मुकुंदी लाल श्रीवास्तव  हिन्दी देवनागरी में पढ़ें।

mukundi lal shrivastav
mukundi lal shrivastav
poora nam mukundi lal shrivastav
janm 25 aktoobar, 1896
janm bhoomi gorajhamar gram, sagar zila, madhy pradesh
karm bhoomi bharat
karm-kshetr lekhan
mukhy rachanaen 'avanati kyon huee', 'ranadhir parakram', 'hindi shabd sngrah', 'samrajyavad', 'brihath hindi kosh', 'gyan shabd kosh', 'paribhashik shabd kosh' adi.
bhasha hindi
shiksha bi.e., em.e. (priviyas)[1]
prasiddhi sahityakar
nagarikata bharatiy
any janakari mukundi lal tatha rajavallabh sahay ne kee varshon ke kathin parishram ke bad 'hindi shabd sngrah' namak ek bahumooly kosh taiyar kiya tha. isamen adhunik hindi ke atirikt brajabhasha, avadhi, bundelakhandi adi ke kee bahusnkhyak shabdon ka samavesh kiya gaya tha.
inhen bhi dekhen kavi soochi, sahityakar soochi

mukundi lal shrivastav (angrezi: Mukundi Lal Srivastava; janm- 25 aktoobar, 1896, sagar zila, madhy pradesh) bharat ke prasiddh sahityakar tatha lekhak the. inaki pratham rachana san 1912 ee. ke 'bal hitaishi' (merath) men prakashit huee thi. isake bad inake kee lekh aur kavitaen vibhinn patr-patrikaon men prakashit hue. mukundi lal ne 'gyanamandal' evn 'kashi vidyapith' men rahakar lagabhag 20 pustakon ka sampadan karane ke atirikt 'gris aur rom ke mahapurush' evn 'pashchimi yoorop' ke dvitiy bhag ke ardhansh ka anuvad kiya. isamen rajavallabh sahay ka bhi sahayog inako mila tha. isake atirikt inhonne tatha rajavallabh sahay ne kee varshon ke kathin parishram ke bad 'hindi shabd sngrah' namak ek bahumooly kosh bhi taiyar kiya.

janm

mukundi lal shrivastav ka janm ravivar, 25 aktoobar, san 1896 ee. men sagar zile ke 'gorajhamar' namak gram men apane mama ke yahan hua tha. ye jabalapur, madhy pradesh ke nivasi the.[2]

shiksha

mukundi lal shrivastav ne maitrik tatha eph.e. men uttirn chhatron men sarvapratham sthan prapt kiya tha, jis karan rajy ki or se ve chhatravritti pate rahe. isake bad bi.e. men bhi inako sarakari chhatravritti mili. mukundi lal shrivastav ki shiksha inake mama ke yahan hi huee thi. navambar, 1917 ee. men mama ki mrityu ho jane ke karan unake parivar ke bharan-poshan ki avashyakata vash inhonne padhaee chhodakar stet haeeskool men naukari kar li. bad men bade mama ki naukari lag jane par ye apane ghar jabalapur chale aye aur 'rabartasan kalej' se san 1920 ee. men bi.e. ki pariksha uttirn ki.

bad men mukundi lal 'darshanashastr' men em.e. karane ke vichar se nagapur chale gaye aur vahan se sarakari mahavidyalay men pravisht ho gaye. usi varsh nagapur men 'rashtriy mahasabha' ka adhiveshan hua. usamen svikrit asahayog ke prastav se prabhavit hokar inhonne em.e. priviyas ki padhaee samapt ho jane par kaaulej chhod diya.

sahityik shuruat

mukundi lal shrivastav ke sahityik jivan ka arambh vastut: usi samay ho gaya tha, jab ve 15 varsh ke the. inaki pahali rachana joon, 1912 ee. ke 'bal hitaishi' (merath) men prakashit huee thi. usake bad inake kee lekh aur kavitaen vibhinn patr-patrikaon men prakashit hue. jab mukundi lal eph.e. men padhate the, tab 'avanati kyon huee' shirshak 40 prishthon ka ek nibandh likhane ke karan nibandh pratiyogita men 'yavatamal' (barar) ke ramagopal kanjiriya ke or se inhen ek rajat padak puraskar men diya gaya.[2]

'ranadhir parakram' ki rachana

isi tarah tritiy varsh ki shiksha prapt karate samay bhi unhonne madhy pradesh ke tinon kaaulejon ki ek badi pratiyogita men bhag liya aur usamen bhi vijayi hue. mukundi lal shrivastav ne lagabhag ek hi mahine men 'ranadhir parakram' namak natak likhakar 27 julaee, 1919 ee. ko tin sau rupaye ka nakad puraskar prapt kiya. is rakam se inako badi sahayata mili aur ye chaturth varsh ki padhaee samapt kar bi.e. ki pariksha men saphalata prapt kar sake.

pradhan sampadak ka pad

mukundi lal shrivastav ne kashi ke dainik 'aj' ke lie 'nitishastr ki utpatti' par ek lekh bheja, jo usake tatkalin sampadak shriprakashaji ko itana pasand aya ki unhonne turnt apako apane sath kam karane ke lie kashi bula liya. faravari, 1921 se julaee, 1921 ee. tak mukundi lal dainik 'aj' ke sahayak sampadak rahe aur is bich unhonne usake lie pachison agralekh tatha kee tippaniyan likhin. isake bad ye ramadas gaud ke hat jane par 'gyanamandal prakashan vibhag' ke adhyaksh evn pradhan sampadak niyukt hue. isi samay unhen 'gyanamandal grnthamala' ke sampadan ke sath-sath do varsh tak arthik, samajik, rajanitik evn aitihasik vishayon ke uchchakoti ke masik patr 'svarth' ka sampadan kary karana pada. yah patr bhi gyanamandal se hi prakashit hota tha.

kashi vidyapith men pradhanadhyapak

grnthamala ke prakashan ka kary jab gyanamandal men band kar 'kashi vidyapith' ke jimme kar diya gaya, tab mukundi lal bhi vidyapith chale gaye. vahan prakashan kary ke sath-sath ap hindi ke pradhanadhyapak ka kary bhi karate rahe. vidyapith men arthik kathinaiyan upasthit ho jane par lagabhag das varshon ke bad, any kee adhyapakon ke sath apako bhi vahan se hatana pada. julaee, 1937 ee. men mukundi lal shrivastav pun: 'aj' men saptahik snskaran ke sampadak banakar a gaye. san 1943 ee. ke aktoobar men ve 'aj' se prithakh ho gaye aur shighr hi 'snsar' saptahik ke sampadak niyukt hue. bad men koee dedh varsh tak inhen dainik 'snsar' ka sampadan bhar bhi snbhalana pada aur lagabhag dhaee varsh tak ve vahin se prakashit 'yugadhara' masik patrika ke sampadak rahe. isake bad pun: gyanamandal ke prakashan vibhag men a gaye.[2]

'hindi shabd sngrah' kosh ka nirman

'gyanamadanl' evn 'kashi vigyapith' men rahakar lagabhag 20 pustakon ka sampadan karane ke atirikt mukundi lal shrivastav ne 'gris aur rom ke mahapurush' evn 'pashchimi yoorop' ke dvitiy bhag ke ardhansh ka anuvad kiya. isamen rajavallabh sahay ka bhi sahayog inhen mila tha. isake atirikt apane tatha sahayogi rajavallabh sahay ne kee varshon ke kathin parishram ke bad 'hindi shabd sngrah' namak ek bahumooly kosh taiyar kiya. isamen adhunik hindi ke atirikt brajabhasha, avadhi, bundelakhandi adi ke un bahusnkhyak shabdon ka bhi samavesh kiya gaya, jinaka prayog hindi ke purane kaviyon tatha lekhakon ki rachanaon men hua tha. vibhinn pramanik pustakon se isamen koee ath hajar udaharan bhi diye gaye hain. jab yah kosh prakashit hua tha, tab hindi ke anek vidvanon ne mukt kanth se isaki prashnsa ki thi.

any mahattvapoorn rachanaen

in rachanaon ke atirikt mukundi lal shrivastav ne 'samrajyavad' namak ek aur pustak likhi. hindi men antarrashtriy vishayak sahity ki yah ek amooly nidhi hai. 'samrajyavad' ka adhyayan karane vale hindi ke pathakon ke lie yah pustak bade kam ki chij hai. isaki bhoomika javahar lal neharoo ne likhi thi. san 1951-1952 men rajavallabh sahay ke sath milakar mukundi lal shrivastav ne 'gyanamandal' dvara prakashit 'brihath hindi kosh' ka sampadan kiya. 1955 ee. men unhonne 'gyan shabd kosh', 'paribhashik shabd kosh' bhi taiyar kiye. phir angrezi se anuvad kar 'bharatiy patrakar kala', 'mere bachapan ki kahani' tatha 'kuchh smaraniy mukadamen' prastut kiye. isake bad ek varsh tak 'aj' men mukundi lal ne 'pratidin ki samasyaen' namak stambh chalaya, jo bahut upayogi pramanik hua. mukundi lal shrivastav 'uttar pradesh sarakar' dvara snchalit 'hindi samiti' ke pradhan sampadak bhi rahe. inake dvara likhe ge lekhon ki snkhya barah-terah sau se kam n hogi.[2]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. nagapur men 'rashtriy mahasabha' ka adhiveshan hua tha. usamen svikrit asahayog ke prastav se prabhavit hokar mukundi lal shrivastav ne em.e. priviyas ki padhaee samapt ho jane par kaaulej chhod diya.
  2. 2.0 2.1 2.2 2.3 hindi sahity kosh, bhag-2 |lekhak: daau. dhirendr varma |prakashak: gyanamandal limited |prishth snkhya: 451 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah