मजाज़  हिन्दी देवनागरी में पढ़ें।

majaz
asarar ul haq 'majaz'
poora nam asarar ul haq 'majaz'
any nam majaz lakhanavi
janm 19 aktoobar, 1911
janm bhoomi barabnki, uttar pradesh
mrityu 5 disambar, 1955
abhibhavak chaudhari siraj ul haq (pita)
karm-kshetr urdoo shayar, vaicharik lekhan
bhasha urdoo, arabi, hindi
nagarikata bharatiy
any janakari asararul haq majaz ka shumar eshiya ke mahanatam kaviyon men kiya jata hai. asararul haq majaz ki shayari ka anuvad hindi, roosi, angrezi adi kee bhashaon men ho chuka hai.
inhen bhi dekhen kavi soochi, sahityakar soochi

majaz lakhanavi (poora nam: asarar ul haq 'majaz', angrezi:Asarar Ul Huq Majaaj, janm: 19 aktoobar, 1911, barabnki, uttar pradesh; mrityu: 5 disambar, 1955) prasiddh shayar the. unhen tarakki pasand taharik aur inkalabi shayar bhi kaha jata hai. mahaj 44 sal ki chhoti-si umr men urdoo sahity ke 'kits' kahe jane vale asarar ul haq 'majaz' is jahan se kooch karane se pahale apani umr se badi rachanaon ki saugat urdoo adab़ ko de ge shayad majaz ko isaliye urdoo shayari ka 'kits' kaha jata hai, kyonki unake pas ahasas-e-ishk vyakt karane ka behatarin lahaja़ tha.[1]

jivan parichay

majaz lakhanavi ka janm 19 aktoobar, san 1911 ko uttar pradesh ke barabnki zile men hua tha. inake valid ka nam chaudhari siraj ul haq tha. chaudhari siraj ul haq apane ilake men pahale adami the, jinhonne vakalat ki digri hasil ki thi. ve rajistri vibhag men sarakari mulajim the. valid chahate the ki unaka beta injiniyar bane. is hasarat se unhonne apane bete asarar ka dakhila agara ke sent jans kalej men intar sains men karaya. yah bat koee 1929 ki hai. magar asarar ki lakiron men to shayad kuchh aur hi likha tha. agara men unhen phani, jajbi, maikash akabarabadi jaise logon ki sohabat mili. is sohabat ka asar yah hua ki unaka rujhan bajay injiniyar banane ke gazal likhane ki taraph ho gaya. ‘asarar’ nam ke sath ‘shahid’ takhallus jud gaya. kaha jata hai ki majaz ki shurooati gazalon ko phani ne islah kiya. yah alag bat hai ki majaz ne unase islah to karaya, parantu unaki gazalon ka prabhav apane oopar nahin padane diya. yahan unhone gazalagoee ki barikiyon aur arooz (vyakaran) ko sikha . is dauran unamen darshanikata ka put bhi aya, jisaka unamen abhav tha. bad men majaz lagatar nikharate ge.

jivan ka nirnayak mod

agara ke bad ve 1931 men bi.e. karane aligadh chale ge. aligadh ka yah daur unake jivan ka nirnayak mod sabit hua. is shahar men unaka rabta mnto, ismat chugataee, ali saradar jafari, sibte hasan, jan nisar akhtar jaise namachin shayaron se hua. inaki sohabat ne majaz ke kalam ko aur bhi kashish aur vusat bakhshi. yahan unhonne apana takhallus ‘majaz’ apanaya. isake bad majaz gazal ki duniya men bada sitara banakar ubhare aur urdoo adab ke phalak par chha gaye. aligadh men majaz ki atma basati thi. kaha jata hai ki majaz aur aligadh donon ek doosare ke poorak the. ek doosare ke lie bane the. apane skooli jivan men hi majaz apani shayari aur apane vyaktitv ko lekar itane makabool ho ge the ki haaustal ki ladakiyan majaz ke git gaya karati thin aur unake sath apane sapane buna karati thin. aligadh ki numaeesh, yoonivarsiti, vahan ki rnginiyon adi ko lekar majaz ne kafi likha-padha. majaz ki shayari ke do rng hai-pahale rng men ve ishkiya gazalakar najar ate hain vahin doosara rng unake inkalab़i shayar hone ka muzahira karata hai. aligadh men hi unake krititv ko ek naya vistar mila. ve pragatishil lekhak samuday se jud gaye. ‘mazadooron ka git’ ho ya ‘inkalab jindabad’, majaj ne apani bat bahut prabhavashali tarike se kahi.
samman men jari dak tikat

tarakkipasand shayar

aligadh ka daur unaki jindagi ko naya mod dene vala raha. agara men jahan ve ishkiya shayari tak simit the, aligadh men us shayari ko naya ayam mila. agara se aligadh tak ate ate shabab, inkalab men tabdil ho gaya. 1930-40 ka antaral desh duniya men badi tabdiliyon ka daur tha. rashtriy andolan men pragatishilata ka mod a chuka tha. sahityakaron ki badi phauz inkalab ke git ga rahi thin. aligadh isase achhoota kaise rah sakata tha. aligadh men bhi in vicharon ka daur a chuka tha. tarakkipasnd kahe jane vale tamam kavi-lekhakon ka aligadh ana-jana ho raha tha. daau. asharaph yoorop se laut ae the, akhtar husain ramapuri bi.e. karane bad afatab haaustal men rah rahe the . sabt hasan bhi aligadh men hi the. sajjad jahir aauksaphord men bahut dinon tak rahane ke bad aligadh a gaye the. angehraji hukoomat ke dauran kee tarakkipasand kahi jane vali patr patrikaen prakashit hokar ’jabt ’ ho rahi thin, jahir hai ki in ghatanaon ka asar majaz aur unaki shayari par padana lajimi thi. daau. asharaph, akhtar rayapuri, sabat hasan, saradar jafari, jajbi aur aise doosare samajavadi sathiyon ki sohabat men majaj bhi tarakki pasnd tatha inkalabi shayaron ki sohabat men shamil ho gaye. aise mahaul men majaj ne ’inkalab’ jaisi najm buni. isake bad unhonne rat aur rel, najar, aligadh, najar khalida, andheri rat ka musaphir ,saramayadari, jaise rachanaen urdoo adabi duniya ko din. majaz ab bahut makabool ho chuke the. 1935 men ve al indiya rediyo ki patrika ‘avaj’ ke sahayak snpadak ho kar majaz dilli a gaye. dilli men nakam ishk ne unhen aise dard diye ki jo majaz ko taumr salate rahe. yah patrika bamushkil ek sal hi chal saki, so ve vapas lakhanoo a ge. 1939 men sibte hasan ,saradar japhari aur majaz ne milakar ’naya adab’ ka sampadan kiya jo arthik kathinaeeyon ki vajah se jyada din tak nahin chal saka. ishk men nakami se majaz ne sharab pina shuroo kar diya. sharab ki lat is kadar badhi ki logon ne kahana shuroo kar diya ki majaz sharab ko nahin, sharab majaz ko pi rahi hai. dilli se vida hote vakt unhonne kaha-

rookhsat e dilli! teri mahaphil se ab jata hoon main nauhagar jata hoon main nala-b-lab jata hoon main

nidhan

5 disambar 1955 ko lakhanoo men hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. majaz lakhanavi, parichay (hindi) kavitakosh.org. abhigaman tithi: 20 navambar, 2016.

bahari kadiyan

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah