अजित शंकर चौधरी  हिन्दी देवनागरी में पढ़ें।

ajit shnkar chaudhari
ajit shnkar chaudhari
any nam ajit kumar
janm 9 joon, 1933
janm bhoomi lakhanoo, uttar pradesh
mrityu 18 julaee, 2017
mrityu sthan dilli
abhibhavak mata- sumitra kumari
pati/patni snehamayi chaudhari
karm bhoomi bharat
karm-kshetr sahity
mukhy rachanaen 'akele knth ki pukar' 1958, 'ankit hone do' 1962, 'ye phool nahin' 1970, 'gharaunda' 1987, 'hirani ke lie' 1993
vidyalay ilahabad vishvavidyalay
puraskar-upadhi kendriy hindi snsthan, hindi akadami, dilli dvara sammanit
prasiddhi kavi, snsmaranakar, kahanikar, upanyasakar
nagarikata bharatiy
any janakari kavita ko sadharan dhng men vinyast kar use tarkik vistar dene ki ajit kumar jaisi kushalata bahut kam kaviyon men dikhati hai.
adyatan‎
inhen bhi dekhen kavi soochi, sahityakar soochi

ajit shnkar chaudhari (angrezi: Ajit Shankar Chaudhary, janm- 9 joon, 1933, lakhanoo, uttar pradesh; mrityu-18 julaee, 2017) suprasiddh bharatiy kavi, snsmaranakar, kahanikar, upanyasakar tatha sahriday samikshak the. kavi ke roop men unaki kendriy upasthiti thi. apane kavita sngrahon- akele knth ki pukar, ankit hone do, ye phool nahin, gharaunda, hirani ke lie, ghonghe aur oosar ke madhyam se unhonne kavita ko naya muhavara dene ke sath-sath use aisi arth-lay di, jisamen dainndin jivan ke sath-sath manushy ke sngharshon ki anugoonjen bhi dhvanit hoti hain. kavita ko sadharan dhng men vinyast kar use tarkik vistar dene ki ajit kumar jaisi kushalata bahut kam kaviyon men dikhati hai. pahali se lekar antim kavita sngrah tak lagatar prayogashil rahate hue ajit kumar ne kavita ko jan-ruchiyon ke nikat lane ka prayatn kiya. kavivar harivnsh ray ‘bachchan’ se unaki nikatata thi aur yahi nikatata karan bani ki unhonne ‘bachchan rachanavali’ ka snpadan to kiya hi, 'bachchan: nikat se' namak pustak ka snyojan bhi kiya.

parichay

9 joon, 1933 ko lakhanoo men janme ajit kumar ko sahityik parivesh virasat men mila tha. unake pita prakashan chalate the, jisane nirala ki pustaken chhapin. man sumitra kumari sinha svayn mahatvapoorn kavayitri thin. bahan kirti chaudhari ‘tar saptak’ ki kavayitri thin. bahanoee onkaranath shrivastav kavi to the hi, bi.bi.si.-lndan ki hindi seva ka atynt lokapriy nam rahe. unaki patni snehamayi chaudhari bhi pratishthit kavayitri hain. aise sahityik parivesh men pale-badhe ajit kumar ne kanapur, lakhanoo tatha ilahabad vishvavidyalay se shiksha prapt ki aur kuchh samay ke lie di.e.vi. kaaulej, kanapur men adhyapan bhi kiya. usake bad dilli a ge, jahan unaki niyukti dilli vishvavidyalay ke prasiddh 'kirodimal kaaulej' men huee aur yahin se ritayar hue.

vyaktitv

kuchh varsh poorv vah pakshaghat ka shikar ho ge, par unake jivan ke age usaki ek n chali. shayad hi dilli ka koee sahityik ayojan ho, jisamen vah n dikhe. har parichit ya kisi ne se bhi atmiyata se milakar kushal-kshem poochhana unaka svabhav tha. unhen kabhi kisi pad ya puraskar ke lie lipsa palate nahin dekha gaya. vah bas lagatar kam karana janate the. naye se naya kam karana aur svayn ko usamen tirohit kar dena unaka abhisht tha. unhonne apane jivan ka yahi lakshy banaya tha- jitana ho sake karana aur kisi bhi lobh-labh se virat rahana. yahi karan hai ki chalaki se bhare is daur men vah guton, pakshon se bahar rahe aur apane ko lagabhag hashiye par bhi dal diya. sahity ka adhyayan, manan aur usake prati gahari anurakti ne unako ek aisa sarjak banaya, jisase vipul sahity racha ja saka. mathon, jamaton se door rahakar kam men magan rahana unaka dharm tha, chhote-bade sabake prati snehil bhav rakhana svabhav.

sahityik parichay

nirala, shamasher, bachchan, agyey to unaki juban par rahate the. devishnkar avasthi ko aksar vah bhare man se yad karate. aj ke sahityik daur par apani nirasha vyakt karate hue vah khamosh ho jate- samay bura hai, ham sab bhool se ge hain ki hamara dayitv kya hai? hamamen n sahakar raha, n sadbhav. sahity ko gutabaji aur vaicharik lamabndi men bnta dekh unhen nirasha hoti thi. unaki rachanaon ke videshi anuvad hue, to vah paryapt padhe jane vale lekhakon men bhi shumar hue. par unhen vah samman, puraskar ya pratishtha nahin mili, jo kathit snsthaen lekhakon ko dekar upakrit karati hain aur lekhak bhi khud ko dhany manakar praphullit hua rahata hai. beshak kendriy hindi snsthan, hindi akadami, dilli adi ke puraskar unhen mile, par vah inase jyada ke hakadar the. aise nishchchhal man, bade manushy aur hamare samay ke moordhany lekhakon men ek ajit kumar ka jana kashtadayak hai.

rachanaen

kavi ke sath-sath vah snsmaranakar, kahanikar, upanyasakar tatha sahriday samikshak bhi the. 1958 men unaka pahala kavita sngrah 'akele knth ki pukar' aya. usake bad 'ankit hone do' 1962, 'ye phool nahin' 1970, 'gharaunda' 1987, 'hirani ke lie' 1993, 'ghonghe' 1996 aur 2001 men 'oosar' nam se kavita sngrah aya. 'bachchan rachanavali' ke yashasvi sampadak tatha dooradarshan ke sahityik karyakram 'patrika' ke snchalak ke roop men bhi unhen achchhi tarah se jana jata hai.

'chhuttiyan' upanyas ke alava 'chhata' aur 'charapaee' unaka kahani sngrah hain. 'idhar ki hindi kavita' v 'kavita ka jivit snsar' jaisi hardikata se likhi gee unaki charchit samiksha pustaken hain. 'door van men', 'saphari jhole men', 'nikat man men', 'yahan se kahin bhi', 'andhere men juganoo' v 'jinake sng jiya' jaisi snsmaranatmak pustakon ke sarjak ajit kumar ne vyakti, parivesh aur smriti ka jaisa parivesh inamen racha hai, anyatr durlabh hai. vah un rachanakaron men rahe, jo manate hain ki apane samay ko antarngata se darj karana sahityik ka pahala kartavy hai.

sampadan kary

snpadan karm bhi unaka priy karm raha hai. 'ramachndr shukl vishvakosh', 'hindi ki pratinidhi shreshth kavitaen', 'athaven dashak ki shreshth pratinidhi kavitaen', 'sumitra kumari sinha rachanavali', 'bachchan rachanavali', 'bachchan ke sath kshan bhar' jaisi pustakon ka snpadan kar unhonne apani samajh ke sath-sath shreshth snpadan ka adarsh bhi prastut kiya. itana kuchh karane ke bad bhi vah sahityik chatury se pare rahe.

samman evn puraskar

ajit shnkar chaudhari ko kendriy hindi snsthan, hindi akadami, dilli adi ke dvara sammanit kiya gaya tha.

nidhan

hindi ke prasiddh sahityakar ajit shnkar chaudhari ko svasthy samasyaon ke chalate dilli ke 'phortis aspatal' men bharti karaya gaya tha. 18 julaee, 2017 ko subah 6 baje dil ka daura padane se unaka akasmat nidhan ho gaya. unhonne kafi samay pahale dehadan karane ki ghoshana ki thi, isalie unaka antim snskar nahin kiya gaya. balki unaka parthiv sharir 'akhil bharatiy ayurvigyan snsthan' ko saunp diya gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah