गिरिधरदास  हिन्दी देवनागरी में पढ़ें।

giridharadas bharatendu baboo harishchndr ke pita the aur brajabhasha ke bahut hi praudh kavi the. inaka nam to 'baboo gopalachndr' tha par kavita men apana upanam ye 'giridharadas', 'giradhar', 'giridharan' rakhate the. bharatendu ne inake snbndh men likha hai ki -

jin shri giridharadas kavi rache grnth chalis.

parichay

giridharadas ka janm paush krishn 15, snvath 1890 ko hua. inake pita 'kale harshachnd', jo kashi ke ek bade pratishthit rees the, inhen gyarah varsh ki avastha men hi chhodakar paralok sidhar gaye the. inhonne apane nij ke parishram se snskrit aur hindi men badi sthir yogyata prapt ki aur pustakon ka ek bahut bada anamol sngrah kiya. pustakalay ka nam inhonne 'sarasvati bhavan' rakha jisaka mooly svargiy daau. rajendr lal mitr ek lakh rupaya tak dilavate the. inake yahan us samay ke vidvanon aur kaviyon ki mndali barabar jami rahati thi aur inaka samay adhikatar kavyacharcha men hi jata tha. inaka paralokavas snvath 1917 men hua.

rachanaen

bharatendu ji ne inake likhe 40 grnthon ka ullekh kiya hai jinamen bahuton ka pata nahin. bharatendu ke dauhitr, hindi ke utkrisht lekhak 'shriyuth baboo brajaratnadas ji' hain jinhonne apani dekhi huee in atharah pustakon ke nam is prakar die hain -

  1. jarasndhavadh mahakavy,
  2. bharatibhooshan[1],
  3. bhasha vyakaran[2],
  4. rasaratnakar,
  5. grishm varnan,
  6. matsyakathamrit,
  7. varahakathamrit,
  8. nrisinhakathamrit,
  9. vamanakathamrit,
  10. parashuramakathamrit,
  11. ramakathamrit,
  12. balaram kathamrit,
  13. krishnacharit[3],
  14. buddh kathamrit,
  15. kalkikathamrit,
  16. nahush natak,
  17. gargasnhita[4],
  18. ekadashi mahatmy.
  • inake atirikt bharatenduji ke ek not ke adhar par baboo radhakrishnadas ne inaki 21 aur pustakon ka ullekh kiya hai -
  1. valmiki ramayan[5],
  2. chhndarnav,
  3. niti,
  4. adbhut ramayan,
  5. lakshminakhashikh,
  6. varta snskrit,
  7. kakaradi sahasranam,
  8. gayayatra,
  9. gayashtak,
  10. dvadashadalakamal,
  11. kirtan,
  12. snkarshanashtak,
  13. danujaristrot,
  14. gopalastrot,
  15. bhagavatastrot,
  16. shivastrot,
  17. shri ramastrot,
  18. shri radhastrot,
  19. ramashtak,
  20. kaliyakalashtak.
kavyakaushal

inhonne do dhng ki rachanaen ki hain. gargasnhita adi bhaktimarg ki kathaen to saral aur sadharan padyon men kahi hain, par kavyakaushal ki drishti se jo rachanaen ki hain jaise - jarasndh vadh, bharatibhooshan, rasaratnakar, grishmavarnan , ye yamak aur anupras adi se itani ladi huee hain ki bahut sthalon par durooh ho gee hain. sabase adhik inhonne yamak aur anupras ka chamatkar dikhaya hai. anupras aur yamak ka aisa vidhan jaisa jarasndhavadh men hai aur kahin nahin milega. jarasndhavadh apoorn hai, keval 11 sargon tak likha gaya hai, par apane dhng ka anootha hai. jo kavitaen dekhi gee hain unase yahi dharana hoti hai ki inaka jhukav chamatkar ki or adhik tha. rasatmakata inaki rachanaon men vaisi nahin paee jati. atthais varsh ki hi ayu pakar itani adhik pustaken likh dalana pady rachana ka adbhut abhyas soochit karata hai. inaki rachana ke kuchh namoone niche die jate hain.

jarasndh vadh se

chalyo darad jehi pharad rachyo bidhi mitr darad har.
sarad saroruh badan jachakan barad marad bar॥
lasat sinh sam durad narad disi durad arad kar.
nirakhi hot ari sarad, harad, sam jarad kanti dhar॥
kar karad karat beparad jab garad milat bapu gaj ko.
ran jua narad vit nrip lasyo karad magadh maharaj ko॥

sabake sab keshav ke sabake hit ke gaj sohate sobha apar hain.
jab sailan sailan sailan hi phirain sailan sailahi sis prahar hain॥
'giridharan' dharan son pad knj lai dharan lai basu dharan pharahain.
ari baran baran baran pai sur varan varan varan var hain॥[6]

bharati bhooshan se

asngati , sindhu janit gar har piyo, mare asur samuday.
nain ban nainan lagyo, bhayo kareje ghay॥[7]

rasaratnakar se

jahi bibahi diyo pitu matu nai pavak sakhi sabai jan jani.
sahab se 'giridharan joo' bhagavan saman kahai muni gyani॥
too jo kahai vah dachchhin hai to hamain kaha bam hain, bam ajani.
bhagan son pati aiso milai sabahin ko dachchhin jo sukhadani॥[8]

grishmavarnan se

jagah jadaoo jame jade hain javahirat,
jagamag joti jaki jag men jamati hai.
jame jadujani jan pyari jataroop aisi,
jagamukh jval aisi jonh si jagati hai.
'giridharadas' jor jabar javani ko hai,
johi johi jalaja hoo jiv men jakati hai.
jagat ke jivan ke jiy ko churae joy,
joe joshita ko jeth jarani jarati hai.[9]



tika tippani aur sndarbh

  1. alnkar
  2. pingal snbndhi
  3. 4701 padon men
  4. krishn charit ka dohe chaupaiyon men bada grnth
  5. saton kand padyanuvad
  6. jarasndh vadh
  7. bharati bhooshan
  8. rasaratnakar
  9. grishmavarnan

achary, ramachndr shukl “prakaran 3”, hindi sahity ka itihas (hindi). bharatadiskavari pustakalay: kamal prakashan, nee dilli, prishth sn. 271-73.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah