गिरिजाकुमार माथुर हिन्दी देवनागरी में पढ़ें।
girijakumar mathur
| |
 | |
| poora nam | girijakumar mathur |
| janm | 22 agast, 1919 |
| janm bhoomi | guna zila, madhy pradesh |
| mrityu | 10 janavari, 1994 |
| mrityu sthan | nee dilli |
| abhibhavak | shri devicharan mathur aur shrimati lakshmidevi |
| pati/patni | shakunt mathur |
| karm bhoomi | bharat |
| mukhy rachanaen | 'nash aur nirman', 'mnjir', 'shilapnkh chamakile', 'jo bndh nahin saka', 'sakshi rahe vartaman', 'main vakt ke hoon samane' adi. |
| bhasha | hindi |
| vidyalay | lakhanoo vishvavidyalay |
| shiksha | em.e. |
| puraskar-upadhi | vyas samman, shalaka samman, sahity akadami puraskar |
| nagarikata | bharatiy |
| snbndhit lekh | ham honge kamayab |
| any janakari | bharatiy sanskritik sambandh parishad ki sahityik patrika 'gagananchal' ka snpadan karane ke alava inhonne kahani, natak tatha alochanaen bhi likhi hain. |
| inhen bhi dekhen | kavi soochi, sahityakar soochi |
girijakumar mathur (angrezi: Girija Kumar Mathur, janm: 22 agast, 1919; mrityu: 10 janavari, 1994) ek kavi, natakakar aur samalochak ke roop men jane jate hain. lambe arase tak inhonne akashavani ki seva ki. inaki kavita men rng, roop, ras, bhav tatha shilp ke ne-ne prayog hain. mukhy kavy sngrah hain, 'nash aur nirman', 'mnjir', 'dhoop ke dhan', 'shilapnkh chamakile, 'jo bndh nahin saka', 'sakshi rahe vartaman', 'bhitar nadi ki yatra', 'main vakt ke hoon samane' tatha 'chhaya mat chhoona man' adi. inhonne kahani, natak tatha alochanaen bhi likhi hain. girijakumar mathur ki 'main vaqt ke hoon samane' namak kavy sngrah sahity akadami puraskar se sammanit hai.
jivan parichay
girijakumar mathur ka janm madhy pradesh ke guna zile men 22 agast, 1919 ko hua. shiksha jhansi aur lakhanoo men huee. inake pita devicharan mathur skool adhyapak the tatha sahity evn sngit ke shaukin the. ve kavita bhi likha karate the. sitar bajane men pravin the. mata lakshmidevi malava ki rahane vali thin aur shikshit thin. girijakumar ki prarambhik shiksha ghar par hi huee. unake pita ne ghar hi angreji, itihas, bhoogol adi padhaya. sthaniy kaaulej se intaramidiet karane ke bad 1936 men snatak upadhi ke lie gvaliyar chale gaye. 1938 men unhonne bi.e. kiya, 1941 men unhonne lakhanoo vishvavidyalay men em.e. kiya tatha vakalat ki pariksha bhi pas ki. is bich san 1940 men unaka vivah dilli men kavayitri shakunt mathur se hua.
sahityik parichay
girijakumar ki kavyatmak shuruat 1934 men brajabhasha ke paramparagat kavitt-savaiya lekhan se huee. ve vidrohi kavy parampara ke rachanakar makhanalal chaturvedi, balakrishn sharma 'navin' adi ki rachanaon se atyadhik prabhavit hue aur 1941 men prakashit apane pratham kavy sngrah 'mnjir' ki bhoomika unhonne sooryakant tripathi 'nirala' se likhavayi. unaki rachana ka prarambh dvitiy vishvayuddh ki ghatanaon se utpann pratikriyaon se yukt hai tatha bharat men chal rahe rashtriy svatntrata andolan se prabhavit hai. san 1943 men agyey dvara sampadit evn prakashit 'tarasaptak' ke sat kaviyon men se ek kavi girijakumar bhi hain. yahan unaki rachanaon men prayogashilata dekhi ja sakati hai. kavita ke atirikt ve ekanki natak, alochana, giti-kavy tatha shastriy vishayon par bhi likhate rahe hain. unake dvara rachit mndar, mnjir, nash aur nirman, dhoop ke dhan, shilapnkh chamakile adi kavy-sngrah tatha khnd kavy prithvikalp prakashit hue hain. bharatiy sanskritik sambandh parishad ki sahityik patrika 'gagananchal' ka snpadan karane ke alava inhonne kahani, natak tatha alochanaen bhi likhi hain. inaka hi likha ek bhavantar git "ham honge kamayab" samooh gan ke roop men atynt lokapriy hai. girijakumar mathur ki samagr kavy-yatra se parichit hone ke lie inaki pustak "mujhe aur abhi kahana hai" atynt mahattvapoorn hai.
samman aur puraskar
- 1991 men kavita-sngrah "mai vakt ke samane" ke lie hindi ka sahity akadami puraskar
- 1993 men ke. ke. birala faundeshan dvara diya jane vala pratishthit vyas samman
- shalaka samman
nidhan
10 janavari, 1994 ko nee dilli men girijakumar mathur ka nidhan hua.
|
|
|
|
|
|