हरि नारायण आपटे  हिन्दी देवनागरी में पढ़ें।

hari narayan apate
hari narayan apate
poora nam hari narayan apate
janm 8 march, 1864
janm bhoomi khanadesh (maharashtr)
mrityu 3 march, 1919
karm bhoomi bharat
karm-kshetr lekhan
mukhy rachanaen 'maghali sthiti', 'machhali sthiti', 'ganapatarav', 'pan lakshant kon veton', 'mo' aur 'yashavntarav khare' adi.
bhasha marathi
prasiddhi upanyasakar, natakakar, kavi
nagarikata bharatiy
snbndhit lekh marathi sahity, marathi bhasha, maharashtr, khanadesh
any janakari hari narayan apate ki aitihasik drishti vyapak aur vishal thi. inaki samajik kritiyon men samaj sudhar ka prabal sndesh hai. inhonne madhyamavargiy mahilaon ki samasyaon ka bhavapoorn evn kalatmak chitran kiya hai.
inhen bhi dekhen kavi soochi, sahityakar soochi

hari narayan apate (angrezi: Hari Narayan Apte, janm- 8 march, 1864, maharashtr; mrityu- 3 march, 1919) marathi bhasha ke prasiddh upanyasakar, kavi tatha natakakar the. inaki aitihasik drishti vyapak aur vishal thi. gupt kal se lekar marathon ki svarajy sthapana tak ke kal par inhonne kalapoorn upanyas likhe.

parichay

hari narayan apate ka janm khanadesh (maharashtr) men hua tha. poona men padhate samay inake bhavuk hriday par nibndhamalakar chipaloonakar aur ugr sudharak agarakar ka atyadhik prabhav pada. isi avastha men inhonne kee angrezi kahaniyon ka marathi men saras anuvad kiya. vidyarthi jivan men hi inhonne snskrit ke natakon ka tatha skaaut, dikasan, thaikare, renalds ityadi ke upanyason ka gahara adhyayan kiya aur lokamngal ki drishti se upanyas rachana ki akanksha inamen ankurit huee.[1]

lekhan kary

san 1885 men hari narayan apate ka 'maghali sthiti' namak pahala samajik upanyas ek samachar patr men kramash: prakashit hone laga. bi. e. ki pariksha men anuttirn hone par inhonne 'karamanook' namak patrika ka snpadan karana arnbh kiya. yah kary ye atthaees varshon tak saphalata se karate rahe. is patrika men inake lagabhag ikkis upanyas prakashit hue, jinamen das samajik aur gyarah aitihasik hain. marathi upanyas ke kshetr men kranti ka sndesh lekar ye avartin hue. inaki rachanaon se marathi upanyas sahity ki sarvangin samriddhi huee.

samajik kritiyan

hari narayan apate ki samajik kritiyon men samaj sudhar ka prabal sndesh hai. mukhy samajik upanyason men 'machhali sthiti', 'ganapatarav', 'pan lakshant kon veton', 'mo' aur 'yashavntarav khare' utkrisht hain. ye charitr chitran karane men siddhahast the. inaki rachanaon men yatharthavad, dhyeyavad aur adarshavad ka manohar sngam hai. sath hi mil aur spensar ke buddhivad ka rochak vivechan bhi hai. inhonne madhyamavargiy mahilaon ki samasyaon ka bhavapoorn evn kalatmak chitran kiya.[1]

inake samajik upanyas aitihasik upanyas jaise sajiv charitr chitran se otaprot hain. ye 'satyamh shivamh sundaramh' ke anany upasak the. inaki kahaniyan 'sphut goshthi' namak char pustakon men sngrahit hain. inamen charitr chitran tatha ghatana chitran ka manohar sngam hai. kala tatha saundary ki abhivyakti karate hue janajagaran ka udatt kary karate men ye saphal rahe.

aitihasik upanyas

inake aitihasik upanyason men 'chndragupt', 'ush:kal', 'gad ala pan sinh gela' aur 'vajraghat' utkrisht kritiyan hai. inaki aitihasik drishti vyapak aur vishal thi. gupt kal se marathon ki svarajy sthapana tak ke kal par inhonne kalapoorn upanyas likhe. 'vajraghat' hari narayan apate ki antim kriti hai, jisamen dakshin bharat ke vijayanagaramh‌ rajy ke nash ka prabhavakari chitran hai. isaki bhasha kavyapoorn aur saras hai.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 hari narayan apate (hindi) bharatakhoj.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah