मास्ति वेंकटेश अय्यंगार  हिन्दी देवनागरी में पढ़ें।

masti venkatesh ayyngar
masti venkatesh ayyngar
poora nam masti venkatesh ayyngar
any nam shrinivas, masti
janm 6 joon, 1891
janm bhoomi masti, kolar zila (karnatak)
mrityu 6 joon, 1986
mrityu sthan maisoor
karm-kshetr lekhak, pradhyapak, jiladhikari
mukhy rachanaen chennabasav nayak aur chikavir rajendr
bhasha kannad, tamil
vidyalay madras vishvavidyalay
shiksha em.e.
puraskar-upadhi sahity akadami puraskar, di. lit.-karnatak vi.vi., phelo-sahity akadami, gyanapith puraskar
prasiddhi khyati prapt kavi, kahanikar, upanyasakar, natakakar, anuvadak aur alochak
nagarikata bharatiy
any janakari masti ne angreji men 17 aur kannad men 120 se adhik pustaken likhi hai.
adyatan‎
inhen bhi dekhen kavi soochi, sahityakar soochi

masti venkatesh ayyngar (angrezi: Masti Venkatesha Iyengar, janm: 6 joon, 1891, kolar zila, karnatak; nidhan: 6 joon, 1986) 'kannad kahani ke pravartak' aur ’kannad ki snpatti’ ke roop men khyati prapt kavi, kahanikar, upanyasakar, natakakar, anuvadak aur alochak the. inake lagabhag 15 kahani sngrah prakashit hue the. masti ki shaili ko kam se kam shabdon men ek snpoorn anubhav snpreshit karane ki vilakshan kshamata prapt hai. 'navaratri' evn 'shriramapattabhishek' unake do mahattvapoorn kavy hain.

janm tatha shiksha

karnatak men kolar zile ke maloor talook ke 'masti' namak gram men masti venkatesh ayyngar ka janm hua tha. 1914 men masti ne madras vishvavidyalay se em.e. ki pariksha pas ki thi. taduparant maisoor rajy ki 'sivil sarvis pariksha' men uttirn hokar asistent kamishnar bane. ap 1930 men jiladhikari bhi bane.

adhunik kannad kahani ke janak

masti "adhunik kannad kahani ke janak" ke roop men prakhyat hain. unhonne apani prarnbhik kahaniyan 1910-1911 men likhin. unake lagabhag 15 kahani sngrah prakashit hue.[1]

upanyas lekhan

masti ne upanyas bhi likhe hain, jinamen se unake do aitihasik upanyas 'chennabasavanayak' aur 'chikk virarajendr' atynt prasiddh hain. pahale upanyas ki prishthabhoomi 18vin shatabdi ke dakshin bharat ki ek jagir 'bidanoor' hai aur doosare upanyas ka kathasootr kurg ke antim shasak se snbaddh hai, jisaka shasan 1943 men eest indiya knpani ne apane hath men le liya tha.

bhasha tatha shaili

kannad ke bahut kam upanyason men samaj aur bahumukhi samajik snbndhon ka in do upanyason jaisa sookshm evn gahan chitran hua hai. isake bavajood masti matr uttejit evn prerit karane ke lie prachin samantavadi samaj ki punarsrishti karate pratit nahin hote. unhonne inamen ek rajy ke patan evn vighatan ka adhyayan kiya hai aur svayn stri-purushon men bhi unake karan khoje hain. unaki gadyashaili ki visheshata shalinata evn snyam hain aur bhasha bolachal ki hai. inhin karanon se unaka saral varnan bhi gahan anubhav ki mahatta prapt kar leta hai. masti ki shaili ko kam se kam shabdon men ek snpoorn anubhav snpreshit karane ki vilakshan kshamata prapt hai. 'navaratri' evn 'shriramapattabhishek' unake do mahattvapoorn kavy hain.

astha

masti venkatesh ayyngar ki astha kisi snkirn dharmik matagrah se nahin judi thi. unhonne buddh, eesa, muhammad tatha ramakrishn paramahns, sabhi par poorn shraddha ke sath likha. unaki astha unhen naitik jagah ki sarvochchata sthapit karane ke lie utprerit karati thi, jisaka hamari snskriti ki manisha se poorv samnjasy hai. yah astha jivan mooly evn arthavatta ki or gatishil rahati hai aur unaka lekhan moolabhoot manav moolyon ka ek snvahak ban jata hai. yahi karan hai ki masti sollas aur kushalata se aise charitron ki rachana karate hain, jinamen manushy ki antardrishti kisi bhi avesh dvara dhoomil nahin padati. unaka manushy indriy-vijay men devavat hai, parntu phir bhi atynt manaviy evn karunamay hai. unaki mool ruchi manav prakriti ki pavitrata evn shubhata men hai. parntu masti yah kabhi nahin bhoolate ki manushy divy shakti ke upakaran matr hain.[1]

svachchhndatavadi rachanakar

masti ka ullekh pray: ek svachchhndatavadi rachanakar ke roop men kiya jata hai, kyonki manushy ki charitrik visheshataon, adesh evn uttejana ko unhonne adhik mahattv nahin diya; n hi unamen koee rahasyavadi antardrishti hai. unaki antardrishti to manaviy jivan men ek pavitr uddeshy par tiki huee hai. at: saushthav, snyam aur divy chetana unake lekhan ko dipt kar dete hain.

yogadan

masti un kannad bhasha ke lekhakon men se the, jinhonne kannad sahity men punarutthan yug arnbh karake usaki samriddhi men vishisht yogadan diya. unhonne sahity ki samast vidhaon, kahani, upanyas, kavita, natak, akhyanetar gady, samalochana adi men saman roop se saphalata prapt ki thi.

rachanaen

masti venkatesh ayyngar ka rachana snsar samriddh hai. binnah, arun tavare, cheluvu, gaudaramalli, navaratri adi isake kavita sngrah hain. 'shriram pattabhishek' inaka mahakavy hai. inaki likhi saikadon kahaniyan 10 bhagon men prakashit hain. chennabasav nayak aur chikavir rajendr - masti ke do vrihat upanyas hain. kakanakote, taळikote, yashodhara adi natak hain. liyar maharaja, chndamaroot, dvadasharatri, haimalet adi inake kannad anuvad natak hain. mastiji ki atmakatha ‘bhav’ tin bhagon men prakashit hai. masti ‘jivan’ patrika chalate the. 1944 se 1965 tak ve usake snpadak the.[1]

pramukh kritiyan

kavy

binnah (1922), gaudar malli (1940), navaratri (1944-1948), arun, malar, mookan makkalu (1943), manavi (1951), snkranti (1969), shriramapattabhishek (1972)

upanyas

chennabasavanayak (1949), chikk virarajendr (1956), subanna (1928), sheshamma

natak

shanta (1923), savitri (1923), mnjula (1930) yashodhara (1933), anarakali (1955), kakan kote, purndaradas (1964), bhattar magalu (1969)

atmakatha

bhav (tin bhagon men)

snpadan

jivan (masik) patrika

anuvad

liyar maharaja, chndamaroot, dvadasharatri, haimalet

samman aur puraskar

  • masti venkatesh ayyngar 'sahity akadami' aur 'bharatiy gyanapith' (1983) puraskaron se samattat the.
  • 'maisoor vishvavidyalay' ne unhen manad di.lit upadhi se sammanit kiya tha.
  • 15ven kannad sahity sammelan ka adhyaksh pad unhen mila tha. aise kee samman rajy evn rashtrastar par masti ko prapt hue the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 bharat gyanakosh, khand-1 |lekhak: indu ramachndani |prakashak: ensaiklopidiya britainika praivet limited, nee dilli aur paaupyular prakashan, mumbee |snkalan: bharatakosh pustakalay |prishth snkhya: 41 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah