लक्ष्मीनाथ बेजबरुआ  हिन्दी देवनागरी में पढ़ें।

lakshminath bejabarua (janm- 18 navnbar 1868, mrityu- 26 march, 1938, dibroogadh zila, asam) asamiya bhasha ke sabase bade sahityakar, natakakar the. unhonne vyng aur hasy rachanaen kin. unaki sevaon ke lie unhen 'sahity rathi' ki upadhi se sammanit kiya gaya tha.

parichay

asamiya bhasha ke sabase bade sahityakar lakshminath bejabarua ka janm 18 navnbar 1868 eesvi ko dibroogadh zila (asam) men hua tha. jis samay bejabarua paida hue us samay unake mata-pita brahmaputr nadi men nav se yatra kar rahe the. unaka bachapan asam men vaishnavon ke pavitr tirth barapeta men bita. 1891 ee. men jab lakshminath bejabarua ka vivah mahakavi ravindranath thakur ki bhatiji prgya sundari ke sath ho gaya to ve bngal ke sahityakaron ke aur bhi nikat a ge. us vakt asamiya bhasha ki shiksha ki koee vyavastha n hone ke karan bejabarua ki shiksha bngala bhasha men arnbh huee. bad men unhonne ripan kaaulej, kolakata se uchch shiksha prapt ki. unhonne ajivika ke lie udisa ke snbalapur men imarati lakadi ka vyapar arnbh kiya tha. vahan unaka parichay udiya bhasha ke sahity aur sahityakaron se bhi ho gaya.[1]

yogadan

bejabarua asamiya bhasha ki pragati ke lie vidyarthi jivan se hi prayatnashil the. unhonne apane mitron ke sath 1888 men 'asamiya bhasha unnati sadhani sabha' namak snstha banaee. 1889 men 'jonaki' namak patrika ka prakashan kiya. is patrika ke dvara bahut se asamiya lekhak‍ asamiya bhasha ke prati protsahit hue. phir unhonne 20 varsh tak 'banhi' namak sahityik patrika ka snpadan kiya. bejabarua ne sahity ki sabhi vidhaon men rachana karake asamiya bhasha ka bhndar bhara.

lekhan kary

lakshminath bejabarua ne do vaishnav snton shnkaradev aur madhav ki jivaniyan likhin. 'padum kunvari' namak aitihasik upanyas aur 'belimar' 'jayamati' tatha 'chakradhvaj sinha' namak desh bhakti poorn natak likhe. unhonne bal sahity ki rachana ki, jo bahut prasiddh hua. unhonne prasiddh vyng aur hasy rachanaen kin.

khyati

bejabarua ko asamiya ki nee kahani ka janak hi mana jata hai. kavita ke kshetr men unaki deshabhakti poorn rachanaen, bhakti aur adhyatmik git, gatha git tatha lokagit sabhi uchchakoti ke mane jate hain. is prakar bejabarua ne asamiya sahity ke sabhi angon ko majaboot kiya hai. unaki sevaon ke lie unhen 'sahity rathi' ki upadhi se sammanit kiya gaya tha.

mrityu

lakshminath bejabarua ka 26 march, 1938 ko dibroogadh zila, asam men nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. bharatiy charit kosh |lekhak: liladhar sharma 'parvatiy' |prakashak: shiksha bharati, madarasa rod, kashmiri get, dilli |prishth snkhya: 757 |

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah