शिवप्रसाद सिंह  हिन्दी देवनागरी में पढ़ें।

shivaprasad sinh
daau. shivaprasad sinh
poora nam daau. shivaprasad sinh
janm 19 agast, 1928
janm bhoomi jalalapur ganv, banaras, uttar pradesh
mrityu 28 sitnbar, 2008
karm bhoomi bharat
karm-kshetr sahityakar, adhyapak
mukhy rachanaen 'nila chand', 'karmanasha ki har', 'dhatoore ka phool', 'nanhon', 'ek yatra satah ke niche', 'rag goojari', 'murada saray', 'kohare men yuddh', 'dilli door hai', 'shailoosh' adi
vishay upanyas, kahani, nibndh, alochana
bhasha hindi
vidyalay banaras hindoo vishvavidyalay
shiksha em.e., piech.di
puraskar-upadhi sahity akadami puraskar (1990)
nagarikata bharatiy
any janakari daau. shivaprasad sinh 'relave bord ke rajabhasha vibhag' ke manad sadasy bhi rahe aur sahity akadami, birala phaundeshan, uttar pradesh hindi snsthan jaisi anek snsthaon se kisi-n-kisi roop men snbaddh rahe.
inhen bhi dekhen kavi soochi, sahityakar soochi

daau. shivaprasad sinh (angrezi: Dr. Shivprasad Singh, janm: 19 agast, 1928; mrityu: 28 sitambar, 2008) hindi ke prasiddh sahityakar the. shivaprasad sinh ek vidvan sahityakar the, jinaki bauddhikata, tarkikata aur vilakshan pratibha sampannata ne prarambh se hi hindi sahity ko andolit kiya. daau. shivaprasad sinh ne hindi ki upanyas, kahani, nibndh aur alochana jaisi lagabhag sabhi gady vidhaon men rachanaen kin.

jivan parichay

daau. shivaprasad sinh ka janm 19 agast, 1928 ko banaras ke jalalapur ganv men ek zamindar parivar men hua tha. ve prayah apane baba ke jamindari vaibhav ki charcha kiya karate; lekin us vatavaran se asnprikt bilakul prithakh snskaron men unaka vikas hua. unake vikas men unaki dadi man, pita aur man ka vishesh yogadan raha, is bat ki charcha ve prayah karate the. dadi man ki akshunn smriti ant tak unhen rahi aur yah usi ka prabhav tha ki unaki pahali kahani bhi 'dadi man' thi, jisase hindi kahani ko naya ayam mila. 'dadi man' se nee kahani ka pravartan svikar kiya gaya aur yahi nahin, yahi vah kahani thi jise pahali anchalik kahani hone ka gaurav bhi prapt hua. tab tak renu ka anchalikata ke kshetr men avirbhav nahin hua tha. bad men daau. shivaprasad sinh ne apani kahaniyon men anchalikata ke jo prayog kie vah premachnd aur renu se prithakh the. ek prakar se donon ke madhy ka marg tha; aur yahi karan tha ki unaki kahaniyan pathakon ko adhik akarshit kar saki thin. ise vidnbana kaha ja sakata hai ki jisaki rachanaon ko sahity ki nee dhara ke pravartan ka shrey mila ho, usane kisi bhi andolan se apane ko nahin joda. ve svatntr evn apane dhng ke lekhan men vyast rahe aur shayad isilie ve kalajayi kahaniyan aur upanyas likh sake.

shiksha

1949 men uday pratap kaaulej se intaramidiet kar shivaprasad ji ne 1951 men banaras hindoo vishvavidyalay se bi.e. aur 1953 men hindi men pratham shreni men pratham em.e. kiya tha. svarn padak vijeta daau. shivaprasad sinh ne em.e. men 'kirtilata aur avahatth bhasha' par jo laghu shodh prabndh prastut kiya. usaki prashnsa rahul sankrityayan aur daau. hajari prasad dvivedi ne ki thi. halanki ve dvivedi ji ke prarnbh se hi priy shishyon men the, kintu usake pashchath dvivedi ji ka vishesh pyar unhen milane laga. dvivedi ji ke nirdeshan men unhonne 'soor poorv brajabhasha aur usaka sahity' vishay par shodh snpann kiya, jo apane prakar ka utkrisht aur maulik kary tha.[1]
daau. shivaprasad sinh

karyakshetr

daau. shivaprasad sinh kashi hindoo vishvavidyalay men 1953 men pravakta niyukt hue, jahan se 31 agast 1988 men prophesar pad se unhonne avakash grahan kiya tha. bharat sarakar ki nee shiksha niti ke antargat yoo.ji.si. ne 1986 men unhen 'hindi pathyakram vikas kendr' ka samanvayak niyukt kiya tha. is yojana ke antargat unake dvara prastut hindi pathyakram ko yoo.ji.si. ne 1989 men svikriti pradan ki thi aur use desh ke samast vishvavidyalayon ke lie jari kiya tha. ve 'relave bord ke rajabhasha vibhag' ke manad sadasy bhi rahe aur sahity akadami, birala phaundeshan, uttar pradesh hindi snsthan jaisi anek snsthaon se kisi-n-kisi roop men snbaddh rahe the.[1]

sahityik parichay

shivaprasad sinh ka vikas halanki parivarik vatavaran se alag susnskaron ki chhaya men hua, lekin unake vyaktitv men sadaiv ek thakuraiti akkhadapan vidyaman raha. kintu yah akkhadapan prayah sushupt hi rahata, jagrat tabhi hota jahan lekhak ka svabhiman ahat hota. unaki pramukh rachanaen 'dadi man', 'karmanasha ki har', 'dhatoore ka phool', 'nanhon', 'ek yatra satah ke niche', 'rag goojari', 'murada saray' adi kahaniyon tatha 'alag-alag vaitarini' aur 'gali age mudati hai' thin. daau. shivaprasad sinh un birale lekhakon men the, jo kisi vishay vishesh par kalam uthane se poorv vishay se snbndhit tamam taiyari poori karake hi likhana prarnbh karate the. 'nila chand', 'kohare men yuddh', 'dilli door hai' ya 'shailoosh' isake jivnt udaharan hain. 'vaishvanar' par kary karane se poorv unhonne snpoorn vaidik sahity khngal dala tha aur kary ke dauran bhi jab kisi navin kriti ki soochana mili, unhonne kary ko vahin sthagit kar jab tak us kriti ko upalabdh kar usase gujare nahin, 'vaishvanar' likhana sthagit rakha. kisi bhi jigyasu ki bhanti ve vidvanon se us kal par charcha kar unake mat ko janate the. 1993 ke disnbar men ve isi uddeshy se daau. ramavilas sharma ke yahan pahunche the aur lagabhag dedh ghante vividh vaidik vishayon par charcha karate rahe the. yadyapi ve apane sahityik guru daau. hazariprasad dvivedi se prabhavit the, lekin daau. namavar sinh ke is vichar se sahamat nahin hua ja sakata ki 'daau. shivaprasad sinh ko aitihasik upanyas lekhan ki prerana dvivedi ji ke 'charuchnndr lekh' se mili thi. 'dvivedi ji ka 'charuchndr lekh' bhi gyarahavin-barahavin shatabdi ke raja gahadaval se snbndhit hai. [1]

mukhy kritiyan

shivaprasad sinh ki mukhy kritiyan[2]
upanyas
  • alag-alag vaitarani
  • gali age mudati hai
  • nila chand
  • shailoosh
  • hanoj dilli door ast
  • aurat
  • vaishvanar
kahani sngrah
  • ar par ki mala
  • karmanasha ki har
  • shakha mrig
  • inhen bhi intajar hai
  • murda saray
  • rag goojari
  • bhedie
nibndh sngrah
  • shikharon ke setu
  • kastoori mrig
  • chaturdik
ripotarj
  • antariksh ke mehaman
natak
  • ghatiyan goonjati hain
alochana
  • vidyapati
  • adhunik parivesh aur navalekhan
  • adhunik parivesh aur astitvavad
jivani
  • uttarayogi shri aravind
snpadan
  • shantiniketan se shivalik tak

samman aur puraskar

antim samay

daau. shivaprasad sinh ne jivan men bahut utar-chadhav dekhe, lekin unake jivan ka behad duahkhad prasng tha unaki putri mnjushri ki mrityu. usase pahale ve do putron ko kho chuke the; lekin usase ve itana n toote the jitana mnjushri ki mrityu ne unhen toda tha. ve use sarvasv lutakar bachana chahate the. beti ki donon kidani kharab ho chuki thin. ve use lie dilli se dakshin bharat tak bhatake the. apani kidani dekar use bachana chahate the, lekin nahin bacha sake the. usase pahale char varshon se ve svayn saitika ke shikar rahe the, jisase likhana kathin bana raha tha. mnjushri ki mrityu ne unhen tod diya tha. ahat lekhak lagabhag vikshipt-sa ho gaya tha. unaki sthiti se chintit the daau. hazariprasad dvivedi aur dvivedi ji ne agyey ji ko kaha tha ki ve unhen bulakar kuchh dinon ke lie kahin bahar le jaen, sthan parivartan se shivaprasad sinh shayad thik ho jaenge. sahity ke mahabali daau. shivaprasad sinh aspatal ki shayya par oob ge the. unhen apani mrityu ka abhas bhi ho gaya tha shayad. ve apane bete narendr se kashi le jane ki jid karate, jisake samajik-sanskritik jivan ko ve apane tin upanyason- 'nila chand', 'gali age mudati hai' aur 'vaishvanar' men ji chuke the; jise vidvanon ne italavi lekhak larens darel ke 'elekjendriya kvatret' ki tarj par trilaji kaha tha. ve kahate- "jo hona hai vahin ho" aur ve 7 sitnbar, 2008 ko 'sahara' ki 9 bajakar 20 minat ki phlait se banaras ge the. unake putr narendr janate the ki ve adhik dinon sath nahin rahenge. unhen phephadon ka kainsar tha; lekin itani jaldi sath chhod denge, yah kalpana se bahar tha. 28 sitnbar, 2008 ko subah char baje daau. shivaprasad sinh ne apani ankhen moond lin.[1]


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 1.3 chandel, roopasinh. ek parnpara ka ant tha daau. shivaprasad sinh ka jana (hindi) rachana samay (blaaug). abhigaman tithi: 14 march, 2015.
  2. shivaprasad sinh (hindi) hindi samay. abhigaman tithi: 14 march, 2015.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah