देवराज नन्दकिशोर  हिन्दी देवनागरी में पढ़ें।

devaraj nandakishor
devaraj nandakishor
poora nam devaraj nandakishor
janm 1917
janm bhoomi ramapur, uttar pradesh
karm bhoomi bharat
karm-kshetr alochak tatha upanyasakar]]
mukhy rachanaen 'path ki khoj', 'chhayavad ka patan', 'sahity aur snskriti', 'ajay ki dayari', 'snskriti ka darshanik vivechan', 'pratikriyaen' adi.
bhasha hindi
prasiddhi alochak
nagarikata bharatiy
any janakari devaraj nandakishor moolat: chintak hain aur unaki sahity-chinta bhi unaki vyapak snskriti-chinta ke antargat upalakshy roop men hi hai. ve manavavadi parampara ke vicharak hain.
inhen bhi dekhen kavi soochi, sahityakar soochi

devaraj nandakishor (angrezi: Devraj Nandkishore ; janm- 1917, ramapur, uttar pradesh) ki ganana hindi ke pratishthit alochakon men hoti hai. ve moolat: chintak hain aur unaki sahity-chinta bhi unaki vyapak snskriti-chinta ke antargat upalakshy roop men hi hai. alochana men unaka agrah sanskritik abhijaty ke apane vishisht agrah aur drishtikon se hi sahity ko dekhane-parakhane ka hai. ve manavavadi parampara ke vicharak hain aur kriti ki bajay krititv ke lie avashyak vatavaran aur preranaon ko spasht karane men sahaj utsah anubhav karate hain.

janm

devaraj nandakishor ka janm 1917 ee. men ramapur, uttar pradesh men hua tha. bahut samay tak ap 'lakhanoo vishvavidyalay' ke darshan vibhag men pradhyapak rahe. phir 'kashi hindoo vishvavidyalay' men 'uchchanushilan darshan kendr' ke nideshak rahe.

chintak

devaraj nandakishor moolat: chintak hain aur unaki sahity-chinta bhi unaki vyapak snskriti-chinta ke antargat upalakshy roop men hi hai. alochana men unaka agrah sanskritik abhijaty ke apane vishisht agrah aur drishtikon se hi sahity ko dekhane-parakhane ka hai. ve manavavadi parampara ke vicharak hain aur kriti ki bajay krititv ke lie avashyak vatavaran aur preranaon ko spasht karane men sahaj utsah ka anubhav karate hain. 'klasiks' ke prati unaka utsah snkramak hai aur unake nibandh unake vistrit adhyayan tatha suruchisampannata ke karan hamesha pathaniy hote hain. 'hindi sahity ki vartaman sthiti: ek nivedan', 'bharatiy darshan aur vishv-darshan', 'hamari sanskritik samasya' 'adikavy' jaise nibandhon ki upayogita aj bhi kam nahin huee hai.[1]

vyapak drishtikon

yah to nahin kaha ja sakata ki devaraj purane kaviyon- valmiki, kalidas, tulasidas adi ka alochanatmak punarmoolyankan karane men saphal ho ge hain, kyonki usake lie shayad doosari kshamataen bhi gnbhir aur ekagr adhyavasay ke alava apekshit thin. kintu is atyavashyak udyam ke prati hindi alochakon ka dhyan akarshit karane ke lie tatha apane chhitaput prayatnon dvara is disha men samuchit uttejan dene ke lie hindi jagath unaka rini rahega. unaka 'ramacharitamanas: ek moolyankan' shirshak nibandh is drishti se kafi rochak hai. yon bhi devaraj ne kafi sntulit dhng se samajavadi aur vyaktivadi vichar paddhatiyon ko grahan kiya hai. unamen kattar siddhantavadita nahin hai; vyapak drishtikon hai.

dayari shilp

upanyas men devaraj nandakishor ki sthiti alochana ki apeksha behatar hai. yah dava to nahin kiya ja sakata ki 'ajay ki dayari' hindi ke sarvotkrisht upanyason men hai, kintu phir bhi yahan lekhak ka atmadan adhik thos hai. devaraj ke vyaktitv ka unake sanskritik arjan ka, chintanashil mastishk ka adhik saph aur pratyaksh upayog is upanyas men hua hai. dayari shilp ka aisa samarth upayog shayad hi kahin aur mile. unaka vishisht jivananubhav aur vyaktitv jo apeshit tivrata aur nishkavachata aur sookshm shabd-snvedana ke abhav men kavita nahin ban pata aur uchchakoti alochak karm ke lie apekshit ekagrata aur nissngata nahin juta pata, vah is atmakathatmak dayari-shilp ki suvidha vale upanyas men apana sahaj-svabhik unmochan yatha snbhab pa leta pratit hota hai.

vyaktitv

vidvatta ki gaharaee aur vyaktitv ki jatil samriddhi kavita aur alochana donon ko phal sakati hai aur phalati hi hai. par shayad in donon hi kshetron men kamal karane ke lie ek prakar ki charamata bhi chahie: asakti aur anasakti donon ki charamata, joki snskriti ya kisi bhi kavach ko phad dene vali chij hai. devaraj ke vyaktitv men yah charamata nahin hai. isalie unaki alochana aur kavita donon hi ek samany dakshata ke dharatal se oopar kabhi nahin uth pati. parishkar avashy hai aur khari jigyasu-vritti bhi, jo unake lekhon ko pathaniy banati hai. hindi lekhan aur hindi alochana ka star kaise ooncha uthaya jay, yah chinta aur tadvishayak utsah in lekhon men lagatar anubhav kiya ja sakata hai.[1]

rachanaen

devaraj nandakishor ki mukhy rachanaen nimnalikhit hain[1]-

  1. 'path ki khoj' (upanyas, 1951)
  2. 'sahity-chinta'
  3. 'adhunik samiksha' (1954)
  4. 'chhayavad ka patan' (1948)
  5. 'sahity aur snskriti' (1958)
  6. 'ajay ki dayari' (upanyas, 1960)
  7. 'snskriti ka darshanik vivechan' (1966)
  8. 'itihas purush' (kavita sngrah, 1965)
  9. 'pratikriyaen' (1966)
  10. 'main ve aur ap' (upanyas, 1969)

'alochana sambandhi meri manyataen' men devaraj ka kathan hai ki "alochak men yah kshamata apekshit nahin hai ki vah sahityakar ki bhanti jivan ki jatilataon ko svayn dekh sake, kintu usamen itani yogyata avashy honi chahie ki vah lekhak ki drishti ya soojh ki dad de sake. vastut: lekhak aur samikshak men mukhy antar yah hota hai ki jahan dvitiy men chetana adhik spasht aur moortt hoti hai." alochana karm ke vishay men devaraj ki yah dharana chhichhali aur bhramak hai. laaurens tak svikar karata hai ki- "lekhak ki hi tarah alochak men bhi jatilata aur jivntata ka snyog anivary hai." devaraj ke nibandhon men kee antarvirodhi baten ek sath dikhaee deti hain, jo pratipadan ki shastriy svachchhata aur sadashay chintanashilata se hal nahin ho jatin.

upanyason ki kendriy chinta

devaraj nandakishor ki sabase mahattvapoorn pustak 'snskriti ka darshanik vivechan' hai. bharatiy bhashaon men kadichit yah apane dhng ki akeli pustak hai. devaraj nandakishor ke upanyason ki kendriy chinta yah hai ki kya sanskritik abhiruchi ya bauddhikata stri-purush ke bich ke sambandh ko poori sarthakata dene ke lie paryapt hai. 'ajay ki dayari' men yah chinta adhik gahare vinyast hai; usamen nayak ka antardvandv bhi adhik gahara aur anek jivan-sandarbhon ke chintan ki jatilata se yukt hai. lekhak ki bauddhik snskriti ka hi nahin, usaki snvedana aur anubhavashilata ki bhi kshamataon aur simaon ka bhi sahi-sahi andaj is pustak se lagaya ja sakata hai. charitr ki pakad yahan akar adhik majaboot huee hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 hindi sahity kosh, bhag-2 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma (pradhan sampadak) |prishth snkhya: 263 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah