श्रीधर पाठक  हिन्दी देवनागरी में पढ़ें।

shridhar pathak
shridhar pathak
poora nam pandit shridhar pathak
janm 11 janavari, 1860
janm bhoomi agara, uttar pradesh
mrityu 13 sitambar, 1928
abhibhavak pita- pndit liladhar
karm bhoomi bharat
mukhy rachanaen 'vanashtak', 'kashmir sushama', 'deharadoon', 'bharat git', 'gopika git', 'manovinod' adi.
bhasha hindi, snskrit, farasi, angrezi
prasiddhi kavi
nagarikata bharatiy
bahari kadiyan shridhar pathak ne apani kavitaon men bade manoyog se desh ka gaurav gan kiya hai, kintu desh bhakti ke sath unamen bharatendu kalin kaviyon ke saman rajabhakti bhi milati hai.
inhen bhi dekhen kavi soochi, sahityakar soochi

shridhar pathak (angrezi: Shridhar Pathak, janm- 11 janavari, 1860, agara, uttar pradesh; mrityu- 13 sitambar, 1928[1]) bharat ke prasiddh kaviyon men se ek the. ve svadesh prem, prakritik saundary tatha samaj sudhar ki bhavanaon ke kavi the. ve 'hindi sahity sammelan' ke panchaven adhiveshan (1915, lakhanoo) ke sabhapati hue the. unhen 'kavibhooshan' ki upadhi se sammanit kiya gaya tha. hindi, snskrit aur angrezi par shridhar pathak ka saman adhikar tha.

janm

shridhar pathak ka janm 11 janavari, san 1860 men jaundhari namak ganv, agara, uttar pradesh men hua tha. unake pita ka nam pndit liladhar tha. shridhar pathak 'sarasvat' brahmanon ke us parivar men se the, jo 8vin shati men pnjab ke sirasa se akar agara zile ke jaundhari namak ganv men bas gaya tha. ek susnskrit parivar men utpann hone ke karan arnbh se hi inaki roochi vidyarjan men thi.

shiksha

chhoti avastha men hi shridhar pathak ne ghar par snskrit aur farasi ka achchha gyan prapt kar liya. taduparant aupacharik roop se vidyalayi shiksha lete hue ve hindi praveshika (1875) aur 'angrezi midil' (1879) parikshaon men sarvapratham rahe. phir 'aintrens pariksha' (1880-81) men bhi pratham shreni men uttirn hue. un dinon bharat men aintrens tak ki shiksha paryapt uchch mani jati thi.

vyavasayik jivan

shiksha poorn karane ke bad shridhar pathak ki niyukti rajakiy seva men ho gee. sarvapratham unhonne janaganana ayukt ke roop men kalakatta (vartaman kolakata) ke karyalay men kary kiya. un dinon british sarakar ke adhikansh kendriy karyalay kalakatta men hi the. janaganana ke sndarbh men shridhar pathak ko bharat ke kee nagaron men jana pada. isi dauran unhonne vibhinn parvatiy pradeshon ki yatra ki tatha unhen prakriti-saundary ka nikat se avalokan karane ka avasar mila. kalantar men any anek karyalayon men bhi kary kiya, jinamen relave, pablik varks tatha sinchaee-vibhag adi ke nam ullekhaniy hain. dhire-dhire ye adhikshak ke pad par bhi pahunche.

kavy lekhan

shridhar pathak ne brajabhasha aur khadi boli donon men achchhi kavita ki hain. unaki brajabhasha sahaj aur niradambar hai, parnparagat roodh shabdavali ka prayog unhonne prayah nahin kiya hai. khadi boli men kavy rachana kar shridhar pathak ne gady aur pady ki bhashaon men ekata sthapit karane ka etihasik kary kiya. khadi boli ke ve pratham samarth kavi bhi kahe ja sakate hain. yadyapi inaki khadi boli men kahin-kahin brajabhasha ke kriyapad bhi prayukt hai, kintu yah kram mahatvapoorn nahin hai ki mahavir prasad dvivedi dvara 'sarasvati' ka sampadan snbhalane se poorv hi unhonne khadi boli men kavita likhakar apani svachchhand vritti ka parichay diya. desh-prem, samaj sudhar tatha prakriti-chitran unaki kavita ke mukhy vishay the. unhone bade manoyog se desh ka gaurav gan kiya hai, kintu desh bhakti ke sath unamen bharatendu kalin kaviyon ke saman rajabhakti bhi milati hai.[2]

ek or shridhar pathak ne 'bharatotthan', 'bharat prashnsa' adi deshabhakti poorn kavitayen likhi hain to doosari or 'jarj vandana' jaisi kavitaon men rajabhakti ka bhi pradarshan kiya hai. samaj sudhar ki or bhi inaki drishti barabar rahi hai. 'bal vidhava' men unhonne vidhavaon ki vyatha ka karunik varnan kiya hai. parantu unako sarvadhik saphalata prakriti-chitran men prapt huee hai. tatkalin kaviyon men shridhar pathak ne sabase adhik matra men prakriti-chitran kiya hai. parinam ki drishti se hi nahin, gun ki drishti se bhi ve sarvashreshth hain. shridhar pathak ne roodhi ka parityag kar prakriti ka svatntr roop men manohari chitran kiya hai. unhonne angrezi tatha snskrit ki pustakon ke padyanuvad bhi kiye.

rachanaen

shridhar pathak ek kushal anuvadak the. kalidas krit 'ritusnhar' aur goldasmith krit 'haramit', 'tejatend vilej' tatha 'p traivalar' ka ve bahut pahale hi 'ekantavasi yog', oojad gram aur shrant pathik shirshak se kavyanuvad kar chuke the. unaki kuchh maulik kritiyon nimn prakar hain[2]-

  1. 'vanashtak'
  2. 'kashmir sushama' (1904)
  3. 'deharadoon' (1915)
  4. 'bharat git' (1928)
  5. 'gopika git'
  6. 'manovinod'
  7. 'jagat sachchaee-sar'

mrityu

shridhar pathak ka nidhan 13 sitambar, 1928 men hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. shridhar pathak (hindi) kavita kosh. abhigaman tithi: 06 janavari, 2016.
  2. 2.0 2.1 shridhar pathak (hindi) rajabhasha hindi. abhigaman tithi: 06 janavari, 2016.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah