अखा भगत  हिन्दी देवनागरी में पढ़ें।

akha bhagat ka gujarati bhasha ke prachin kaviyon men mahattvapoorn sthan hai. ve apane samay ke sarvottam pratibha snpann kavi the. akha bhagat ka samay 1591 se 1656 ee. tak mana jata hai. vritti ki drishti se ve sone ke abhooshan banaya karate the. akha bhagat ahamadabad ke nivasi the aur bad men vahin ki takasal men mukhy adhikari ho ge the.

grih tyag

akha bhagat ka grihasth jivan sukhakar nahin tha. snsar se man ke virakt hone par ghar dvar chhodakar ye tirthayatra ke lie nikal ge the aur ve sab kuchh chhodakar guru ki khoj karate hue, tirthatan ke lie prasiddh tirth nagari kashi (varanasi) chale ge aur tin varshon tak vahan shnkar vedant ke grnthon ka adhyayan karate rahe.

rachanaen

brahmgyan prapt kar akha bhagat pun: ahamadabad chale ae. inhonne nimnalikhit prasiddh rachanaen kin-

  1. pnchikaran
  2. guru shishy snvad
  3. anubhav bindu
  4. chitt vichar snvad

kuritiyon par kataksh

akha bhagat ne mithyachar, dnbh, duragrah, samajik durgunon adi par bhi kathor prahar kiya. 53 varsh ki umr men unhonne kavy rachana arnbh ki. unhonne apani rachanaon men bahut sashakt bhasha ka prayog kiya, jisamen atmanubhooti ke darshan hote hain. akha bhagat ne pakhndon ki bhartsana ki hai aur us samay prachalit dharmik kuritiyon par vyngyapoorn kataksh kiya hai. unake kuchh pad hindi bhasha men bhi prapt hote hain.

gandhiji ka kathan
  • 'akha bhagat (gujarat ke ek bhaktakavi. inhonne apane ek chhappay men chhuachhoot ko 'abhadachhet adakero ang' kahakar usaka virodh kiya hai aur kaha hai ki hindoo dharm men asprishyata ke lie koee sthan nahin hain.) ke 'adakera ang' 'atirikt ang' ka bhi thik-thik anubhav hua.' - gandhi ji[1]
  • 'akha bhagat ne (satrahavin shatabdi ke prasiddh gujarati kavi) koee pashchaty shiksha prapt nahin ki thi, lekin unhonne hi kaha ki 'asprishyata atirikt ang hai.' - gandhiji[2]

ghatana

akha bhagat kahate hain- "sathi shitalata akha sadaguru kere sng." [3] akha bhagat atmgyani snt ho gaye. ve bhi nikale the saty ko pane ke lie, marg men andhi aur toofan bahut aye, phir bhi ve kahin ruke nahin. suna hai ki ve kee math-mndiron men gaye, mahnt-mndaleshvaron ke pas gaye. ghoomate-ghamate jagannathapuri men pahunche. jagannath ji ke darshan kiye. vahan kisi math men gaye to mahnt ne ankh uthakar dekha tak nahin. bade-bade sethon se hi bat karate rahe. doosare din akha bhagat kiraye par kot, pagadi, mojadi, chhadi, adi dharan karake sharir ko sajakar mahnt ke pas gaye aur pranam karake jeb se suvarn mudra nikalakar rakh di. mahnt ne chele ko avaz lagayi. chele ne agyanusar meva-mithaee, phaladi lakar rakh diye. akha naye kapade laye the kiraye par, un kot, pagadi, adi ko kahane lage-

'kha... kha... kha... .
chhadi ko laddoo men thoonsakar bol rahe hain-
le... kha... kha....'

mathadhish kahane laga- "sethaji ! yah kya kar rahe ho?"

'maharajaji ! main thik kar raha hoon. jisako tumane diya usako khila raha hoon.'

'tum pagal to nahin hue ho?'

'pagal to main hua hoon, lekin paramatma ke lie, rupayon ke lie nahin, math-mndiron ke lie nahin. main pagal hua hoon to apane pyare ke lie hua hoon.'

akha bhagat kah rahe hain- "sachchi shitalata akha sadaguru kere sng. aur guru snsar ke poshat hain bhavarng..[4] [5]

kritiyan

akho bhagat ke grnth is prakar hai-

  • pnchikaran
  • guru shishy snvad‘
  • chitt vichar snvad
  • anubhav bindu
  • akho git
  • 476 chhappay
  • 'akho gita' inamen sarvottam grnth mana jata hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. mohanadas karamachnd gandhi ki atmakatha,saty ke prayog,tisara bhag (hindi). . abhigaman tithi: 8 joon, 2011.
  2. gandhi aur dalit bharat-jagaran (hindi). . abhigaman tithi: 8 joon, 2011.
  3. arthath sachchi jo shitalata hai, sachchi jo shanti hai, sadaguruon ke sng men hai.
  4. aur log hain ve snsar ka rng dete hain, sansarik rng men hamen gahara dalate hain. vaise hi ham andhe hain aur ve hamen koop men dalate hain. 'itana karo to tumhen yah milega... vah milega. tumhara yash hoga, kul ki pratishtha hogi.... svarg milega.'
  5. karunasindhu ki karuna (hindi). . abhigaman tithi: 6joon, 2011.

liladhar, sharma bharatiy charit kosh (hindi). bharatadiskavari pustakalay: shiksha bharati, 10.

hindi vishv kosh (hindi). bharatadiskavari pustakalay: nagari pracharini sabha, varanasi, 71.

bahari kadiyan

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah