डी. आर. बेंद्रे  हिन्दी देवनागरी में पढ़ें।

di. ar. bendre
di. ar. bendre
poora nam dattatrey ramachandr bendre
janm 13 janavari, 1896
janm bhoomi karnatak
mrityu 26 aktoobar, 1981
mrityu sthan maharashtr
karm bhoomi bharat
karm-kshetr sahity
bhasha hindi, kannad
vidyalay 'viktoriya haee skool', dharavad; di.e.vi. kaaulej', sholapur
puraskar-upadhi 'gyanapith puraskar' (1973), 'padmashri' (1968), 'sahity akadami puraskar' (1958), 'kelakar samman' (1965)
prasiddhi kannad kavi
nagarikata bharatiy
any janakari dattatrey ramachandr bendre ka 1932 men pratham kavita sngrah prakashit hone se pahale hi samaj ne inhen kavi ke roop men angikar kar liya.
inhen bhi dekhen kavi soochi, sahityakar soochi

dattatrey ramachandr bendre (angrezi: Dattatreya Ramachandra Bendre, janm- 13 janavari, 1896, karnatak; mrityu- 26 aktoobar, 1981, maharashtr) kannad bhasha ke prasiddh kavi the. unhonne kannad kavy ko sammananiy oonchaee dilavane men mahattvapoorn yogadan diya tha. unaka pratham kavita sngrah prakashit hone se poorv hi samaj ne unhen ek kavi ke roop men angikar kar liya tha. dattatrey ji ke vishisht yogadan ko dekhate hue unhen 'sahity akadami puraskar' (1958) aur 'padmashri' (1968) bhi pradan kiya gaya tha.

janm tatha shiksha

dattatrey ramachandr bendre ka janm 13 janavari, 1896 ko dharavad, karnatak men hua tha. unake bachapan ka adhikansh samay abhavon men vyatit hua tha. jab ve matr barah sal ke the, tabhi unake pita ka nidhan ho gaya tha. inake pita aur sath hi dada bhi snskrit sahity ke vidvanh vyakti rahe the. bendre ne apani prarambhik shiksha dharavad men hi apane chacha ki madad se prapt ki thi. unhonne apani haee skool ki pariksha san 1913 men pas ki.

vyavasay

bendre ne apane vyavasayik jivan ka prarambh 'viktoriya haee skool', dharavad se ek adhyapak ke roop men kiya. unhonne di.e.vi. kaaulej', sholapur men 1944 se 1956 tak ek profesar ke roop men bhi kary kiya. isake bad ve dharavad men 'aaul indiya rediyo' ke salahakar bhi bane.

paitrik sampadaen

dattatrey ramachandr bendre ko uttaradhikar men do snpadaen mili thin- 'snskarita' aur 'vidyaprem'. 'balakand' shirshak kavita men unhonne apane balyakal ke dinon ki kuchh chhaviyan ukeri hain. as-pas ke kisi bhi ghar men snpannata n thi, phir bhi sab or ek jivntata thi. sabhi prakriti ke has aur rosh ke sath bndhe hue the. usi ke ritu-rngon aur parvon ke sath talabaddh the. samajik ya parivarik har kary ke sath git jude rahate the. bhakt v bhikhari, nartakie, svangi aur pheri vale tak apane-apane git lie ate aur in giton ki rngarng bhasha unaki layon ki vividhata dattatrey ramachandr ke bal man par chha jati. 1932 men unaka pratham kavita sngrah prakashit hone se pahale hi samaj ne unhen apane kavi ke roop men angikar kar liya tha.

kavy rachana

bendre sarvadhik prabuddh kannad lekhakon men se ek hain. pranrabh se hi unake age yah samasya rahi ki kis prakar lok samaj se manobhavon ka apani niji bauddhik aur adhyatmik anubhootiyon ke sath tal-mel baithaya jaye. chintan aur bhavanubhooti, vastuparak aur atmaparak vishay, donon ko apani rachanaon men samayojit karane ke karan bendre ke kavy ko kuchh alochakon ne bauddhik kavy ka nam diya hai. yah sach hai ki unaki kitani hi kavitaen bauddhik pragit hain, jabaki any sabake vishay adhyatmik hain ya rahasyavadi. kintu bendre n romansavadi the aur n hi pratibaddhata ke kavi. vah ek snpoorn kavi the, jinhonne yug ke chetana bindu ke sath svny ko joda. vah aise kavi the, jinhen bhasha v abhivyakti par itana adhikar tha ki jatil vichak-bodh aur anubhooti ko bhi pratyaksh kar den.

'nakutnti', (char tar) kavi dattatrey ramachandr bendre ka ek kavita sngrah hai, jisamen 44 kavitaen hain. inamen se chh: ka snbndh samakalin lekhakon ke prati unake apane nate aur janatntr ke vastavik abhipray se hai. shesh kavitaon men chintan aur bhavanaon ki ek vilakshan sngati dekhane ko milati hai.

kavita ke tattv

'nakutnti' kavita men kavi ke vyaktitv ke charon pakshon, main, tum, vah aur kalpanashil atmasatta ka varnan hua hai. ye char paksh hi kavi ke vyaktitv ka chauhara dhancha hai, aur char ke isi moolabhoot tatv ko kavi ne apani anubhooti ke sabhi adhyatmik aur saundaryatmak kshetron men pahachana. kavita ki srijan-prakriya vishayak chh: saauneton men bendre ne kavita ke char mool tattv ginae hain- 'shabd', 'arth', 'lay' auऱ 'sahriday'. sngrah ki ek aur kavita men prabhavapoorn binbon ke dvara kavi ne vakashakti ke charon roopon- 'para', 'pashynti', 'madhyama' aur 'vaikhari' ka varnan kiya hai. bendre ki saundary vishayak parikalpana ke bhi char paksh hain- indriyagat, kalpanagat, budghigat aur adarsh, jo unaki kavitaon men yathasthan ae hain.

pramukh kritiyan

kavy rachanaon ke atirikt dattatrey ramachandr bendre ne kee natak aur gady-kritiyan bhi likhi hain-

kavita

  1. krishnakumari
  2. hadu-padu
  3. gngavataran
  4. hriday samudr
  5. mugil mallige
  6. nakutnti
  7. matte shravan bntu

natak

  1. huchchatagalu
  2. hos snsar

katha-sahity

  1. nirabharan sundari

alochana sahity

  1. mattu vimarsh
  2. sahity snshodhan
  3. vichar mnjari

puraskar

nidhan

kannad bhasha ke sath-sath any kee bhashaon ke lie bhi apana yogadan vale dattatrey ramachandr bendre ka 26 aktoobar, 1981 ko maharashtr men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah