अभिमन्यु अनत  हिन्दी देवनागरी में पढ़ें।

abhimanyu anat
abhimanyu anat
poora nam abhimanyu anat
any nam 'anat' (upanam)
janm 9 agast, 1937
janm bhoomi maaurishas
mrityu 4 joon, 2018
karm bhoomi maaurishas
mukhy rachanaen 'kaiktas ke dant', 'nagaphani men ulajhi sansen', 'goonga itihas', 'dekh kabira hansi', 'insan aur mashin', 'jab kal aega yamaraj', 'laharon ki beti', 'ek bigha pyar', 'kuhase ka dayara' adi.
prasiddhi hindi katha sahityakar
upadhi 'maaurishas ke upanyas samrat'
any janakari abhimanyu anat ki kavitaon men shoshan, daman aur atyachar ke khilaf avaz bulnd ki gee hai. berozagari ki samasya par bhi inaki drishti gee hai.
inhen bhi dekhen kavi soochi, sahityakar soochi

abhimanyu anat (angrezi: Abhimanyu Anat, janm- 9 agast, 1937, maaurishas; mrityu- 4 joon, 2018) maaurishas men hindi katha sahity ke samrat hain. unhonne 18 varshon se hindi ka adhyapan kiya aur tin varshon tak yuva mntralay men 'naty kala vibhag' men naty prashikshak rahe. unhonne apane uchch-stariy hindi upanyason aur kahaniyon ke dvara maaurishas ko hindi sahity men uchch mnch par pratishthit kiya.

parichay

abhimanyu anat ka janm 9 agast, 1937 ee. ko triole, maaurishas men hua tha. maaurishas nivasi aur vahin par pale-badhe abhimanyu anat ne hindi sahity ki shrivriddhi men jo sahayog kiya hai, vah prashnsaniy hai. abhimanyu ka mool bharat ki hi mitti hai. inake poorvaj any bharatiyon ke sath angrezon dvara vahan ganne ki kheti men shram karane ke lie laye ge the. mazadooron ke roop men gaye bharatiy anat: vahin par bas ge. maaurishas kal-kram se angrazon ke shasan se mukt hua. bharatiy jo shramik banakar vahan ge the, unaki doosari-tisari pidhiyan padhi-likhi aur sampann hain. unaka jivan star bahut ooncha hai. abhimanyu ki bharatiy prishthabhoomi ne unhen hindi ki seva ke lie utsahit kiya aur unhonne apane poorvajon ki matribhoomi ka rin achchhi tarah se chukaya. maaurishas ke mahanh katha-shilpi abhimanyu anat ne hindi kavita ko ek naya ayam diya hai. unaki kavitaon ka bharat ke hindi sahity men bhi mahattvapoorn sthan hai.

karyakshetr

atharah varshon tak hindi ka adhyapan karane ke pashchath tin varshon tak abhimanyu anat yuva mntralay men naty prashikshak rahe. maaurishas ke 'mahatma gandhi institayoot' men bhasha prabhari ke pad se sevanivritt hone ke bad in dinon abhimanyu anat vahin ke 'ravindranath taigor institayoot' ka nideshak pad snbhal rahe hain. anek rashtriy evn antararashtriy puraskaron se sammanit anat ji ke pathakon ki snkhya bharat men bhi kam nahin hai. vidrohi lekhak ki chhavi dharan kar unhonne sadaiv hindi ke prasar ki bat ki.

vyaktitv

shant, saumy vyaktitv ke dhani abhimanyu anat maaurishas hi nahin, varanh poore hindi jagath ke shiromani hain. maaurishas men unaki chhavi vidrohi lekhak ke roop men hoti hai. unaki lekhani men sadaiv amajan ki bhavana mukharit hoti hai. pad ka lalach unhen kabhi bandh nahin paya. apani lekhani ko sashakt banane ke lie kee bar unhonne pad ko bhi thokar mar di. unake ghar ke pas sthit samudr ka shant svaroop bhi unake vyaktitv men samahit ho gaya hai. maaurishas men hindi sahity aur abhimanyu ek doosare ke poorak hain.

atuly lekhani

aj kisi bhi bharatiy sahityakar ke sath abhimanyu anat ka tulanatmak adhyayan kar shodh ka praroop diya ja sakata hai. unaki lekhani men sadaiv maaurishas ke amajan ki pareshaniyon ko ukera jata raha hai. unhen kabhi bhi satta ka bhay akrant nahin kar paya. unhonne kee bar apani lekhani ke madhyam se satta ko chunauti pradan ki. bharat men hindi sahityakar ke roop men unaki yogyata ko poori pratishtha nahin milane ka mukhy karan bharatiy hindi sahityakaron ki akarmanyata hai. sahityakaron dvara aksar pravasi lekhakon se parahej kiya jata hai. jabaki vastavikata yah hai ki hindi sahity men abhimanyu anat ki lekhani atuly hai. bharat ki sanskritik snpannata maaurishas ki tulana men adhik hai, at: bharat men pratishtha ka apana ek alag mahatv hai. bharat ke hindi sahityakaron men pravasi lekhakon ko protsahan dene ka abhav hai.[1]

hindi sahity ki mahanidhi

angreji bhasha ko prathamikata dene ke pichhe dikhava pravritti ko mukhy karan manane vale abhimanyu anat ke sath lagabhag pachchis salon se snpark men rahane vale sahityakar ashok chakradhar unhen hindi sahity ki mahanidhi manate hain. sahity ki vibhinn vidhaon men 60 se adhik pustakon ke rachayita shri anat ka upanyas 'lal pasina' kalajayi kriti ke roop men vikhyat ho chuka hai.

maaurishas ke upanyas samrat

upanyas ke kshetr men abhimanyu anat 'maaurishas ke upanyas samrat" hai. unake abhi tak 29 upanyas chhap chuke hain. pahala upanyas 'aur nadi bahati rahi' san 1970 men chhapa tha tatha unaka navinatam upanyas 'apana man upavan' abhi isi varsh men prakashit hua hai. unaka prasiddh upanyas 'lal pasina' san 1977 men chhapa tha, jo bharat se gaye giramitiya mazadooron ki marmik kahani hai. ab isaka anuvad 'phrench bhasha' men ho chuka hai. is upanyas ki do any kadiyan bhi prakashit huee, jinake shirshak hain- 'gandhiji bole the' (1984) tatha 'aur pasina bahata raha' (1993). bharat se bahar hindi men is trikhndi upanyas ko likhane vale ve ekamatr upanyasakar hain, jinamen bharatiy mazadooron ki mahakavyatmak gatha ka jivant varnan hua hai.

bhoomiputr

abhimanyu anat apane desh ke bhoomiputr hain tatha ani jatiy parampara ke rashtriy upanyasakar hain. maaurishas ki bhoomi, vahan ki snskriti, vahan ke anchal, vahan ki santanen sabhi unaki lekhakiy atma ke ang hain. ve apane desh ke vartaman ki trasadiyon, kriyakalapon, aupaniveshik dabav aur visnskritikaran ki dushpravrittiyon ka badi yatharthata ke sath udghatan karate hain tatha jivan moolyon tatha adarshavad ko sath lekar chalate hain.[2]

rachanaen

abhimanyu anat ki kavitaon men shoshan, daman aur atyachar ke khilaf avaz bulnd ki gee hai. berozagari ki samasya par bhi anat ki drishti gee hai. samasamayik vyavastha par kavi ka bhavuk hriday chitkar kar uthata hai-

jis din sooraj ko
mazadooron ki or se gavahi deni thi
us din subah nahin huee
suna gaya ki
malik ke yahan ki parti men
sooraj ne zyada pi li thi.

  • annt ki kavitaon men maaurishas ke shramajiviyon ki vedana ubharati hai. 'lakshmi ka prashn' shirshak kavita men anat prashnavachak mudra men khade ho jate hain-

anapadh lakshmi par itana zaroor poochhati rahi
pasine ki kimat jab itani mahngi hoti hai
to mazadoor use itane saste kyon bech deta hai.[3]

kavita snkalan
  • ab tak anat ke char kavita snkalan prakashit ho chuke hain-
  1. kaiktas ke dant
  2. nagaphani men ulajhi sansen
  3. ek dayari bayan
  4. gulamohar khaul utha
  • anat dvara snpadit kavita snkalan hain :
  1. maaurishas ki hindi kavita
  2. maaurishas ke nau hindi kavi
natak -
  1. virodh
  2. tin drishy
  3. goonga itihas
  4. rok do kanha
  5. dekh kabira hansi
kahani sngrah-
  1. ek thali samandar
  2. khamoshi ke chitkar
  3. insan aur mashin
  4. vah bich ka adami
  5. jab kal aega yamaraj
  • inake chhote-bade upanyason ki snkhya paintis hai. kuchh prasiddh nam niche die ja rahe hain-
  1. laharon ki beti
  2. mark tven ka svarg
  3. phaisala apaka
  4. mudiya pahad bol utha
  5. aur nadi bahati rahi
  6. andolan
  7. ek bigha pyar
  8. jam gaya sooraj
  9. tisare kinare par
  10. chautha prani
  11. lal pasina
  12. tapati dopahari
  13. kuhase ka dayara
  14. shephali
  15. hadatal kab hogi
  16. chun-chun chunav
  17. apani hi talash
  18. par pagadndi marati nahin
  19. apani-apani sima
  20. gandhiji bole the
  21. shabd bhng
  22. pasina bahata
  23. asamap apana angan
  24. asti-astu
  25. ham pravasi
  • inake upanyason men sarvashreshth hai 'lal pasina', jise mahakavyatmak upanyas mana jata hai.

samman

abhimanyu anat ko anek mahanh puraskaron se sammanit kiya gaya jaise sahity akadami, soviyat laind neharu puraskar, maithilisharan gupt samman, yashapal puraskar, janasnskriti samman, uttar pradesh hindi snsthan puraskar adi.

nidhan

sahityakar abhimanyu anat ka somavar, 4 joon, 2018 ko nidhan ho gaya. unaki ayu 81 varsh thi aur vah lnbe samay se asvasth the.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. hindi sahity ke sashakt hastakshar abhimanyu anat (hindi). . abhigaman tithi: 10 julaee, 2011.
  2. hindi ka pravasi sahity (hindi). . abhigaman tithi: 10 julaee, 2011.
  3. maaurishas men hindi ki sau sal purani parnpara (hindi). . abhigaman tithi: 10 julaee, 2011.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah