सियारामशरण गुप्त  हिन्दी देवनागरी में पढ़ें।

siyaramasharan gupt
siyaramasharan gupt
poora nam siyaramasharan gupt
janm 4 sitambar 1895
janm bhoomi chiraganv, jhansi
mrityu 29 march 1963
abhibhavak seth ramacharan kanakane
karm bhoomi bharat
karm-kshetr katha sahity
mukhy rachanaen khandakavy- anath, ardra, vishad, doorva dal, bapoo; kavyagranth- dainiki nakul, jay hind, pathey, mrinmayi tatha atmosarg; upanyas- antim akanksha tatha nari aur god.
bhasha hindi, gujarati, angrezi aur urdoo bhasha
puraskar-upadhi 1941 ee. men "sudhakar padak'
nagarikata bharatiy
any janakari siyaramasharan gupt rashtrakavi maithilisharan gupt ke chhote bhaee the.
inhen bhi dekhen kavi soochi, sahityakar soochi

siyaramasharan gupt (angrezi: Siyaram Sharan Gupt, janm: 4 sitnbar, 1895; mrityu: 29 march, 1963) hindi ke prasiddh sahityakar aur rashtrakavi maithilisharan gupt ke chhote bhaee the. un par gandhivad ka vishesh prabhav raha hai. isaliye unaki rachanaon men karuna, saty-ahinsa ki marmik abhivyakti milati hai. hindi sahity men unhen ek kavi ke rup men vishesh khyati prapt huee lekin ek moordhany kathakar ke roop men bhi unhonne katha sahity men bhi apana sthan banaya.

jivan parichay

bahumukhi pratibha ke sahityakar siyaramasharan gupt ka janm bhadrapad poornima samvath 1952 vikrami tadnusar 4 sitambar 1895 ee. ko seth ramacharan kanakane ke parivar men maithilisharan gupt ke anuj rup men chiraganv, jhansi men hua tha. praimari shiksha poorn kar ghar men hi gujarati, angrezi aur urdoo bhasha sikhi. sanh 1929 ee. men rashtrapita mahatma gandhi aur kastooraba ke sampark men aye. kuchh samay vardha ashram men bhi rahe. sanh 1940 ee. men chiraganv men hi netaji subhashachandr bos ka svagat kiya. ve sant vinoba bhave ke sampark men bhi aye. unaki patni tatha putron ka nidhan asamay hi ho gaya. moolat- ap du:kh vedana aur karuna ke kavi ban gaye. sahity ke ap maun sadhak bane rahe.[1]

rachanaen

'maury vijay' pratham rachana sanh 1914 men likhi. apaki samast rachanaen panch khandon men snkalit kar prakashit hai. 'ardra, 'durvadal, 'vishad, 'bapoo tatha 'gopika inaki mukhy kavy-kritiyan hain. isake atirikt inhonne 'god, 'nari, 'antim akanksha (upanyas), 'manushi (kahani sngrah), natak, nibndh adi lagabhag 50 grnth rache. sahaj akarshak shaili tatha bhav aur bhasha ki saralata inaki visheshata hai.

rachana sngrah

  • khand kavy- anath, ardra, vishad, doorva dal, bapoo, sunanda aur gopika.
  • kahani sngrah- manushi--
  • natak- puny parv
  • anuvad- gita snvad
  • naty- unmukt git
  • kavita sngrah- anurupa tatha amrit putr
  • kavyagranth- dainiki nakul, noakhali men, jay hind, pathey, mrinmayi tatha atmosarg.
  • upanyas- antim akanksha tatha nari aur god.
  • nibandh sngrah- jhooth-sach.
  • padyanuvad- eeshopanishad, dhammapad aur bhagavat gita

bhasha aur shaili

siyaramasharan gupt ki bhasha-shaili par ghar ke vaishnav snskaron aur gandhivad ka prabhav tha. gupt ji svayn shikshit kavi the. maithilisharan gupt ki kavyakala aur unaka yugabodh siyaramasharan ne yathavath‌ apanaya tha. at: unake sabhi kavy dvivedi yugin abhidhavadi kalaroop par hi adharit hain. donon gupt bndhuon ne hindi ke navin andolan chhayavad se prabhavit hokar bhi apana itivrittatmak abhighavadi kavy roop surakshit rakha hai. vichar ki drishti se bhi siyaramasharan ji jyeshth bndhu ke sadrish gandhivad ki paradu:khakatarata, rashtraprem, vishvaprem, vishv shanti, hriday parivartanavad, saty aur ahinsa se ajivan prabhavit rahe. unake kavy vastut: gandhivadi nishta ke sakshatkarak padyabaddh prayatn hain. hindi men shuddh satvik bhavodgaron ke lie gupt ji ki rachanaen smaraniy rahengi. unamen jivan ke shrringar aur ugr pakshon ka chitran nahin ho saka kintu jivan ke prati karuna ka bhav jis sahaj aur pratyaksh vidhi par gupt ji men vyakt hua hai usase unaka hindi kavy men ek vishisht sthan ban gaya hai. hindi ki gandhivadi rashtriy dhara ke vah pratinidhi kavi hain.

samman aur puraskar

dirghakalin hindi sevaon ke lie sanh 1962 ee. men "sarasvati' hirak jayanti men sammanit kiye gaye. apako sanh 1941 ee. men "sudhakar padak' nagari pracharini sabha varanasi dvara pradan kiya gaya.[1]

nidhan

siyaramasharan gupt ka asamay hi 29 march 1963 ee. ko lambi bimari ke bad nidhan ho gaya.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 siyaramasharan gupt (hindi) (ech.ti.em.el) shubh bharat. abhigaman tithi: 7 disambar, 2012.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah