बनारसीदास चतुर्वेदी  हिन्दी देवनागरी में पढ़ें।

banarasidas chaturvedi
banarasidas chaturvedi
poora nam banarasidas chaturvedi
janm 24 disambar, 1892
janm bhoomi firojabad
mrityu 2 mee, 1985
karm bhoomi bharat
karm-kshetr patrakarita, svatntr lekhan
mukhy rachanaen rashtrabhasha, phiji dvip men mere 21 varsh, hamare aradhy, setubandh, snsmaran, rekhachitr adi.
bhasha hindi
nagarikata bharatiy
any janakari patrakar ke roop men ganesh shnkar vidyarthi ko apana adarsh manate the.
inhen bhi dekhen kavi soochi, sahityakar soochi

banarasidas chaturvedi (angrezi: Banarasidas Chaturvedi, janm- 24 disambar, 1892, firojabad; mrityu- 2 mee, 1985) prasiddh patrakar aur shahidon ki smriti men sahity prakashan ke preranastrot the. unaki ganana agragany patrakaron aur sahityakaron men ki jati hai. yadyapi hindi sahity ke prati anurag aur lekhak ki abhiruchi ke lakshan unamen patrakar banane se pahale hi dikhaee de chuke the. san 1914 se hi ve pravasi bharatiyon ki samasyaon par likhane lage the. banarasidas barah varsh tak rajy sabha ke sadasy bhi rahe the. unhen sahity evn shiksha ke kshetr men bharat sarakar dvara san 1973 men 'padm bhooshan' se sammanit kiya gaya.

janm tatha shiksha

banarasidas chaturvedi ka janm 24 disambar, 1892 ko firojabad, uttar pradesh men hua tha. unhonne varsh 1913 men apani intar ki pariksha pas ki thi. isake bad unhonne kuchh samay tak pharrookhabad ke haeeskool men adhyapan kary kiya. phir indaur ke deli kaaulej men adhyapak ban ge. us samay daau. sampoornannd bhi vahan adhyapak the. unhin dinon indaur men gandhi ji ki adhyakshata men hindi sahity sammelan ka varshik adhiveshan hua. tabhi banarasidas chaturvedi ji ko gandhi ji tatha pramukh sahityakaron ke snpark men ane ka avasar mila. patrakar ke roop men ve ganesh shnkar vidyarthi ko apana adarsh manate the.

patrakarita

banarasidas ji ka patrakarita jivan 'vishal bharat' ke sampadan se arambh hua. svargiy ramanand chatarji, jo 'maaudarn rivyoo' aur 'vishal bharat' ke malik the, ve banarasidas ji ki seva bhavana aur lagan se bahut prabhavit the. kalakatta men rahate hue unaka pramukh rashtriy netaon se parichay hua tha. pravasi bharatiyon ki samasya men inaki vishesh dilachaspi pahale se hi thi. isake karan hi mahatma gandhi, si. ef. endrooj aur shrinivas shastri ke ye kripapatr ban ge the. in mahanubhavon ka pravasi bharatiyon ki samasya se vishesh sambandh tha. banarasidas chaturvedi ji si. eph. edrooj ke sath 'shantiniketan' chale ge. phir vahan se gandhi ji ke kahane par 'gujarat vidyapith' ke adhyapak ban kar ahamadabad pahunche. vahan bhi adhik dinon tak nahin tike. unhonne 1920 men adhyapak kary tyag diya. banarasidas ji ne 'vishal bharat' ko ek sahityik aur samany janakari se paripoorn masik patrika bana diya. isake stambhon men pray: sabhi pramukh lekhakon ki rachanaen prakashit hoti thin.

sahity ka adhyayan

'vishal bharat' chhodane ke bad banarasidas ji ne tikamagadh se 'madhukar' ka sampadan shuroo kiya. orachha naresh inaka vishesh adar karate the aur hindi premi the. banarasidas ne vastav men jivan bhar padhane aur likhane ke atirikt kuchh nahin kiya. unaka adhyayan hindi, snskrit aur bharatiy sahity tak hi simit nahin tha. angrezi ke madhyam se unhonne pashchaty sahity ka bhi gahara adhyayan kiya tha. unaki apani shaili thi, jo batachit ki bhasha ke nikat hote hue bhi ojapoorn tatha pranjal hai aur akarshak hai. nibandh, rekha chitr, varnan adi ke lie unake lekh-shaili vishesh roop se upayukt hain. unaki rachanaon men 'rekhachitr' (1952), 'sahity aur jivan' (1954), 'satyanarayan kaviratn', 'bharatabhakt endruj', 'snsmaran' adi adhik prasiddh hain.

bharatiyon ke hiteshi

totaram sanadhy se unake phiji dvip ke anubhav sunakar banarasidas ne totaram ji ke nam se 'phiji men mere 21 varsh' namak jo pustak taiyar ki, usase pravasi bharatiyon ki dasha ki or desh bhar ka dhyan akrisht hua. banarasidas chaturvedi ne svayn bhi 'pravasi bharatavasi' namak pustak ki rachana ki. varsh 1924 men kangres ne unhen apana pratinidhi banakar poorvi aphrika bheja tha. apane lekhon aur sahanubhootipoorn alochana dvara unhonne anek tarun lekhakon ko protsahit kiya tha. banarasidas ji ne jivan ko nikat se dekha tha, isilie unake rekhachitr sajiv hain. ve chalate-phirate dikhaee dete hain aur bolate se sunaee padate hain. rekhachitron ke kshetr men unaka kary bahut hi mahattvapoorn hai.

videsh yatra

banarasidas ji ka ek pramukh kary shahidon ki smriti men grnthamala prakashit karana raha hai. kee sahityakaron ke abhinndan grnth prakashit karane ka shrey bhi unako hai. banarasidas ji kabhi-kabhi apani dayari bhi likha karate the, jisaka sampoorn prakashan hindi sahity men avashy hi mahattvapoorn hoga. ve roosi lekhak sngh ke amntran par roos ki sair do bar kar chuke the. vahan se lautakar unhonne sundar lekhamala likhi thi. dilli men ve sahityik snsthaon se kisi n kisi roop se sambanddh rahe.

rajy sabha sadasy

banarasidas chaturvedi barah varsh tak rajy sabha ke sadasy bhi rahe the. yah samman unhen apani hindi seva ke karan hi mila tha. snsad sadasy ke roop men dilli nivas ki avadhi men ve sabhi sahityik halachalon ke pramukh sootradharon men rahe the. 'snsadiy hindi parishad', 'hindi patrakar sngh' adi snsthaon ke snchalan men ruchi lene ke sath-sath banarasidas ji ko dilli men 'hindi bhavan' kholane ka shrey bhi prapt hai.

yogadan

'hindi bhavan' ki sthapana men banarasidas ji ka pramukh yogadan tha. yah rajadhani ki sahityik gatividhi ka kendr ban chuka hai. 'hindi bhavan' (dilli) ke atirikt sammelan men 'satyanarayan kutir', kundaleshvar tikamagadh men 'gandhi bhavan' antarjanapadiy parishad, brajasahityamandal tatha shantiniketan men 'hindi bhavan' ki sthapana kar unhonne hindi sahity ko samriddh karane ka athak prayas kiya. sahity seva ke sath-sath samajik seva bhi banarasidas ji ka jivan vrat raha tha. san 1914 se 1936 tak unhonne poori nishtha ke sath pravasi bharatiyon ki seva ki thi.

kritiyan

shramajivi patrakaron ko sngathit karane men bhi banarasidas chaturvedi ne agrani kam kiya. rekhachitron ki rachana men ve siddhahast mane jate the. unaki pramukh rachanaen nimnalikht hain-

  1. 'rashtrabhasha' - 1919
  2. 'kaviratn satyanarayan ji ki jivani' - 1906
  3. 'snsmaran' - 1952
  4. 'rekhachitr' - 1952
  5. 'phiji dvip men mere 21 varsh' - 1918
  6. 'pravasi bharatavasi' - 1928
  7. 'keshavachandr sen'
  8. 'phiji men bharatiy'
  9. 'phiji ki samasya'
  10. 'hamare aradhy'
  11. 'setubandh'
  12. 'sahity aur jivan'

  banarasidas chaturvedi ji laganashil patr-lekhak aur patron ke sngrahakarta bhi the. ve har roj darjanon patr likhate the. unake pas vishisht vyaktiyon se patrachar ka durlabh sngrah tha, jo ant men unhonne vibhinn sngrahalayon men surakshit karava diye.

nidhan

apani patrakarita aur lekhan ke madhyam se hindi sahity ki seva karane vale is mahapurush ka 2 mee, 1985 ee. ko nidhan hua. kisi bhi vishay ko lekar snkalan athava prakashan ke kary men jahan kahin bhi kathinaee hoti thi, vahan banarasidas chaturvedi hamesha ek sahayak ke roop men taiyar rahate the. isaka udaharan svatntrata sngram ke shahidon ki jivaniyon ka prakashan hai. shahidon ke shraddh par ve grnthon tatha visheshankon ke roop men 22 chizen nikal chuke the. samagri ka snkalan unhonne svayn hi kiya aur is kary ka karyalay unaka apana ghar hi tha. is prakar ve nishidin hindi bhasha aur sahity ke nirman men sada snlagy rahe.  

panne ki pragati avastha
adhar
prarambhik
madhyamik
poornata
shodh

tika tippani aur sndarbh

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah