दुनागिरि शक्तिपीठ  हिन्दी देवनागरी में पढ़ें।

dunagiri shaktipith
dunagiri shaktipith
varnan 'dunagiri shaktipith' uttarakhnd ke prasiddh dharmik sthalon men se ek hai. yah shaktipith sati ke ang patan se nirmit nahin hua, balki yah svaynbhoo shaktipith hai.
sthan doonagiri, almoda, uttarakhnd
bhaugolik sthiti almoda se 65 ki.mi. aur ranikhet se 38 ki.mi. door aur dvarahat se 14 ki.mi. ki oonchaee par sthit.
vishesh ashvin navaratron men saptami ki rat ko putr prapti ki kamana se mahilaen dunagiri devi ke prangan men sari rat jalata hua dipak hath men lekar khadi rah kar manauti mangati hain aur manauti poori hone par apane navajat shishu ko lekar mata ke darshan ko ati hain.
any janakari jammoo ki vaishno devi ke saman hi uttarakhnd ki is vaishnavi shakti ki prasiddhi hai, lekin prachar-prasar ke abhav men rashtriy star par isaki mahatta ubhar kar nahin a paee hai.

dunagiri shaktipith uttarakhnd ke almoda men sthit hai. yah himalay ki god men basa hua bahut prachin sthal hai. jammoo ki vaishno devi ki hi tarah yah bhi ek siddh shaktipith hai. is shaktipith ka pata bahut bad men lag paya. yah shaktipith sati ke ang patan se nirmit nahin hua, balki yah svaynbhoo shaktipith hai. yahan koee moorti nahin hai. prakritik roop se nirmit siddh pindiyan mata bhagavati ke roop men pooji jati hain. aisi manyata hai ki is shaktipith men jo koee bhi shuddh buddhi se ata hai aur sachche man se kamana karata hai, vah avashy poori hoti hai.

sthiti

almoda se 65 ki.mi. aur ranikhet se 38 ki.mi. door, dvarahat se 14 ki.mi. ki oonchaee par sthit dunagiri ko gopaniy shaktipith mana jata hai. yahi karan hai ki 51 shaktipithon men isaki ganana nahin ki jati. uttarakhnd ka samast bhoobhag adhyatmik mahima se mndit aur naisargik prakritik saundary se bharapoor hai. yahan devi-devataon ke kee siddh pith hain. bharat men vaishnavi shaktipith ke nam se vikhyat do shaktipith hain aur donon himalay men hi vidyaman hain. unamen se ek jammoo-kashmir men sthit vaishno devi aur doosara uttarakhnd men sthit dronagiri ke nam se prasiddh hai. lokamanas men ise 'dunagiri' ke nam se jana jata hai.[1]

jammoo ki vaishno devi ke saman hi uttarakhnd ki is vaishnavi shakti ki prasiddhi hai, lekin prachar-prasar ke abhav men rashtriy star par isaki mahatta ubhar kar nahin a paee hai. jammoo sthit vaishno devi ki gufa men devi bhagavati ne asuron ka snhar kar ghor tapasya ki thi aur dunagiri shaktipith men usi mahashakti ne uma haimavati ka roop dharan kar indr adi devataon ko brahmgyan ka upadesh diya tha. yahan devi bhagavati ke do siddh shila vigrah hain.

parvat shrinkhalaen

dunagiri ke shikhar par pahunchate hi virat himalay ki gaganachunbi parvat shrinkhalaen atynt nikat dikhaee deti hain. aisa lagata hai vastav men ham himalay ke angan men pahunch ge hon. prakriti ki chhataen jahan man ko mohit kar atmavibhor kar deti hain, vahin ve bhavabhakti se paripoorn alaukik anubhooti jagath janani bhagavati ke charanon ke prati pragadh hoti chali jati hai.

pauranik katha

is shaktipith ke udbhav ke bare men ek pauranik katha ke anusar- "padyakalp men asuron ne indr adi devataon ko parajit karake unake snpoorn adhikar jab svayn hastagat kar lie to brahma ke netritv men sabhi devataon ne himalay men mahadev evn vishnu ko apani vyatha sunaee. devataon ki raksha karane ke lie bhagavan vishnu ke sharir se ek divy tejapunj prakat hua, jisase ‘vaishnavi shakti’ ka janm hua. is ‘vaishnavi shakti’ ne sinh ki savari karake asuron ka snhar kar devataon ki raksha ki. yahi vaishnavi shakti dunagiri ki adhishthatri devi huee." kumaoon ke shakti mndiron men dunagiri atynt prachin aur aitihasik shaktipith hai. is shaktipith ki ganana shakti ke pradhan ugr pithon men bhi hoti hai. sknd puran ke ‘manas khnd’ ke 'dronadrimahatmy' ke anusar yah devi shiv ki shakti hain, kyonki use ‘mahamaya harapriya’ ke roop men varnit kiya gaya hai. isi sinh vahini durga ko ‘vahnimati’ ke roop men jana jata hai.[1]

ek any katha ke anusar ek gay is sthan par apana doodh nithar kar chali jati thi. ek din devi ne svapn men ek gvale ko darshan die. sapane men devi se prapt margadarshan ke anusar pratahkal gvala us sthan par gaya aur usane dekha vahan do prastar shilaen vidyaman hain. gvale ne vahan par shraddhapoorvak devi bhagavati ki pooja-archana ki. tabhi se is shaktipith ka gupt rahasy sarvajanik ho gaya aur dunagiri poore himalay kshetr men pooji jane lagi.

devi ki khyati

katyoori rajaon ne dunagiri devi ke avyakt vigrahon ko roopakriti pradan ki. unhonne is mndir men ganesh, shiv evn parvati ke kalatmak bhittichitron ko sthapit kiya. dunagiri devi ki mahima door-door tak phaili huee hai.

  • uttarakhnd ke navavivahit jode yahan mata ka ashirvad lene avashy ate hain.
  • grihasth log apani manokamanaon ki poorti ke lie door-door se yahan ate hain.
  • aisi manyata hai ki sachche man se darshanon ko ane vale shraddhaluon ki kamana mata dunagiri avashy poorn karati hai. manokamana poorn hone ke bad mata ke darabar men chadhaee gee saikadon ghntiyan is bat ka praman hain.
  • bhaktajan dunagiri devi ki pooja ek suhagin devi ke roop men karate hain, isalie choodi, chareoo, sindoor adi shrringar ki vastuen pooja samagri men avashy le jate hain.
  • ashvin navaratron men saptami ki rat ko putr prapti ki kamana se mahilaen dunagiri devi ke prangan men sari rat jalata hua dipak hath men lekar khadi rah kar manauti mangati hain aur manauti poori hone par apane navajat shishu ko lekar mata ke darshan ko ati hain. ashvin navaratr men durgashtami ko yahan bahut bada mela lagata hai.[1]

kaise pahunchen

pahale is shaktipith tak a pana kafi mushkil tha. ab yahan asani se jaya ja sakata hai. almoda aur ranikhet donon sthan sadak marg se sabhi jagahon se jude hue hain. vahan se dvarahat jana hota hai. dvarahat se mngalikhan ke lie jip seva har samay upalabdh rahati hai. mngalikhan se oopar lagabhag ek kilomitar tak sidhiyon ka rasta bana hai. ‘shri dunagiri mndir sudhar samiti’ ki or se yatriyon ke uchit margadarshan hetu ek vyavasthapak ki niyukti ki gee hai.


panne ki pragati avastha
adhar
prarambhik
madhyamik
poornata
shodh

tika tippani aur sndarbh

  1. 1.0 1.1 1.2 dunagiri:ek rahasyamay shaktipith (hindi) phyoochar samachar. abhigaman tithi: 27 sitambar, 2014.

snbndhit lekh

varnamala kramanusar lekh khoj

a   a    i    ee    u    oo    e    ai    o   au    an    k   kh    g    gh    n    ch    chh    j    jh    n    t    th    d   dh    n    t    th    d    dh    n    p    ph    b    bh    m    y    r    l    v    sh    sh    s    h    ksh    tr    gy    ri    ri    aau    shr   aah