हरिशंकर परसाई  हिन्दी देवनागरी में पढ़ें।

harishnkar parasaee
harishnkar parasaee
poora nam harishnkar parasaee
janm 22 agast, 1922
janm bhoomi jamani ganv, hoshngabad zila, madhy pradesh
mrityu 10 agast, 1995
mrityu sthan jabalapur, madhy pradesh
karm bhoomi bharat
karm-kshetr lekhak aur vyngyakar
mukhy rachanaen 'tab ki bat aur thi', 'beeemani ki parat', 'bholaram ka jiv', 'vikalang shraddha ka daura', 'jvala aur jal' adi.
vishay samajik
bhasha hindi
vidyalay 'nagapur vishvavidyalay'
shiksha em.e. (hindi)
puraskar-upadhi 'sahity akadami puraskar', 'shiksha samman', 'sharad joshi samman'.
prasiddhi vyngyakar v rachanakar
nagarikata bharatiy
vidhaen nibndh, kahani, upanyas, snsmaran
any janakari harishnkar parasaee 'karl marks' se adhik prabhavit the. unaki pramukh rachanaon men "sadachar ka tabij" prasiddh rachanaon men se ek thi, jisamen rishvat lene-dene ke manovigyan ko unhonne pramukhata ke sath ukera hai.
inhen bhi dekhen kavi soochi, sahityakar soochi

harishnkar parasaee (angrezi: Harishankar Parsai, janm- 22 agast, 1922, hoshngabad, madhy pradesh; mrityu- 10 agast, 1995, jabalapur) hindi ke prasiddh lekhak aur vyngyakar the. ye hindi ke pahale rachanakar the, jinhonne vyngy ko vidha ka darja dilaya aur use halke-phulke manornjan ki parnparagat paridhi se ubarakar samaj ke vyapak prashnon se joda. unaki vyngy rachanaen hamare man men gudagudi hi paida nahin karatin, balki hamen un samajik vastavikataon ke amane-samane khada karati hain, jinase kisi bhi vyakti ka alag rah pana lagabhag asnbhav hai. lagatar khokhali hoti ja rahi hamari samajik aur rajanitik vyavastha men pisate madhyamavargiy man ki sachchaiyon ko harishnkar parasaee ne bahut hi nikatata se pakada hai. samajik pakhnd aur roodhivadi jivan–moolyon ki khilli udate hue unhonne sadaiv vivek aur vigyan sammat drishti ko sakaratmak roop men prastut kiya hai. unaki bhasha-shaili men ek khas prakar ka apanapan nazar ata hai.

jivan parichay

harishnkar parasaee ka janm 22 agast, 1922 ko madhy pradesh ke hoshngabad zile men 'jamani' namak ganv men hua tha. ganv se prambhik shiksha prapt karane ke bad ve nagapur chale aye the. 'nagapur vishvavidyalay' se unhonne em. e. hindi ki pariksha pas ki. kuchh dinon tak unhonne adhyapan kary bhi kiya. isake bad unhonne svatntr lekhan prarnbh kar diya. unhonne jabalapur se sahityik patrika 'vasudha' ka prakashan bhi kiya, parantu ghata hone ke karan ise bnd karana pada. harishnkar parasaee ji ne khokhali hoti ja rahi hamari samajik aur rajanitik vyavastha men pisate madhyamavargiy man ki sachchaiyon ko bahut hi nikatata se pakada hai. unaki bhasha-shaili men khas kism ka apanapan hai, jisase pathak yah mahasoos karata hai ki lekhak usake samane hi baitha hai.

karyakshetr

matr atharah varsh ki umr men harishnkar parasaee ne 'jngal vibhag' men naukari ki. ve khandava men chh: mah tak bataur adhyapak bhi niyukt hue the. unhonn e do varsh (1941–1943 men) jabalapur men 'spes trening kaaulij' men shikshan kary ka adhyayan kiya. 1943 se harishnkar ji vahin 'maaudal haee skool' men adhyapak ho gaye. kintu varsh 1952 men harishnkar parasaee ko yah sarakari naukari chhodi. unhonne varsh 1953 se 1957 tak praivet skoolon men naukari ki. 1957 men unhonne naukari chhodakar svatantr lekhan ki shurooat ki.

poochhiye parasaee se

harishnkar parasaee jabalapur-rayapur se nikalane vale akhabar 'deshabndhu' men pathakon dvara poochhe jane vale unake anekon prashnon ke uttar dete the. akhabar men is stambh ka nam tha- "poochhiye parasaee se". pahale is stambh men halke ishkiya aur filmi saval poochhe jate the. dhire-dhire parasaeeji ne logon ko gambhir samajik-rajanitik prashnon ki or bhi pravritt kiya. kuchh samay bad hi isaka dayara antarrashtriy ho gaya. yah sahaj jan shiksha thi. log unake saval-javab padhane ke liye akhabar ka badi bechaini se intazar karate the.[1]

sahityik parichay

harishnkar parasaee ji ki pahali rachana "svarg se narak jahan tak" hai, jo ki mee, 1948 men prahari men prakashit huee thi, jisamen unhonne dharmik pakhnd aur andhavishvas ke khilaf pahali bar jamakar likha tha. dharmik khokhala pakhnd unake lekhan ka pahala priy vishay tha. vaise harishnkar parasaee karlamarks se adhik prabhavit the. parasaee ji ki pramukh rachanaon men "sadachar ka tabij" prasiddh rachanaon men se ek thi jisamen rishvat lene dene ke manovigyan ko unhonne pramukhata ke sath ukera hai.

rachanaen

nibndh sngrah
  • tab ki bat aur thi
  • bhoot ke panv pichhe
  • beeemani ki parat
  • pagadandiyon ka jamana
  • shikayat mujhe bhi hai
  • sadachar ka tabij
  • aur ant me
  • premachand ke phate joote
  • mati kahe kumhar se
  • kag bhagoda
kahani sngrah
  • hnsate hain rote hain
  • jaise unake din phire
  • bholaram ka jiv
  • do nakavale log
upanyas
  • rani nagaphani ki kahani
  • tat ki khoj
  • jvala aur jal
vyngy sngrah
  • vaishnav ki phisalan
  • thithurata hua ganatntr
  • vikalang shraddha ka daura
snsmaran
  • tirachhi rekhaen

sahityik visheshataen

pakhnd, beeemani adi par parasaee ji ne apane vyngyon se gahari chot ki hai. ve bolachal ki samany bhasha ka prayog karate hain aur chutila vyngy karane men parasaee ji bejod hain.

bhasha shaili

harishnkar parasaee ki bhasha men vyngy ki pradhanata hai. unaki bhasha samany aur sarnchana ke karan vishesh kshamata rakhati hai. unake ek-ek shabd men vyngy ke tikhepan ko spasht dekha ja sakata hai. lokaprachalit hindi ke sath-sath urdoo, angrezi shabdon ka bhi unhonne khulakar prayog kiya hai. parasaeeji ki alag-alag rachanaon men hi nahin, kisi ek rachana men bhi bhasha, bhav aur bhngiya ke prasnganukool vibhinn roop aur anek star dekhe ja sakate hain. prasng badalate hi unaki bhasha-shaili men jis sahajata se vanchhit parivartan ate-jate hain, aur usase ek nishchit vyngy uddeshy ki bhi poorti hoti hai, unaki yah kala, chakit kar dene vali hai. parasaeeji ki ek rachana ki yah pnktiyan ki- 'ana-jana to laga hi rahata hai. aya hai, so jaega'- 'raja rnk fakir' men soophiyana andaj hai, to vahin doosari or theth sadak–chhap davapharosh ki yah baki ada bhi darshaniy hai- "ninda men vitamin aur protin hote hain. ninda khoon saph karati hai, pachan-kriya thik karati hai, bal aur sphoorti deti hai. ninda se mansapeshiya pusht hoti hain. ninda payariya ka to shartiya ilaj hai."

snton ka prasng ane par harishnkar parasaee ka shabd vaky-snyojan aur shaili, sabhi kuchh ekadam badal jata hai, jaise- "snton ko paraninda ki manahi hoti hai, isalie ve svaninda karake svasthy achchha rakhate hain. mo sam kaun kutil khal kami- yah snt ki vinay aur atmasvikriti nahin hai, taaunik hai. snt bada kainyan hota hai. ham samajhate hain, vah atmasvikriti kar raha hai, par vastav men vah vitamin aur protin kha raha hai." ek any rachana men ve "paise men bada vitamin hota hai" likhakar takat ki jagah 'vitamin' shabd se vanchhit prabhav paida kar dete hain, jaise budhape men balon ki saphedi ke lie 'sir par kasn phool utha' ya kamazori ke lie 'taeephaid ne sari badam utar di.' jab ve likhate hain ki 'unaki bahoo aee aur bina kuchh kahe, dahi-bade dalakar jhamm se laut gee' to is 'jhamm se' laut jane se hi jhamm-jhamm payal bajati huee nee-naveli bahoo dvara teji se thali men dahi-bade dalakar lautane ki samoochi kriya sakar ho jati hai. ek sajiv aur gatishil binb moortt ho jata hai. jab ve likhate hain ki- 'mausi tarraee' ya 'ashrupat hone laga' to mausi sachamuch tarrati huee sun padati hai aur ansuon ki jhadi lagi najar ati hai. 'tarraee' jaise deshaj aur 'ashrupat' jaise tatsam shabdon ke bina rachana men n to yah prabhav hi utpann kiya ja sakata tha aur n hi ichchhit vyngy.[2]

samman aur puraskar

  • sahity akadami puraskar - 'vikalang shraddha ka daur' ke lie
  • shiksha samman - madhy pradesh shasan dvara
  • di.lith ki manad upadhi - 'jabalapur vishvavidyalay' dvara
  • sharad joshi samman

nidhan

apani hasy vyngy rachanaon se sabhi ke man ko bha lene vale harishnkar parasaee ka nidhan 10 agast, 1995 ko jabalapur, madhy pradesh men hua. parasaee ji mukhyatah vyng lekhak the, kintu unaka vyng keval manornjan ke lie nahin hai. unhonne apane vyng ke dvara bar-bar pathakon ka dhyan vyakti aur samaj ki un kamazoriyon aur visngatiyon ki or akrisht kiya tha, jo hamare jivan ko doobhar bana rahi hain. unhonne samajik aur rajanitik jivan men vyapt bhrashtachar evn shoshan par apani vyng rachanaon ke madhyam se karare prahar kie hain. unaka hindi vyng sahity anootha hai. parasaeeji apane lekhan ko ek samajik karm ke roop men paribhashit karate the. unaki manyata thi ki samajik anubhav ke bina sachcha aur vastavik sahity likha hi nahin ja sakata. harishnkar parasaee ne hindi sahity men vyng vidha ko ek nee pahachan di aur use ek alag roop pradan kiya, jisake lie hindi sahity unaka hamesha rini rahega.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. harishnkar parasaee, parichay (hindi). . abhigaman tithi: 10 agast, 2013.
  2. harishnkar parasaee ki snkalit rachanaen (hindi). . abhigaman tithi: 10 agast, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah