हरिभाऊ उपाध्याय  हिन्दी देवनागरी में पढ़ें।

haribhaoo upadhyay
haribhaoo upadhyay
poora nam haribhaoo upadhyay
janm 24 march, 1892
janm bhoomi bhaunrosa ganv, ujjain, madhy pradesh
mrityu 25 agast, 1972
karm bhoomi bharat
karm-kshetr hindi sahity tatha rashtraseva
mukhy rachanaen 'bapoo ke ashram men', 'sarvoday ki buniyad', 'sadhana ke path par', 'vishv ki vibhootiyan', 'priyadarshi ashok', 'hamara karttavy aur yugadharm' adi.
bhasha hindi, snskrit
prasiddhi sahityakar
nagarikata bharatiy
any janakari haribhaoo ji ki hindi sahity ko vishesh den unake dvara bahumooly pustakon ka roopantaran hai. kee maulik rachanaon ke atirikt unhonne javaharalal neharoo ki 'meri kahani' aur pattabhi sitaramaiya dvara likhit 'kangres ka itihas' ka hindi men anuvad kiya.
inhen bhi dekhen kavi soochi, sahityakar soochi

haribhaoo upadhyay (angrezi: Haribhau Upadhyaya ; janm- 24 march, 1892, ujjain, madhy pradesh; mrityu- 25 agast, 1972) bharat ke prasiddh sahityakar tatha rashtrasevi the. unaki hindi sahity ko vishesh den unake dvara bahumooly pustakon ka roopantaran hai. kee maulik rachanaon ke atirikt unhonne javaharalal neharoo ki 'meri kahani' aur pattabhi sitaramaiya dvara likhit 'kangres ka itihas' ka hindi men anuvad kiya. haribhaoo ji ki anek pustaken aj hindi sahity jagat ko prapt ho chuki hain. mahatma gandhi se prabhavit hokar haribhaoo upadhyay rashtriy andolan men kood pade the. purani ajamer riyasat men unhen kee bar jel jana pada. svatntrata prapti ke bad ve ajamer ke mukhyamntri nirvachit hue the.

janm

haribhaoo upadhyay ka janm 24 march, 1892 ko madhy pradesh men ujjain zile ke bhaunrosa namak ganv men hua tha. vidyarthi jivan se hi inake man men sahity ke prati chetana jagrat ho gee thi. snskrit ke natakon tatha angrezi ke prasiddh upanyason ke adhyayan ke bad ye upanyas lekhan ki agrasar hue.

patrakarita jagat men padarpan

haribhaoo upadhyay ne hindi seva se sarvajanik jivan arambh kiya aur pahale pahal 'audumbar' masik patr ke prakashan dvara hindi patrakarita jagat men pardapan kiya. sabase pahale san 1911 ee. men ve 'audumbar' ke sampadak bane. padhate-padhate hi inhonne isake sampadan ka kary bhi arambh kiya.

mahavir prasad dvivedi ka sannidhy

'audumbar' men anek vidvanon ke vividh vishayon se sambaddh pahali bar lekhamala nikali, jisase hindi bhasha ki svabhavik pragati huee. isaka shrey haribhaoo ke utsah aur lagan ko hi hai. san 1915 ee. men haribhaoo upadhyay mahavir prasad dvivedi ke sannidhy men aye. haribhaoo ji svayn likhate hain ki- "audumbar ki sevaon ne mujhe achary dvivedi ji ki seva men pahunchaya." dvivedi ji ke sath 'sarasvati' men kary karane ke pashchath haribhaoo upadhyay ne 'pratap', 'hindi navajivan' (san 1921) aur 'prabha' ke sampadan men yogadan diya aur svayn 'malav mayoor' (san 1922) namak patr nikalane ki yojana banayi; kintu yah patr adhik din nahin chal saka.[1]

hindi sahity ki seva

haribhaoo upadhyay ki hindi sahity ko vishesh den unake dvara bahumooly pustakon ka roopantaran hai. kee maulik rachanaon ke atirikt unhonne javaharalal neharoo ki 'meri kahani' aur pattabhi sitaramaiya dvara likhit 'kangres ka itihas' ka hindi men anuvad kiya. haribhaoo ji ka prayas hamen bharatendu kal ki yad dilata hai, jab pray: sabhi hindi lekhak bngala se hindi men anuvad karake sahity ki abhivriddhi karate the. anuvad karane men bhi unhonne is bat ka sada dhyan rakha ki pustak ki bhasha lekhak ki bhasha aur usake vyaktitv ke anuroop ho. anuvad padhane se yah anubhav nahin hota ki anuvad padh rahe hain. yahi anubhav hota hai ki mano svayn mool lekhak ki hi vani aur vicharadhara aviral roop se usi mool strot se bah rahi hai. is prakar haribhaoo ji ne apane sathi jananayakon ke grnthon ka anuvad karake hindi sahity ko vyapakata pradan ki.

pramukh rachanaen

haribhaoo upadhyay ki anek pustaken aj hindi sahity jagat ko prapt ho chuki hain. unake nam is prakar hain-

  1. 'bapoo ke ashram men'
  2. 'svatntrata ki or'
  3. 'sarvoday ki buniyad'
  4. 'shreyarthi jamanalal ji'
  5. 'sadhana ke path par'
  6. 'bhagavat dharm'
  7. 'manan'
  8. 'vishv ki vibhootiyan'
  9. 'puny smaran'
  10. 'priyadarshi ashok'
  11. 'hinsa ka mukabala kaise karen'
  12. 'doorvadal' (kavita sngrah)
  13. 'svami ji ka balidan'
  14. 'hamara karttavy aur yugadharm'

bhasha-shaili

in sabhi rachanaon se hindi sahity nishchit hi samriddh hua hai. haribhaoo ji ki rachanaen bhav, bhasha aur shaili ki drishti se badi akarshak hain. inamen ras hai, madhurata aur ujjvalata hai. inamen saty aur ahinsa ki shubhrata hai, dharm ki samnvayabuddhi hai aur lekhani ki satat sadhana aur prerana hai.

rajanitik jivan

mahatma gandhi se prabhavit hokar haribhaoo upadhyay 'bharatiy rashtriy andolan' men kood pade the. purani ajamer riyasat men inhen kee bar jel jana pada. svatntrata prapti ke bad ye ajamer ke mukhyamntri nirvachit hue the. haribhaoo ji hriday se ye atynt komal the, kintu siddhanton par koee samajhauta nahin karate the. rajasthan ki sab riyasaton ko milakar rajasthan rajy bana aur isake kee varshon bad mohanalal sukhadiya mukhyamntri bane the. unhonne atynt agrahapoorvak haribhaoo upadhyay ko pahale vitt phir shikshamntri banaya tha. bahut dinon tak ye is pad par rahe, kintu svasthy thik n rahane ke karan antat: tyagapatr de diya. haribhaoo upadhyay kee varshon tak rajasthan ki 'shasakiy sahity akadami' ke adhyaksh bhi rahe. unhonne 'mahila shiksha sadan', hatoondi (ajamer) tatha 'sasta sahity mndal' ki sthapana ki thi.

nidhan

haribhaoo upadhyay ka nidhan 25 agast, 1972 ko hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi sahity kosh, bhag-2 |prakashak: gyanamandal limited, varanasi |snkalan: bharatakosh pustakalay |snpadan: daau. dhirendr varma (pradhan sampadak) |prishth snkhya: 673 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah