विजयदान देथा  हिन्दी देवनागरी में पढ़ें।

vijayadan detha
vijayadan detha
poora nam vijayadan detha
any nam detha, bijji
janm 1 sitambar, 1926
janm bhoomi borunda, jodhapur
mrityu 10 navambar, 2013
mrityu sthan borunda, jodhapur
sntan tin putr aur ek putri
karm bhoomi rajasthan
karm-kshetr lokakathakar, upanyasakar, snpadak
mukhy rachanaen 'batan ri phulavari', 'tido rav', 'kaboo rani', 'ulajhan', 'alekhun hitalar' adi.
bhasha rajasthani
puraskar-upadhi 'padm shri', 'sahity akadami puraskar', 'maroodhara puraskar' tatha 'bharatiy bhasha parishad puraskar'.
nagarikata bharatiy
any janakari rajasthani bhasha men chaudah khadon men prakashit batan ri phulavari ke dasaven khand ko bharatiy rashtriy sahity akadami dvara puraskrit kiya gaya, jo rajasthani kriti par pahala puraskar hai.
inhen bhi dekhen kavi soochi, sahityakar soochi

vijayadan detha (angrezi: Vijaydan Detha, janm: 1 sitambar, 1926 - mrityu: 10 navambar, 2013) jinhen 'bijji' ke nam se bhi jana jata hai, rajasthan ke prasiddh lekhak aur padm shri puraskar se sammanit vyakti the. unhen sahity akadami puraskar aur sahity chudamani puraskar jaise vibhinn any puraskaron se bhi samanit kiya ja chuka tha. vijayadan detha ki rajasthani bhasha men chaudah khadon men prakashit batan ri phulavari ke dasaven khand ko bharatiy rashtriy sahity akadami dvara puraskrit kiya gaya, jo rajasthani kriti par pahala puraskar hai.

jivan parichay

lok kathaon evn kahavaton ka adbhut snkalan karane vale padmashri vijayadan detha ki karmasthali unaka paithrik ganv borunda da hi raha tatha ek chhote se ganv men baithakar antarrashtriy star ke sahity ka srijan kiya. rajasthani lok snskriti ki pramukh snrakshak snstha roopayan snsthan (jodhapur) ke sachiv detha ka janm 1 sitnbar 1926 ko boroonda men hua. prarambh men 1953 se 1955 tak bijji ne hindi masik prerana ka sampadan kiya. bad men hindi traimasik roopam, rajasthani shodh patrika parampara, lokagit, gora hat ja, rajasthan ke prachalit premakhyan ka vivechan, jaithavai ra sohatha aur komal kothari ke sath snyukt roop se vani aur lok snskriti ka sampadan kiya. vijayadan detha ki likhi kahaniyon par do darjan se zyada filmen ban chuki hain, jinamen mani kaul dvara nirdeshit 'duvidha' par anek rashtriy aur antarrashtriy puraskar mil chuke hain. isake alava varsh 1986 men unaki katha par charchit film nirmata-nirdeshak prakash jha dvara nirdeshit philm pariniti kafi prabhavit huee hai. rajasthan sahity akadami 1972-73 men unhen vishisht sahityakar ke roop men sammanit kar chuki hai.[1]'duvidha' par adharit hindi philm 'paheli' men abhineta shaharukh khan aur rani mukharji mukhy bhoomikaon men the. yah unaki kisi rachana par bani antim philm hai.[2] rngakarmi habib tanavir ne vijayadan detha ki lokapriy kahani 'charanadas chor' ko natak ka svaroop pradan kiya tha aur shyam benegal ne is par ek philm bhi banaee thi.

kritiyan

rajasthani bhasha men qarib 800 se adhik laghukathaen likhane vale vijayadan detha ki kritiyon ka hindi, angrezi samet vibhinn bhashaon men anuvad kiya gaya. vijayadan detha ne kavitaen bhi likhin aur upanyas bhi. ve kalatmak drishti se utane saphal nahin nahin ho sake. snbhavatah unaki rachanatmak kshamata khil paee lok kathaon ke sath unake apane kam men. vijayadan detha ne rngamnch aur sinema ko apani or khincha. ek achchhi khasi abadi hai jo unhen 'charanadas chor' ke madhyam se hi janati hai. amol palekar, mani kaul, prakash jha, shyam benegal jaise philmakaron ne unaki kahaniyon par philmen banaeen. habib tanavir unaki kahani ko apanane vale rng nirdeshakon men sabase prasiddh hain lekin desh bhar men unaki jane kitani kahaniyon ko mnch par khela gaya, isaka koee hisab nahin hai.[3]

rajasthani kritiyan

  • batan ri phulavari, bhag 1-14, 1960 - 1974, lok loriyan
  • prerana (komal kothari dvara sah-sampadit) 1953
  • soratha, 1956 - 1958
  • tido rav, rajasthani ki pratham jeb men rakhane layak pustak, 1965
  • ulajhan, 1984, (upanyas)
  • alekhun hitalar, 1984, (laghu kathaen)
  • roonkh, 1987
  • kaboo rani, 1989, (bachchon ki kahaniyan)
  • rajasthani-hindi kahavat kosh. (snpadan)

hindi anuvadit kritiyan

apani matri bhasha rajasthani ke samadar ke lie 'bijji' ne kabhi any kisi bhasha men nahin likha, unaka adhikatar kary unake ek putr kailash kabir dvara hindi men anuvadit kiya.

  • usha, 1946 (kavitaen)
  • bapu ke tin hatyare, 1948 (alochana)
  • jvala saptahik men stambh, 19491952
  • sahity aur samaj, 1960, (nibandh)
  • anokha ped (sachitr bachchon ki kahaniyan), 1968
  • phoolavari (kailash kabir dvara hindi anuvadit) 1992
  • chaudharayan ki chaturaee (laghu kathaen) 1996
  • antaral, 1997 (laghu kathaen)
  • sapan priya, 1997 (laghu kathaen)
  • mero dard na jane koy, 1997 (nibandh)
  • atirikta, 1997 (alochana)
  • mahamilan, (upanyas) 1998
  • priya mrinal, 1998 (laghu kathaen)

lokakathaon ke jadoogar

rajasthan ki rng rngili lok snskriti ko adhunik kalevar men pesh karane vale, lokakathaon ke anoothe chitere vijayadan detha yani bijji apane paitrik ganv men hi rahate the, rajasthani men hi likhate the aur hindijagat phir bhi unhen hathonhath leta tha. char sal ki umr men pita ko kho dene vale shri detha ne n kabhi apana ganv chhoda, n apani bhasha. taumr rajasthani men likhate rahe aur likhane ke siva koee aur kam nahin kiya. bane banae sanchon ko todane vale vijayadan detha ne kahani sunane ki rajasthan ki samriddh parnpara se apani shaili ka talamel kiya. chatur gaderiyon, moorkh rajaon, chalak bhooton aur samajhadar rajakumariyon ki jubani vijayadan detha ne jo kahaniyan bunin unhonne unake shabdon ko jivnt kar diya. rajasthan ki lokakathaon ko maujooda samaj, rajaniti aur badalav ke aujaron se lais kar unhonne kathaon ki aisi phulavari rachi hai ki jisaki sugndh door-door tak mahasoos ki ja sakati hai. darasal ve ek jaduee kathakar the. apane dhng ke akele aise kathakar, jinhonne lok sahity aur adhunik sahity ke bich ek bahut hi mazaboot pul banaya tha. unhonne rajasthan ki vilupt hoti lok gathaon ki aisi punarrachana ki, jo any kisi ke lie lagabhag asnbhav thi.

sahi mayanon men ve rajasthani bhasha ke bharatendu harishchndr the, jinhonne us anyatam bhasha men adhunik gady aur samakalin chetana ki ninv dali. apane lekhan ke bare men unaka kahana tha- "havaee shabdajal v videshi lekhakon ke apach uchchhisht ka vaman karane men mujhe koee sar nazar nahin ata. akashagnga se koee ajooba khojane ki bajay panvon ke niche ki dharati se kuchh kan batorana yada mahattvapoorn lagata hai. anyatha in kahaniyon ko gadhane vale lekhak ki kahani to anakahi rah jaegi." vijayadan detha ki kahaniyan padhakar vikhyat philmakar mani kaul itane abhibhoot hue ki unhonne tatkal unhen likha- tum to chhupe hue hi thik ho. ...tumhari kahaniyan shahari janavaron tak pahunch gayin to ve kutton ki tarah un par toot padenge. ...giddh hain noch khaenge. tumhari namrata hai ki tumane apane ratnon ko ganv ki jhini dhool se dhnk rakha hai. hua bhi yahi, apani hi ek kahani ke dalit patr ki tarah- jisane jab dekha ki usake dvara upajaye khire men bij ki jagah 'knkad-patthar' bhare hain to usane unhen ghar ke ek kone men phenk diya, kintu bad men ek vyapari ki nigah un par padi to usaki ankhen chaundhiyan gayin, kyonki ve knkad-patthar nahin hire the. vijayadan detha ke sath bhi yahi hua. unaki kahaniyan anoodit hokar jab hindi men ayin to hindi snsar ki ankhen chaundhiyan gayin.[4]

samman aur puraskar

2007 men padmashri puraskar se sammanit vijayadan detha ko 2011 ke sahity nobel puraskar ke lie bhi namankit kiya gaya tha halanki bad men yah avaaurd taaumas transatraaumar ko diya gaya. isake atirikt unhen sahity akadami puraskar, maroodhara puraskar tatha bharatiy bhasha parishad puraskar bhi pradan kie ge.

nidhan

rajasthani lekhak vijayadan detha ka ravivar 10 navnbar, 2013 ko dil ka daura padane se borunda ganv (jodhapur) men nidhan ho gaya. unhonne rajasthan ki lok kathaon ko pahachan aur adhunik svaroop pradan karane men aham bhoomika nibhaee. 87 varshiy vijayadan detha ke parivar men tin putr aur ek putri hain.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. nahin rahe prakhyat sahityakar vijayadan detha (hindi) hindustan laiv. abhigaman tithi: 18 navnbar, 2013.
  2. nahin rahe sahityakar vijayadan detha (hindi) jagaran daaut kaaum. abhigaman tithi: 18 navnbar, 2013.
  3. vijayadan detha: vidvatta ko pesha nahin banaya (hindi) bibisi hindi. abhigaman tithi: 18 navnbar, 2013.
  4. lokakathaon ke jadoogar bijji (hindi) deshabndhu. abhigaman tithi: 18 navnbar, 2013.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah