कुम्भनदास  हिन्दी देवनागरी में पढ़ें।

kumbhanadas
kumbhanadas
poora nam kumbhanadas
janm snvat 1525 vikrami (1468 ee.)
janm bhoomi jamunavato gram, govardhan, mathura
mrityu snvat 1639 vikrami (1582)
mrityu sthan govardhan
sntan sat putr
karm bhoomi mathura, bharat
mukhy rachanaen kumbhanadas ke padon ki kul snkhya jo 'rag-kalpadrum' 'rag-ratnakar' tatha sampraday ke kirtan-sngrahon men milate hain, 500 ke lagabhag hain.
bhasha brajabhasha
prasiddhi ashtachhap ke kavi tatha shrinath ji ke sevak.
nagarikata bharatiy
snbndhit lekh ashtachhap kavi, vallabhachary, shrikrishn, govardhan, mathura
diksha guru vallabhachary
any janakari kumbhanadas bhagavatkripa ko hi sarvopari manate the, bade-se-bade ghareloo snkat men bhi ve apane astha-path se kabhi vichalit nahin hue. shrinath ji ke shrringar sambandhie padon ki rachana men unaki vishesh abhiruchi thi.
inhen bhi dekhen kavi soochi, sahityakar soochi

kumbhanadas ashtachhap ke ek kavi the aur paramanndadas ji ke hi samakalin the. ye poore virakt aur dhan, man, maryada ki ichchha se koson door the. ye moolat: kisan the. ashtachhap ke kaviyon men sabase pahale kumbhanadas ne mahaprabhu vallabhachary se diksha li thi. pushtimarg men dikshit hone ke bad shrinathaji ke mndir men kirtan kiya karate the. ye kisi se dan nahin lete the. inhen madhurabhav ki bhakti priy thi aur inake rache hue lagabhag 500 pad upalabdh hain.

parichay

anumanat: kumbhanadas ka janm sanh 1468 ee. men, sampraday pravesh sanh 1492 ee. men aur golokavas sanh 1582 ee. ke lagabhag hua tha. pushtimarg men dikshit tatha shrinath ji ke mandir men kirtanakar ke pad par niyukt hone par bhi unhonne apani vritti nahin chhodi aur ant tak nirdhanavastha men apane parivar ka bharan-poshan karate rahe. parivar men inaki patni ke atirikt sat putr, sat putr-vadhuen aur ek vidhava bhatiji thi. atyant nirdhan hote hue bhi ye kisi ka dan svikar nahin karate the. raja manasinh ne inhen ek bar sone ki arasi aur ek hazar moharon ki thaili bhent karani chahi thi parantu kumbhanadas ne use asvikar kar diya tha. inhonne raja manasinh dvara di gayi jamunavato ganv ki maphi ki bhent bhi svikar nahin ki thi aur unase kah diya tha ki yadi ap dan karana chahate hai to kisi brahman ko dijie. apani kheti ke ann, karil ke phool aur teti tatha jhad ke beron se hi poorn santusht rahakar ye shrinathaji ki seva men lin rahate the. ye shrinathaji ka viyog ek kshan ke lie bhi sahan nahin kar pate the.


prasiddh hai ki ek bar akabar ne inhen fatehapur sikari bulaya tha. samrat ki bheji huee savari par n jakar ye paidal hi gaye aur jab samrat ne inaka kuchh gayan sunane ki ichchha prakat ki to inhonne gaya :-

bhaktan ko kaha sikari son kam.

avat jat panahiya tooti bisari gayo hari nam.

jako mukh dekhe du:kh lage tako karan kari paranam.

kumbhanadas lala giridhar bin yah sab jhootho dham.

akabar ko vishvas ho gaya ki kumbhanadas apane ishtadev ko chhodakar any kisi ka yashogan nahin kar sakate phir bhi unhonne kumbhanadas se anurodh kiya ki ve koee bhent svikar karen, parantu kunbhan das ne yah mang ki ki aj ke bad mujhe phir kabhi n bulaya jay. kunbhanadas ke sat putr the. parantu gosvami vitthalanath ke poochhane par unhonne kaha tha ki vastav men unake dedh hi putr hain kyonki panch lokasakt hain, ek chaturbhujadas bhakt hain aur adhe krishnadas hain, kyonki ve bhi govardhan nath ji ki gayon ki seva karate hain. krishnadas ko jab gayen charate hue sinh ne mar dala tha to kumbhanadas yah samachar sunakar moorchchhit ho gaye the, parantu is moorchchha ka karan putr–shok nahin tha, balki yah ashnka thi ki ve sootak ke dinon men shrinathaji ke darshanon se vnchit ho jayenge. bhakt ki bhavana ka adar karake gosvami ji ne sootak ka vichar chhodakar kumbhanadas ko nity-darshan ki agya de di thi. shrinathaji ka viyog sahan n kar sakane ke karan hi kumbhanadas gosvami vitthalanath ke sath dvaraka nahin gaye the aur raste se laut aye the. gosvami ji ke prati bhi kumbhanadas ki agadh bhakti thi. ek bar gosvamiji ke janmotsav ke lie inhonne apane pede aur poodiyan benchakar panch rupaye chande men diye the. inaka bhav tha ki apana sharir, pran, ghar, stri, putr bechakar bhi yadi guru ki seva ki jay, tab kahin vaishnav siddh ho sakata hai.

madhur-bhav ki bhakti

kumbhanadas ko nikunjalila ka ras arthath madhur-bhav ki bhakti priy thi aur inhonne mahaprabhu se isi bhakti ka varadan manga tha. ant samay men inaka man madhur–bhav men hi lin tha, kyonki inhonne gosvamiji ke poochhane par isi bhav ka ek pad gaya tha. pun: poochhane par ki tumhara ant:karan kahan hai, kumbhanadas ne gaya tha-

rasikini ras men rahat gadi.

kanak beli vrishabhan nandini syam tamal chadhi..

viharat shri govardhan dhar rati ras keli badhi ..

prasiddh hai ki kumbhanadas ne sharir chhodakar shrikrishn ki nikunj-lila men pravesh kiya tha.

rachanayen

  • kumbhanadas ke padon ki kul snkhya jo 'rag-kalpadrum' 'rag-ratnakar' tatha sampraday ke kirtan-sngrahon men milate hain, 500 ke lagabhag hain. in padon ki snkhya adhik hai.
  • janmashtami, radha ki badhaee, palana, dhanateras, govarddhanapooja, indramanabhng, snkranti, malhar, rathayatra, hindola, pavitra, rakhi vasant, dhamar adi ke pad isi prakar ke hai.
  • krishnalila se sambaddh prasngon men kumbhanadas ne gochar, chhap, bhoj, biri, rajabhog, shayan adi ke pad rache hain jo nityaseva se sambaddh hain.
  • inake atirikt prabhuroop varnan, svamini roop varnan, dan, man, asakti, surati, suratant, khandita, virah, murali rukminiharan adi vishayon se sambaddh shrringar ke pad bhi hai.
  • kumbhanadas ne gurubhakti aur guru ke parijanon ke prati shraddha prakat karane ke lie bhi anek padon ki rachana ki. achary ji ki badhaee, gusaeen ji ki badhaee, gusaeen ji ke palana adi vishayon se sambaddh par isi prakar ke hain. kumbhanadas ke padon ke uparyukt varnan se spasht hai ki inaka drishtikon soor aur paramanand ki apeksha adhik sampradayik tha. kavitt ki drishti se inaki rachana men koee maulik visheshataen nahin hain. use ham soor ka anukaran matr man sakate hain.
  • kumbhanadas ke padon ka ek sngrah 'kumbhanadas' shirshak se shrividya vibhag, kankaroli dvara prakashit hua hai.

tika tippani aur sndarbh

[sahayak granth-

  1. chaurasi vaishnavan ki varta;
  2. ashtachhap aur vallabh sampraday: da. dinadayal gupt:
  3. ashtachhap parichay: shriprabhudayal mital.]

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah