यशपाल  हिन्दी देवनागरी में पढ़ें।

Disamb2.jpg yashapal ek bahuvikalpi shabd hai any arthon ke lie dekhen:- yashapal (bahuvikalpi)
yashapal
Yashpal.jpg
poora nam yashapal
janm 3 disambar, 1903 ee.
janm bhoomi firojapur chhavani, pnjab, bharat
mrityu 26 disnbar, 1976 ee.
mrityu sthan bharat
abhibhavak hiralal, premadevi
karm bhoomi bharat
karm-kshetr upanyasakar, lekhak, nibndhakar
mukhy rachanaen 'vo duniya', 'divya', 'deshadrohi', 'phoolon ka kurta', 'pinjare ki udan', 'gyanadan' adi.
vidyalay gurukul kangadi, neshanal kaaulej, lahaur
puraskar-upadhi 'dev puraskar' (1955), 'soviyat laind neharoo puraskar' (1970), 'mngala prasad paritoshik' (1971) tatha 'padm bhooshan'
inhen bhi dekhen kavi soochi, sahityakar soochi

yashapal (angrezi: Yashpal, janm- 3 disambar, 1903 ee., firojapur chhavani; mrityu- 26 disnbar, 1976) hindi ke yashasvi kathakar aur nibandh lekhak hain. yashapal rajanitik tatha sahityik, donon kshetron men krantikari hain. unake lie rajaniti tatha sahity donon sadhan hain aur ek hi lakshy ki poorti men sahayak hain.

jivan parichay

hindi ke yashasvi kathakar aur nibandhakar yashapal ka janm 3 disambar, 1903 ee. men firojapur chhavani men hua tha. inake poorvaj kangada zile ke nivasi the aur inake pita 'hiralal' ko virasat ke roop men do-char sau gaz tatha ek kachche makan ke atirikt aur kuchh nahin prapt hua tha. inaki man premadevi ne unhen ary samaj ka tejasvi pracharak banane ki drishti se shiksharth 'gurukul kangadi' bhej diya. gurukul ke rashtriy vatavaran men balak yashapal ke man men videshi shasan ke prati virodh ki bhavana bhar gayi.

krantikari andolan

lahaur ke 'neshanal kaaulej' men bharti ho jane par inaka parichay bhagatasinh aur sukhadev se ho gaya. ve bhi krantikari andolan ki or akrisht hue. sanh 1921 ee. ke bad to ye sashastr kranti ke andolan men sakriy bhag lene lage. sanh 1929 ee. men vaisaray ki gadi ke niche bam rakhane ke lie ghatanasthal par unako bhi jana pada, bad men kuchh galatafahami ke karan ve apane dal ki hi goli ke shikar hote-hote bache.

jel yatra

chandrashekhar azad ke shahid ho jane par ve 'hindustani samajavadi prajatntr' ke kamandar niyukt hue. isi samay dilli aur lahaur men dilli tatha lahaur shadyntr ke muqadamen chalate rahe. yashapal in muqadamon ke pradhan abhiyukton men the. par ye farar the aur pulis ke hath men nahin a paye the. 1932 ee. men pulis se muthabhed ho jane par goliyon ka bharapoor adan-pradan karane ke anantar, ye giraftar ho gaye. unhen chaudah varsh ki sakht saza huee. sanh 1938 ee. men uttar pradesh men jab kangres mntrimandal bana to any rajanitik bandiyon ke sath inako bhi mukt kar diya gaya.

jel men likhi rachanaen

jel se mukt hone par inhonne 'viplav' masik nikala, jo thode hi dinon men kafi lokapriy ho gaya. 1941 ee. men inake giraftar ho jane par 'viplav' band ho gaya, kintu apani vicharadhara ke prachar men inhonne viplav ka bharapoor prayog kiya. vibhinn zilon men unhen padhane-likhane ka jo avakash mila tha, usamen unhonne desh-videsh ke bahut se lekhakon ka manoyogapoorn adhyayan kiya. 'pinjare ki udan' aur 'vo duniyan' ki kahaniyan pray: jel men hi likhi gayi.

sahityik jivan

yashapal men likhane ki pravritti vidyarthi kal se hi thi, par unake krantikari jivan ne unhen anubhav sambaddh kiya, anekanek sngharshon se joojhane ka bal diya. rajanitik tatha sahityik, donon kshetron men ve krantikari hain. unake lie rajaniti tatha sahity donon sadhan hain aur ek hi lakshy ki poorti men sahayak hain. sahity ke madhyam se unhonne vaicharik kranti ki bhoomika taiyar karane ka prayas kiya hai. vicharon se ve kafi door tak marksavadi hain, par kattarata se mukt hone ke karan isase unaki sahityikata ko pray: kshati nahin pahunchi hai, usase ve labhanvit hi hue hain.

kahanikar

yashapal pahale-pahal kahanikar ke roop men hindi jagath men aye. ab tak unake lagabhag solah 'kahani sngrah' prakashit ho chuke hain. yashapal mukhyat: madhyamavargiy jivan ke kalakar hain aur is varg se sambaddh unaki kahaniyan bahut hi marmik ban padin hain. madhyavarg ki asngatiyon, kamazoriyon, virodhabhason, roodhiyon adi par itana prabal kashaghat karane vala koee doosara kahanikar nahin hai. do virodhi paristhitiyon ka vaishamy pradarshit kar vyngy ki sarjana unaki pramukh visheshata hai. yatharth jivan ki navin prasngodabhavana dvara ve apani kahaniyon ko aur bhi prabhavashali bana dete hain.

madhyavarg apani hi roodhiyon men jakada hua kitana dayaniy ho jata hai, isaka achchha khasa udaharan 'char ane' hai. jhoothi aur kritrim pratishtha ke bojh ko dhote-dhote yah varg apane dainy aur vivashata men ujagar ho utha hai. 'gavahi' aur 'soma ka sahas' men samaj ke galiz, naqab aur kritrimata ki tasviren khinchi gayin hain. is varg ke vaimanasy men nimn varg ko rakhakar usake anhakar aur amanaviy vyavahar ko bahut hi marmik dhng se abhivyakt karane men yashapal khoob kushal hain. 'ek raz' men malakin aur naukar ki manovrittiyon ki vishamataon ko is tarah se ubhara gaya hai ki pathak naukar ki sahanubhooti men tilamila uthata hai. 'gudabaee dard dil' men rikshevale ke prati ki gayi amanushikata pathakon ke man men gahari kachot paida karati hai. is prakar ki vishamata ko ankit karane ke lie yashapal ne pray: uchch madhyavargiy vyaktiyon ko samane rakha hai, kyonki samany madhyavargiy vyakti to apani ulajhanon se hi khali nahin ho pata.

yashapal ke vyngy ka tikha roop '80/100', 'gyanadan' adi men dekha ja sakata hai. samanyat: kaha jata hai ki unhonne apani katha ke lie roti aur seks ki samasyaen chuni hain. yashapal ki kahaniyon men koee n koee jivant samasya hai, par ve poornat: kalatmak avaran men vyakt huee hain. jahan unaki samasya ko kalatmak achchhadan nahin mil saka, vahan kahani ka kahanipan sndigdh ho gaya hai.

upanyasakar

upanyas men yashapal ka drishtikon aur bhi adhik achchhi tarah ubhar saka hai. unaka pahala upanyas 'dada kamared' krantikari jivan ka chitran karate hue mazadooron ke snghathan ko rashtroddhar ka adhik sngat upay batalaya hai. 'desh drohi' kala ki drishti se 'dada kamared' se kee qadam age hai. is upanyas men gandhivad tatha kangres ki tivr alochana karate hue lekhak ne samajavadi vyavastha ka agrah kiya hai. 'divya' yashapal ke shreshth upanyason men ek se hai. is upanyas men yug-yug ki us dalit-pidit nari ki karun katha hai, jo anekanek sngharshon se guzarati huee apana svasth marg pahachan leti hai. 'manushy ke roop' men paristhitiyon ke ghat-pratighat se manushy ke badalate hue roopon ko prabhavashali dhng se chitrit kiya gaya hai. 'amita' upanyas 'divya' ki bhanti aitihasik hai.

kuchh samay pahale hi yashapal ka atyant vishisht upanyas 'jhootha-sach' prakashit hua hai. vibhajan ke samay desh men jo bhishan raktapat aur avyavastha utpann huee, usake vyapak phalak par jhooth-sach ka rngin chitr khincha gaya hai. isake do bhag hain- vatan aur desh tatha desh ka bhavishy. pratham bhag men vibhajan ke phalasvaroop logon ke vatan chhootane aur dvitiy bhag men bahut si samasyaon ke samadhan ka chitran hua hai. desh ke samasamayik vatavaran ko yathasambhav aitihasik yatharth ke roop men rakha gaya hai. vividh samasyaon ke sath-sath is upanyas men jin naye naitik moolyon ki pratishtha ki gayi hai, ve roodhigrast vicharon ko prabal jhataka dete hain.

nibandh, snsmaran aur rekhachitr

ek saphal kathakar hone ke sath-sath yashapal achchhe vyaktitv-vynjak nibandhakar bhi hain. ve apane drishtikon ke adhar par sadi-gali roodhiyon, hrasonmukhi, pravrittiyon par jamakar prahar karate hain. unhonne saras tatha vyngy-vinod, garbh snsmaran aur rekhachitr bhi likhe hain. 'nyay ka sngharsh', 'dekha socha, samajha', 'sinhavalokan' (tin bhag) adi men unake nibandh, snsmaran aur rekhachitr sngrahit hain.

kritiyan

kahani sngrah
kahani san
gyanadan 1944 ee.
abhishapt 1944 ee.
tark ka toofan 1943 ee.
bhasmavrit chinagari 1946 ee.
vo duniya 1941 ee.
phoolon ka kurta 1949 ee.
dharmayuddh 1950 ee.
uttaradhikari 1951 ee.
chitr ka shirshak 1952 ee.
upanyas sngrah
upanyas san
dada kamared 1941 ee.
deshadrohi 1943 ee.
parti kamared 1947 ee.
divya 1945 ee.
manushy ke roop 1949 ee.
amita 1956 ee.
jhootha sach 1958-1959 ee.
apsara ka shap 2010 ee.
nibandh sngrah
nibandh san
nyay ka sngharsh 1940 ee.
chakkar klab 1942 ee.
bat-bat men bat 1950 ee.
dekha, socha, samajha 1951 ee.
sinhavalokan -
snsmaran aur any

snsmaran ke tin bhag hain :

  • pahala bhag sanh 1951
  • doosara bhag sanh 1952
  • tisara bhag sanh 1955 ee.
  • 'gandhivad ki shav-pariksha' (1941 ee.)

puraskar

inaki sahity seva tatha pratibha se prabhavit hokar riva sarakar ne 'dev puraskar' (1955), soviyat laind soochana vibhag ne 'soviyat laind neharoo puraskar' (1970), hindi sahity sammelan prayag ne 'mngala prasad paritoshik' (1971) tatha bharat sarakar ne 'padm bhooshan' ki upadhi pradan kar inako sammanit kiya hai.

mrityu

yashapal hindi ke atishay shaktishali tatha pranavan sahityakar the. apane drishtikon ko vyakt karane ke lie unhonne sahity ka madhyam apanaya tha. lekin unaka sahity-shilp itana zoradar hai ki vicharon ki abhivyakti men unaki sahatyikata kahin par bhi kshin nahin ho paee hai. yashapal ji ka sanh 26 disnbar, 1976 ee. men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah