nirala ji ne kakali ke git padhakar hi pahali bar unhen priy bal pik snbodhit kar patr likha tha. bad men ve hindi men a ge. nirala hi unake preranasrot rahe hain. vah chhayavad ka yug tha. nirala unake adarsh bane. chalis ke dashak men kee chhndabaddh kavy-kathaen likhin, jo 'gatha` namak unake sngrah men snkalit hain. unhonne kee kavy-natakon ki rachana ki aur 'radha` jaisa shreshth mahakavy racha. ve kavisammelanon men khoob sune sarahe jate the. unake giton men sahajata ka saundary hai. bahut saral binb ke madhyam is sanatan bhav ko chitrit karate hain. shrringar unaka priy ras hai. unaki kavitaon men madhury hai. sahaj saundary ke sath-sath ve lokonmukh janajivan ke kavi hain.[2]

samman aur puraskar

shastri moolatah gitakar hain aur inake giton men chhayavadi giton ke hi snskar shesh hain. vividhavarni ras-bhavon men snkalit koee dedh hajar giton ka pranayan inhonne kiya hai. parnparagat darshan snvedan aur bhasha se nirmit ye git uttar chhayavad yug ke giton men apana vishisht sthan rakhate hain aur inaka apana alag akarshan hai. snskrit-kavitaon ke pratham snkalan ‘kakali’ ke prakashan ke bad to inhen ‘abhinav jayadev’ kaha jane laga.

  • rajendr shikhar puraskar
  • bharat bharati puraskar
  • shiv sahay poojan puraskar

nidhan

achary janaki vallabh shastri ka hridayagati ruk jane se 7 aprail 2011 ko bihar ke mujaphpharapur zile men nidhan ho gaya. vah 96 varsh ke the. vayovriddh kavi ke qaribi logon ne bataya ki shastri ji lambe samay se bimar chal rahe the. unake parivar men patni chhaya devi aur ek putri hai. unhonne bataya ki achary shastri ne mujaphpharapur sthit apane avas 'nirala niketan' men antim sans li. bharat sarakar ki or se unhen padmashri dene ki ghoshana ki gee thi, jise kisi vivad ke karan unhonne lauta diya tha.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 achary janaki vallabh shastri (hindi) literatureindia.com. abhigaman tithi: 4 faravari, 2013.
  2. 2.0 2.1 furasat men …. achary janakivallabh shastri (hindi) manoj (blaaug). abhigaman tithi: 4 faravari, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah