कैफ़ी आज़मी  हिन्दी देवनागरी में पढ़ें।

kaifi azami
kaifi azami
poora nam akhtar husain rizvi
prasiddh nam kaifi azami
janm 19 janavari, 1919
janm bhoomi ajamagadh, uttar pradesh
mrityu 10 mee, 2002
mrityu sthan mumbee
pati/patni shaukat azami
sntan shabana azami, baba azami
karm bhoomi mumbee
karm-kshetr gitakar, urdoo shayar
mukhy rachanaen 'avara sijde', 'iblis ki majilase shoora' adi.
puraskar-upadhi sahity akadami puraskar, rashtriy film puraskar (film sat hindustani), filmapheyar puraskar (film garam hava), soviyat laind neharoo avard.
prasiddhi filmajagat ke mashahoor urdoo shayar
nagarikata bharatiy
any janakari 'kagaz ke phool', 'hakikat', 'hindustan ki kasam', 'hnsate jakhm', 'akhari khat' aur 'hir ranjha' jaisi filmon men kee suparahit gane likhe hain.
adyatan‎

kaifi azami (angrezi: Kaifi Azmi, janm: 19 janavari, 1919; mrityu: 10 mee, 2002) filmajagat ke mashahoor urdoo shayar the. kaifi azami ka mool nam akhtar husain rizvi tha. kaifi azami men naisargik kavy pratibha thi aur vah chhoti umr men hi ve shayari karane lage the.

jivan parichay

kaifi azami ka janm uttar pradesh ke ajamagadh zile men 19 janavari, 1919 hua tha. kaifi azami ke parivar men unaki patni shaukat azami, inaki do sntan shabana azami (filmajagat ki mashahoor abhinetri aur javed akhtar ki patni) aur baba azami hai.

shiksha

kaifi azami ke tahasiladar pita unhen adhunik shiksha dena chahate the. kintu rishtedaron ke dabav ke karan kaifi azami ko islam dharm ki shiksha prapt karane ke lie lakhanoo ke 'sulatan-ul-madariya' men bharti karana pada. lekin ve adhik samay tak vahan nahin rah sake. unhonne vahan yooniyan banaee aur lnbi hadatal kara di. hadatal samapt hote hi kaifi azami ko vahan se nikal diya gaya. bad men unhonne lakhanoo aur ilahabad vishvavidyalay men shiksha paee aur urdoo, arabi aur farasi bhashaon ka gyan prapt kiya.

kavy pratibha

kaifi azami men naisargik kavy pratibha thi. chhoti umr men hi ve shayari karane lage the. yadyapi unaki arnbhik rachanaon men prem-bhavana pradhan hoti thi, kintu shighr hi usamen pragatishil vicharon ka pradhany ho gaya. rajanitik drishti se ve kamyunist parti ke sadasy the. kaifi azami parti ke kam ke lie mumbee ge the. vahan unaka snbndh indiyan pipuls thiyetar se hua aur age chalakar ve usake adhyaksh bhi bane. kaifi azami bahut kam umr men jane-mane shayar ho chuke the. ve mushayaron men star the, lekin ve poori tarah se kamyunist parti ke lie samarpit the. ve parti ke kamon men masharooph rahate the. ve kamyunist parti ke pepar 'kaumi jng' men likhate the aur grasaroot leval par mazadoor aur kisanon ke sath parti ka kam bhi karate the. isake lie parti unako mahavar chalis roope deti thi. usi men ghar ka kharch chalata tha.[1]

mitrata

kaifi azami is mamale men bahut hi khushaqismat rahe ki unhen dost hamesha hi behatarin mile. munbee men ipta ke dinon men unake doston ki pheharist men jo log the ve bad men bahut bade aur nami kalakar ke roop men jane ge. ipta men hi homi bhabha, kishan chndar, majarooh sultanapuri, sahir ludhiyanavi, balaraj sahani, mohan sahagal, mulkaraj annd, romesh thapar, shailendr, prem dhavan, ismat chugataee, e. ke. hngal, hemnt kumar, adi marjaban, salil chaudhari jaise kamyuniston ke sath unhonne kam kiya. progresiv raitars esosieshan ke snsthapak sajjad zahir ke draing room men munbee men unaki shadi huee thi. unaki jivan sathi shauqat kaifi ne unhen is lie pasnd kiya tha ki kaifi azami bahut bade shayar the.[2]

vivah

1946 men bhi unake tevar inqalabi the aur apani man ki marji ke khilaf apane pragatishil pita ke sath aurngabad se munbee akar unhonne kaifi se shadi kar li thi. shadi ke bad kaifi ne bade papad bele. apane ganv chale ge jahan ek beta paida hua, shabana azami ka bada bhaee. ek sal ka bhi nahin ho paya tha ki chala gaya. bad men vaya lakhanoo munbee pahunche. shuruat men bhi lakhanoo rah chuke the, dini talim ke lie ge the lekin insaf ki ladaee shuroo kar di aur nikal die ge the. jab unaki beti shabana shaukat apa ke pet men ayin to kamyunist parti ne pharaman suna diya ki ebarshan karao, kaifi andaragraund the aur parti ko lagata tha ki bachche ka kharch kahan se aega. shaukat kaifi apani man ke pas haidarabad chali gayin. vahin shabana azami ka janm hua. us vaqt ki muphalisi ke daur men ismat chugataee aur unek pati shahid latif ne ek hazar rupaye bhijavaye the. yah khairat nahin thi, film nirman ke kam men lage shahid latif sahab apane ek film men kaifi ke likhe do git istemal kiye the. [2]

filmon men pravesh

kaifi azami ki bivi shaukat ajami ko bachcha hone vala tha. kamyunist parti ki hamadard aur 'progresiv raitars esosieshan' ki menbar thin ismat chugatee. unhonne apane shauhar shahir latiph se kaha ki tum apanifilm ke lie kaifi se kyon nahin gane likhavate ho? kaifi sahab ne us vakt tak koee gana nahin likha tha. unhonne latiph sahab se kaha ki mujhe gana likhana nahin ata hai. unhonne kaha ki tum fikr mat karo. tum is bat ki fikr karo ki tumhari bivi bachche se hai aur us bachche ki sehat thik honi chahie. us vakt shaukat ajami ke pet men jo bachcha tha, vah bada hokar shabana ajami bana.

pahala git

kaifi azami ne 1951 men pahala git 'bujhadil film' ke lie likha- 'rote-rote badal gee rat'. kaifi azami tredishanal bilkul nahin the. shiya gharane men ek zamindar ke ghar men unaki paidaish huee thi. marsiha shiya ke rag-rag men basa hua hai. muharram men matam ke dauran hajarat ali ko jin alphajon men yad karate hain, vah shayari men hai. ve jis mahaul men pale-badhe, vahan shayari ka bol-bala tha. gayarah sal ki umr men unhonne likha tha, ‘‘itana to jindagi men kisi ki khalal pade, hnsane se ho sukoon, n rone se kal pade.’’

garm hava

bharat-pakistan ke bntavare ko lekar jitani filmen aj tak bani hain, unamen ‘garam hava’ ko aj bhi sarvotkrisht film ka darja hasil hai. ‘garam hava’ film ki kahani, patakatha, snvad kaifi ajami ne likhe. sabase badi bat to yah thi ki ‘garam hava’ par kaifi ajami ko tin-tin film pheyar avard die ge.  patakatha, snvad par best film pheyar avard ke sath hi kaifi ko ‘garam hava’ par rashtriy puraskar bhi mila.[2]

gurudatt ke sath

unako pahala bada brek mila 1959 men, film kagaj ke phool men. abarar alvi ne unhen guroodatt se milavaya. guroodatt se badi jaldi unaki achchhi ban gee. kaifi sab kahate the-

"us jamane men filmon men gane likhana ek ajib hi chij thi. am taur par pahale tyoon banati thi. usake bad usamen shabd piroe jate the. ye thik aise hi tha ki pahale apane qabr khod li, phir usamen murde ko phit karane ki koshish karen. to kabhi murde ka pair bahar rahata tha to kabhi koee ang. mere bare men filmakaron ko yakin ho gaya ki ye murde thik gad leta hai, isalie mujhe kam milane laga."

kaifi azami yah bhi batate hain ki kagaj ke phool ka jo mashahoor gana hai 'vakt ne kiya kya hnsin sitam..' ye yoon hi ban gaya tha. es di barman aur kaifi ajami ne yoon hi yah gana bana liya tha, jo guroodatt ko behad pasnd aya. us gane ke lie film men koee sichueshan nahin thi, lekin guroodatt ne kaha ki ye gana mujhe de do. ise main sichueshan men phit kar doonga. aj agar ap kagaj ke phool dekhen to aisa lagata hai ki vah gana usi sichueshan ke lie banaya gaya hai. kaifi sahab ke gane beinteha mashahoor hue, lekin film kamayab nahin huee. guroodatt dipreshan men chale ge. usake bad kaifi sahab ke pas 'shola aur shabanam' film aee. usake gane bahut mashahoor hue. jane kya dhoondhati hain ye ankhen mujhamen aur jit hi lenge baji ham-tum, lekin phir film nahin chali. phir 'apana hath jagannath' aee. ek ke bad ek kaifi sahab ki kafi filmen aeen aur sabake gane mashahoor, lekin baauks aauphis par ek bhi film nahin chali. 'shama' zaroor ek film thi, jisamen suraiya thin, usake gane mashahoor hue aur vah film bhi chali, lekin zyadatar jin filmon men inhonne gane likhe, vah nahin chalin. phir film indastri ne inase palla jhadऩa shuroo kar diya aur log yah bat kahane lage ki kaifi sahab likhate to bahut achchha hain, lekin ye analaki hain.
is mahaul men chetan annd ek din kaifi sahab ke ghar ae. unhonne kaha ki kaifi sahab, bahut dinon ke bad main ek fi bana raha hoon. main chahata hoon ki meri film ke gane ap likhen. kaifi sahab ne kaha ki mujhe is vaqt kam ki bahut zaroorat hai aur apake sath kam karana mere lie bahut badi bat hai, lekin log kahate hain ki mere sitare gardish men hain. chetan annd ne kaha ki mere bare men bhi log yahi kahate hain. main manahoos samajha jata hoon. chalie, kya pata do nigetiv milakar ek paaujitiv ban jaen. ap is bat ki fikr n karen ki log kya kahate hain. kar chale ham fida jane tan sathiyon.. gana bana. haqiqat (1964) film ke tamam gane aur vah pikchar bahut badi hit huee. usake bad kaifi sahab ka kamayab daur shuroo hua. chetan annd sahab ki tamam filmen vo likhane lage, jisake gane bahut mashahoor hue.[1]

hir ranjha

hir ranjha (1970) men kaifi sahab ne ek itihas kayam kar diya. unhonne poori film shayari men likhi. hindi sinema ke itihas men aisa kabhi nahin hua. ap usaka ek-ek shabd dekhen, usamen shayari hai. unhonne is film par bahut mehanat ki. vah rat bhar jagakar likhate the. unhen haee bladapreshar tha, sigaret bahut pite the. isi dauran unhen bren haimarej hua aur phir pairalasis ho gaya. usake bad phir ek naya daur shuroo hua. ne filmamekars kaifi sahab ki taraph akarshit hone lage. unamen chetan annd ke bete ketan annd the. unaki film 'toote khilaune' ke gane unhonne likhe. usake bad unhonne meri do-tin filmon toote khilaune, bhavana, arth ke gane likhe. bich men satyakam, anupama, 'dil ki suno duniya valo' bani. rishikesh mukharji ke sath bhi unhonne kam kiya. arth ke gane bahut lokapriy hue aur film bhi bahut chali.[1]

kahani lekhak

kaifi azami ne kahani lekhak ke roop men filmon men pravesh kiya. 'yahoodi ki beti' aur 'eed ka chand' unaki likhi arnbhik filmen thin. unhonne 'garm hava' aur 'mnthan' jaisi filmon men snvad bhi likhen. unhonne anek filmon men git likhen jinamen kuchh pramukh hain- 'kagaz ke phool' 'haqiqat', hindustan ki qasam', hnsate jakhm 'akhari khat' aur hir ranjha'.

nazm sngrah

kaifi azami ne adhunik urdoo shayari men apana ek khas sthan banaya. kaifi azami ki nazmon aur gazalon ke char sngrah hain:-

  1. jhnkar-
  2. akhire-shab
  3. avara sijde
  4. iblis ki majilase shoora.

bahuayami pratibha

kaifi azami bahuayami pratibha se snpann the. shayar, gadyakar (tnj), natakakar, filmakar (git, kahani, patakatha, snvad, abhinay) ke sath hi sath kaifi mazadoor sabha, tred yooniyan men kam karate hue kamyunist parti ke ek kushal sngathanakarta the. kaifi ek pukhta kamared the aur jivan ke antim samay tak kamyunist parti ke kard holdar bane rahe. kaifi lal kard ko hamesha sine se lagakar rakhate the. bnbee men kaifi ke ghar khvaja ahamad abbas, bhishm sahani, begam akhtar, majarooh sultanapuri, josh malihabadi, phaij ahamad phaij, phiraq gorakhapuri jaisi tamam badi hastiyon ka ana-jana rahata tha. maze ki bat to yah hai ki ali saradar jafari ka pahala sngrah, paravaj makhadoom mohiuddin ka pahala sngrah ‘surkh sabera’, jajbi ka pahala sngrah ‘pharojan’ aur kaifi azami ka pahala sngrah ‘jhanakar’ 1943  men lagabhag ek sath prakashit hue.

vishesh janakari

  • kaifi azami ka janm uttar pradesh ke ajamagadh zile men 'mijavan gram' men 1919 men hua tha.
  • kaifi azami ki janmatithi unaki ammi ko yad nahin thi. unake mitr daaukyoomentri filmamekar sukhadev ne unaki janmatithi chaudah janavari rakh di thi.
  • unhonne 1943 men kamyunist parti jvain kar li. bad men ve 'progresiv raitars esosieshan' ke sakriy karyakarta bane.
  • 1951 men ve filmon se jude. shahid latif ki film 'bujhadil' men unhonne pahali bar git likhe. bad men unhonne 'hir ranjha', 'mnthan' aur 'garm hava' filmon ka lekhan kiya.
  • kaifi azami ne seed mirza ki film 'nasim' (1997) men abhinay kiya. yah kiradar pahale dilip kumar nibhane vale the.
  • kaifi azami keval 'maaunt blaauk pen' se likhate the. unaki pen ki sarvising nyooyaaurk ke 'phaunten haauspital' men hoti thi. jab unaki maut huee, to unake pas attharah maaunt blaauk pen the.
  • kaifi azami ko 'sat hindustani' (1969) ke lie sarvashreshth gitakar ke 'rashtriy film puraskar' se sammanit kiya gaya.
  • bharat sarakar ne unhen padmashri samman se sammanit kiya tha. isake alava, unhen sahity akadami puraskar evn garm hava (1975) ke lie sarvashreshth katha, patakatha evn snvad ke filmapheyar puraskar se sammanit kiya gaya tha.
  • kaifi azami ne kul assi hindifilmon men git likhe hain.[1]

samman aur puraskar

kaifi azami ko apani vibhinn prakar ki rachanaon ke liye kee puraskaron se sammanit kiya gaya hai. jinamen se kuchh pramukh is prakar hain-

nidhan

filmajagat ke mashahoor urdoo ke shayar kaifi azami ka nidhan 10 mee, 2002 ko hridayaghat (dil ka daura) ke karan mumbee men hua.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

sharma, liladhar bharatiy charit kosh (hindi). bharat diskavari pustakalay: shiksha bharati, dilli, prishth 199.

  1. 1.0 1.1 1.2 1.3 abba kaifi ajami ko yad kar rahi hain shabana ajami (hindi). . abhigaman tithi: 3 janavari, 2014.
  2. 2.0 2.1 2.2 kaifi ajami : akhiri sans tak inqalabi (hindi). . abhigaman tithi: 4 janavari, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah